朋友生日飯，book 咗呢間試吓，菜式很普通，有好幾個餸用同一種菜搭配，感覺食嚟食去都係同一款。除咗個蜆之外（係食過朋友推荐）其他真係普通，但價錢偏貴。而且老闆娘只顧住舊客，對新客態度一般。加上朋友生日飯，生日蛋糕存放，食時已經開始溶（係忌廉蛋糕嚟嘅），懷疑雪櫃不是冷藏食品的。切餅費收咗，刀碟都唔俾，叫先拎，仲要掛住同其他客人聊天，忘記咗，要再三提醒。等咗差唔多十五分鐘。整體來講，應該唔會去第二次了

同朋友放工食飯，疫情期間限定個半鐘食飯時間，好正常。我18:14分先入座，朋友約18:32分到，期間聽到幾個侍應企埋一齊講，2個人食，坐咗好耐都未點餐（短頭髮個個男仔頭）。我當聽唔到，反正個半鐘一定走人就係！出餸快，啲嘢食0k嘅，約19:38侍應見我哋停低刀叉，即時行埋嚟收嘢，係無任何提示下喺你身後直接取走，趕你走，驚你唔敢走咁樣。服務態度真係極極極品差呀。其實可以講聲收餐碟囉，最基本嘅都做唔到！

行過見到未食過嘅麵店，套餐算抵食嘅。不過扎邊個個阿姐好似唔多理人，態度差。第一次唔知點咗雜河，佢一句話我哋冇雜河，跟住轉身走開😮‍💨。咩態度呀。另外一個短頭髮嘅姐姐就好好多啦。食個麵唔需要有咩專業態度，但基本禮貌應該有呱。

同朋友行完街，諗食乜好，相隔咗好耐，都冇食嘢車仔，於是今晚再食，味道依舊，三餸40元，片頭（3塊）生腸（有點騷味）、豬紅（正，夠入味）配幼麵（腩汁）但份量少，碗就大（睇相吧）。 同行朋友點咗同樣三餸：魚蛋（淋身個只）、豬皮、牛腩配河粉，河粉多少少🤏兩人都加了支樽裝可樂！ 飲埋剛剛好晚餐來講，唔飽。雖然現在物價什麼都高，至少麵嘅份量應該多少少，午餐可能還可以接受，食完好似冇乜飽嘅感覺咁就不值啦！下次應該會有改善吧！

人多又晤想等，記得提前book咗位，店舖細細地，但味道、服務是超正的，朋友無介紹錯。當晚食咗好多嘢，食完有D唔記得咗名🙈，品種多，味道好香、正。大可選擇自己喜歡的試試，一定不會失望🤨😬必試推薦：蝦多士、海鮮🦞。哥仔手腳好快，又全程留意客人的需要，有問有答又搞笑😆🥳。其實好唔好食，睇下相已經知道啦，大家不妨試試。

星期六行街，周圍都多人，晚飯時間更加不用說。之前坐車經過多次見「九龍餐室」都想試試，今次一於決定食佢啦。 四個人點四個餐🍝🍜🍲🍛 缺點：牛柳比圖片顯示的不符之外，但味道買相都不錯。環境寬敞，唯近廚房範圍，地面較濕要小心點。無穿制服，可能是老闆，態度有點差。 優點：出菜很快，賣相也吸引，味道是不錯的。waiter叔叔-高高的瘦瘦地，很有禮貌，值得一👍🏻！ 1）鐵板牛柳，130元，價格略貴，份量較少，與圖片有點出入。這個是較為失望的。但羅宋湯好喝。飲料需加錢。 2）招牌焗豬扒飯，一定要試，份量足，味道不錯 3）常餐-沙爹牛肉麵（配多士，奄列，飲料加3元） 4）咖哩🐷扒飯（咖哩幾香，略微有點甜）

今日和家人一起去茶木晚餐，對上一次已經幾個月前，茶木依舊值得一去再去。個日是冬至，人不算多，很快可入座。環境舒服，店員都很有禮貌，其中一個哥哥十分搞笑，我認得佢已經做很久了，送餐又送笑話。 我哋五個人一人一個，分別點左2個布朗肉燥飯、1個豬扒肉燥飯（有肉燥的關係，油好似多左一DD），2碗牛肉麵（麵量較少，小朋友食完都覺唔夠）1份酥炸雞🍗（好脆），1個燜豬手（偏甜），2杯黑糖珍珠奶茶（味道好，珍珠好彈）

第一次買左三杯：綠茶益力多（不錯）、黑糖珍珠（不錯）、奶霸（一般）。 第二次飲昵間，今次試「珍珠奶茶」，珍珠較硬，茶偏甜，奶重蓋過茶味。（凍飲要收膠袋費5毫紙）是否濫收徵費呢？

趁著家人生日，又食放題，食來食去還是覺得極上比較喜歡。我們訂了5:30-7:30優惠時段。但今次令人失望。 優點：款式和平時的一樣，食物品種多，飲料櫃也很多選擇，出菜很快。雪糕較差，味道不佳，無咗雪糕機。 缺點：員工Yan/Money態度很差，基本上傳遞食物上枱，會無嗱嗱係你後面傳入，如果熱的東西，人哋又唔知你會係後面拎食物入嚟，起碼都講聲：小心！睇後！叫拎牙簽，掟落枱面就走人。最不滿意是未夠時間就已經提早半小時執枱，陸續將你的碗筷撤走。好似趕你走咁。難道是現在的風格嗎？ 希望維持原有的員工態度

隔左大半年再嚟大喜屋放題，價格便左，但質素差左很多。首先漏單太多，上餐速度尚算快，食物種類少左選擇，服務員的態度頗有差別。整個流程見到比較混亂以前有序好多，可能經營模式，團隊也改變了。相比同等級的放題差很多。