旺泰特食

營業中

休息中

去過西貢都知道這間店比較出名，很多時候玩水後都會去這間。今日簡簡單單點了海南雞飯，剛開始只上了一碟飯，並沒有配上湯。係其他地方海南雞飯配湯不是定律嗎？雖然今次雞肉比較柴，但雞油飯都算香。不過水準大不如前了，有點失望而回

每次黎西貢，經過哩間店鋪都永遠排大隊，永遠緣慳一面，今次經過可能時間尚早，五點半鐘時間，排一陣就有位了。價錢方面比九龍城泰國街相對經濟得多，而且味道唔錯，食左當去左泰國，份量方面都算合理正常，唔會份量細。最驚喜位都係沙嗲串，泰式生菜包。沙嗲串最好味莫過於汁。泰式生菜包，辣得黎惹味。整體味道都唔錯，值得再食。

唔知點解每一次嚟西貢都會情不自禁咁樣走入呢一間泰國菜餐廳。可能係因為熱情嘅姐姐加上充滿泰式風味嘅窄巷。泰國姐姐見到你攞住好多嘢背俾櫈你放，好有人情味。就算要排隊都一定會返嚟食。一半係炸雞，一半係海南雞。海南雞嘅部份做得比較出色，有好香嘅雞油味而且雞肉非常香滑。另外一邊嘅炸雞都炸得好香脆，但係就冇海南雞咁香滑。呢個泰式肉碎炒飯比想像中辣，超級有鑊氣，泰國風味十足！呢個燒頸肉非常香脆，份量幾大，必試！

每次黎西貢都好想食嘅泰國餐廳不過而家冇堂食所以就買外賣解下思鄉情😂😂串燒沙嗲醬味道濃郁，肉質不會太粗糙，食落不會感到柴口，反而還能保留肉汁。雞肉醃得好入味，雞肉嫩滑多汁！🥰🥰🥰生蝦大大隻啖啖肉，非常爽口，夠新鮮！😜😜因為如果生蝦唔夠新鮮啲肉係霉！夠新鮮可以放膽食！菠蘿炒飯，菠蘿好甜，有提子乾肉鬆撈埋飯食甘香可口粒粒分明！味道酸酸甜甜，成日都會唔覺意食咗好多，因為酸酸地好開胃，我覺得呢一個係必食嘅👍🏻👍🏻

西貢嘅泰國餐廳都幾出名，好多行山或者去完船P嘅人都會喺呢度食泰國餐廳晚餐，特別係喺呢一間，往往會見到好多人排隊。疫情嘅關係，我去到嘅時候五點左右，唔係太多人排隊，不過呢都客滿全場。入咗兩三張枱之後就到我啦，等咗一陣。總括嚟講，今次食嘅嘢食我覺得質素一般，而且可能太多人嘅關係，落單等等都有些少混亂。特別係所叫嘅嘢食，同心目中有落差，濕炒河太水，鹹魚炒芥蘭，芥蘭好似唔係炒咁，冇鹹香嘅味道。我好相信係趕住收工嘅關係，又或者太多人嘅關係，希望佢快啲改善一下，加油！

wakesurf之後要補充體力，好多人都會選擇嚟到西貢市中心嘅呢一條窄巷搵食，今次試到依間泰國菜都非常不錯，海南雞夠嫩滑、仲帶少少「骨膠原啫喱」、飯量亦都非常足夠，兩個人share都不成問題，而最特別嘅在於佢附上嘅醬汁，唔同一般喺第二啲餐廳食海南雞嘅時候會有嘅蔥油、甜豉油，依到嘅醬汁係喺出邊食唔到嘅風味，令海南雞同埋成碟飯變得好惹味。另外嗌咗豬頸肉，餐廳都處理得唔錯，咬落有脆口嘅感覺，又係大大份非常抵食。唯一要挑剔嘅就係因為餐廳係窄巷之內，進食嘅時候都係喺露天位置，如果夏天嚟嘅話可能就會熱少少啦～

去過西貢咁多次其實係第一次食泰國菜一行人行到路中心search左一陣就決定走入黎呢間最多人的最好食 係燒肉類串燒燒得好juicy同入味沙嗲汁有粒粒花生豬頸肉的邊都燒得岩岩好真係好香好惹味菜類最推薦咸肉炒椰菜苗咸肉燒得好脆口椰菜苗唔會苦 好脆口好食青咖喱本身味道好食伴薄餅 伴飯 伴麵食麵好襯但係雞肉真係無味同太乾係很可惜的地方澱粉類泰式炒粉絲同粉金邊粉都好食麵質乾身又好入味柚子沙津超不推薦因為實在太苦澀了柚子質素頗為參差比較中規中矩的三道菜色

西貢區地道泰國菜老店，位於街市內巷，老闆娘係泰國人，係西貢區正宗泰國菜必然之選食品方面 :招牌海南雞蝦餅飯 : 海南雞滑嫩，蝦餅香脆鮮味，加埋清甜的冬瓜湯，豐富的午餐濕炒海鮮河粉 : 海鮮份量多，鮮蝦大隻鮮甜，加上濕炒河粉，口感滑溜

🍪 【#西貢】旺泰特食 Sawaddee Thailand💥西貢食街最旺場 泰國人主理大排檔 💥.🍪旺泰特食一間喺福民路(食街)，一間喺親民街。以前萬年街都有一間，懷念細個同屋企人去食麵包咖哩雞！✧2 branches: one on Fuk Man Road, another on Chan Man Street. Can’t help feeling nostalgic whenever I recall visiting the Man Nin Street branch(business ended) with my family years ago! 🍪食街呢間最旺，星期六日5:45pm開始就有人龍，大家玩完水就嚟食飯喇✧The queue appears at 5:45pm during holidays. Come ahead to line up! 🍪有室內同戶外位，室內涼同靜啲✧Indoor dining area is cooler and quieter ~~~~~~~~~~~~~~~~~~~~~~~~~~~~~~🍽正宗馳名海南雞 (半隻) $118（5/5）Th

星期日同朋友揸車去西貢食好西一開始完全吾知要食咩之後朋友決定食泰國野我係第一次幫襯雖然店面吾係行高級路線 但食物質素一啲都吾差價錢方面，係西貢來講都算親民總體來講吾錯

每次去西貢玩水，4點幾就要去排隊沖涼，6點前要去到旺泰就可以順利入座。呢度有種泰國排檔嘅風味，長期滿座。玩完水當然要飲個椰青，等緊上菜已經暑氣全消。每人先食三串串燒。我最鍾意食燒全翼，雞肉好嫩滑。燒雞腎如果外層可以脆少少就更加好食。沙嗲汁唔辣，少少甜味好開胃。泰式炒金邊粉份量唔大，但係好足料，餸菜仲多過粉。醬汁酸酸甜甜，撈埋我最鍾意食嘅芽菜就更加清爽。豬肉生菜包又鮮又辣，香料十足，好適合夏天食，又係愈食愈有胃口。但係對我黎講太辣喇，只可以食一兩塊。

味道一級！二人大食歺，叫左燒黑鰂魚，夠大條！蒜蓉炒椰菜苗，好好味，唔糸好多地方有得食，椰青，淸甜，生蝦刺身好新鮮，海南雞飯冇得輸，青木瓜生律，個汁好好味！最後再叫左一串牛一串雞嘅沙嗲串燒，完美的結局！比較似乎泰國地道食物，特別糸環境！

一連幾日假期香港多處旅遊區淪陷，西貢當然唔例外，今晚想食泰國菜，所以無懼千軍萬馬都要嚟到，落單前職員都有提醒外賣最少等半小時以上，不過最後足足等咗一個鐘先拎到 🥲 呢間泰國菜以西貢呢啲遊客區嚟講定價都算合理，加上勝在就腳，味道唔錯，所以每日都keep住好多客人。叫咗炸蝦餅、串燒、馬拉盞炒芥蘭、菠蘿炒飯、泰式金邊粉，埋單都只係 $292 蚊，重要係西貢呢啲旅遊區就食到非常超值。炸蝦餅 ($68) : 好似縮咗水，依稀記得之前都無咁細嚿，不過味道依舊都係咁香脆可口。馬拉盞炒芥蘭 ($63) : 每次堂食泰國菜都必定會叫，因為夠獲氣又惹味，不過外賣同堂食始終係差少少，今次外賣嫌佢水多咗少少，所以味道淡咗啲。菠蘿炒飯 ($58) : 非常抵食之選，配料應該都同其他餐廳差不多都係果啲肉鬆、提子乾、雜豆粒咁上下，但有啲地方叫呢個都要 $70 至 $90 蚊，但呢度只係 $58 蚊就食到，而且味道重唔差，經濟飽肚之選。👍🏻泰式炒金邊粉 ($68) : 金邊粉份量幾多，而且落足料打爆哂成盒 (密質質既感覺)，金邊粉炒得唔太濕亦唔太乾 👍🏻 味道甜甜酸酸相當醒胃，食果時再加啲青檸汁更滋味。

ᵀʰᶤˢ ᶤˢ ᵃ ᵐᶤˡˡᶤᵒᶰ-ᵈᵒˡˡᵃʳ ᵠᵘᵉˢᵗᶤᵒᶰ 🙋‍♂️.唔知點解由細到大去到西貢咁多次，我竟然係可以一次泰國菜都無食過☺️今日終於忍唔住揀左間睇來好受歡迎既餐廳食，食完上網查一查先知原來間野係16-17年拎過米芝蓮推介，ok咁就要認真講下我係度食野既感受。.首先，泰式拼盤($168)係真心好味，唔係求其係斬幾樣現成野翻來拼埋一碟就話係拼盤🤯拼盤裡面有春卷、魚糕、蝦餅同沙嗲雞肉串～春卷就咁睇圖都知好足料，夾住粉絲、雲耳同肉碎，一食落去我馬上覺得自己成為左李思捷☺️魚糕本身混合左好多香料，好濃味同辣辣地👍.至於蝦餅同沙嗲雞肉串正常發揮啦，但不得不提既係，我地之後額外加點既特色泰東北酸醃腩肉腸（$15/串）就真係必點了，首先依種腸一定唔會係出面食到☺️，重口味人士必愛，肥瘦比例適中得來帶油脂感，酸酸鹹鹹咁勁開胃，就算唔入餐廳食就咁嗌外賣都抵🥴.我愛大肉腸呀呀呀呀呀🥴.至於個Pad Thai ($63) ... Um我無落filter都已經係咁既色😑第一眼睇真係有少少嚇親。然後一食落口，覺得個粉同堆蝦既調味都有d淡，而且整體來講d料唔算多🤕同九龍城既泰金國有大對比😫可惜同行友人唔

🥥ℐ𝓉’𝓈 𝒶𝓁𝓌𝒶𝓎𝓈 𝓃𝒾𝒸ℯ 𝓉ℴ 𝓈ℯℯ 𝒻𝒶𝓂𝒾𝓁𝒾𝒶𝓇 𝒻𝒶𝒸ℯ𝓈......第一次去呢間泰國餐廳已經係6年前，然後每次同唔同嘅朋友喺西貢食泰國菜嘅話，大家都會諗到去呢到。餐廳位於巷仔內，舖內嘅店員全部都係泰國人，喺呢到食嘢有種去咗泰國旅行嘅感覺。食物雖然冇好精緻嘅賣相，但每樣都好好食，唯一不足係今次食唔到個蔗蝦。另外，呢到個串燒幾好食，只係老娘早一日先食完串燒所以唔想再食先冇嗌。...店員好搞笑，係咁叫我嗌埋個椰青，話好大好甜好正嫁，見佢咁落力所以叫埋，好彩佢冇呃我。