憶食尚臘味煲仔飯

營業中

休息中

{臘味煲仔飯大餐 -$605}試過幾次上網見到人哋食呢間煲仔飯，覺得吸引到痹！今日放假就過去食吓啦！估唔到原來嗰度交通都幾方便，柯士甸站行過去幾分鐘就到，餐廳門口仲有大量路邊停車位，啱晒我呢啲駕駛人士！♦️廣式臘味煲仔飯臘味煲仔飯就食得多，擺到咁靚嘅煲仔飯真係更加吸引，除咗外貌，原來仲好有內涵，油鴨、臘腸、臘肉三種食材都發揮到極致，各有千秋，而且互相配合，我最鍾意係佢哋嘅招牌茅台臘腸，估唔到整成臘腸都真係有好香酒味！煲仔飯最令人感動嘅地方就係米飯做到粒粒分明，啱啱熟而且有口感！仲有美味嘅飯焦！♦️芥菜排骨煲芥菜排骨煲清淡得來又好味，湯底用咗黃豆排骨，仲有濃濃嘅胡椒味，最適合就用嚟配襯比較寒涼嘅芥菜，加埋佢煮得腍身唔會散晒嘅排骨！又係一個開胃菜！♦️甜蜜咕嚕肉用上咗肥瘦適中嘅豬肉，外皮香脆滋味可口！用上嘅配菜包括洋蔥、菠蘿、紅椒等等都係爽脆香甜嘅，係一個出色嘅咕嚕肉！值得一讚嘅喺呢度嘅服務態度真係好好，店員會隨時隨地望住你有咩需要即時配合，例如係我哋處理飯焦嘅時候，店員就即刻走埋嚟幫手刮起飯焦，非常貼心！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #憶食

憶食尚臘味煲仔飯是一家位於文匯街的著名必食餐廳，以其獨特的臘味煲仔飯聞名，是我吃過最好吃的煲仔飯！餐廳環境溫馨舒適，裝潢以中式元素為主，讓人感受到濃厚的傳統氛圍。餐廳內的座位安排合理，提供私密的用餐空間，讓客人可以安靜地享用美食。食物方面，這裏最吸引人的當然是煲仔飯！我點了川味臘味煲仔飯（$177），這道菜絕對是一個驚喜。煲仔飯的米飯煮得剛剛好，飄散著一股香氣，米粒鬆軟但不粘。上面鋪滿了各種美味的臘味，包括腊腸、臘肉等，每一口都能品嚐到臘味的鮮香。而且煲仔飯底部有一層非常香脆的脆焦，增添口感層次感。除了煲仔飯，我嘗試了秘製XO雞菇四季豆（$127）。這道菜結合了雞菇和四季豆，特色在於XO醬的獨特風味，使得整道菜更加開胃，具有豐富的香味和辣味，亦突顯四季豆的清爽口感。川椒麻辣雞煲（$157）以雞肉為主料，加入川椒和麻辣調料烹飪而成。川椒和麻辣調料的使用使得這道菜具有獨特的風味，雞肉非常嫩滑，讓人回味無窮。這道菜的口感辛辣，能夠刺激味蕾，非常適合喜愛辣味的人士。這裏的士多啤梨特飲是我用餐時的完美搭配。特飲口感順滑，士多啤梨的香甜味道在口中綻放，帶來了一絲清新的感覺，十分美味。而憶食尚的服務

近日天氣開始轉冷,想食熱辣辣的煲仔飯,感覺會暖笠笠,就去佐敦揾下，係柯士甸站附近見到有間店舖叫「憶食尚」主打食煲仔飯，就入去試下。嗰度環境唔錯,佈置以綠色為主,覺得好舒服。每張枱都有屏風相隔,好有私人空間。📍廣式臘味煲仔飯煲仔飯上枱有驚喜，好大煲足夠2個人食。有臘腸、臘肉和臘鴨。服務員會問要唔要加芫茜和蔥花，跟住就會爬鬆啲飯和加入豉油。這時候已經聞到好香嘅油香味，當你食到差不多，佢哋會幫你刮起飯焦。飯焦香脆好食，值得推介👍👍👍📍芥菜排骨煲芥菜排骨煲都好正，芥菜煮到青青綠綠，感覺好新鮮。排骨煮至軟淋而不爛，湯底加咗胡椒和黃豆，飲完成個人都好暖。📍酸辣土豆蒿筍絲土豆和蒿筍，都是營養豐富的蔬菜，兩者都是入口爽脆，酸酸辣辣更加惹味。📍士多啤梨特飲士多啤梨帶微微酸，飲落好清新。📍芒果特飲芒果香甜中都係帶微微酸，呢個幾好飲。#億食尚 #佐敦煲仔飯 #煲仔飯

廣式臘味煲仔飯（2人份）$177即叫即制嘅煲仔飯，熱騰騰上枱，賣相好靚好豐富👍🏻臘味係自家工場製造；臘肉同臘腸係用茅臺酒➕土黑豬鮮肉➕頂級醬油製成。而臘鴨係好出名嘅「南安板鴨」。臘腸酒香味濃，肥瘦肉比較幾好，有肉鮮味又唔油膩💯💯💯臘肉帶酒香，仲好腍身，一向唔太好臘肉，呢個絕對係食過最好食嘅臘肉💯💯💯臘鴨肉好有鹹香，皮薄肉嫩，連骨都夠香夠入味，好味😋😋飯一樣咁精彩，用「南安板鴨」同黑土種植嘅五常米大火煮，米飯乾身又滲滿臘味油脂，火喉啱啱好，飯焦金黃脆卜卜，加埋芫茜、葱同秘制醬油，必食💯💯💯鮮醃鯧魚 $117睇落簡簡單單，魚肉嫩滑又肥美，冇乜細骨，鹹味醃得啱啱好，冇蓋過魚鮮味💯💯瑤柱蝦米雜菜煲 $117湯底真材實料，有瑤柱、蝦米、蒜片等等，完全冇無味精，仲要好鮮甜。菜好嫩，應該有挑選過嘅，煮得完全剛剛好，唔會過腍💯💯店內裝修簡潔，座位舒適闊落，店員好親切好有禮貌👍🏻仲有臘味同即食包裝可以買走帶返屋企，讚👍🏻👍🏻好食，推薦💯💯💯

文匯街呢間煲仔飯已經開左好耐口碑都唔錯，但一直冇機會試，今次經過呢邊決定同朋友試一試佢😋裝修雅致，座位唔會好逼夾，坐得好舒服第一印象已經非常好👍🏼🍚廣式臘味煲仔飯 $177完全被呢部超足料嘅煲仔飯所驚豔！好大煲，而且齊晒油鴨、臘腸、臘肉三種食材，用左招牌茅台臘腸，好香酒味～米飯方面粒粒分明，飯焦係真·香脆，唔係韌口黐牙嗰種😻😻🐓黑松露雞煲 $167第一次食黑松露嘅雞煲，原來比想像中更好食喎😲黑松露份量啱啱好，唔會掩蓋原本香口嘅雞煲，雞肉方面有少少焦香脆口，值得一試！ 🥬瑤柱上湯田園時蔬$97食咗咁多肉，食一款清爽嘅蔬菜就最啱啦。瑤柱湯底浸透蔬菜，口感爽脆，食得非常舒服😙🍹特飲 $39入面包括左菠蘿汁、橙汁同雪碧。酸酸甜甜既氣泡飲品，成個人都醒神晒🧊茶飲方面有玄米、菊花、普洱、鐵觀音可以選擇，我哋就揀左咗菊花茶，食完飯解一解膩就啱晒啦

今日老公帶我嚟食世一煲仔飯《憶食尚》，佢哋嘅臘味真係世一，佢哋嘅煲仔飯無論由臘味至到用嘅大米，都係精心製作精心挑選，尤其臘腸，醬香茅臺酒與土豬鮮肉獨家秘製，適配香港風味調製，嗰種茅台嘅香係我從來未食過架，鍾意飲茅台嘅我哋非常欣賞呢個臘腸，佢哋有自家製工場，全部都係餐廳自家製品牌出品，餐廳入邊都好多買走返屋企自己整嘅臘味架，我自己都忍唔住買咗包臘腸返屋企🤣另外佢哋都可以外賣煲仔飯返去自己整，仲可以連煲一齊買返去整世一煲仔飯🥢廣式臘味煲仔飯呢度嘅煲仔飯真係世一，我試過最好食嘅！首先，佢嘅臘腸真係特別！用咗茅台釀製嘅臘腸，味道香濃，入口Q彈有咬口，臘鴨同臘肉都一流，滋味濃郁，再嚟講下啲飯焦，啲飯焦煮得啱啱好，香脆唔焦口，啲飯底又唔會太濕，啲飯粒都係啱啱好，原來佢哋嘅米都係精心挑選過，餐廳選用五常大米，五常市地處果龍江省南部，擁有肥沃黑土地🥢甜蜜咕嚕肉咕嚕肉炸得鬆脆但係咬落又唔會覺得好油膩，啲肉嘅質地彈牙，醬汁亦都調得好好酸甜平衡🥢瑤柱上湯田園時蔬瑤柱加湯底清甜仲滲透埋蔬菜嘅鮮甜，食落去唔會覺得膩，而且蔬菜煮完仲係翠綠而且咬落爽脆，煮嘅火候啱啱好🍹餐廳特飲特飲有菠蘿汁，帶嚟咗一陣濃郁嘅菠蘿香氣

油尖旺區煲仔飯是最出名的，呢一日未到咗佐敦試一間高檔嘅煲仔飯。餐廳裝修雅致，中式風格，高檔的感覺。🌟廣式臘味煲仔飯真材實料，份量非常多有三款臘味，臘鴨、臘肉同埋臘腸，之前我好怕食臘鴨，因為出面多數都好鹹，但係呢間餐廳臘鴨唔會咁鹹，送飯啱啱好。特登影臘肉，晶瑩剔透，脆口好味。臘腸唔使講肥瘦適中，飯焦仲脆 ！🌟甜蜜咕嚕肉咕嚕肉係嫩滑梅頭肉，沒有肥膏，但係嫩脆甜口。🌟小炒皇用少少辣椒吊味，非常香口，再加埋蝦乾同花生，好惹味。🌟特飲清新可口，唔想飲汽水，飲特飲係非常好嘅選擇。走嘅時候見到其實有即食包裝可以買，非常方便快捷。

以前係呢附近返工，成日都過來食lunch或者dinner，但轉工之後都好少過來呢邊。今日剛好在九龍站，就決定行過一條橋過來食個懷念左好耐嘅廣東煲仔飯！雖然好耐冇來，但呢到依然好乾淨，裝修有d古色古香，又不失時代感。以前都係坐地下，今次坐醒咗一樓，發現呢度生意真係好好，好開心呢到d野食當然都keep到好好食！茶我地點左玄米茶，超好飲。食物方面要左港式臘味煲仔飯，同甜蜜咕嚕肉，最後當然要點埋一碟菜啦，所以要左瑤柱上湯田園時蔬。臘腸用左茅台去醃製，超級好食，甜甜地又夠香！店員仲會幫你準備成個煲仔飯，飯焦超級脆，但係又唔會過硬。

打風的日子選擇去食煲仔飯都幾特別，憶食尚臘味煲仔飯餐廳座落柯士甸站附近，里面環境舒適，乾淨，感覺好寫意。//今日心思思想食係川味臘腸滑雞煲仔飯米飯粒粒分明，口感一流，臘腸，滑雞美味濃郁，煲仔飯上面點綴有蔥，芫荽，加少少醬油，各種香味使人流口水. //服務員第一時間幫客人爬鬆啲飯。no啲豉油落去服務一流。抵讚。//金黃色香脆飯焦仲可以加上湯。最後嗰啲飯焦攞返入廚房，加上上湯滾幾滾。一煲飯兩種食法。湯飯非常好味.一粒米都唔晒。//另外還有麻婆豆腐煲，也特別適合大人小朋友、少少辣，香噴噴，好開胃醒神。推薦啊！//瑤柱蝦米雜菜煲：熱騰騰的健康新鮮蔬菜，蝦米的鮮味，好飲//二杯特飲，一杯雜果賓治，一杯菠蘿特飲，勁解渴

星期五晚，上堂過後，約埋食飯有同學仔book 咗8位，入到鋪頭一陣焦香坐低窗旁，先飲為敬菊花茶落淡淡香，飲落味適中唔太濃👍品茗過後，先上一碟清藕，點點醬味香不太辣再嚟上過䱽魚一夜干，味不太鹹，微鮮跟住主角上枱⋯⋯史上最殘忍嘅飯食⋯⋯“煲⋯仔⋯飯”伙記介紹食腸前要飲茶清舌，試吓啲腸香，鴨稱為「麻鴨」無咁肥同油，但唔乾，幾好👍跟手上埋個滑鷄殘忍飯⋯⋯「殭屍」味濃濃鷄件滑，不俗⋯⋯👍加埋個黃金蝦，淡黃香而不油，好嚐過滿腹，上個經典反沙芋，可能未到時節，爽爽的最後，送上桃膠一份，清涼潤甜⋯⋯👍介紹番條腸⋯⋯唔飲酒嘅我，唔知茅台係咩味⋯⋯但香味唔太濃，👍👍👍

📍佐敦《憶食尚臘味煲仔飯》  #佐敦世一煲仔飯✨港式臘味煲仔飯 $𝟏𝟕𝟕 🍲臘味煲仔飯本身都好常見，但配料咁豐富擺到咁靚嘅煲仔飯真係好誇張😍煲仔飯有臘腸、臘肉及南安板臘鴨，油香滲入自家農場的東北五常大米。食落真係世一煲仔飯，好出色👍🏼👍🏼👍🏼尤其飯焦黄金焦脆，飯都粒粒分明，充滿油香！✨辣子雞丁 $𝟏𝟑𝟕 🌶️🐓辣子雞好惹味，雞皮炸得超脆口，但同時間雞肉又做到好嫩口，送酒一流既小菜，不過注意真係要食得辣既人仕先好叫🔥✨瑤柱蝦米雜菜煲 $𝟏𝟏𝟕 食完香口既食物，食啲清淡既菜中和返，仲飲返碗清甜的雜菜湯，材料豐富有西蘭花、菜心、白菜、瑤柱和蝦米🦐簡簡單單已經帶出清甜既味道🥬✨雜果賓治特飲 $𝟑𝟗 凍冰冰飲特飲可以消除油膩感覺，入口清爽！🥤最後配埋糖水可以話係完美！糖水好夠凍，唔會過甜🤤最後值得一讚嘅喺呢度嘅服務態度真係好好，店員會介紹菜單菜或，又會同客人傾下計。仲會幫手刮起飯焦，非常貼心！好適合同長輩一家大細聚餐👨‍👩‍👦‍👦味道：𝟗.𝟓/𝟏𝟎   性價比：𝟗/𝟏𝟎   

通常食煲仔飯嘅地方都係好噏耷同埋市井，但係呢間專門由自家工廠製臘味煲仔飯嘅餐廳，樓高兩層，環境好開揚同埋乾淨，請朋友，宴客都絕對唔失禮！川味臘味煲仔飯-$177自家製廣式川味鮮肉臘腸、臘肉同埋南安板鴨，味道有少少麻辣，創新得來好過癮。五常大米🍚米飯口感煙靭，粒粒分明，再淋上古法瓦缸頭抽，少少甜又唔會過鹹，好好味！黑松露雞煲傳統雞煲加入黑松露醬，送上嚟已聞到香氣撲鼻，雞件嫩滑可口，調味唔會過鹹，依然食得出雞嘅鮮味，配菜有洋蔥，紅黃椒等等。小炒皇材料有韭菜，魷魚，白飯魚，腰果等，食得出好有鑊氣，火口控制得好，韭菜甜嫩，加上海鮮精華，送酒一流！菠蘿特飲水果特飲夏日炎炎飲特飲可以消除油膩感覺，滿滿嘅氣泡水，清新怡人！

Book咗間煲仔飯餐廳，希望對煲仔飯好有要求的佢可以喜歡🙂‍↔️😋食完佢話好味🥰佐敦主打煲仔飯「憶食尚臘味煲仔飯」近柯士甸站，交通方便。環境舒適乾淨企理，每一枱都有屏風間隔，私隱度極高，座位寬闊，間隔一流。當天叫咗煲仔飯+2餸及特飲😋✅廣式臘味煲仔飯煲仔飯米飯煮得剛剛好，上面鋪滿了各種美味的臘味包括：油鴨、臘腸及臘肉飯底有一層非常香脆的飯焦，非常之有口感。✅小炒王韭菜鮮甜嫩綠，配料豐富。夠晒鑊氣👍✅甜蜜咕嚕肉用上適中嘅豬肉外皮香脆。配菜有洋蔥新鮮菠蘿及三色甜椒。香甜可口☺️😃✅士多啤梨特飲✅芒果特飲最後還叫了2杯特飲，解渴之選👍

《憶食尚臘味煲仔飯の食評》 by@ihungry.hk憶食尚臘味煲仔飯店就係一間集經典港式地道餐廳，由入面裝修到餐牌設計，都能親身感受到呢間店嘅用心獨到🔥！踏入店內，就會被一股陣陣嘅臘香撲鼻而來，勾起你對煲仔飯嘅無限嚮往，最出名嘅當然係佢哋嘅招牌自家工廠製造嘅臘腸、臘肉同埋臘鴨，仲有好多港式大排檔小菜，,務求令每位客人品嚐到最地道最正宗嘅港式美食🇭🇰！🔸『川味臘味煲仔飯 - $177』自家製臘腸、臘肉同埋臘鴨超香濃，米飯口感粒粒分明，再加埋煲仔飯本身嗰個特別嘅煲法，令粒粒米飯鮮香惹味，充滿臘味香，超正！🔸『避風塘炸茄子 - $117』呢款炸茄子真係一啲傳統嘅大排檔小菜！店家先用獨門秘方將茄子醃漬，然後先將佢炸到香脆酥香，炸後亦唔會失去茄子本身嘅鮮香味同滋味😈！🔸『椒鹽一口骨 - $127』椒鹽一口骨落鑊炸到香脆酥脆，令骨肉由裏到外滲入椒鹽香脆嘅味道，咁先至最最正宗！每啖落口就會聽到脆脆嘅口感，仲爆晒肉汁，絕對令你一試難忘😍！🔸『特飲 - $39』▶️芒果特飲、士多啤梨特飲想解解膩，就一定要試吓呢兩款特飲啦！🤪iHungry肚餓指數：8/10

本身好鍾意食煲仔飯，冇諗到竟然係佐敦搵到間🥰🥰店員好好服務，不過記住訂枱呀！煲仔飯嘅飯粒粒分明，飯焦好好食！店員仲幫手整起飯焦！係臘味有少少咸🤣🤣其他都好好！