東大門 (已結業)

極度失望非常差非常之差，我平時都有係外賣平台買呢間外賣，幾個月前都係正常份量正常味道，今晚呢餐真係大開眼界，收到個餐真係呆左，個份量係比之前少左一半有多!!!!!!!嬲到噴火，立即打電話去間餐廳度問，接電話嘅人已經轉左係幾個南亞人士聽，佢地竟然話繁忙時間有時會咁，超級離譜!!!!!! 再食埋藥所謂嘅五花肉，比香口膠仲要硬，超級乾，嘩份量又少味道又差，我發誓以後唔會再幫襯，出個post唔好再有人受害!!!!

平時都有用開外買平台去叫佢哋嘅嘢食，算係常客。最近一次叫佢哋嘅外賣發現份量少咗好多，唔誇張我覺得少咗四成，不論係餸定係飯。係價錢唔變嘅情況下突然少咁多，其實有少少燥左。希望店家可以重新調整返份量，如果唔係將唔會再幫襯，因為真係食幾下就冇晒，完全唔夠飽。

今日外賣試吓呢間新野，點知叫左泡菜海鮮湯麵，炸豬排湯麵，牛肉飯卷。麵跟兩個小食。係平既，共$141包埋運費。來到打開，我一相情願係韓國公仔麵，點知係粗麵樣，我個泡菜海鮮麵，湯底得個辣字無其他味，海鮮就係幾粒蜆仔同魷魚仔，其他全部係一種菜。之後另一個炸豬排麵，豬扒又燶又乾，個湯底得個喊字，又係個堆菜😞最後唸住穩陣牛肉卷，點知無味，唔知自己食緊咩。非常失望，唔會再食了。其他送菜唔知佢係自己整定岀面買，不過不失都係咁。泡菜超勁辣，菠菜ok, 秀珍菇OK，炒薯仔OK。

今日放假遇上落雨，個人就無乜mood出街同煮野食。之後臨時臨急約左友人上黎快閃lunch，而因為大家都係青衣人，所以都可以揀附近既餐廳買外賣！今次揀左長發街市入面呢間韓國餐廳東大門，因為我地都認為係街市既餐廳佢係最好食！今日我地分別揀左人參雞湯飯$60 同泡菜炒豬肉蓋飯$57 。人參雞湯飯隻雞真係足半隻，所以都幾抵食！雖然同韓國食既味不似，但相信係配合香港人口味而調節！另外跟餐可選兩種配菜，揀了薯仔同菠菜！都係甜甜辣辣幾開胃！而泡菜炒豬肉蓋飯d豬肉比較硬，跟餐配上一個海帶湯都幾好飲！雖然餐廳既食物質素並不能每次保持高水準，但作為屋邨餐廳都可接受了！

星期日在家叫外賣，叫左一個豬肉泡菜飯跟泡菜煎餅。個飯雖然好大盒好夠飽，不過質素就普通啦。但係我一見到個煎餅真係有啲嬲，點解可以每一舊都係燶，但仲可以送出去俾人食？

本來滿心歡喜買韓國菜食當去左韓國，雖然門外唔算好多人， 但兩大間送餐公司熊貓及袋鼠分別有好多車手湧出來取外賣，walk in嘅我足足等了半小時，作為店舖員工嘅你們明知有應接不暇嘅單係咪應該在walk in客人下單之前提示一下需時呢？好讓walk in客人自行決定買與否，請盡快作出改善

個人不嬲覺得韓國食物係劣食，炸雞，部隊鍋...有日經過東大門就試下啦，諗住係街市質素唔高，都係果d韓國紅色辣醬啦...叫左個牛肉雜錦飯，一食落發覺質素比得上高級韓國餐廳，配菜好足料，有甜酸蘿蔔，芽菜，大豆芽，菠菜，白菜，紫菜...而且d配菜好好食，我反而覺得配菜先係主角，牛肉係配角。佢令我對泡菜改觀，原來泡菜都可以好好食！下次會再試其他

上個月食咗幾次韓國菜好掛住牛肋湯但又懶得出街所以嗌戶戶送叫東大門外賣第一次嗌戶戶送即係第一次食東大門估唔到俾咁厚禮我炒粉絲入面送原隻曱甴仲要係長腳大隻佢一定係怕我唔夠蛋白質嘞即刻影左張相同大家開心share想打電話去多謝佢哋點知打咗兩次都冇人聽可能真係生意太興隆啦另外仲嗌咗牛肋骨湯飯味道麻麻 冇乜味咁同之前喺其他韓國餐廳飲到嘅味完全唔同配菜要咗薯仔 泡菜同白蘿蔔全部都一般般正常發揮

每次經過長發都好想食呢間東大門，但成日因為太夜而錯過晒佢地既營業時間🥴佢地既大部分菜式都好有韓國既風味，個人最推薦就係佢地既飯卷，幾款味都試過晒，最好食就係辣豬肉飯卷，$36 左右就有一條，一個人都食唔晒，真係幾抵食。除咗呢樣，佢地既蓋飯都唔錯，個人最喜愛就係佢地既辣魷魚蓋飯，每個蓋飯都仲可以加兩個小食，鐘意食薯仔既大家一定要點！因為甜甜地超級好食😋蓋飯既汁就比較多，而且佢地既辣雖然有甜味，不過都幾辣下，如果唔食得辣就要考慮下先好叫喇