影片
營業時間
星期一至日
11:30 - 00:30
以上資料只供參考, 請與餐廳確認詳情
門口寫11:00開,但次次都成12點、1點先開門,班啊姐鍾意幾點開就幾點開,落order又唔跟單試過幾次d餸完全唔係我order既野,d啊姐重要死口唔認,因開門時間太飄忽已經唔會考慮幫襯!!
繼續閱讀
叫左個四餸河粉，之前第一次去食無加沙嗲汁發覺成碗粉都好淡無味道，今次加番汁吊起哂d味道，成碗粉當堂好食好多。今次四餸叫左尖椒、牛腩、菜心、雞亦。尖椒 - 兩大隻食到頂時開始辣到標汗但係好好味。牛腩 - 偏肥但勝在入味。菜心 - 夠哂淋加左沙嗲汁更覺好味。雞亦 - 普普通通無特別。總括黎講加左沙嗲汁成碗粉加番唔少分數。最後想講講衛生問題，d筷子好似好耐無人用封哂塵但都無人理無人清潔。依個問題要多加注意呀！
繼續閱讀
頭先旺角搭小巴去九龍灣，點知上錯車，去左土瓜灣，點知比我發現左間好有水準嘅車仔麵。試過炸雞脾，咖哩牛腩大腸車仔麵，雞脾非常脆口，而且醃得非常入味，至於碗車仔麵，賣相普通，但係咖哩汁真係掂，夠辣，夠香。碗麵份量比起附近嘅車仔麵檔真係多好多， 牛腩炆得夠，唔似香口膠，豬腸無雪味，最近係價錢亦合理。呢間車仔麵真係食得過。
繼續閱讀
土瓜灣呢個位真係好難做，之前只有譽麵坊係同一個位做左多年做得往，不過譽麵坊搬左之後，不足兩年已易手三次。之前車公車仔麵其實食物都唔錯，可惜我都未寫食評就已經頂唔住。今次又係車仔麵，聲稱總店九龍城，其九龍城店食評好評如潮，所以入去試下！餐紙食物種類都唔少，不過來來去去都係車仔麵賣既貨色，未見太大新意。點左個﹕腩汁﹕唔係好夠，可能比得少，唔係好有腩汁味。幼麵﹕正常車仔麵既幼麵，大路貨！牛腩﹕份量足，但係廚房無完全切開一件件，牛腩變左一條長既肉，兼且蚊得時間唔夠，唔夠淋兼唔夠入味！釀紅腸﹕期望係有魚肉釀左係紅腸到，上黎唔見有釀任何野，以為比錯，問店長，店長研究完之後話圍邊果少少炸物就係，先發現圍邊簿簿我以為係”炸漿”原來係佢地既 “釀”，基本上有釀同無釀都無分別！賣相好一般，可能食過之前車公，賣相份量同味道都比呢間好！其實食客對食物係有期望，如果成本太貴，可以唔做釀，又或者釀賣貴少少！難得店長可以自我摧眠，答我果D少少類似”炸漿”既物體係”釀”，咁無恥既答案都可以答，實在坳都無謂，一笑置之！我走既時候佢話下次會做得好少少，太遲啦，一開始就用藉口為自己開脫…。係咪做好D要等其他食客去體會，因為我就唔會有下次。
繼續閱讀