今日同一班同事夜晚開完會之後想快快脆脆搵間餐廳食完晚餐先返屋企，就決定落樓下食。呢間裝修都好靚，上菜速度亦都好快，員工亦都好有禮貌，我哋今日叫咗幾樣嘢都好好食。 海南雞飯油飯好香，雞都好滑，大推介！ 菠菜吞拿魚焗通粉好快就上枱，醬汁夠creamy，份量亦都相當大，啱晒我哋啲男同事。 鮑魚蛋白素炒飯睇個樣已經覺得好好食，上面有一舊鮑魚，睇落去勁昂貴。 我哋另外都叫咗兩款小食一齊分享：鹽酥花枝丸同妙齡乳鴿。乳鴿調味剛剛好，皮脆肉嫩花枝丸個口感都好好食，勁彈牙。

前晚喺尖東食飯嘅時候見到有間泰國餐廳有得賣早餐，突然間好懷念以前喺泰國食嘅chill breakfast，所以今日特登校鬧鐘早起身過嚟尖東呢邊去食，雖然呢間餐廳新開，但係人流都好多！可能因為呢度裝修好靚，而且係開放式設計，用嚟打卡一流！ 呢度早餐選擇好多，主要都係泰式同西式。我哋揀咗好耐，終於決定要一款泰式，一款西式。Fresh caesar salad w chicken 嘅salad dressing好好味，屬於微酸，好開胃！之後個雞蛋魚片粥好暖胃，感覺就真係去咗泰國食早餐咁！

今日經過黃埔站，一出地鐵站就見到有一間好多人嘅麵包舖，我印象中記得以前唔係呢間，所以應該係開業冇幾耐，睇落去好多選擇，又有曲奇又有蛋糕又有麵包，但撻麻糬波同埋布甸包嗰啲全部都有，而且價錢都相當抵。 我今日要咗個咖啡方包，一開個包裝已經聞到勁香咖啡味，麻糬波波亦都好正，佢擁有超級qq嘅口感，更加係暖嘅！ 另外都買咗個藍莓焗蛋糕，超級紮實，真材實料！最後我都叫咗一個肉鬆包，真係超足料，上面鋪咗滿滿一層嘅肉鬆，而且個包十分之軟熟，下次經過都一定要再入貨。

呢間餐廳喺尖沙咀有分店，之前都同啲女仔朋友去食過，瘋狂打卡，所以聽到當中環呢度開咗一間蛋糕舖，梗係要搵機會幫襯吓啦！佢嘅位置就係喺中環街市嘅一樓，好方便，買完之後即刻可以去中環啲餐廳度慶祝生日。其實唔好睇小呢度細細個舖位，裝修都擺咗好多心機，好有泰國風情。 另外呢度都超級多款蛋糕可以揀，每一款個樣都勁靚，我睇咗一陣之後最尾揀咗要椰香芒果麻糬蛋糕。首先就係好鍾意佢個淡黃色，加埋上邊係小清新嘅裝飾，唔會太花巧。後來到食嘅時候都好有驚喜，唔會太甜，啲cream夠smooth，而且麻糬都十分之厚！

今日約咗朋友喺九龍城airside食飯，呢間餐廳喺6樓，原來呢個商場嘅6樓有一個好大嘅室外位置，所以天氣唔係好熱嘅時候，感覺好chill，都幾正。呢到d 水都係complimentary mint water，好有誠意。 首先我想食得比較健康，所以要咗一個蝦子芒果牛油果沙律，個田園沙律好新鮮，蝦都幾大隻，芒果牛油果都好好味，但係重點都係個蜂蜜芥末醬！ 另外我加點咗一個是日精選餐湯，今日個湯係tomato soup，好濃好creamy，不錯！ 而我朋友就係食肉獸，所以佢就要咗半份烤排骨，佢配埋薯條都幾大份，所以其實好抵食。朋友話調味幾好食，肉質都不錯。 呢間餐廳我想下次lunch或brunch嘅時候再來過，一定更加正！

尖沙咀有一間泰國菜我一直都好想來，因為呢到真係每個位都可以影到好美嘅打卡相！難得今日朋友約我係尖沙咀食飯，又book到位，即刻好開心！不過可惜我地嚟到嘅時候，其實餐廳已經坐得8成滿，冇得任意打卡，下次應該都係週末朝早一開門就嚟！呢度更加有Tatami卡位，真心正！ 我地叫左幾樣嘢食都好好味，今次我朋友叫左杯asahi beer，不過下次如果brunch來我一定要叫d cocktails 或者調配drinks！ 前菜我地要左青檸吞拿魚北海道帶子他，他配鍋巴，吞拿魚同帶子本來就已經好新鮮，加埋青檸，就完全有泰國嘅風情，鍋巴亦都相當之脆，冇油益味！另外亦都叫咗一個炒得好惹味嘅馬拉盞炒通菜，份量都唔少。最後正餐我哋就叫咗一份蒜香斑斕烤羊架兩個分享。羊架一共有三塊，都好嫩，配埋好多蔬菜，感覺都十分之健康！

近排天氣熱熱濕濕每到晚餐時分就會好想食泰式湯麵，今日喺尖沙咀行緊街，經過見到呢間好似都幾吸引，就入咗去，呢度人流都算好多，不停有客排隊入嚟食，又有本地人，又有遊客，雖然做到冇停過，但係服務員全部都好有禮貌。 雖然話想食湯麵，但係食泰國嘢點少得炸嘅小食？今日我地要左個泰式炸蝦餅同炸魚餅，兩個都炸得好酥脆，好好食。 至於麵食，我地就要左一份美國肥牛冬蔭功黃麵同一份安格斯肥牛船粉。個冬陰功湯底勁好食，超濃，肥牛份量都唔少。至於個安格斯肥牛，根本就係入口即溶。船粉湯底亦都好好味。

呢間餐廳以前喺北美已經食開，當年喺黃埔開真係好興奮，但係近期好少返嚟黃埔呢邊，但係最近朋友搬咗嚟呢邊，就決定同佢哋呢度食飯。呢度坐得好舒服，好多梳化位同卡位，晚餐嘅時候都可以好輕鬆咁樣食晚餐。 首先叫咗半份泰國風味爽脆沙律，勁鍾意入邊有芫荽同雞肉，配埋香脆嘅花生同雲吞皮，口感真係好脆卜卜，個泰式花生沙律醬亦都好rich。 嚟得呢度就一定要嗌pizza，我朋友揀咗個秘製鮮蘑菇、辣肉腸、肉腸薄餅，我最鍾意呢度夠多mozzarella，店員更加會幫你多放cheeseshreds ，好好味！ 至於飲品，我要左cucumber revivier ，有好重嘅菠蘿同青瓜味，加埋薄荷同梳打水，真係好清新！另外朋友就要咗一杯passion lemonade，佢都話幾好飲。

今日收工又好想食韓燒，一講到韓燒即刻諗起呢間老字號，多年前喺香港開店，之後開咗超多分店，而家尖沙咀呢間更加係屹立不倒。今日7:30pm來到，剛好不用排隊可以直接入座，其實大部分位子已經坐滿。我第一時間就係去kimchi bar個到攞d自家製嘅kimchee，然後一邊食一邊睇menu。 今次朋友話想食牛舌，所以就叫左一份，一份其實都有好多塊，而且每塊都係薄薄地一片，燒一燒就好快熟，燒到金黃色，香口又入味！之後我就要咗一個蛋拌生牛肉，超級新鮮，加埋個蛋黃，打卡真係一流！至於主食我哋就要咗一個石鍋牛肉伴飯，好大份，好抵食！嚟得韓國餐廳，當然唔少得飲我最鐘意嘅生米酒啦！店員好有心機咁樣幫我serve，謝謝oppa！

好彩有朋友介紹，發現原來佐敦寧波街有一間隱世鐵板燒！裏面裝修高雅得體，用上深綠色，好好睇。今晚難得同朋友一起，所以我地都飲左好幾種sake，包括the shot同菊正宗純米。我個人比較鐘意the shot，因為米酒味比較濃，但朋友就話菊正宗純米比較好飲。 我地兩個最後都決定左要個入門廚師發辦套餐，總共有五道菜，包括招牌沙律，兩種鐵板海鮮，（我地要咗扇貝同東星斑，同埋東星斑再加鮑魚）海鮮炒飯同是日甜品，至於main就要壯澳洲牛柳粒同宮城縣厚切黑豚扒。 海鮮好新鮮，我特別喜歡個蝶豆花海鹽泡泡，好特別，另外扇貝個黑松露牛油醬都好好食，鮑魚都好入味。 個牛整得剛剛好，medium rare，口感都好嫩滑，配埋自家整嘅炸蒜同竹炭鹽同埋Wasabi一起食，簡直一流！連旁邊伴盤嘅櫻桃蘿蔔都好得意，個樣好似蘑菇仔！ 招牌沙律好精緻，竟然有greenland caviar！另外更加有我好鐘意嘅龍珠果，加埋義大利balsamic vinegar，成個味道好refreshing！ 個豬都好好食，夠厚又唔會行，個菠蘿蔬菜汁令到成件事更加輕盈同清新，價格我個人就比較鍾意個特濃牛油醬。 海鮮炒飯唔好睇佢細細碗，炒得好好，而且好入味，更加有d甜甜地，幾特別！ 甜品要左紫薯同柚子味，另外亦都有爆珠紅豆沙，咬落去真係有紅豆沙爆出嚟，好得意！