愛文芒粉推介 見到宣傳夏日期間限定有我最愛的愛文芒系列，正到呀！ 四款愛文芒甜品點了兩款，仲夏光芒蜜糖吐司和愛文芒果烏龍冰茶，再加一份銅鑼灣分店限定的起司丹麥吐司。 愛文芒蜜糖吐司賣相跟圖片的一樣靚，芒果非常香甜，吐司盒中原來仲藏有忌廉鮮果，好足料。另外，芝士加吉士配上丹麥吐司，甜中帶鹹的，好好味！ 不得不特別推介愛文芒烏龍冰茶，超出我預期地好飲，男朋友都大讚呢杯茶配吐司一流！夏日炎炎，都可以有一個甜蜜蜜的七月真好～ 男士恩物，食得飽嘅打卡餐廳😆😆😆

星期二來到萬發，諗住會人少少，估唔到都仲要等一等位，今次與前同事放工後聚一聚，啤啤佢。 聽講話呢度晚黑椒薯仔牛柳粒好好味，今次係必試既，加多個椒鹽鮮尤，再黎2支嘉士伯順滑啤酒。 黑椒薯仔牛柳粒先上，牛柳粒一入口果然係精彩，好林好入味，食牛當然係有牛味，薯仔就係炸過，佔上類似蜜糖汁，係外皮有部分比較硬，算可以接受的。 椒鹽鮮魷，入口食得出都係新鮮材料黎，輕炸，脆粉夠薄，炸蒜蓉細細粒又香口，入面唔會太乾，魷魚仲有汁，有功夫。

520又係慶祝嘅日子，出街食完飯之後買返個蛋糕最完美嘅作結～ 近排發現啲蛋糕店多咗好多不同類型嘅小蛋糕，人少少就最啱兩個人都可以食到。 見到呢個新出嘅蛋糕膠原蜜糖檸檬乳酪蛋糕，面頭嘅啫喱以honey comb 作為裝飾，睇落好似好啱打卡咁，另外佢真係改咗個好名，見倒膠原係女仔都會想買，加上個顏色好清新，買返去試吓 食落有少少乳酸嘅味道好似益力多咁，同時亦都有散發着淡淡的檸檬香氣，個啫喱就冇乜味道，純粹係個外型幾特別，中間嗰層係厚厚嘅乳酪慕絲，再配埋最底層嘅白朱古力黑朱古力脆脆咬落去脆卜卜咁～ 值得一讚嘅係佢面頭嘅嗰個橙色嘅水果，我唔係好知係咩嚟，識落好酸好酸好酸，就+中和左蛋糕嘅嗰少少流流地嘅感覺 我覺得overall個感覺都幾好 係個啫喱如果可以有少少蜜糖味就更加好啦

入到嚟愉景灣搵嘢食，發現咗一間食卡巴嘅餐廳，好耐冇食過卡吧喇今次可以試一試，入到去侍應生熱情招呼，一行四人，我就點了一個雞肉加羊肉卡巴 仲有一杯Stella啤酒，等咗冇幾耐新鮮熱辣嘅卡巴卷送上嚟，食卡巴最緊要係落醬汁，白色，橙色，綠色，缺一不可！ 白色似沙律醬味，綠色青瓜醬，橙色係辣醬。 撕開卡巴卷錫紙，已經感受到熱力滲出來，充滿咗香味羊肉雞肉嘅組合一啲都唔蘇，而且仲有啲香脆既感覺，餅皮軟熟，但要注意落橙色醬汁時候要適量，因為橙色係辣味，食唔到辣就唔好放太多了。

間中都會經過太子呢間山城小麵，感覺都幾特別，由於唔係食得好辣既重慶嘢，我今次選擇試吓清湯山城牛肉麵，一上菜，賣相非常唔錯，先是一口清湯，芫荽味係我最愛，好清新，入邊大約有7至8件牛肉粒，粒粒大小差唔多，肥瘦均秤，正好一口一粒，牛肉本身有調味，食到最後湯有些少鹹，可以改善一下。總體來講水準之上。

晨咁早入左黎屯門，一個唔熟悉嘅地方，眼見熟悉嘅餐廳，都係揀敏華啦 時間11:25 都諗緊會唔會無早餐，心裏最想食早餐+鮮奶，已經咁晏所以都期望不大 原來都仲有嘅，叫咗個忌廉雞湯火腿通粉，轉煎熟蛋及歐式軟多士～ 唔使5分鐘已經即刻有煎熟蛋同埋多士，同埋最意外嘅係呢個鐘數竟然仲有鮮奶，+$3就可以轉啦支裝奶，it’s my luck 講番野食，今次我覺得佢個煎熟蛋真係比較油，落得實在太多油啦入口嘅時候油淋淋，呢個位希望有改善啦！ 歐式toast ,面頭烤到金黃色的，咬落都好香脆，仲有陣陣牛油香～ 個人真唔落佢配既butter la ，加塊蛋上去已經好perfect 至於忌廉雞湯火腿通粉，上菜時仲好熱辣辣，而且亦都唔會有好重嘅味精味，湯嘅濃度啱啱好，通粉亦都適中唔會好林，同埋佢都有幾多火腿㗎個比例上大約係四比一😍 個鮮奶簡直係靈魂，都不用多說了，支裝鮮奶，口感係非常之滑，最重要嘅係好平就加到😍😍

自從要戴口罩之後，出街食小食，或者飲茶飲嘅次數都大大咁減少，因為大家都唔想除口罩，所以呢每一次都會係揀最鍾意嘅茶飲店先會買啦 加上成日飲珍珠奶茶其實都真係幾鬼肥，之後比我發現咗原來佢有一杯鮮橙綠茶，有幾好飲個喎，好似果汁咁而大有陣陣嘅綠茶香味，是我最鍾意嘅都係叫小冰,味道啱啱好，去呢一杯就冇得特別去調至微甜，可能本身其實都唔使特別去落糖嘅關係！ 鮮橙汁嘅比例同綠茶啱啱好，會同時飲到兩款嘅味道，大家下次都可以試吓，同埋都幾清新，我都係比較鍾意啲解渴嘅飲品 同埋我見到佢啲茶葉價錢都平平哋，買咗呢一個茉莉花茶去試吓，下次再報告俾大家知啦

Lunch time 叫左碟雞扒飯，隻雞扒超大塊，好似個手掌咁，食落都幾多汁，而且冇雪藏嘅味道，如果女仔的話同朋友share就啱啱好，雞扒配上番茄汁，相當開胃～ 另外再叫咗個炸薯條，呢個就不過不失冇乜太大驚喜，而個問題就係唔係等得太耐😂，如果速度上可以快少少咁就好好多～

都好耐冇食到一風堂，離遠見佢好似做緊優惠就行去睇，點知原來係買四送一，而我得兩個人，下次叫多兩個朋友一齊嚟先 叫咗個赤丸新味，點知店落錯咗單佢就咁叫咗個赤丸，我仲以為隻碗變咗色，原來係禮錯咗，食咗先知道 新美嘅口感會辣啲，呢一個就普通少少，我覺得會油膩啲啲 面上面會有4塊嘅叉燒，數量都可以，雖然係薄切而個口感係唔錯嘅～面嘅質感我揀咗適中，而今次見面我覺得好似偏硬咗少少 唔知係咪太耐冇黎嘅關係呢，好似有少少唔同左 另外小食方面好想佢出返個炒野菜，我最愛嘅炒野菜而家已經冇咗啦，得返好少小食可以選擇

勞動節假期，一早起身食個早餐，本身諗住排壽司郎，你知已經超級多人，都唔知要搞到幾時，落到黎下面見到呢一間泉成茶餐廳，食咗個早餐先 叫咗一碗鮮奶麥皮，店員都好好呀因為佢有兩款選擇一款牛奶麥皮，令一款係鮮奶麥皮，好詳細咁同我解釋咗牛奶麥皮就係用粉去沖，鮮奶就真係用奶 鮮奶麥皮口感就比較甜一啲，同埋滑d,在配搭埋個奶茶完美～ 如果佢係有得搭埋個三萬字就更加好啦，杯奶茶值得一讚，因為茶味都幾出，遲咗少少影相得返咁少添 始終係舊式茶餐廳，難免啲用具會比較舊一啲，如果佢可以更換下啲茶杯就好啦，因為眼望都有少少崩角 另外就係店員嘅包嘅時候，未有帶手套就直接掂落個包度，同時有做收錢嘅角色，呢樣野就真係要改善下啦