招記甜品 (已結業)

今日同朋友荃灣食完飯後，口痕痕，去左揾糖水食，因為之前未見過黎間，就試下。我叫左最大路的蕃薯糖水。可惜，蕃薯太硬，放太多薑了，唔太好食，唔知係咪太早去，佢未煮夠啲蕃薯。不過女友叫的金莎朱古力雪糕佢話幾好食。我諗都可以再試吧

跟男友食完晚餐,口癢癢想食糖水... 盲中中咁入左呢間糖水店....好, 叫左紅豆沙($12)同埋芒果腸粉($15)甜品好快黎到... 首先就係「紅豆沙」, 點解我要括住紅豆沙, 因為女待應事實上拎既係 「綠豆沙」, 臨放上台佢重話: 「d 紅豆沙沉左低,食之前要攪勻佢....」加上佢既語氣好肯定, 搞到我同男友都唔知好唔好信佢.... 之後食左幾啖都分唔出紅定係綠, 因為一來碗野超級唔新鮮~~~~ 二來冇豆味, 三來係雪櫃放左好耐, 沉晒低, 顏色不紅不綠,但最後我地認為佢唔係紅豆沙。加上那妙齡女待應實在太戰鬥格, 無論佢既衣著,談吐, 舉止都是兇巴巴的, 在下不敢叫佢換過碗糖水~另外就係芒果腸粉, 同樣地係雪櫃放左好耐, 但味道還可以, 但考慮到那碗不紅不綠的糖水+ 戰鬥格女待應 我不得不給佢一個哭~R.I.P

甜品總是女生既愛又恨的食品..當然我都不例外吧怕肥..但餐後仍然要食..是女生最矛盾的地方吧?!食完小火腿奄列後便到招記一試..小店真的很小..只可坐10人左右但給予我的感覺不是逼..而是一種簡約的感覺..令人很舒服服務仍很好..老闆會與食客推介特別的甜品..當中有笑容仍有禮我們點了士多啤梨腸粉&金莎雪糕士多啤梨腸粉口感特別..士多啤梨仍很甜而金莎雪糕則令評級有點下降..因為實在太甜..濃濃的巧克力令小小的一球雪糕很膩頭一啖感覺可接受..但之後兩三啖後實在不得不停手一球小小的雪糕我們兩人都食不下去..下次還是點回士多啤梨腸粉或試一下小食

今晚同Honey路經此處, 一看見甜品舖, 便跑進去, 我們分別點了海帶綠豆沙和雪耳木瓜。兩碗榶水都好足料, 綠豆沙有海帶清香; 木瓜甜味啱啱好, 而且糖水帶一點點薑味呢!

叫左個冰糖炖木瓜個木瓜好似煲左一陣就拎返上黎咁...炖的話木瓜應較軟身的....而且得幾粒木瓜同d 糖水我食完果幾粒木瓜之後好似食糖咁...--不過個楊枝甘露都ok ...好多西米露--佢店面好細..最多坐到10個人..應該都係比人叫下外賣算掛..

前幾日同幾個三五知己食完飯..諗住去食糖水啦..咁見到附近好似有間新開既糖水鋪就去試啦..一開頭就有個妹妹仔招呼我地..一坐低冇幾耐就有個男人就黎sell我地喇..佢介紹左幾樣新野比我地..首先係個特飲..用左益力多..利賓納整出黎既沙冰..感覺酸酸地..可以令人開胃..同埋夏天食一定好正..因為夠凍..之後我班朋友嗌左幾碗糖水..佢地有幾個都讚d糖水唔錯..之後同班朋友傾左陣計..個男人又再sell我地其他野..佢話佢地d小食好掂..起初我就覺得係d小食咁巴閉啦..咁就點左個炸燒賣同雞腎試下..試左又真係幾好唔錯..因為夠新鮮熱辣..即叫即整..同埋佢地好細心..會考慮到客人需要..最後5人都係百幾蚊..二百蚊都唔洗..都算抵..

無無聊同女友走去荃灣吃糖水, 試一間叫"招記", 裡面坐位比較窄, 之后改坐出面. 老板叫我們試一杯"特飲(酸酸地)"同埋咩"香芋(最好食就係營餐片, 超翠)", 超好飲!!! 之后佢再介紹咩"芒果腸粉", 講明唔好食唔收錢.....都幾好食(老板幾好人, 一次過比我哋食埋士多啤利味添). 員工又Nice喎, 有問必答, 自己唔識都揾人答妳, 頗專業....價錢都合理.....有空再去!!

本人經常同女朋友到荃灣食完飯後就會去路德圍一間小樽既糖水舖食糖水既~但係越食越難食所以就行過小小去左一間叫招記甜品既地方試la~呢間野入面好迫所以我地選擇坐出面~坐地後有個好好服務態度既人過黎介紹佢地呢到有咩特別野食~佢d態度一流ar~香港旅遊業靠呢d~好講返食先~佢介紹左個芒果腸粉比我地我一聽嚇左一跳好驚唔好食~~就叫佢黎試下~一試之下原來真係好食~價錢又唔係貴物超所值~跟住佢又介紹另一樣野~叫做<招牌特飲>喎出到黎我好奇地問點解飲品唔係杯上我以為黎錯野跟住佢話呢個係特式所以用左碗上個賣相好得~飲落去酸酸味味好正好解渴~到我女朋友佢介紹左杯台式飲品比我女朋友叫做<北海道雪香>今次呢個係用杯上ga~面頭有d麥片既野~飲落好重香芋味中意飲香芋既朋友實鐘意ar~我地坐到好夜~又口痕想食d野見到餐牌有兩隻小食吸引到我~炸燒賣炸雞翼~叫左之後等好耐原來係即叫即炸~好夠新鮮~佢地有辣有唔辣而我好鐘意食辣叫左辣~佢個燒賣炸得好夠脆~唔錯~雞翼好香佢地自己搵師父葉過先拎落去炸所以好香~食落有d辣~好味ar~我地就係食左咁多野~埋單計數就100蚊有找只雖90蚊ja~都抵

同一街上有三間糖水店，上次試了小樽，而友記價錢又不便宜，權宜之下選了招記。這間的食客都不少，我倆坐在門外空地，總比在室內寬敞一些。凍芝麻糊($14)︰看到別人的似乎不錯，就點來試試。一吃就不得了，很明顯是用粉開的啦﹗而且還沒拌勻的呢﹗這樣沒有誠意的糖水，枉他還收$14﹗楊枝甘露彩珠($22)︰這個比較正常一點，但味道也是一般不難吃而已。幸好這個的芒果汁比奶的份量多，所以不太差。柚子有渣的，彩珠是好像珍珠奶茶那些珍珠，不過焗得不好，芯是焗不透的。不過總比那芝麻糊好吧。就因那芝麻糊，絕對足以給一個哭臉。而且，我下次不會再在荃灣吃糖水了，真的物非所值。

I went to this restaurant with my friends last night. I think the dessert is just so so and it has not enough choices if compare with the other dessert houses. But there are two kinda special dessert is called MANGO ROLL and STRAWBERRY ROLL. I was so strange when I heart that 'cause I couldn't imagine how to mix the fruit with Chinese Dim Sum together! (The translation of the ROLL is 腸粉in Chinese.) But I still had a try. I think they're so creative 'cause they're not made by the real roll that w

尋晚去左招記食糖水..老細推介左個芒果腸粉!!本身感覺怪怪的..但都試了..不錯吧!!然後朋友叫了個紅豆沙..最後老細還努力地推介新小食..炸燒賣,雞翼..翼尖和雞腎..最後只叫了炸燒賣..炸得剛剛好!!口感不錯..

昨晚同友人去了雄記吃米線，就過了對面招記吃甜品，這間好似新開無耐，叫了芒果汁腸粉，我叫相片整得好靚，點解黎到變了細小咁多既，仲叫了什果楊支金露彩珠，又係咁細碗，生果雪得又硬又冰，麻煩整好個賣相先拿出來拉，唔好吃都有得望下都好掛，真失望

同左三位友人食完越南粉行完商場去左食甜品.隔離小樽話食團年飯要八點半仍未開, 就過黎食湯圓.我地坐在街邊位, 食正風都咪味唔凍, 不過入面都唔見得好, 對位的人d 腳係打哂交叉.三位女士要杏仁露和芝麻糊, 再另要湯圓, 我則要芝麻糊加湯圓.先來杏仁露, 較稀, 味道淡, 仍可以.芝麻糊有點點燶味, 不過可以接受, 始終熱食就會好一點.湯圓有三粒, 細粒一點, 皮幾軟, 餡較少, 我想不吃太甜的女士會覺得好味一點.芝麻糊和湯圓等了又等, 叫d 妹妹仔黎跟單叫左兩次都冇下文, 隔離檯等到氣頂閃人, 我地都快快食完cut order埋單.埋單又冇只計我碗當芝麻糊, 算是爭返啖氣.佢地冇得食湯圓當然要為她們抱打不平, 俾個喊面.

今晚成16個人見得佢有位咪食下我地只係叫d基本野例如蕃薯糖水、腐竹白果薏米、木瓜雪耳等結果全部都勁甜係甜到嘔o個隻我食o個個腐竹白果薏米仲有麥皮味、白果又苦佢地整完肯定係無試味總之一句講晒十級難食唔會再去

今日同男人去食, 男人食左豆腐花我食左strawberry 彩珠我係度諗咩係彩珠, 點知黎到只係strawberry 西米露加d 彩色既好似珍珠咁既野...個汁係就咁椰汁, 係咁2 加d strawberry 係面..=.="男人o個個豆腐花仲難食...d 豆腐花好o鞋ga....仲好硬, 硬到同煎豆腐既一樣..=.="唔會再去...叫極賣單都冇人理...只係掛住傾計....