今日收工後喺太古城附近，搵吓有咩好食，發覺原來呢度都有Chatterbox嘅分店，係express。比普通Chatterbox分店環境冇咁好啊，落單係自助形式，但係價錢平好多。 試咗啲食物質素一樣keep到，叫咗個海南雞飯，海南雞依然好滑，油飯好好味。 另外試咗佢一個新米芝連餐牌，入邊有個雙拼，平咗一個淡淡面同埋迷你版嘅海南雞飯，兩樣都好食。 另外仲可以加配小食同埋甜品，我哋就加咗一個鹹蛋黃雞翼，鹹蛋味超重，食得好過引。 環境方面有少少快餐店嘅模式，但係一樣有人拎個餐上嚟枱嗰度，唔使自己去拎。

今日又去到銅鑼灣做嘢，今晚夜晚就同朋友一齊試吓佢嘅酸菜魚。 呢度方便在又可以嗌其他小菜又有酸菜魚，兩樣都試吓 除咗酸菜魚之外我哋仲叫咗椰子雞湯同埋人蔘雞湯，兩個湯都真材實料冇落味精。 另外再叫咗個蜂蜜柚子蝦球，果然好脆，甜甜酸酸咁好開胃。 個酸菜魚我哋仲可以叫唔同嘅配料加落去，因為今日我嘅朋友佢都比較鍾意食多啲蔬菜類，所以我哋再叫咗金針菇同埋萵筍加落去。 最後再錄埋啲米線落去，圓滿結束一餐。 環境方面坐得好舒服，啱晒我哋女仔慢慢坐喺度吹吓水。

平日返屋企經過呢頭見到新開左一間串燒加飲酒嘅地方，元朗都比較少呢啲地方所以一心都諗住搵日試吓 咁今日收工就過咗嚟食，啲串燒都算性價比好高，而且唔駛等好耐啲嘢食都到齊，呢一樣野幾好。因為通常全消都好似要等好耐咁。 叫咗燒牛舌心啦，又叫咗牛扒啦，個牛扒上枱嘅時候就有啲凍咗。 仲有個黑毛豬腩串，邊個好入味好好食。仲有雞肉軟骨棒，燒雞翼同埋燒扇貝。 蔬菜方面叫咗個黑松露雜菇，燒茄子，仲有我最鍾意嘅燒菠蘿。燒菠蘿果然好好食，我仲特登叫咗兩份添，所以都有好多。 在場氣氛都唔錯播吓歌咁又唔會太嘈，亦都好多打工仔收工之後黎happy hour。

今日收工喺朗屏站行過去元朗廣場，難得見到桂花小幸冇人排隊咁就直接入去食。 佢嘅燉湯套餐係我嘅最愛，因為工作左一整日之後總係想飲返碗湯，呢度幾十蚊一個餐已經包一個燉湯性價比好高。 今次我叫咗三杯雞套餐，加咗隻蛋。三杯雞啲雞肉好入味，送飯一流。 另外叫咗個鹽酥雞扒餐，雞扒亦都炸得好香脆，份量亦都好大塊。 飲品方面就冇叫到特飲，凍檸茶嗰啲一樣油，唔想飲得咁Heavy，就叫咗凍檸茶。 環境方面，坐得都好舒服，喺梳化位。

今日喺屯門市廣場行街，見到一間新嘅餐廳，之前都冇為意，好有韓國嘅特色Cafe嘅感覺，所以就決定今晚晚餐試吓喺呢個餐廳度食。 見到佢有好特別嘅忌廉水果三文治，唔係好多餐廳有，好奇心驅使底下就試咗呢個三文治。入邊係夾咗菠蘿嘅，啲菠蘿好甜。 主菜方面就要咗醬油燒黑毛豬白切肉飯，呢個味道做得好好食，咸度適中，而且啲黑毛豬好入味，唯一就係啲豬肉肥咗啲。 另外一個就要咗泡菜豬肉飯卷，就係平日傳統嗰種紫菜卷，餡料好足。 甜品方面就要咗個焦糖窩夫，呢個甜品好好食，雖然食完主菜之後好飽但係都忍唔住食晒。焦糖餅同窩夫嘅味道超夾。 飲品方面要咗濟州柑橘乳酪，杯飲品好啱打卡，成個橙喺上面。味道方面都唔錯，在場所見都有好多人叫咗呢杯特飲。

之前經過，見到又新街嗰度開咗間新餐廳，咁啱今日收工返到嚟元朗諗住同老公搵間有啲情調嘅餐廳好好食番個晚餐。見佢餐牌又唔算貴，所以一於試吓啦。 一入去，職員都好熱情咁幫我哋安排座位，而且介紹食物，職員話佢呢度嘅Pizza同埋意粉都係好出名嘅。而且cider 仲做緊優惠， $20就有一支。 咁我哋一於就試吓啲Pizza啦，叫咗一個食肉獸pizza，仲有叫咗個卡邦尼意粉，意粉仲可以揀自己想食嘅麵條種類。 個Pizza好有驚喜，果然係佢最出名嘅菜式之一，推介大家如果嚟呢間餐廳食嘅話一定要試吓佢嘅Pizza。 至於意粉都好足料，入邊嘅帶子同埋蝦都有幾多下，而且帶子都好厚肉。 本身想試埋佢個蘋果批，但可惜太飽，唯有下次再叫啦。

我既生日月就緊係要對自己好好啦！🥳 終於就約到兩個fd 子一齊黎食日本野！ 廚師發辦「おまかせ」 係將軍澳既FICUS 打電話黎BOOK 時候已經PREORDER 定左 SET 「月見」 秋之嚐味☺️🥰🇯🇵 期待佢地每日飛機到既新鮮食材！ 由前菜、刺身、一品料理、壽司、湯再到甜品都係由當日最新鮮既「飛機貨」去整既料理！師父重會好詳細咁講解關於食材既細節！可以話食野得黎都係學野既一種！佢地既餐具同擺盤都可以話好精細呀！打卡指數都好高！ 前菜既順菜同埋紫蘇海膽都好淋印象！ 好香既紫蘇 配埋佢係海膽豆腐加海膽個層次好豐富！ 刺身方面最鍾意就係大拖羅配新鮮既山葵！入口溶化！ 一品料理既和牛粒真係令人回味呀！入口既個陣油脂滑脫脫既口感！係口腔停流好耐！ 壽司都幾有水準！加埋結尾既濃湯！ 柚子啫喱既小清新平衡番全餐既邪惡感👅 食飽當然要行埋Donki! 買番d 日本野 買左當去左旅行！🇯🇵✈️

喺元朗好少有專賣滷味嘅堂食餐廳，呢一間就係好似滷水我出名，今晚一於同老公試吓。 我哋兩個都想試吓佢個滷水鵝片飯，因為叫我片嘅好處就係啖啖肉，原來佢返回跟一啲酸菜同埋一隻滷蛋，啲酸菜好好味，叫啲酸菜有得就咁買就返屋企就好啦。 我哋另外仲叫咗個滷水墨魚，估唔到都幾大碟，以為呢個價錢應該只會得幾夠，但係都有好多，過足口癮。 跟餐有個湯，我哋加錢要咗鵝骨湯，個湯係老火湯好足料。呢個天時凍凍地飲番啲湯就啱晒啦。 為咗健康着想我哋都嗌返碟油菜，疊彩比一般餐廳大碟好多，真係超值。

今日喺屯門做完嘢之後就買外賣返屋企同屋企人開餐，見到呢一間主打住家菜嘅餐廳，而且仲係良心小店，鍾意飲湯嘅我梗係試吓啦。 叫咗個咖喱魚柳飯，仲有一個鰻魚炒飯，同埋豬扒炒烏冬。聽聞呢度嘅豬扒幾出名，因為係用梨汁醃製，唔用化學野。 個咖喱好有椰香味，炒飯亦都好香恰當好處，豬扒果然好入味同埋好林，又唔會太咸，豬扒都想再encore 。 至於啲湯果然好有媽媽嘅味道，健康冇味精，飲多幾碗都得，之後應該會成日幫襯。 如果開多d分店，開係屋企附近就好啦

今日喺荃灣廣場睇完戲之後，就去搵一間米線，之前朋友介紹過話好味有份量多。 去到大鴻輝嗰邊再行過少少寶石大廈，都搵咗一陣，就見到間米線啦，間舖頭細細，但係都好多人食。 我哋分別就叫咗兩碗米線，同埋兩個小食，同埋兩杯凍檸茶。 米線方面叫咗腩肉蘿蔔同埋豬大腸。一上枱見到勁多餸，真係好足料特別一讚嘅係腩肉好入味應該預先醃過，腩肉推介必食。豬至於豬大腸嘅味道都冇咩豬臭味，幾乾淨。另外估唔到嘅係蘿蔔竟然好甜，鮮甜嘅蘿蔔真係可遇不可求。 小食方面另外叫咗個涼拌魷魚頭同埋手帕青瓜，兩個嘅味道其實係差不多嘅都係有啲蒜頭少少辣。 不過估唔到嘅就係個份量都真係幾大碟下，所以個性價比都好高。