恆香老餅家 (已搬遷) 新店位置

難得和兩老到元朗 當然要買點手信回家快到恆香的舖位已聞到陣陣蛋卷香 好吸引但今日重點是買老婆餅 買了半打 還買了香蕉糕紙盒捧在手上有暖感 應該很新鮮回到家都是約三小時後的事沒想到 紙盒竟還有微暖! 太神奇了吧?!一打開 媽是有點失望 那size好像小了一點吧跟迷你的距離不大啊媽說以前大得多呀.. 盒裡是擠擠的老婆餅的餡淡淡的不太甜 幾好:>相反 香蕉糕我真的受不了聞下去像是很重的模仿香蕉的香水味我吃了兩口 煙煙韌韌幾特別但那味道真的叫我不能再啃下去了快要窒息似的..不過爸說是童年回憶 好味-v-despite香蕉糕 我是給笑臉的;D

去元朗點可以唔買老婆餅,未去到門口都已經聞到好香既餅味,難得今日得閒,下次都唔知幾時,所以一次過買左兩打老婆餅食到夠,再買多一罐蜂蜜蛋卷俾個老友...返到屋企見到D老婆餅仲暖暖地,拿拿淋食返件,D餅皮好鬆化,D餡夠鬆軟又唔太甜,雖然恆香係其他地方都有分店,但總係覺得元朗既老婆餅係好食D

一心來元朗都是為了老婆餅,總覺得在這裏買的老婆餅會特別好吃店鋪人流很多,面前是一盒盒已pack好的老婆餅,$24半打,不記得外面賣多少,總覺得這裏又平又好吃. 但胃口少的我怕傳統size太大,轉為攻迷你裝.眼前的迷你裝,除了老婆餅,還有豆沙酥,綠豆酥,咸蛋酥等等.老婆餅($3) - 皮很鬆脆,餡是甜甜的蓮蓉,縱然很肥,但吃後覺得很幸福,迷你size份量剛好,吃一個也不會太飽.綠豆酥($3.5) - 媽試過後評價一般,說有點咸.豆沙酥($3.5) - 未有機會吃,只買了兩件,很快便掃清. 豆沙聽說不太甜,剛好.這些傳統的小吃,十分之好,亦是手信之選,但記得機場是沒有恆香的,快快開分店,把這種好吃的小食帶到外國其他地區.

近來很想吃蛋卷, 上來開飯網做下research.覺得恆香同真香都好似好出色, 二選一太殘忍, 所以便兩個都要！老實說, 原本我對恆香没太大期望, 都是志在襯托真香。但今天買了回家試試, 竟然..........好好味其實也不是驚天地泣鬼神之品, 但相比下, 恆香的其在很有蛋香, 雖然, 恆香的應該會是多油多糖, 但我卻覺得要健康的, 大可吃水煮蛋, 吃蛋卷就要先作最壞打算- 食滯。$24 (for 10), 都吾平下次要買罐裝！^^

昨日去了元朗玩，一餓就想起好到底同老婆餅，行到恆香門口，已聞到香噴噴的餅味，買了一打老婆餅，24元入口化，望落細細件，但已吃到半飽。正…

終於食到恆香啲皮旦酥喇! 我覺得仲好味過佢出名嘅老婆餅, 可能我鍾意皮旦酥啲餡多過老婆餅的冬瓜茸餡。呢款真係可以再encore, 食多幾次都唔怕厭。

我的朋友由美國回來，帶佢地食完燒食鵝，當然要試香港特產老婆餅。原來朋友上午在旺角已經買左幾個榮華老婆餅，不過佢話印象中好似最出名唔係榮華，但又唔記得邊間，後來我講左恆香佢就如夢初醒。買左迷你老婆餅同皮蛋酥各3個等佢地試吓，不過我打開盒已經覺得唔熱，個人覺得熱會好食D，朋友話同榮華老婆餅唔同，榮華老婆餅內部比較乾，沒有彈牙口感，但恆香就有。再買一盒俾佢地慢慢食，馬上起程到下一站綿綿冰甜品屋。

山長水遠來到元朗臨走一定要買番個老婆餅走至得,來到總店見人頭湧湧,原來有蛋卷試食,因為佢做緊promo買二罐送一罐,而且試食的蛋卷是即製,拎上手d蛋卷仲暖暖地,好好味呀平時已經鍾意食佢d蛋卷,即製仲正好多,以為佢即製即賣,點知原來純粹試食,可能因為星期六想做多些promo咁冇所謂啦,因為其實我係諗住買老婆餅,去到買了三個迷你老婆餅$3@,不過就唔係好熱,但d冬瓜蓉依然咁好食,絕對唔會令你失望

因為太陽餅令我想起我好耐無食過恆香老婆餅,現在住得咁近元朗, 買兩個大老婆亦很方便呢 我買的時候已經係唔熱, 有啲失望 酥皮唔酥但脆, 冬瓜蓉軟軟的, 不會很甜,其實做得唔錯,但相比於同是凍了的太陽餅,我還是更愛後者, 可能因為麥芽糖餡更甜美 不過唔緊要, 現在出去元朗的機會多的是, 總會有很多機會碰上剛出爐的老婆餅 下次想試埋皮旦酥呢!!!

和滯滯在柜臺猶豫如何利用有限的quota時，Yan叫住我們，當機立斷的為兩個已經被各式各樣的酥皮點心迷住的為食小鬼買了迷你老婆餅兩件。都是，恆香最出名的不就是老婆餅嗎？酥皮鬆化細致，冬瓜蓉溫熱綿軟，甜度適中，是要抿在口中細細感受的甜。細細一件“小老婆”味道卻頗為精致，唔，吃過這里的老婆餅，還能對其他地方的出品滿意嗎…多謝Yan，帶給我們這么美味的享受。下一次去，多留一些quota給它，到時一定不再猶豫。

一盒未夠,仲要來多盒,家母誤以為我同家弟在中秋無啖好食,夾硬"兀"盒恆香月餅給我.手拿著久違的鐵盒包裝,有人說不夠環保,更甚者有人覺得好老土.其實,鐵盒的用途不知幾廣泛,用來儲存一些輕量的雜物,又或用來裝蚊香,如果激一點,煲蠟之最佳拍檔.吃完月餅留個罐去煲蠟,夠晒一條龍.同前文說過的富臨月餅一樣,又是雙黃白蓮蓉.老字號的白蓮蓉更甜,鹹蛋黃夠油潤,帶點起沙感.但是餅皮很脆弱,不夠實淨.幸好今年只是面對兩盒月餅,否則明天的大局,吃填鴨之前,先來個"分餅仔".人人有份,永不來空.到時可以免了拔絲,高力豆沙了.

要吃老婆餅，從來都認為恆香是做得最好的一家，今天漫遊元朗，當然不會放過機會，從好到底步行至這裡來找我們的"老婆"。當到達店的側門時，看到竟然有免費"老婆"可以任試!!! 女友一個箭步便拿了大小如乒乓波的小小老婆來吃，真是........我跟店員要了兩個細老婆餅，看到店員嘴角往上動了一下，原來剛才自己說了:唔該兩個小老婆.." 她該不會在說我貪心，除了老婆之外，還想多要兩個小老婆吧﹖﹖會有如此想法的原因，是因為之前在灣仔分店時，我也是說兩個小老婆，立即便被阿姐邊大笑邊說:做人唔好咁貪心，有老婆仲要多兩個細o既，小心吃不消呀......聽後真是有點無言~不過"小老婆"的口感比原來大小的來得更美味，份量也剛剛好。鬆化多層的酥皮，以及帶甜煙韌的冬瓜蓉餡，實在是美味得很的小食。這個的"老婆"，再多一點也真的無妨呢~ 呵呵

星期六早上做乖乖女，陪父母去粉嶺打波，預咗會悶；於是就諗吓啲逗自己開心嘅嘢…有！係老婆餅！熱辣辣新鮮出爐嘅『恆香』老婆餅！較啱時間，即刻叫人車我去大馬路總店，一盒六件、連掃三盒。預埋男友、爺爺、嫲嫲、細叔、姑姐、細佬、娟姐、Emily、賓仔…諗吓踱吓…嘩！唔係好夠分，又買多兩盒。啲酥皮永遠又鬆又香，啲餡就永遠甜而不膩！未返番粉嶺已經食咗兩件！返到屋企，食完晚飯；先整熱個焗爐，跟住熄爐，打開度門，將啲特登雪凍咗嘅老婆餅放喺錫紙盆，擺入爐一陣〈但千祈唔好閂埋度門〉，等到啲老婆餅暖哂軟哂就食得！一件老婆餅，一杯Darjeeling，三代一齊，簡單、開心。

好耐無入元朗..今次同男友一齊行下..順道買左呢到GE 老婆餅...小時候.媽媽只會買老婆餅和雞仔餅俾我地食...次次都係..都幾悶..但依家大過啦...男友的口味真係唔錯...佢話買老婆餅,皮旦酥同旦黃酥..SOMEHOw.我覺得個皮旦酥係全盒最最最好食ge一款...老婆餅因為細個食得太多有bias???真係唔知...另外.旦黃酥都係不俗之選....似乎好食過榮華早知買多幾件皮旦酥啦..好味...

老婆餅：食勻咁多地方，始終恆香最好！暖暖的~個餡好清甜~外鬆內軟花生燒餅,豆沙燒餅同奶黃燒餅：但呢度的燒餅就不及'奇趣'，簡直差得遠囉綠豆酥：平平無奇蛋卷：蛋味重，麻麻老遠到返太子…仍要暖~正