栢檔極品海南雞飯

營業中

休息中

今晚去左買外賣，好似好耐無食海南雞飯喎套餐都幾吸引，有湯或餐飲兩餸，兩飯，菜，小食仲有甜品餐廳都好多單，一單接一單，又多人嚟買家庭餐，但等候時間都好快，流轉速度又好高，店員友善又快手1️⃣海南雞飯有雞翼又有雞鎚，件數好多，好岩送飯食，雞肉尚算嫩滑，雞皮位又唔多脂肪2️⃣香煎手刴魚香肉飯咸魚味非常惹味，邊邊脆口位有口感，手刴魚肉好軟身又無骨，非常好食，明明都好多片，都被另一半食晒咁滯，最後分得兩條就知有幾好味3️⃣麻辣豬耳仔好爽口，麻辣香唔搶喉，食唔停口4️⃣郊外油菜如果菜都讚像真度就太誇張5️⃣紅蘿蔔粟米唔知乜乜湯唔似中或同咁浠，好似熱嘅沙冰口感咁，無味精，飽肚 🤤味道🤤： 4/5🏝️環境🏝️：4/5（只供外賣）💵抵食💵：5/5💁🏼服務💁🏼‍♀️：4/5

揀咗個二人套餐，再加多一碗雞油香飯，份量好多，勁豐富，揀咗皇牌冇味精靚湯， 湯好濃稠，係類似薯蓉湯嗰種質感，而且屋企人都話飲得出冇落味精，好多湯渣，好抵飲，有紅蘿蔔，粟米，同埋飲得出個湯有落陳皮去熬，好清甜，因為要二人套餐，再額外叫多個雞油香飯，所以有三碗，雞油香飯軟硬適中，粒粒分明，每一粒飯粒都均勻地沾上了香噴噴的雞油，但又不會過於油膩，特色小食選了麻辣豬耳仔， 分量比想像中多， 口感爽脆， 麻辣惹味香濃， 係個開胃小菜，健康翠綠時菜，生菜新鮮翠綠， 口感爽脆，香煎手剁魚香肉餅， 係個好送飯嘅惹味小菜，肉餅煎到外脆內嫩， 一啖咬落去，口感豐富，肉汁伴隨著鹹魚嘅香味， 送飯一流，輪到主角喇， 極品海南雞， 二人套餐有足半隻分量，隻雞都幾大隻， 分量好多，好夠食，皮薄肉嫩，整盒海南雞啲皮都好薄，又夠爽口，雞肉滑嫰，即使係雞胸部位亦一點也不嚡口，食過好多間嘅海南雞專門店， 呢間真係好高質，而且性價比高， 真係正宗抵食夾大件，呢間嘅海南雞完全冇任何雪藏味， 肉質嫩滑， 調味剛剛好，不會過鹹，即使係外賣， 海南雞飯應配有嘅醬汁一點也不馬虎，醬汁盛載得好好， 而且份量亦都足夠配半隻雞，錦上添花，

🐓栢檔極品去骨海南雞半隻半隻雞份量，無骨雞啖啖肉。雞皮爽滑，雖然連皮食好罪惡，但口感唔肥膩，淡淡油香，令雞味更濃郁。半隻雞每part都好滑，就連雞胸都係，而雞髀位就更加嫩滑。配合甜豉油，薑蓉，泰式甜辣醬，一雞三味。🐽秘方滷燒豬頸肉飯豬頸肉用滷燒令油脂減少，食落香口，做到外脆內軟淋，估唔到豬頸肉都有入口有即溶嘅感覺。🐖 滷水元蹄飯元蹄啖啖肉，滷水令豬皮香軟入味，食落完全沒有油膩感，反而係滿滿嘅彈性，膠原蛋白。豬皮連元蹄肉一齊食，咬落膠質豐富，令元蹄肉更嫩。套餐都配了薑黃油飯，飯質一粒粒清夾，啖啖油香豐富。

香港正宗好味嘅雞開咗好多年，同埋屋企人都好鍾意食健康飲食靚湯，無味精湯同菜❤️二人套餐仲有有雪米糍食柏檔極品海南雞飯飮靚湯，食🐔二人套餐有兩個湯、半隻雞、豬手、菜、小食同兩碗飯係南瓜🎃紅蘿蔔 粟米瘦肉湯濃郁夠鮮甜哇油飯配上無骨雞，佢哋嘅教育真係夠嫩滑最緊要係佢哋嘅皮都好薄，唔會話好多油脂同埋滷水豬手肉夠晒入味麻辣豬耳、麻辣雞腳全部都好入味，同埋我估唔到份量都幾多食雪米糍作為甜品🍮佢嘅醬真係配得齊全好味，夜晚屋企想加送直接買就可以了

星期五晚補完習喺附近買外賣返屋企食，見到呢一間海南雞二人套餐都唔使$200就試下。٩(˃̶͈̀௰˂̶͈́)و🐣二人套餐 $188🐣極品海南雞(半隻)半隻海南雞嘅份量都幾多，雞肉好嫩滑，雞皮脂肪唔多，連雞胸肉都唔會嚡。另外有黑醬油、辣椒醬同薑蒜可以點雞食。😆 🐷豬頸肉 另一個主菜揀咗豬頸肉，豬頸肉大約有十幾件，肉質幾爽口，香口惹味。😛🥬健康翠綠時菜及特色小食食咗咁多肉，係時候食下菜，一盒菜都幾多，加埋蠔油食唔會太清淡。特色小食揀咗豬耳，爽口惹味。😋🍖肉骨茶 +$6肉骨茶好足料，有淡淡藥材味，有兩至三舊排骨，肉質軟嫩，豆卜索晒湯汁，好飲。😆🍚雞油香飯🍨迷你雪米糍 x2

經過呢間#栢檔極品海南雞飯，是專做外賣的海南雞嘅餐廳，見餐牌有我地想食的食物，價錢又親民，於是便外賣回家慢慢食囉☺️。點左2人套餐，已有皇牌無味精靚湯，湯有是粟米🌽，紅蘿蔔🥕，南瓜🎃同埋豬骨，煲得夠晒火侯好多南瓜蓉🤗。另加$10轉細碗肉骨茶，肉骨煲得夠淋，湯藥味好香，飲完個人好舒服😌。無骨海南雞半隻，雞皮爽脆口感，肉質鮮嫩冇骨啖啖肉，配醬汁食很是美味。泰式滷豬手，鹵水調味很好不過咸，炆得好入味，豬皮淋滑，肉質又有咬口，拌飯食很可口啊☺️。健康翠綠的時蔬，跟小食的涼拌爽口豬耳。仲有2粒飯後甜品的迷你雪米糍，很飽飽啦！

油塘麵包店最多，但有質素嘅餐廳就冇乜，不過講到我成家最常幫襯嘅餐廳就係「栢檔極品海南雞飯」。佢位於大本營地下連接地鐵站嗰層，而且其實係主打外賣。我之前最鍾意用外賣App落單買一隻雞返屋企加餸，外賣自取有八折優惠，平過喺嗰度就咁買。不過呢日阿媽直頭乜都冇煮，所以就試吓栢檔嘅二人套餐。二人套餐($188)，套餐內容豐富，定價相宜。佢份量幾多，我認為三個人都夠食。極品海南雞(半隻)，呢度啲雞南雞好出色，一個字形容就係「滑」，雞皮滑，雞肉更滑。雞皮去毛去到乾淨，雖然無啫喱層，但亦無過膩。雞肉無雪藏味，肉身白𠽌𠽌，除咗雞翼，全部去骨，食得方便。隨海南雞奉上嘅三色醬料亦唔錯，口味正宗。如果鍾意醬料，可以叫店員比多幾個。豬頸肉整齊排列，脂肪含量唔高，食落油份適中，但邊位就未算燒至太脆，不過肉質夠軟腍搭救。麻辣鳳爪係套餐嘅特色小食，麻辣惹味，微微辣好開胃。鳳爪無醃到淋晒，反而保持彈性，幾有咬口。雞油香飯色香味俱全，飯呈淺黃色，飯粒軟硬均勻，粒粒分明，滲出啖啖雞油香。油飯裝到滿滿的，比起酒樓白飯還要大碗，男仔食都夠飽。油菜，完整嘅一餐唔少得菜，生菜份量都幾多。個個客都有嗌，後尾直頭賣晒添。細肉骨茶(+$

我記得我初嚐栢檔是係九龍灣的,是很多年前了那段時間成日去九龍灣都會食,平靚正尤其我係海南雞愛好者是晚經過油塘見到佢開左分店試下,都好奈冇食了質素沒有因分店不同而有改變都係好有水準而且價格也幾抵食幾位姨姨負責收銀﹑pack 野都好快手叫左一陣就好快裝晒D 食物俾我地而且都有禮貌栢檔確實係我最愛的海南雞選擇之一不過,呢間油塘分店只有外賣是晚我地買完就返左屋企食叫左2人套餐 $188湯*2 +海南雞半隻 + 主菜3選1 + 時菜 + 小食 + 迷你雪迷糍 + 油飯*2湯可以免費轉做飲品,例如有罐裝檸檬茶等,也可加$10 轉做「細肉骨茶」主菜就有3樣揀,有香煎手剁魚香肉餅﹑元蹄﹑豬頸肉小食就有鳳爪同豬耳➽湯 係南瓜紅蘿蔔粟米湯南瓜煲到溶晒落個湯度所以個湯好香好甜而且口感都有點creamy 我冇記錯九龍灣也是這個湯這個是我幾喜歡的因為幾濃郁，也夠熱➽海南雞半隻雞既溫度係微微溫,量足半隻雞肉真係好滑,好好食雞既油香味都有➽香煎手剁魚香肉餅 返到屋企,溫度係適中雖然不是很熱,但肉餅也不會硬加入了咸魚香,令肉餅送飯好開胃呢個都係不錯可試的一款➽時菜生菜的份量好多滿滿的一份兩個人食不會不夠➽豬耳有點帶辣

Not much Hainan chicken available in the proximity🙂 and this is truly Devine .😇seeing the staff de-bone the chicken skilfully and tactfully 😋 juicy tender Hainanese chicken .🤤gelatine from the knuckle is thick and love the soy sauce, tasted like Taiwan style marination . 😋find that the bak kut teh from Kowloon bay has much stronger herbal flavour and with much.m bone in the soup .😋 mala dishes share the same seasoning and it’s chilled . 😋9/10 prefer the last dine-in experience but this is not ba

呢日約左朋友去佢屋企，又係去嗰位住油塘嘅朋友，所以就跟住佢搵好野食，今次就食呢間叫栢檔極品海南雞飯，係外賣專門店。有二人餐的選擇，亦可散叫或叫客飯，因為想順便買多少少分埋比小朋友食，所以有飯餐都冇點。我地點左半隻海南雞（＄86），散點秘方滷燒豬頸肉（$70）同健康翠綠時菜（＄18），再加兩個白飯（@＄12）。可能因為專做外賣，見啲姐姐都好快手，所以好快已經有得拎。豬頸肉即切的，份量見到比起配飯的份量多一倍，因為咁啱有人點飯餐所以見到。拎到返屋企仲keep到熱，先講下半隻海南雞，雞油好香，肉質非常嫩滑，皮下脂肪不會很多。除左雞翼同搥其他都已經去哂骨。豬頸肉燒得香口，份量果然夠多，而且唔會過肥，本身豬頸肉的醬汁很特別，同平常出邊的唔同，另有一番風味。時菜今日係生菜，很清新，而且很爽口，生菜本身配蠔油，呢度蠔油比夠稀身，唔會太咸，幾好味。白飯份量都很多，分左少少比埋小朋友我都一樣夠食。呢間其實都有幾間分店，不過我都未試過，都幾抵食，所以下次有機會再試下其他餸。

聽個餐廳名都知佢地主打無骨海南雞飯，除咗海南雞，佢地仲有肉骨茶、滷水元蹄飯、香煎手剁魚香肉餅飯、秘方滷燒豬頸肉飯。今次我就梗係試最招牌嘅栢檔極品海南雞飯，另外再叫咗半隻滷水元蹄。海南雞同元蹄都係即叫即斬，全部無骨😛海南雞飯可加錢轉雞髀，個飯份量超大，而且係雞油飯，食落仲有淡淡嘅椰汁香同蒜香味，非常惹味。雞肉肉質好嫩滑，再配埋甜豉油同海南雞醬汁😋滷水元蹄好入味，而且元蹄好軟腍，個皮超滑，滷水汁用嚟送飯一流👍🏽 平時諗唔到食咩，可以去栢檔極品海南雞飯買返個外賣，油塘、九龍灣同荃灣都有分店，平靚正！

呢間餐廳位於油塘好近地鐵站附近既商場內,餐廳係米芝蓮得獎餐廳見到佢入面有好多獎項,呢度食品選擇多,主要以海南雞為主,仲有肉骨茶等等既食物,我地叫左一個二人餐,入面有半隻海南雞,雞肉嫩滑,半隻都真係好抵食,小食有麻辣鳳爪,辣得過引,仲有一份豬手,豬手啖啖肉,而且唔會好肥,肉質好軟淋,仲有一份生菜,配埋2碗雞油飯,飯味香濃,仲有皇牌例湯無加味精既,熱辣辣,同埋加左支無酒精啤酒,啤酒唔會飲醉但又真係有D啤酒味咁,好多人買外賣,飯盒價錢都好抵。

今日係大本型附近做野🙈成日經過個陣都見到有專門食海南雞飯嘅小店🙈咁啱今日同事話想食海南雞飯，晏就時間我就同同事一齊買咗個兩人餐返公司食。我見佢價值都OK同埋都好大份咁🤭🤭二人套餐 $188當中包2碗無味精湯/＋$10肉骨茶/飲品今次我同同事叫咗一碗湯同肉骨茶碗湯好重料，好濃好好飲而肉骨茶就偏苦少少🤨仲有幾舊排骨同埋豆卜而個餐亦都包半隻海南雞雞都係整得比較滑身👍🏻👍🏻而且又唔會好肥或者乾身外賣都會比埋唔同醬料去點👍🏻👍🏻小食我地叫咗煎魚餅同鳳爪鳳爪勁入味！勁好食！極度推薦大家食魚餅都好大份，煎到個皮脆脆地比較重咸魚味，幾特別最後仲有2粒糯米糍🙌🏻係兩人餐黎講都真係唔錯 整體食物質素都唔錯店舖有三位職員工作，大家都好快手，又唔會等好耐！

加班不想煮飯，又不想天天吃2餸飯，今天吃好啲，換個口味食栢檔的二人套餐$188栢檔主打海南雞及肉骨茶，但我最喜歡的是店裏的滷水元蹄。套餐有2碗王牌冇味精靚湯，今天的是南瓜紅蘿蔔粟米湯和肉骨茶，各－碗，南瓜湯又濃又稠，又滑又甜，超喜歡💕肉骨茶充滿馬拉風味，豆卜吸收完湯汁，超好味😋極品海南雞半隻冇骨，雞肉又滑又嫩，配醬汁，回味無窮。滷水元蹄元蹄色澤油潤，入味，元蹄肉香軟滑唔會散，豬皮彈牙不油膩，真的非常出色。健康翡翠時蔬（生菜）套裝不單有肉，蔬菜也照顧到，均衡營養。無骨麻辣鳳爪這個冇骨鳳爪，惹味又冇骨，食得放便又好味😋香油雞飯 x 2油飯夠香又不油膩，米飯立立分明又軟熟，滿滿2大碗，超🈵️足迷你雪米糍最後還有2粒雪米糍，照顧真周到。

最近幫襯左3次，1次買2人套餐（海南雞+元蹄），1次買整隻海南雞，1次係兩個獨立餐（都係海南雞同元蹄），3次都冇失望，海南雞好嫩滑得黎有咬口，皮薄、肥膏唔多，元蹄又淋又入味，豬皮滑而不膩，飯量多（真的有點太多，幸好是外賣在家食，方便留起，否則太浪費），二人餐還送灼生菜和湯，湯竟然有驚喜，夠濃而沒有味精感覺。這個價錢，希望食物水準能保持，值得一試再試！店員態度也不錯，第一次光顧時店員表示openrice pay未用過，說網絡會好慢，但願意嘗試用，之後2次光顧已經很順暢。