新記腸粉大皇 (已結業)

自細開始已經好鐘意食腸粉，每次陪家人飲茶都例牌叫腸粉，但我覺得最好食都係係大陸果d大排檔食果d，自己嗌料然後即整。 今日行過西九龍中心附近，見到有間專食腸粉既舖，心思思拖埋朋友走去試。係門口見到個呀叔即場整腸粉，心中抱有期望。內進後~叫左個叉燒腸。腸粉外表十分滑，食得出係用米漿蒸出來的，口感黏黏的，唔會太稀亦唔會太"傑"。薄薄的外皮包住叉燒，叉燒冇雪藏味，肥瘦適中，而且十分足料，唯味道一般，而且唔太熱。一碟三條，好過一般酒樓果d。

初一，通常都是普天同慶的日子。每年我都非常期待可以像台灣人般排隊等下買夜市的食物，去年在朗豪坊的街道，二百幾蚊食到非常開心。今年，非常期待下，諗住初一晚去大吃一番。點知十點幾已經有消息話有警察同本土民主前線團體對峙，我同幾個朋友為左食，唔怕危險都去探個究竟。大概，我們沒有想過，初一會以流血收場，我尋晚去完還以為只是普通對峙，點知又開槍又胡椒噴霧又磚頭，仲要玩到朝早。唉，我們都是為食的一份子，想食野點解要人人都受傷呢?畢竟，這是普天同慶的日子。幸好，執筆的這一刻聽新聞話旺角仲有都幾開心，大家襯機會再去食啦。一齊回顧下尋晚魚蛋革命時見到啲野食，然後今晚把握機會去食啦。街邊檔又點少得經典的炸魚蛋呢？一年好難先見一次，雖然呢檔不是最好的味道，但還是要感受一下這個真本土美味。臭豆腐係核心成員，點少得佢呢？不過呢檔唔算太臭，這裡也當然沒有太子那檔之好，但想食起碼有呢個選擇。從前舊戲院門口的燒魷魚又點少得。還有去年已經有的燒蠔，今年繼續有，而且還大排長龍。秘製醬汁燒魷魚，一份三十蚊，都幾平幾好食。炸大腸，呢檔真係好食，大腸唔係好肥，炸到金黃色，睇到都流口水，加上甜辣醬，任你調味。還有串燒檔，有用傳統

從桂林夜市到砵蘭夜市，「新記腸粉大皇」終於捱出頭來。2015年，在深水埗開設實體店了！恭喜恭喜！ 店鋪不算難找，就在西九龍中心的對面。店面有老闆在示範磨米漿，引來不少途人圍觀（包括我）。內進後就點了豬膶拼叉燒腸、蘭香排骨飯及豆漿。 豬膶拼叉燒腸 $30，腸粉真的很滑很滑，用料上盛，吃得出是靚料黃沙腸。腸粉入口一刻，是有一份說不出的感動。連沾腸粉的醬油都吃得出是特別調的。唯一不滿就是價錢貴了些，因為已經不是在掃街，沒了節日氣氛的氛圍，人會變得理性。蘭香排骨飯就略失水準，飯已經蒸爛了。排骨沒什麼肉位，感覺自己在“損”骨一樣。還是，好好專注做腸粉吧！豬膶拼叉燒腸。蘭香排骨飯。磨米漿。店名：新記腸粉大皇地址：深水埗汝州街299號地舖

這晚下班後到處覓食，見到這間自稱「腸粉大皇」，不期然腳步自動走進去，因自小是個腸粉迷。一心想吃腸粉，但坐下後，發現有鴨腿湯飯，想起有一段日子沒有吃過，便想來一個，想吃便吃，點了鴨腿湯飯，還有油菜送。鴨腿湯飯，飯用砵頭另上，蒸得不錯，鴨腿湯一碗，有冬瓜和芫茜，湯中有鴨頸及鴨身的較位，但沒有鴨腿，鴨肉已煮腍，有單薄的陳皮味，質素普通。烚菜心，一般。其實已吃飽，心思思想吃腸粉，點了碟齋腸，也是用砵頭盛著來，甜豉油是另上的。。淋上甜豉油，腸粉夠滑，但過腍。

剛啱從這店吃完回來，發覺食味真的不錯，故此儘管吃評的數目是堆積如山，但也忍不住讓這裡先打個尖，先寫寫小弟吃後的感受....聽說老闆當年是在桂林街夜市擺檔賣腸粉的，而且還有相當高的人氣。所以一場來到，若不點一碟布拉腸粉又怎能對得起自己 ?看上去賣相頗對勁的，腸粉皮在燈光照映下閃閃發亮。先將醬油淋下後吃，皮帶少許彈性毫不黏筷而厚薄度也很合我心水，醬油味道是微甜而不鹹亦沒想像中杰身....要了豬潤作材料。蒸出來時剛好熟中心還略帶微紅的，但可惜豬潤本身的品質不是太高，咬落未夠爽之餘亦滲著淡淡的苦味來....吃至此時，年青侍者忽然端來一碗湯，原來是免費奉送的。呷來沒師傅味很清甜，湯內雖儘屬下欄嘢如菜乾以及鴨頸 (因店內有一味鴨腿湯飯供應，看來這是將用剩的頸放進例湯內取味)但卻總比猛下味精來得令人舒服....腸粉說老實位水平雖未至於稱皇但也著實不差，但令我更為驚訝的是，這兒的蒸飯是做得更有水準....這砵所謂的"蘭香排骨飯"查實即是我們平常常吃的豉汁排骨。先看其賣相就知不錯了 ---- 飯粒頗挺身飽滿又分明，咬入口不硬實不軟淰剛啱好；豉汁調味相當濃厚，豆豉粒、青蔥粒及紅椒下得重手因而變得很惹味 (

系FB見到深水埗有間石磨米漿腸粉去完鴨寮街買電子野就行過去試下裝修幾特別!實木既懷舊風格枱凳幾特別，用瓦盆上菜叫左碟豬潤燒鴨腸味道一般個人感覺米漿太過濃無左腸粉應有果種軟滑既口感單合併$25，雙併$30，見到仲有燒烤不過19:30L~2:00AM先有……，甜豉油距會用個瓦碗仔另上(吾夠甜好杰……)下次食腸粉都系去番新x記食算！

久聞農曆年間桂林街夜市好玩非常,車仔美食讓區內區外居民在這小街雲集,其中一家林昌記魚蛋已嚐試過,今次到另一夜市人龍美食--布拉腸粉新記。當年舊舊公司的年夜飯通常席設香城大酒樓,年夜飯前同事們在酒樓竹戰之時,月巴小妹總會自行跑到鴨寮街公廁前的車仔檔吃布拉腸粉,什麼是平靚正腸粉就在此處。事隔數十載,我仍希望能夠找回那些年的深水埗布拉腸粉的美味。腸粉大皇門前有個大石磨,還有一卷水喉備用,莫非店家真的會用它來磨米漿??傳統米漿腸粉比袋裝腸粉粉的質素好吃很多的哦。可能深水埗實在太多美食,週末中午時段的新記還有很多位置,不用像另一家腸粉名店般坐得迫迫又或是要在後巷立食。像古代客棧的木桌子及板凳,坐得雖然不算舒服,不過又蠻有特色唷。身為名符其實的腸粉怪,餐牌中多款腸粉也想嚐試,最有趣是有雙併及三併配搭,問過店員哥哥是啥東西?原來就是一盤腸粉裡選兩款或三款餡料一同蒸製,這些多元化的組合實在是本月雙子星的首選。點菜後左看右看,笑容有點像驃叔叔的老闆肖像後的玻璃窗就是拉腸粉位置,只因隱約看到師傅在玻璃後拉腸粉的功架。腸粉大皇以農家菜瓦砵作碟子再配一小砵豉油,造型比碟子有趣;盛豉油的小砵用來做砵仔糕更為正宗

我地覺得依間腸粉好好食喎.好滑,隻粉又真係好香,我唔識個Ｄ係咪就係佢地講既米味啦。話說前一晚食左第二間點心,感覺又真係唔同喎,依間係好食點即叫即整,不過等得都唔耐,冷氣足,中午2個人來,淨叫腸粉都好好態度叉燒腸.新鮮出爐時真係好熱,燙口架.好滑,加埋豉油好味~感覺真係會再返來食.大大舊,食落口好滿足.淨腸-好香滑,食落都好滿足架.不過感覺叉燒腸再香點唔知係咪加左糯米?淨係食腸粉都有點飽肚架..不過座位係一條好窄的長木,坐底時好驚個人向後倒我覺得好食過以前桂林街邊個時,明明個時係睇住佢整架,可能係鋪頭個厚度質量造得更好.

有一種腸粉，將蛋、豬肉、菜一起放到櫃內蒸，成為廣州蛋腸粉，十分惹味。這種味道在香港不復見。為了重拾這味道，最近在到處尋覓腸粉。圖中這個是莞茜蛋腸，味道跟所想要的不相似。這個用腸粉皮包裹着蛋和莞茜，沒有豬肉，但傳統米漿腸粉非常滑溜，晶瑩剔透，配以甜甜的豉油，也不錯。旁邊那炒米，不好吃。米粉和紅蘿蔔絲、菜絲的比例是一比一，蘿蔔絲的草青味強，沒有調味，也沒有其他配菜，十分清淡。

Read so much about this restaurant from Open Rice, heard about their freshly grind 鮮磨 rice noodle dim sum腸粉.  I have never noticed this place before, even though I pass by it more than once a week.. They have set menu which is a choice of congee and a rice noodle dimsum for $37, but it is only good for weekdays.  So the 2 of us ordered a shrimp and pork liver rice noodle, a chicken and pork bone congee.  We have tasted these dishes all over HK, and for heavens sake, these 4 items were practicall

經過深水埗，想平食一餐，聽過「新記腸粉大皇」嘅名號，想知好味嘅腸粉到底有幾好味。星期日下午入到去得兩台客，位任坐。. .鮮蝦腸粉 ($24) / 叉燒腸粉 ($23)腸粉皮真係好滑，食到米香，有4大條。唯一可惜嘅係蝦仲有蝦腸，我叫腸粉啫….你唔使真係俾埋條「蝦腸」我呀ma……. 這是本人不能接受的致命傷。所以，呢度嘅鮮蝦腸粉冇下次。.叉燒味道則一般，叉燒同蝦嘅份量都唔算多。完全係外層即叫即整的粉皮救了全家！.窩蛋牛肉飯 ($35)男友想食。牛肉好明顯俾鬆肉粉招乎過，冇乜牛肉味，牛唔似牛咁。千祈唔好叫。..蕃薯粥 ($15)$15嚟講算大碗，因說穿了都只是蕃薯。非常”杰”身，唔知點解食落口好似有一層嘢槳住咁。.------------------------------.就今次所叫的而言，只有腸粉食得過 (但唔係鮮蝦腸粉)。.

見雜誌介紹黎開附近就試下，舖仔唔大乾淨企理，但十一點幾人流唔多~~叫左豬骨粥+腸粉餐$37, 豬骨粥好咸好味精，食完好口渴，火鴨絲腸粉就非常唔錯，即叫即整，皮唔算薄但尚算滑，亦有米香，配上另上既豉油好夾~~

看雜誌介紹，今天到深水埗，特意一試，2個人點了梅菜蒸鲩魚，鮮蝦腸，侍應亞姐說蒸魚要大約20分鐘。蝦腸先來，不是很薄的那種，都算滑，最精彩是充滿米香，感覺像在吃白飯，利害。甚麽配料都沒所謂，腸粉才是主角。真的大約20分鐘，飯來了，梅菜洗得乾淨，亦清甜，好味。鲩魚吃落很滑，是即蒸的，但蒸久了一點，總括來說都是腸粉最出色。見有人點了粥，好像不錯，下以再來試試。

之前朋友介紹深水埗新開了一間食腸粉既專門店而食物質素非常高便走去試試。去到見倒也有雜誌推薦。今天試了鮮蝦腸粉, 蒸牛肉蛋餅飯和豆漿。鮮蝦腸粉 - 蝦很新鮮, 腸粉皮沒晶瑩剔透，但很驚喜，入口卻很有米香味， 而且很滑很滑。再加上即叫即蒸，上碟時還有蒸氣，熱騰騰的， 超好味。 必試。 職員稱老闆日日早上使用大米用人手磨製米醬而成。蒸牛肉蛋餅飯，飯是蒸製的。不太硬也不太軟。好食。豆漿是自家製的。有豆味。總體而言，食材新鮮美味 ，食物質素真的非常高，一定再來。