德興酒家 (已結業)

我冇影到相都想大家花少少時間睇下呢個comment。今日約八點去到，等左廿五分鐘到就有位，不過reception阿姐好唔耐煩，問佢拎住張野揀野食，佢唔理，仲要唧我！你咁唔想服務啲客你做咩服務性行業丫？ok，拎到位，剔野食，注意肥牛你剔一等於一塊，大家不妨剔十幾塊!九點前入坐收我$170，都唔係平，仲要唔包野飲，阿叔基本俾豉油我，拎住個托盤話加辣椒蒜嗰啲話要加多七蚊！你唔好去搶，我同友人決定就咁要豉油。嗌左沙嗲加清湯湯底，食左少少清湯淥嘅野就覺得酸嘅！叫阿姐過黎，佢就試左我一啖湯話冇！我同友人都費事再煩，決定就咁食沙嗲嗰面！頂！食食下發現乜粒蝦丸都係酸！再食。。。發現我點個豉油先至係酸，唔係個清湯!最基本樣野變壞左！係咪死得？之後我地直頭連豉油都唔用！但係因為個死人湯底根本就冇味！到俾錢！丫個可樂冇收我地錢！啫係咩呢？我覺得係個阿叔呃我地要收錢但冇收到等我地唔好飲佢咁多罐汽水!啫係連個醬其實都可能唔收錢! 咁同呃個客有咩分別？我覺得佢地需要交代下囉！走嗰陣先見仲有廿幾人等檯，請問有幾好食？俾百七蚊出面有大把選擇唔使食佢！食麥記食到八餐囉!

只不過係正正常常既一餐邊爐囉，抵贊既係間野你點既野都幾呼會黎齊，不過份量似中都係同出面大部份一樣，都係叫五舊，黎三舊果種，唉都明既，驚人浪費係岩既，講反野食，都唔知講乜，新鮮程度正常囉，食完冇all冇嘔，都算抵食啦cwb黎緊，款式幾多，肥牛都算合格，拎出黎既時候睇得出係雪櫃岩岩拎出黎，雪都未融，記得一定要攤陣，如果唔係就咁放d未融既落去「六」完上黎會好難食，墨魚滑都幾好食，咬落去真係有少少墨魚肉架。

公司喺呢頭，所以間唔時都會同同事黎呢度lunch!叉燒腸配藥膳雞腳$28,抵！同埋都真係幾好食架喎，藥膳雞腳個藥膳湯底真係唔錯！本人最中意佢但牛筋！整得好林，食落感覺充足骨膠原咁！好幸福！而家要一讚，佢地d牛筋處理得好乾淨！一條毛都無！有時一d地方食牛筋係有好多毛架！即時就唔開胃了，因果d毛又黑又粗又曲！但呢度食過咁多次都無見過，相對地食得比較安心！每次lunch平均每人$35,又坐得舒服！銅鑼灣黎講lunch平過好多地方啦！而且食物質素好好！番上半場既侍應同部長都特別好人！好nice!係番下午果個長頭髮既女部長定經理差d姐，又寸又無禮貌，每次埋單一句多謝都無，眼尾都唔望你一眼！too bad!!!但平均整體黎講都好好既！

已有好一段日子未嘗光顧任飲任食火煱，很多時寧願多花點錢，光顧一些口碑較好的火煱店。今趟好友聚餐，難得有人安排，時間地點跟大圍，最後選擇於晚上九時後入座享用特價任飲任食火煱。雖已訂枱，但到場後仍舊要等一會。酒家環境一般，衛生情況普通，餐具及洗手間整潔尤其需注意。食品款式數量都算合理，肥牛丸類菜蔬一應俱全，海鮮食品較少，想吃高質一點的食物要額外收費。以性價比來說，各火煱生料的品質食味皆算有交待，所點生料都有提供，無「限量供應」這情況。唯一美中不足是兩小時時限這規則拿得很緊，不是每人多花$15多坐一小時，或是要忍受糧水皆無得添加這情況再短坐一會。整體用餐體驗OK喇！

成班同事興高采烈咁話去飲茶, 話當係開年飯咁話喎.次次去飲茶都叫好多野, 今次都唔例外: 白雲鳳爪, 春卷, 上湯菜心, 炸豆腐, 叉燒腸, 綿花雞, 炸鯪魚球, 馬拉糕, 鯪魚球粥, 燒腩仔米粉, 切雞米粉, 蜜棗糕, 奶皇煎堆, 紅豆沙... 都唔記得咁多整體來說味道唔錯, 各樣點心都合乎水準. 其中比較欣賞的有燒腩仔米粉, 當中的燒腩份量不少, 而且肉質分佈均勻, 皮亦夠脆, 絕不因為伴著米粉而稍有欺場. 另外蒸蜜棗糕甜度剛好, 不會太濃, 而且煙煙韌韌得黎又唔會黐底, 值得一讚! 上湯菜心也是夠味爽口, 甚合脾胃.

昨天結婚週年紀念加生曰，同老婆外出吃晚飯。諗唔到食咩，決定吃火窩(因食物選擇性大)。考慮到稍有名氣火窩店吃好些少起碼6/ 7舊落樓(我老婆已少肉多菜個種，我就相反而且食量頗大)。有預算所以去德興食放題，上網睇過閒日$145限2小畤包茶芥加一，醬料連加一$10位，飲品另計，網友評語不俗，決定一試！7:30到達，全場爆滿但2人檯即有，檯細但侍應即取來小茶机輔助。該店整體員工服務態度有85分以上(以現今飲食界幾乎全是新移民計，唔好用４星酒店比較)，動作勤快有禮，黑西裝(經理？)長袖善舞，與客人言談甚歡。食物質素合格以上，牛脊肉比一般肥牛靚(估計我吃了7/8份)牛坑腩外邊火窩少！有雖不夠"琳"卻有咬囗。食物種類算多，上菜算快。衝了個半鐘宣佈投降！整睌吃得滿意，埋單連一支啤酒$332。唯一美中不足之處是前晚打電話去德興訂位，女仕回應昨睌已 full 晒，所以本打算改去附近"新星"吃，再打給"新星"問我幾多人，我話2個她說2人唔使訂通常有好多細檯。途中諗諗下如果"新星'多細檯"德興"情況應相同，所以在 Full booking 情況下湧上去試下，入座時尚有細檯淨。祇是哪員工祇顧四人以上訂座而矣！

點左個六人套餐, 包括雜錦冷盆, 乳豬, 龍蝦, 碗仔翅, 蠔油扣鵝掌冬菇鮑片, 脆皮雞, 壽包, 水果等.雜錦冷盆裡面有海蛩, 叉燒, 脆乳豬, 燒鴨, 滷豬耳等, 清涼開胃很好食, 特別係乳豬非常脆, 燒鴨很有味, 叉燒甜甜的多汁不錯.龍蝦最正, 龍蝦吸收了上湯之後勁多汁勁鮮美, 食晒肉仲要曬汁裡撈飯, 蝦肉很甜很爽, 殼很脆, 帶有一些蝦膏好正.碗仔翅, 濃郁湯汁好滋味, 而且鹹度剛剛好, 翅絲分明. 鵝掌皮很軟易入口, 吸收了好油變得很深奧德美味, 冬菇更正更多汁.脆皮雞皮很爽脆, 雞肉嫩滑而且鮮甜, 呢度都係推介之一. 壽包也不錯鬆軟, 水果新鮮甜美.經理同阿姐服務不錯有禮貌, 反而個別待應態度非常惡劣, 打份工就算辛苦都唔應該發洩係客人度嘛...

一句＂Book 咗枱都一樣要等㗎啦＂就心知不妙，成個門口都排晒人連電梯口都塞住。結果book8：30要等到9點洗有得坐低。以為坐低咗可以鬆返口氣，點知阿姐走埋嚟茶都未開就話醬油要每人$9。盤醬油得幾款選擇，沙茶醬都冇。算啦，以為反正同朋友食飯啲嘢好食就ok，點知點餸紙得半頁，重要係大隻字，其他全部都要加錢！！！叫十碟少兩碟，牛肉得5、6片，菜重離譜，叫娃娃菜一碟俾得手掌咁多！得2、3條。大家食到O晒嘴，真係.....that's enough!

Sorrrrryyyyyyyy! I am late!!! This year I was celebrating the Christmas with my highschool buddies!On 25/12, I guess all the restaurants were filled with people! We wanted to book a table in 牛涮鍋 at the beginning. But I was so sick of their limited choices of food...(they tasted good with the ice cream XD but I wanna try something new!)We went to CWB. C exit and went to this 'teahouse'.After my friends got seats, they had to choose the sauce first, with garlic, soy sauce, spring onions, many choi

一行8人book 左8點半 任食打邊爐坐到10點半突然黑哂面同我地講：你地仲入單？夠鐘交枱喇喎當時全場約8成滿，無人等位之後就係咁叫我地加$15 打多一個鐘啦, 咁就可以加單喇我地話唔駛加單啦咁，但俾我地食埋枱面上d野先，唔好浪費食物之後佢係咁講夠鐘交枱, 要埋單但我地認為仲食剩咁多野, 又無人等位, 我地快快趣趣食埋都不為過姐, 又唔係要加單賺你的, 駛唔駛咁趕盡呀!喂, 叫左未黎的野都未計啦, 你漏單就大哂？之後阿姐自行埋單, 放低張單喺我地枱, 我地照食食到7788(過了~10mins)俾錢時仲要有場小風波我地無留意現場有無貼告示話唔收毫子啦埋單時我地的確有$1 係用毫子俾個阿姐又話唔收毫子係...唔收毫子你無犯法之不過係得咁多你唔收就話我地爭$1 又放返低張單想點呢?最後就有個疑似經理的人出黎收左佢其實唔係想攞你著數只係咁大間連鎖式酒家間舖無人等位, 客人只想唔浪費食物, 好快咁食埋佢你就要人加錢、唔加錢就趕你走咁款, 黑哂你面咁樣服務法唔鬼得周末夜晚喺銅鑼灣坐唔滿啦野食幾好味都假食唔到餐安樂茶飯幾大都唔會再黎

德興是老字號火鍋店，是日行完街便想去打邊爐，雖然客人也很多可是也不用等位。點了蘿蔔牛腩湯底，吃了很多東西，一般也不錯，但肥牛類還是很值得推薦：包括三種牛肉：頸脊肥牛肉、去骨牛仔骨肉、去骨牛小排肉。但三種之中，最喜歡的是去骨牛小排肉，覺得肉質特佳，味道甜美，另外手打肉丸也是鮮甜多汁，非吃不可。每人$141不貴，只是我不知道原來恆生卡可以打九折呢！

1.11 個FD生日去左德興打邊盧我地大概11人倒,張枱坐等岩岩好真係多一個黎都唔掂呀我地叫左兩個鍋..不過唔係我叫嘅所以唔知係咩鍋,不過應該有個係醉雞我地叫左好多野...肥牛,羊肉,芝士腸,貢丸,龍蝦丸,等等...都係普通打邊盧果D野仲有就係出面少食到D嘅水晶飽~~有兩款..一個係叉燒同奶黃..兩隻都算過得去..不過佢一個order有好多粒~...有成7至8粒~~其他野食都算ok嘅..款式都算多~唯一係我最鐘意嘅貢丸~好麻麻...食唔到有冬菇...其實德興都好出名嫁喇..好多人打邊盧都會霖到佢~未食過嘅..下次打邊盧米多個選擇揀囉

最近天氣轉涼啦, 各位要小心身體, 著多件衫呀! 咁既時候好多人都會想打邊爐, 要好味又抵食既, 本人覺得德興酒家既火鍋係最抵又正的! 最正係任食得黎質素唔差! 但醬料, 飲品就要另收費. 佢分時段又唔同價錢的. 哩度仲有好多湯底揀的, 醬料又多, 真係比你玩餐飽都得!勁多醬料任你配搭! 要加 $8任食menud 手打肉丸都好新鮮, 仲彈牙既添!o的肥牛都好正! 食多o的肥牛已經番本啦!十呀十下! d 菇都唔錯呀! 有時出面食到d 菇有陣臭味, 哩度絕對冇囉. 最後加多個烏冬, 飽哂!出去食散叫都30幾蚊碟, 有時胃口好d 隨時over $200, 黎到哩度唔洗就住就住, 可以盡情咁叫. 當然食得哂先好叫, 唔好浪費食物啦! 哩度的確係秋冬打邊爐既好選擇來的, 不過最好book定位啦~ 天氣一涼/ 冰, 好多時都好full 要等位架.

中午時和同事去了德興酒家。想一想，原來已經很久沒有飲茶了。西餐廳、茶餐廳、便利店…很多地方也有食物。但很多人也和我一樣，很久未上過茶樓了吧?那天因為我們人數較多，點了很多的食物。每人也可吃到不同的茶點。 我很喜歡吃鳳爪，但今次點泰式鳳爪, 因貪其去了骨，不用吐骨出來。吃了一口才知道並非去骨，而是把骨弄成了軟骨。酸酸辣辣的，很開胃。魷魚鬚我沒吃，因怕太熱氣。這個粉果做得很晶瑩剔透,，內有鮮蝦和韮菜。 這個是午市4位餐的雞肉煲。上菜時還是熱得沸騰的。雞肉的肉質真的很嫩~!味濃~ 還有很多，都不錯。可能在茶樓吃的，不只是蝦餃燒米這些中式茶點，還有小時侯一家人去飲茶的回憶^^

有朋友生日，話想食火鍋，結果我地去咗銅鑼灣德興。因為訂咗位，所以好快就有位,環境普通，員工都幾友善。任食火鍋，食物選擇多，湯底有創意，我地叫咗過靈芝蟲草花乳鴿鍋，真係又特別又好味！最後經理仲主動幫我地影大合照添,咁忙都留意到呢啲細節，令我地留低咗美好印象及回憶。