敏華冰廳

營業中

休息中

the freshly baked Egg tarts were really good, there's the egg white tart or the normal egg tart, both are so delicious,  Especially if you like those soft crust kind (instead of biscuit kind).  I like the egg tarts freshly baked every 30 mins and they had an announcement in the resto, it's so cute!Order egg tarts through waitress, not the QR code. All other food and drinks are ordered through the QR code and pay after eating.for the  milk tea is was alright, I ordered condensed milk aside the mi

不論早餐或午餐味度係幾好👍🏻👍🏻👍🏻👍🏻價錢合理公道👍🏻👍🏻👍🏻👍🏻👍🏻👍🏻👍🏻👍🏻份量都好多👍🏻👍🏻👍🏻👍🏻但服務就👎🏻👎🏻👎🏻👎🏻👎🏻👎🏻👎🏻👎🏻

🍴餐廳：敏華冰廳📍地址：屯門湖翠路168-236號海趣坊1樓S64號舖🔹濃香雞湯火腿通粉$48.00Ham Macaroni with Chicken Soup通粉、雙腸、歐式軟多士Double Sausages and Butter Toast (熱)香濃咖啡 (Hot)Coffee)平時茶餐廳火腿通粉好多時都係味精湯或者好淡嘅湯，呢個真係食到有雞湯味仲有好濃，鍾意。🔹潮式沙茶牛肉公仔麵 $53.00Sa Cha Beef Noodles 炒蛋牛油厚多士Scrambled Egg with Butter Toast羅宋湯 Borsch湯底好濃牛肉又淋好食，公仔麵嘅面質好好食，唯一係覺得嗰塊麵包唔好食，太硬🔹惹味五香肉丁公仔麵 $53.00Spiced Pork Cubes Noodles炒滑蛋歐式軟多士 with Scrambled Egg and Butter Toast 羅宋湯 Borsch呢度如果唔想飲嘢飲嘅話，可以加三蚊轉羅宋湯非常唔錯，羅宋湯好多料，好多餸，抵飲，不過就油咗啲，好多油整體嚟講我都覺得好高分，一定會返轉頭，不過如果嗰塊多士可以畀人揀轉其他嘢會比較好。

今日放假又無約朋友，一個人係屯門碼頭海濱公園跑步。跑完後，我又係醫肚的時候，行到海翠坊，見到敏華冰室有好多人等位，唔想等位，就叫咗個外賣返屋企食，我揀咗黯然銷魂飯跟一杯熱檸蜜，共$68。敏華嘅义燒雖然較深色，但勝在醃得夠入味，义燒係用新鮮梅頭豬肉製成的，肥瘦適中，厚切又夠淋，有4至5件。還有2隻半生熟雞蛋，煎得好香，米飯夠乾身又有咬口。篤穿蛋黃汁加埋祕製豉油，用嚟撈飯，十分好味。我最喜歡飲熱檸蜜，酸酸甜甜，鍾意佢夠滋潤。

今天來到位於屯門湖翠路168-236號海趣坊1樓64號舖的敏華冰室， 我一早下便用手機apps 下單了一個招牌菜文華暗然銷魂飯， 黯然銷魂飯本質就是叉燒煎蛋飯， 即在叉燒飯上加上兩隻荷包蛋。 叉燒件件厚切，一咬下去已食出蜜汁味，加上啖啖肉汁。再把未熟的蛋黃和白飯 撈混，一口叉燒，一口混了蛋黃的白飯，熱辣辣的放入口中 ，不但有蛋黃香味， 還有蜜汁叉燒味 ，非常好吃。 最後order了一杯熱咖啡 ，咖啡味香濃 ，而且幼滑。大家不要錯過敏華餐廳的黯然銷魂飯啊。

至愛的早餐，為一天開始添上了推動力😃敏華餐廳餐牌的選擇雖然不多， 但是以茶餐廳來說 ，他的食物質素可說是不錯，感受到他們用心製作。 即使簡單的食物，也感受到熱辣辣上枱，每款食物味道都颇不錯，只是覺得價錢稍微貴了點。餐廳除了出名的黯然銷魂飯外，我食過每塊义燒也是厚切，一口咬下去，肉汁豐富，有蜜糖甜味，真是有水準。 不過，今早我order了沙茶牛肉公仔麵， 炒滑蛋及歐式多士。我特別欣賞的是公仔麵的質感幼滑爽口，也是彈牙的。另外我亦欣賞他的牛乳炒蛋，很香牛乳味。對我來說食物上枱時仍然能熱辣辣，會令我把那間餐廳加分，敏华就是這樣的餐廳了👍👍

茶餐就是要選擇多，價錢合理，速度要快，就合哂客人心意。今次第一次去了敏華，地方大，又有海景，人流唔算多，望吓行吓輕鬆吓。 職員都有禮貌，行動力強，近廚位也沒有太大炸炒味道。 飲品選了齋啡，一試佢哋作品如何，眼見濃郁，香味一般，比較甘口，幸好沒有酸味，不然要扣分了。 已等了25分鐘，人唔多都咁，有一點攪笑，好似唔識做咁，好似我選錯了……。＜冰火黯然銷魂三文治＞看見一人教兩人製，嘩嘩嘩……早知奶醬多就算啦…＜冰火黯然銷魂三文治＞味道正常，但已扣分了。 仲忘了給單，只能說算了罷。由4分變1分了。

先小人 後君子服務好一般禮貌始終喺今時今日嘅香港服務業係好緊要！始終佢嘅價錢係比一般冰室冰廳茶餐廳貴希望日後可以改善下講返佢嘅嘢飲份量都大杯飲忌廉鮮奶佢會將忌廉同鮮奶兩支分開呈上咖喱雞扒飯 塊雞都幾大塊都算幾乾淨同埋整場

呢間敏華起初都覺得佢ok地點方便 裝修又唔差今日去食早餐🥣叫左個肉丁米粉 炒蛋飲凍杏霜另加一份奶醬多先尼一杯凍杏霜真係太甜 超甜 希望可以換一杯竟然有說話聽 。。。最後有換嘅。。。奶醬多十分鐘到飲品飲哂 奶醬多食哂肉丁米催左兩次 40分鐘。。。

媽媽揀咗呢間想食黯然銷魂飯$68+咖啡食法好簡單將流心嘅蛋黃捅穿 將頭抽豉油 同金鳳香米混為一體簡直係滋味無窮叉燒絕對係冇得輸 現場即製 厚切焦香叉燒 半肥瘦正！潮州沙嗲牛肉米粉 厚牛油多士 配火腿炒蛋$55真係勁足料 又做大晒鬼食唔晒…麵包係好軟熟嘅 炒蛋一如既往咁嫩滑

以為集團餐廳服務有質素，千祈唔好去⋯去過3次3次也是差劣！第一次班經理和樓面一起快快樂樂慶祝生日唔理客人！叫你自己掃QR code落單。第二、三次去又係態度惡劣叫你自己掃code落單!(睇嚟唔識就係罪！）最後佢只有死死地氣落單⋯⋯叫拿杯水，又冇！個個低住頭，什麼也看不到！早餐得個三幾款，唔知有咩好食⋯⋯去3次也見到有客發脾氣叫落單😂也絲毫不改善！要客人去遷就你這個掃code落單！又冇禮貌又冇服務！

剛入屯門市廣場敏華，入咗去坐低無人理，舉手叫人落單無人理，出聲叫人落單，有個白色衫話自己掃描落單唔係就要等。之後有伙計行過我張枱但掂行掂過，又係無人理你，於是起身走人😡。去幫襯對面牛奶冰室，未入到門口已經有人行出嚟熱情招呼。咁做生意係咪想執?

早餐要排隊，諗住唔差得去邊，炒蛋多士勁好食，做得非常出色，但是令我同友人決定以後唔食敏華原因，係因為佢個沙爹牛面竟然係甜既，枱上又冇辣椒油溝淡下，就算加辣了，但係好甜，每一啖都甜的即食面，真係畸形，想點呀？另外，熱奶茶份量少得可憐，個杯勁厚感覺太差，茶好貴定奶好貴呢？咁小家的一杯奶茶感覺超唔好，大大方方俾正常size唔得？問可唔可以加錢要大奶茶都唔得。情願去百x百，性價比比敏華高，起碼個面正常係咸的

今次同朋友食飯叫左蔥油豬扒煎雙蛋飯，凍飲加$3 （包括可樂🥤）因為去食既時間係平日5點幾，所以餐廳冇咩人，上菜速度都幾快👍🏻豬扒超級大塊，亦都唔會太薄，煎得好香，而且豬扒本身唔會太過肥，所以食落啖啖肉😋肉質食得出唔係落咗鬆肉粉，但又醃到好腍，好好食🤤加埋啲蔥油喺上面，真係好邪惡🙈有少少可惜嘅係如果上面隻煎雙蛋係太陽蛋就更加好🥲整體黎講，個豬扒飯份量好多，又幾好食，一個人都唔係好食得曬，個價錢都正常，下次會再黎食👍🏻

晨咁早入左黎屯門，一個唔熟悉嘅地方，眼見熟悉嘅餐廳，都係揀敏華啦時間11:25 都諗緊會唔會無早餐，心裏最想食早餐+鮮奶，已經咁晏所以都期望不大原來都仲有嘅，叫咗個忌廉雞湯火腿通粉，轉煎熟蛋及歐式軟多士～ 唔使5分鐘已經即刻有煎熟蛋同埋多士，同埋最意外嘅係呢個鐘數竟然仲有鮮奶，+$3就可以轉啦支裝奶，it’s my luck講番野食，今次我覺得佢個煎熟蛋真係比較油，落得實在太多油啦入口嘅時候油淋淋，呢個位希望有改善啦！歐式toast ,面頭烤到金黃色的，咬落都好香脆，仲有陣陣牛油香～ 個人真唔落佢配既butter la ，加塊蛋上去已經好perfect 至於忌廉雞湯火腿通粉，上菜時仲好熱辣辣，而且亦都唔會有好重嘅味精味，湯嘅濃度啱啱好，通粉亦都適中唔會好林，同埋佢都有幾多火腿㗎個比例上大約係四比一😍個鮮奶簡直係靈魂，都不用多說了，支裝鮮奶，口感係非常之滑，最重要嘅係好平就加到😍😍