星群地中海餐廳 (已結業)

結婚週年紀念，諗住去黃金海岸食飯。法國餐廳無位，見呢間環境正正常常，menu 正正常常，咪試下囉，點知中伏，仲要超伏先來個餐湯，個碗都已經夠茶餐廳。又好咸又好甜，好奇怪。點可以咁難飲再來個超咸沙律..難食完全無味的田螺再來海鮮拼盤同燒烤拼盤個帶子算係最正常，青口勁咸，魚無味個燒烤拼盤簡直係白烚再燒兩野，又乾又鞋又難食最正常係個甜品，真係正常，全晚唯一有食的就係個甜品。其餘全部食一啖唔想食$748埋單，2個人好似無食過野咁，連飽肚都唔掂。仲要去市中心食多餐，等緊食都要出post鬧佢，超伏

幾年前嚟過好幾次，嗰時不過不失尋日嚟下午茶，叫左一份西多士，一件tiramisu西多士厚而淡，夠膽講句，從未食過咁難食既西多件cake得個甜字都算喇，飲品點左cappuccino 同mocha 俾錢既時候先知佢計我飲品單點，而食物跟左餐價，所以本來$88一個set, 變左$134一位（咖啡另計$46一杯）佢話餐係唔包呢啲飲品，落單時waiter 冇講，而我係見drink menu普通咖啡同其他咖啡係一樣價錢，所以冇諗過跟餐又唔同，而且我落單時係拎住set tea menu指俾佢睇食邊個餐😡😡😡入座時，我地諗左兩秒想坐室內定室外，waiter勁唔耐煩咁話：「咁你地諗下先啦！」咩態度呀！我從未寫過食評都激起我要寫！Black list forever!

屯門好去處？!每次要去屯門找餐廳必定是想去黃金海岸，而露天對住個海既餐廳選擇不多，只有幾間，呢間係其中一間，本人最喜歡的，個人覺得坐得最舒服,最CHILL一間今次本來諗住過黎睇日落🌞,但天氣不似預期，所以有點失望，不過環境配搭，CHILL感覺侬然不變，所以都是抱住relax 心情，咁放鬆既環境叫杯啤酒是必必須的今次點咗個蕃茄🦐意粉，仲有黑毛豬火腿配哈密瓜(建議如果不肚餓的話,可以一碟一碟叫，如果唔係俾風一吹，會凍得好快 )

老公生日，希望可以稍作休息⋯好好坐低，安安靜靜咁食返一餐幾經波折，終於入到屯門就快10點，好多餐廳都閂左門唯一呢間開得夜少少就揀左佢因為係酒吧而個晚真係無波睇所以人都好少菜式都係以下酒菜為主豬手個皮有啲硬少啲牙力都唔得食到牙鉸軟⋯不過豬手好入味，都值得一讚伴碟薯條俾啲汁/油浸到淋晒⋯唯有揀黎食菠蘿燒得好香，可以解一解油膩感第二碟黎到時我同老公都呆左又有薯條同樣地，係底既薯條都係淋左⋯但漢堡係唔錯既點解第二碟會令我地O咀⋯？因為我地叫左一碟薯條呀！！諗住咁夜唔好食太多澱粉質結果食多左好多！淨薯條OK，比碟邊既薯條香脆仲有我大愛既芝士（如果可以多啲就好！）整體食物真係無驚喜可能都係酒吧睇波飲酒玩飛鏢既人會岩啲加上係平日夜晚更加無咩人黎～環境方面有少少加分可以自由選擇室內/室外而室外係海景，同埋有遊艇⋯可惜10點幾夜麻麻⋯咩景都睇唔到日頭/黃昏黎應該會更物有所值意外有一位親善大使埋單時識得黎「多謝」我地識做！

星期六下午1點幾黎到, 坐係戶外,叫左兩個lunch set,一個羊脾扒,跟薯菜一個雜扒餐,跟意粉有得揀湯或沙律朋友揀雜菜湯, 比較稀.而我嘅沙律唔錯!lunch set 算擇唔多, 如要食牛扒, 只有388 的雪花牛扒揀.另一牛嘅選擇, 是牛脷.我想食牛, 咁所以最終揀左雜扒餐.但雜扒餐質素不太好,有一條白德國腸, 煎雞翼, 一塊有骨豬扒, 一塊好薄好細嘅牛扒.食落豬扒較乾, 牛扒好乾好鞋.味道唔好, 好失望.朋友揀左羊脾扒, 貌相好靚朋友話唔錯幾好味, 只係有某部位, 比較肥膩.每個餐一杯飲品,埋單300幾蚊兩位,不過不失, 要慎選食物!

入到黃金海岸除了行沙灘商場之外，當然唔少得食嘢啦！ 商場细細竟然都有好多餐廳，有中西美食也有好似貴茶餐㕔格餐廳。 不過咁遠入嚟，冇理由食得咁普通又唔特色。 最後搵到間有地中海炭燒食物餐廳，入到餐廳見到部大電視播足球比賽，氣氛正到爆。 餐廳安排厨師站在戶外即場燒，可以見到厨師熟練燒烤手法。 看到紅紅炭火令食物燒至鎖緊肉汁，更散發出令人垂涎炭燒食物香味。原隻燒魷魚，size 大隻，燒完也冇縮水，夠份量。燒菠蘿，看到外型也感到好得，正。啤酒配燒烤食物，當然係最佳配搭，但配這個薄荷賓治，竟然味道意外地夾。

星期日嘅晏晝family's day諗住近近地行過對面黃金商場食lunch本來諗住去新穎食個lunch但係撞正lunch時間都好多人排隊為獨有一間有位嘅係地中海餐廳之前都試過幾次食物都係麻麻而且價錢又貴今次再去試多次睇下有冇改善我哋叫咗兩個lunch set 有沙律同餐湯送雜扒飯同羊扒飯 我覺得佢哋啲肉質比較煙韌需要多啲時間去咬開 只覺得德國香腸比較香口 如果係百幾蚊嘅lunch 咁既食物質素我接受唔到 完全唔值

禮拜六晚兩個人去食 本來係門口見到有個二人套餐 覺得幾吸引 決定入去試. 後尾點菜先知weekend無套餐.睇完一輪餐牌之後, 就叫左一個蟹肉番茄salad(頭盤),白酒煮蜆(頭盤)同埋一個羊架6成熟(主菜), 再加一杯可樂首先上既係salad 用一個cocktail杯裝住 底層係salad菜 中層有d番茄粒 面層係蟹肉碎 然後再加salsa醬. 食落第一啖 幾fresh. salsa微辣 加上番茄同蟹肉 酸酸甜甜 配搭得唔錯. 但係呢個salad價錢為158白酒煮蜆既性價比較高 88蚊一客. 蜆都幾大粒 酒味好香 一擺上台已經聞到好吸引. 同埋重點係 無咩沙或者碎殼最後上菜係羊架 我地叫左6成熟. 一份羊架total有4塊 頭兩塊比較細塊既都有8-9成熟 之後兩塊比較大就大概7-8成 但係大既兩塊就比較'un' 味道唔算特別 收288一份. 反而最好食係伴菜既薯條 每一條都好香脆 但係唔會有油膩既感覺 令人會追住食. 羊架同薯條下面有一塊燒菠蘿 燒烤味唔突出 但係菠蘿都算幾甜.由於餐廳面積比較大 所以會有好多部座地既冷風機 如果風口位對住會好凍 但係吹唔到就會覺得熱.同埋餐廳燈光比較

散叫叫左3樣野大家睇下塊牛排係幾成熟...我叫5成，佢比d 乜野我？ 眾要成$400幾蚊之後隻龍蝦帶子意粉，隻龍蝦都叫ok , 但帶子真係唔得....d 意粉最好食..$差唔多300田螺 不過不失總結：唔信可以試下， 大家樂都好食過佢...

朋友最近搬了去黃金海岸，聽到她説每天看著美景心情十分愉快。 跟她在黃金海岸四處逛，參觀完club house ，就去黃金海岸商場。 她說搬來後每星期也有幾餐在medstars吃，因為價錢不貴，食物款式多，味道又好。入到餐廳全場full house ，好在剛有客埋單，所以好快有位。菜式也有好多款，更可以預訂西班牙燒乳豬。 Lunch set menu 幾好，又湯或沙律丶主菜及飲品，而且更可加配炸軟殼蟹。黑椒脆炸䶢豬手選配意粉皮脆肉嫩又入味，黑椒汁味道調得好，味香但又不會過份辛辣。蜜汁厚切牛舌選配薯茸這個要極力推介，牛舌燜得十分軟綿，入口有鬆化感覺。

今晚準備去喝兩杯，於是我們決定去黃金海岸的Med stars 地中海餐廳吃燒烤，我們點了牛勒條、牛仔骨、燒茄子，還有夏威夷pizza，味道不錯，牛仔骨也很有味，吹吹海風，喝喝啤酒，再咬一口牛排，人生一大快事！

住喺元朗如果想行山近近地，都可以喺屯門何福堂做起點一直行到屯門黃金海岸前後都係1小時30分鐘去到黃金海岸，當然要搵個舒服嘅地方飲下啤酒，relax 吓😊其實餐廳唔係好多如果想舒服啲對住過海嘆啤酒依間真係比較舒服👍🏻一來座位同座位之間比較寬闊第二空間感比其他餐廳大好多如果環境來說，真係冇得彈😍真係好似去左外國咁！望住啲遊艇，好休閒咁樣坐喺度！唔好期望食物好好食🤣價錢都可以接受叫咗個set lunch食物味道一般三文魚扒對我來說實在太生了😵同埋啲嘢都唔夠熱😓所以食咗好少好少...所以食「環境」已經ok 唔會要求太多囉😊

希臘沙律除了feta cheese同olive之外，根本就是個平平無奇的青菜沙律，沒有salad dressing連油都冇一滴；牛油果三文魚他他，期望很高，但味道並沒有好吃的感覺，牛油果一點也沒牛油果味，牛油果和三文魚間有些熟的魚還有骨碎；南瓜帶子意大利飯，一入口，醬汁不是預期香甜的南瓜味，味道奇怪，意大利飯的口感不是al dente ，比較像米粒內裡未熟但外圍爆花的感覺，帶子丁丁點海鮮應有的鮮味沒有連咸味都沒有，除了質感嫩滑外，整粒帶子是沒有味道但是保留了濃郁的雪藏味，我真不知道個廚師點樣可以煮到咁厲害，整粒帶子是完完全全沒有味道但是保留了濃郁的雪藏味，最後risotto上面個兩條露筍，晃如新鮮採摘般爽脆帶濃郁草青味，點解成碟risotto除左隻碟之外由頭到尾我都可以咁細緻地踩，因為真係好。難。食。佢嘅價錢有95%都係用黎食view，裝潢老土，menu大大隻中文字土豪味濃，餐廳叫地中海餐廳，但menu食物除了是西餐外還有楊州炒飯星州炒米乾炒牛河(笑話嗎)，本來係below average等級嘅食物，計埋個價錢，只能用terrible形容。P.S.同間餐廳並無仇，只因很難吃。

放假諗住係黃金海岸食西餐lunch輕鬆下，點知食到.......首先，店內得兩個傳菜既店員，想點餐已經好難，要叫幾分鐘。第二，餐牌上寫住燒法國野雞仔。食物上到枱變左係炸雞！上到枱覺得奇怪，於是問店員。店員說係半煎炸仲話要唔會拎多次個餐牌你睇多次.......好無奈。其實炸都算，如果炸得好食。不過炸到柴皮咁乾。真係好難食！意粉不但碎而且少。另外仲叫左慢煮三文魚。魚太薄。食落似煎.........並唔係餐牌上所講嘅慢煮......而且個汁似沙律醬<整體尼講好差，明明叫意粉既變左做飯份量過少！煮法根本唔係餐牌上所寫嘅煮法！呢一樣真係太差。如果餐牌係炸嘅話，我就唔會入去食了。以後唔會再去。>

In Hong Kong it’s really difficult to find one restaurant very bad test like that, wanna to eat bbq suddenly, in the beginning saw the menus with bbq, we were so exciting to go inside but after the food came, all of them over 50% was burned to dark color, you know why? The really is they put the food to top of charcoal directly without any gills 🤮 the bbq corn was no test with strange bbq sauce, they might think it could be better test.... 香港嚟講真係好難找到一間咁難食既餐廳，bbq唔係直接放d食物上d炭度焼吖嘛⋯⋯d粟米無味之餘仲要加d怪味燒汁上去