新記車仔麵 (已結業) 查看

每次嚟銅鑼灣都必食嘅車仔麵呀最愛食三餸配油麵仲要係好甜嘅豬紅同大腸呀因為我唔食辣嘅不過佢嘅完美啲餸都係好夠夠甜嘅都係有味嘅 喺銅鑼灣又真係有一個好平嘅嘢食嘅 好耐冇去銅鑼灣呀真係好掛住車仔麵呀

十幾年前，同D同學嚟過食，所以知道呢度有間食車仔麵的店舖，果時登龍街未有好似而家咁旺，不過以前裝修係點，已經忘記晒係咩樣喇，今次再嚟，我揀咗3餸米粉，又係點我成日點嘅豬皮、魚蛋，加菜+可樂，盛惠50元，吾算平......不過好味都是值得嘅……魚蛋夠香咖喱味，少少辣，魚蛋質地好食過通達，豬皮辣辣地，好入味，好食，其實我吾食得太辣，要清湯，但配合左D辣豬皮同咖喱魚蛋，有少少辣好惹味 ，少辣我接受到……呢度都係tick紙仔，交比店員，服務ok……

今天晚上2020年6月16日19：30左右，在銅鑼灣登龍街49號B舖地下新記車仔麵，我和女兒各叫了一碗車仔麵，我叫3款餸，淨餸，嗰女侍應寫得不大清楚，似30又似36,我問過女侍應，佢話3款餸30元，咁我不以為意，我大女叫了65元一碗車仔麵，後來我地食完後再加2款餸唐生菜和魚蛋20元，個侍應寫在貴的單上，後又再加牛孖筋10元，又是寫在貴的單上（65＋20＋10＝95），埋單時本來就是30＋95＝125,怎知侍應生話有最低消費，30元嗰張單最少要收36元最低消費，如果是這樣的話，為何我加2次餸，妳不寫在30元的單上，而專登寫在貴的單上，夾硬局30元嗰張單唔符合最低消費，我唔知情，俾500元找數，佢找番369元俾我，夾硬收多我6元，其實我應該付125,而不是131元，佢唔找正確的數給我，我諗過報案，但好浪費時間又勞氣，唯有俾佢呃一次，以後唔再幫襯！！！

This is my favorite comfort food in Hong Kong. The intense flavor of the marinated chicken wings and beef tendons can make me happy in the most depressed day. The hot sauce is not really that hot and you will get used to it after a few try. If you are a new bie to their hot sauce, go easy on it and ask for the “small hot”. My favorite items:Chicken wings mid sectionTurnipChivesSpicy pork skinCurry fish ballsBeef tendonsBeef brisket soup base (any of the three soup base are good, just depend on m

呢個真係我嘅comfort food新記車仔麵位於登龍街不嬲都有好多人排隊有時經過都會食下因為佢呢度嘅辣汁真係好滋味有幾款餸我特別鍾意辣豬紅🐷用滷水汁煮咗好耐入面有美味嘅辣味，話梅味，滷水味而且十分之爽口唔會一咬就碎晒白蘿蔔呢度嘅白蘿蔔應該係我食過嘅車仔麵入面最甜而且佢會將外面嘅皮批左好多所以你食落去都唔會有好多渣滷水雞翼🐥滷水得十分之入味而且雞肉亦都保持嫩滑不過份量真係唔多大食嘅人可能要加底先夠

【三餸車仔麵🍜】HKD40-車仔麵🍜味道係ok，可惜細碗到呢，幾啖就食完，加多個餸都要$10，真係唔抵食啦，唔值得encore🤔 有更多更好嘅選擇！呢間最出名就係滷水，緊係要食滷水雞翼啦，好入味，仲好淋身，一咬就撕曬啲肉落黎😍 薄身豬肉好似紙咁薄完全無口感。辣豬紅唔夠煙靭，味道一般無特別👋🏻

同朋友行完街，諗食乜好，相隔咗好耐，都冇食嘢車仔，於是今晚再食，味道依舊，三餸40元，片頭（3塊）生腸（有點騷味）、豬紅（正，夠入味）配幼麵（腩汁）但份量少，碗就大（睇相吧）。同行朋友點咗同樣三餸：魚蛋（淋身個只）、豬皮、牛腩配河粉，河粉多少少🤏兩人都加了支樽裝可樂！飲埋剛剛好晚餐來講，唔飽。雖然現在物價什麼都高，至少麵嘅份量應該多少少，午餐可能還可以接受，食完好似冇乜飽嘅感覺咁就不值啦！下次應該會有改善吧！

出開銅鑼灣整野，一個人諗唔到食咩，突然諗起附近有間傳統車仔麵，一支公衝去食。太多野都想食，叫了四餸一麵，一上枱賣相已經覺得好味。腩肉 – 好香, 肥瘦剛剛好, 厚厚地有口感豬大腸 – 超香, 炆得又冧炆冬菇 – 好入味白菜仔 – 沾左牛腩湯底, 食落好甜, 但得4-5條, 菜來講唔夠大方, 覺得以前份量好好多。總括來講, 味道達標, 滿足到想食車仔麵的慾望, 但份量偏少, 女仔啱啱好, 男人可能要加底。餐廳係茶餐廳格局，人多時要搭枱，但值得一讚的係調味料盤及餐具好乾淨，唔會有油淋淋的跡象 👍🏻👍🏻

• 新記車仔麵🍜 •💵Price: $40 (三餸一麵)🍴Food: 4/5❣️-四十蚊係銅鑼灣食個lunch又係一個抵食之選喇！新記最正係個豬血，又辣又甜，不過佢既質素好一時時，有時會無味，有時又好食，但我每次都仍然會比機會佢🤨 個湯我會揀辣汁加滷汁，咁就夠哂濃味又辣辣地好惹味，諗起都流口水🤤

前幾日同男朋友黎食完個日無乜胃口，試唔真，今日咁岩黎銅鑼灣番工，唔知食乜，決定試多一次！上次去係堂食，鋪面比較細，要搭枱，落左單大概10分鐘就有野食。上次試左油麵少辣，豬腸（好味）秘制腩肉（好普通）魷魚🦑（ok la)

放工後去銅鑼灣搵朋友攞野，講開想食車仔麵，佢就推介我去登龍街新記。7點幾去到，鋪頭入面坐滿八成人，感覺良好👍🏻坐底後快快手揀餸，今次揀左米粉，豬腸，牛肚，牛筋，墨魚卷，腩汁少辣。豬腸👍🏻洗得乾淨，滷得入味😋牛筋👍🏻本人鍾意食淋質地牛筋，呢間全部岩我口味，夠淋夠味。冇得輸😋😋牛肚👍🏻係牛草肚，見到都覺得夠味。食落真係正，下次要叫兩份😋😋墨魚卷👌🏻都好食，但可以切厚少少就更好。而個辣湯都正，夠香。朋友果然冇介紹錯，新記車仔麵平靚正💕

本局長是晚於銅鑼灣進修完畢後，轉入登龍街訪尋美食，尋得此車仔麵檔，遂長軀直入。店內面積不大，可容納數桌客人，本局長搭檯後點下豬紅大腸八爪魚粗麵少辣。頃之，小二端來食物，本局長雖未致嚇得魂飛魄散，卻也是出乎意料：想不到食物份量如此之少，雖則本局長近來減肥，但如此份量又確實頗為不足。說回食物本身，質素正常，麵汁不油膩，大腸豬紅冇臭味。總括而言，此車仔麵檔食物正常，份量較少，適合減肥人士食用，如本局長肚滿腸肥則僅夠攝牙罅而已。

同朋友睇完戲，去左新記食d野，叫左豬紅，大腸，雞翼粉絲（$40），味道還可，不過分量較少，碗大餸唔多，如果夜晚唔太餓，當宵夜都ok, 反而店鋪門口賣既咖喱魚蛋，比麵食更好。

下午四點，有點口閒， 突然間想起可以去登龍街吉串魚蛋。這間店舖是專做車仔麵的，平時店舖未開門已排長龍，應該是旅遊書有介紹，所以有很多旅客排隊。我點了一串魚蛋 和牛柏葉，因為出面下雨，所以店員'姐姐讓我可以坐下來吃。最精彩的部分其實是秘製的辣汁，有指天椒，薑蓉…… 是超辣的，立即將魚蛋和牛柏葉的味道提升了幾倍🤩🤩🤩🤩

放工同女朋友去銅鑼灣搵野食，想食得平平地，就黎左呢間車仔麵。放工時段，呢度都幾多人下，如果唔係啱啱好有位，我哋都要等一陣先入得。豬皮、生腸、大腸 + 河粉👉🏾呢碗車仔麵嘅重點係佢個湯底，食得出係極之地道，好濃郁嘅嘅車仔麵味，👉🏾雖然食材都係內臟，但感覺都算乾淨👉🏾味道唔錯，呢個價錢極之合理腐乳通菜👉🏾份量足夠，而且腐乳味濃郁，好味總括來講，銅鑼灣食肆來講呢間新記算係非常之平，如果你想慳錢，新記係你嘅首選！