影片
以上資料只供參考, 請與餐廳確認詳情
極度失望非常差非常之差，我平時都有係外賣平台買呢間外賣，幾個月前都係正常份量正常味道，今晚呢餐真係大開眼界，收到個餐真係呆左，個份量係比之前少左一半有多!!!!!!!嬲到噴火，立即打電話去間餐廳度問，接電話嘅人已經轉左係幾個南亞人士聽，佢地竟然話繁忙時間有時會咁，超級離譜!!!!!! 再食埋藥所謂嘅五花肉，比香口膠仲要硬，超級乾，嘩份量又少味道又差，我發誓以後唔會再幫襯，出個post唔好再有人受害!!!!
繼續閱讀
平時都有用開外買平台去叫佢哋嘅嘢食，算係常客。最近一次叫佢哋嘅外賣發現份量少咗好多，唔誇張我覺得少咗四成，不論係餸定係飯。係價錢唔變嘅情況下突然少咁多，其實有少少燥左。希望店家可以重新調整返份量，如果唔係將唔會再幫襯，因為真係食幾下就冇晒，完全唔夠飽。
繼續閱讀
今日外賣試吓呢間新野，點知叫左泡菜海鮮湯麵，炸豬排湯麵，牛肉飯卷。麵跟兩個小食。係平既，共$141包埋運費。來到打開，我一相情願係韓國公仔麵，點知係粗麵樣，我個泡菜海鮮麵，湯底得個辣字無其他味，海鮮就係幾粒蜆仔同魷魚仔，其他全部係一種菜。之後另一個炸豬排麵，豬扒又燶又乾，個湯底得個喊字，又係個堆菜😞最後唸住穩陣牛肉卷，點知無味，唔知自己食緊咩。非常失望，唔會再食了。其他送菜唔知佢係自己整定岀面買，不過不失都係咁。泡菜超勁辣，菠菜ok, 秀珍菇OK，炒薯仔OK。
繼續閱讀
今日放假遇上落雨，個人就無乜mood出街同煮野食。之後臨時臨急約左友人上黎快閃lunch，而因為大家都係青衣人，所以都可以揀附近既餐廳買外賣！今次揀左長發街市入面呢間韓國餐廳東大門，因為我地都認為係街市既餐廳佢係最好食！今日我地分別揀左人參雞湯飯$60 同泡菜炒豬肉蓋飯$57 。人參雞湯飯隻雞真係足半隻，所以都幾抵食！雖然同韓國食既味不似，但相信係配合香港人口味而調節！另外跟餐可選兩種配菜，揀了薯仔同菠菜！都係甜甜辣辣幾開胃！而泡菜炒豬肉蓋飯d豬肉比較硬，跟餐配上一個海帶湯都幾好飲！雖然餐廳既食物質素並不能每次保持高水準，但作為屋邨餐廳都可接受了！
繼續閱讀
星期日在家叫外賣，叫左一個豬肉泡菜飯跟泡菜煎餅。個飯雖然好大盒好夠飽，不過質素就普通啦。但係我一見到個煎餅真係有啲嬲，點解可以每一舊都係燶，但仲可以送出去俾人食？
繼續閱讀