川味美食

營業中

休息中

首先我叫凍奶茶 ，上錯凍檸茶，叫咗三個餸配撈粉，腩肉漏咗冇俾到，然後落單已經講跟個細湯俾我，前後講咗三次最後先俾我！當時不是非繁忙時間，只有兩台客（其中一台是我的）個腩肉好難食，好韌好鞋，白曬曬，沒有滷水過，好似食緊瘦肉咁，煲湯豬肉點豉油都好食過佢！唔知係唔係轉左廚房？撈粉個汁個味道都唔同咗比起豐裕樓嗰間分店差天共地⋯⋯天堂與地獄分別以後行遠啲都會食返嗰間分店豐裕樓嗰間分店 真係好食好q多，完。

坐低發覺餐牌上餐廳名唔同左不過照有以往食開既紅薯粉豬腸豬耳酸辣湯紅薯粉今次叫左小辣 但食落冇乜辣味枱上有辣椒油同埋白醋供客人自行調味豬腸好肥😂 豬耳有部分有毛 即時令食慾下降感覺上同以往川味味道唔同價錢亦向上調整環境較往時乾淨企理同多左健康選擇 例如魚飯/配時蔬總括嚟講一般

食物質素同以前真系差太遠外賣少量碗數 都可以做得差配料味道好一般 食落過期咁有一陣怪味 連最基本既麵底都可以搞錯麵煮得太爛 食落冇口感米線同薯粉都系咁真系唔會再食 印象分減晒愈食愈嬲😤😐👿

呢幾日天氣好熱，晚餐家人提議食啲微辣的嘢，最後決定試下川味美食。我地分別叫咗酸辣炸醬紅薯寛粉 x 1及粉條 x 1 - 2碗粉各有加啲唔同的紫菜，蟹子丸，雞肉，墨魚丸，雲耳，豬腩肉，試下各種配菜的品質。- 雞肉完全無味，豬腩肉太薄- 其他尚算一般另外叫咗以下的小食：1) 秘制口水雞 - 一般2) 涼拌海蜇- 一般3) 涼拌牛柏葉 - 味道及口感都OK, 份量勉強可以，咁多小食裏面最OK的一個4) 韭菜鮮蝦水餃 - 呢個味道都OK, 而且都算有好多件整體評分只係一般，算係合格

今日黎試呢間川味，感覺同之前食其他分店嘅川味唔一樣。呢間既餸份量好少，而湯底亦都一般，叫酸辣淨係食到酸嘅味道唔覺得有辣。另外仲叫咗個小食水晶皮蛋，味道還可以，都係酸味比較多。

疫情嚴峻。鍾意食薯粉既我想解下癮係foodpanda 見到有川味美食見運費平平地 又有9折即管試下啦叫咗熱拌寬粉小辣加咗豬耳份量都唔少 寬粉口感煙un唔會過硬過淋 豬耳都正常爽口不過都幾辣🔥 可能因為無落湯既關係炸醬都幾多 撈埋一齊食幾惹味食落似幾種材料加埋 不過就無融為一體嘅感覺

甘岩想食麵 路過見到川味就叫左個外賣，以前係其他分店都有食過味道ok既。但元朗依間真心難食味道同其他分店差好遠，今次叫左雞翼豬大腸熱伴拉麵，點知比錯左麻辣腩肉豬大腸拉麵比我，都算喇！點知d腩肉un到不得了 成碗面個味道都好劣 食左幾啖真係唔想再食！我自己屋企煮個面都絕對好食過佢唔會再有下次，中曬伏！真係好失望

小店既味道，第一次食小店，叫啲大路野，見到碗麵覺得好普通，食落墨丸無特別，比三哥少，湯底比較酸，但食兩淡就好開胃，有啲喜出望外，呢間配料既肉碎都唔錯，唔會好似雲字頭個間成日有鑊焦，本身唔食得辣，睇到碗麵時有啲清淡，但佢啲辣椒醬原來都幾辣，反而酸菜幾好味，會帶少少甜味，整體來講唔錯

好耐無食過紅薯粉啦，所以決定去川味買黎食！川味夠平，分量又夠多，所以我都好鍾意食。今次因為無位，所以我就買外賣。先要講下個酸辣炸醬紅薯粉條，佢分量好多，配料又係好多，個湯好既係佢唔會太辣，酸酸地好開胃。加埋響鈴，佢唔太油，又夠脆，放落個湯到又係可以吸哂啲湯，好入味好正！另外叫左份口水雞（下裝），唔太辣，好入味，又夠嫩，係真係幾好食！兩樣野都好開胃，真係愈食愈起勁！份量又多，我都差啲食唔哂！下次可以試下其他小菜。

依家天氣咁熱唔係好想出街，所以就嗌左網上外賣平台送外賣，今次就試吓呢度嘅紅薯粉，叫咗兩碗，一碗係湯麵令一碗就係撈麵。撈麵要咗寬粉，湯麵就要做普通嘅紅薯粉，兩碗都要左小辣，另外其中一位叫做多花生但係實質好似冇乜多到。但係其實小辣都幾辣下，食到出晒汗，可能下次要少少辣會比較好啲。叫咗肥牛同埋麻辣腩肉，個人覺得麻辣腩肉比較好食，佢又唔會超辣嘅。覺得撈麵比較重口味，如果鍾意食重口味嘅人就啱啦，但我下次都可能要翻湯麵。

次次黎親元朗買外賣都要買呢個熱拌闊薯粉🥡薯粉有咬口❗️熱拌香料好惹味愈辣愈好食👍🏼每次都會加腩肉雖然肉質偏硬但撈埋個熱拌汁都幾惹味😋不過辣味有時會有偏差，有時叫小辣會好似中辣咁🧐不過$40咁大碗抵食👍🏼

今日端午節放假 梗係同家姐去食美味嘅雲貴風 ，專登搭巴士去，但係摸門釘，唯有轉移陣地去川味 食米線。今次係我家姐第一次去食，是我一個四川朋友介紹的 ，一入到去我叫咗鹵水蛋雞翼尖墨魚丸酸辣米線， 米線推粗彈牙十分有咬口 ，除咗呢樣外最緊要 叫的是小食， 因為種類繁多，今次我哋食涼拌青瓜， 尖椒皮蛋 ，·值得一提即係涼拌青瓜係新鮮到索索聲 ，加埋去秘製嘅麻辣油 真係食極唔停 ，尖椒皮蛋碎尖椒加埋特製辣有齒頰香，其實他的小食， 涼拌蓮藕片同埋涼拌土豆絲都十分之好味 ，要食齊曬真係要一大班朋友嚟食 或者一個人慢慢品嚐 二十零蚊一點真係超值 。

妹妹好喜歡食酸辣紅薯粉，今日她提議去元朗川味食。呢間主要食紅薯粉同米線，有湯同乾拌。我地嗌左一人一個粉再加d小食紅薯粉有分寬同幼，妹妹嗌左個幼紅薯粉配雞翼。她說好有咬口，夠"in un" ($31)我麻麻地紅薯粉，所以點左個酸辣湯米線配豬耳。我覺得米線太林唔好食，個湯亦較為清淡。($31)涼拌青瓜$18 ，都算入味。涼拌豬肚 $21 ，好味！任何罐裝汽水都係$5，算幾抵飲，右邊罐珍珠奶茶都係 $5，似西米多過珍珠🤔，我麻麻地但呀妹幾鐘意

又黎到星期五啦! 又係happy friday, 更重要既係又到食川味的日子川味雖然只係一間外表普通的粉麵店, 但真係好好味, 會食上引每星期都會食酸辣河粉加雞肉同豬肉餃, 由於小妹十分想䓤蒜的味道, 所以每次都叫多青. 䓤蒜的香加上川味的秘製酸辣湯底, 認真令人食上引, 每次食完都有種十分滿足的感覺今個星期就試咗無湯雞肉肥牛撈米粉, 雞肉是我的最愛, 每次都必食. 雞肉又淋又好味真係正呀無湯撈唔會因為食得慢而令米粉發脹，而且這樣的撈撈是熱的不會凍冰冰, 真係好這個平民美味之選, 黎到元朗一定要試呀

今次去到川味美食食紅薯粉. 尼間餐廳推介營養健康嘅紅薯粉, 向食客介紹紅薯含有豐富嘅澱粉膳食纖維、胡蘿蔔素、鈣等營養價值. 好耐冇食過紅薯粉, 我於是叫咗一碗腩肉上湯紅薯寬粉川味上湯系列配料有炸醬、腐竹、生菜、蔥花同芫茜, 但佢d肉碎都比較肥, 怕膩嘅可以走炸醬佢d腩肉比較瘦同硬囗, 同譚仔個d爭好遠, 可以忽略 但值得一讚嘅係佢d紅薯粉, 質地煙韌, 入囗彈牙, 值得一試, 而且量好大, $28蚊不過不失.