尚苑京滬川菜

營業中

休息中

人越大真係越嚟越識得欣賞中菜近排都愛上咗中菜今晚喺尖沙咀做完嘢經過見到呢間裝修得咁靚嘅中菜，決定入去試吓呢度裝修好精緻超大嘅水晶燈聽職員講入邊可以包房唱K打麻雀等等而且每一位價錢都唔算好貴餐牌每一樣嘢都好似好吸引可惜今日得兩個人就叫咗兩樣嘢嚟試吓首先，叫咗菠蘿咕嚕肉上枱嘅擺盤已經非常精緻好睇咕嚕肉每一嚿夾起都可以完美拉絲加埋配菜 又唔會太膩最驚喜嘅係佢每一個咕嚕肉都係即整炸得非常香脆唔單只係咁 佢側邊嘅菠蘿唔係擺盤咁簡單係新鮮菠蘿嚟嘅，而且非常甜，一啲都唔酸而家做緊特價，$88 價錢仲平過普通茶餐廳另外我哋就叫咗半隻片皮鴨試吓留意番佢呢度嘅片皮鴨係即叫即整，所以需要預返啲時間首先，佢哋將片皮鴨嘅餅皮先上枱餅皮用一個熱爐仔熱住，確保每一塊食嘅時候都係暖嘅主角片皮鴨終於上場啦切得非常靚皮同肉嘅分布非常平均皮非常之脆 配有青瓜夾埋一齊食就冇咁膩最後真係要讚吓佢嘅廁所好少中菜廳廁所可以乾淨到咁下次叫多啲人嚟，希望可以試多啲菜式

位於尖東南洋中心內的尚苑，來到酒樓門口有被驚艷到😂水晶大吊燈行大樓梯，環境光猛，座位寬闊，仲有間舞廳💃🏻 想這也𠄘傳了一代的歷史意義食物的質素也非常之好，全手工即日制造的點心，接近零味精，最正是週末也有午市套餐，性價比很高，若果我是在這頭上班的話，這大概會是我的飯堂！菜遠蝦球窩伊麵 燻香樟茶鴨套餐只是$208伊面份量大概是3人份量，爽滑大隻嘅蝦，大概也有6隻左右，菜心菇類也多，務求每碗也各有足夠的餸！ 鴨肉燻香入味又嫩滑，很喜歡梓茶的香味，真係食到停唔到口！+$1有大隻"蝦餃皇"最離譜是還有金薄在蝦餃面，人參湯足料堅有人參味同人參在內，冇欺場！咁有誠意，抵我會再來encore!

朋友介紹呢間酒樓嘅樟茶鴨同酸菜魚都好出名，所以慕名黎試試一入去就見到一條大型雲石樓梯，酒樓裝修華麗堂皇，好多打卡位，環境又新又乾淨，帶長輩黎一定氹得佢哋好開心😆點心套餐B $218呢個套餐有樟茶鴨 (半隻)，桂花海皇炒新竹米，白灼菜心一碟同兩款自選點心，真係好抵食～🦆樟茶鴨係燻鴨嘅一種，色澤啡紅，鴨肉非常嫩又入味，係連啲鴨骨都有味，如果有酒真係送酒一流另外炒米粉份量好多，有海鮮例如大蝦、帶子、象拔蚌等，米粉口感滑身，炒得夠乾身🦐鮮蝦燒賣皇巨型蝦仁爽口彈牙，豬肉冬菇餡料都好夠味，食得出好新鮮，唔霉🦐萵筍蝦餃皇鋪滿金箔嘅蝦餃令人食慾大增，一樣皮薄餡靚 我哋假日下午茶時段去，點心仲有八折添‼️🐥雞絲粉皮 $58作為雞絲粉皮控，次次去飲茶都會食，呢碟粉皮好大碟，雞絲都好多，麻醬夠晒鹹香櫻花蝦煎蘿蔔糕 $24同朋友一致認為呢個係最好食嘅點心🤤外面有好多櫻花蝦，所以好香，裡面又超級多臘味，好夠味，如果新年有得賣都會想買來食💯🥕甘筍鹹水角 $30甘筍外型嘅鹹水角非常之啱打卡，外皮非常煙韌🥟灌湯小籠包 $44皮薄餡靚，一咬開就爆汁上海生煎包 $44外皮煎得好香，包體鬆軟，豬肉餡都幾多🧡💚四喜素鵝卷 $5

朋友推薦要去尖沙咀海洋中心“尚苑”京滬川菜，飲茶食 “燻香樟茶鴨”去到酒樓給豪華裝修嚇一跳，水晶大吊燈行大樓梯，全是豪華級享受，環境光猛好新座位寬闊，還有好多間廳房,中午有好多款套餐選擇，簡直是超值價👍👍點心套餐 B $218桂花海皇炒竹米白灼菜心燻香樟茶鴨還可選 2 款點心原隻蝦燒賣灌湯小籠包還有每人頭 + $1 有人蔘湯蝦餃皇酒樓不會因價錢平，食物質素就差，睇相已知道有幾高質，不用多介紹👍最出色真係要講隻“香燻樟茶鴨”除了鴨肉已入味嫩滑香，連鴨骨都好香，用來飲酒簡直正到無朋友😋雖然只是+$1基本上就是大隻“蝦餃皇”最離譜是還有金薄是金薄，蝦新鮮爽口好味，真係無得挑剔😳正體是超值超正環境新裝修靚，又高級又乾淨，真心多謝朋友推薦👍

平時假日最鍾意同屋企人發掘啲新茶樓飲茶，支持一下本地消費💪🏻見呢間酒樓嘅樟茶鴨餐都幾抵食，就入去試吓😆點心套餐B $218🔸樟茶鴨 (半隻)🦆🔸桂花海皇炒新竹米🔸白灼菜心一碟🥬🔸自選兩款點心樟茶鴨色澤好金紅🦆上碟都知好對板，成隻鴨每個部位都有好濃郁嘅嘅樟木同茶葉香味，連啲頭、頸、尾位都好入味，外皮都幾酥，肉幾嫩，我見佢平時晚市優惠半隻都係$98，都真係好抵食👍🏻 炒米粉非常足料，有大蝦、帶子、象拔蚌等，炒得乾身又爽口，配埋大蔥絲更添香氣🔸萵筍蝦餃皇🥟大大隻蝦餃外皮佈滿金箔，影相夠靚✨大蝦爽口又彈牙🔸鮮蝦燒賣皇🦐呢度啲蝦點心都幾唔錯，蝦仁都係好大隻，豬肉冬菇餡料都好新鮮除咗套餐，我哋仲散叫咗幾款點心，話明呢度係食京滬川菜，所以都叫咗啲生煎包、小籠包🌟以下價錢下午茶係有八折，所以抵食好多🌟櫻花蝦煎蘿蔔糕 $24最推薦嘅點心‼️ XO醬超惹味，入面有超級多臘味，又大大粒，好食過好多酒樓🤤上海生煎包 $44熱辣辣生煎包，一咬開爆晒湯汁，豬肉餡都幾多，小心燙口灌湯小籠包 $44一樣都係充滿湯汁，皮薄餡靚甘筍鹹水角🥕 $30完全被外型吸引，所以叫黎食，個皮都幾煙靭，入面就係平時鹹水角嘅餡料黑金流沙包

突然想飲茶,自己去左飲茶。加一蚊就有人蔘蝦餃,我當然叫左加,大大粒蝦餃,飲埋個人蔘湯汁,正!叫左九菜餃,大件又多餡,抵食。櫻花蝦羅白糕都特別,同埋煎到好香,食到羅白絲,每一塊都好大塊。叫左一碟鳳爪,新鮮即蒸,個醬汁味道唔錯。燒賣上面有蝦,仲要有4粒,好正!食左咁多野,埋單都唔洗二百蚊,真係好抵食呀!下次如果同朋友來就更好,因佢午市好多餐都好抵食,但連粉麵飯,我驚自己一人食唔晒就冇叫到。同埋想食片皮鴨呀!

尖東一帶酒吧、酒店就多，但係講到想食一餐價錢親民嘅中菜，可能大家會落返紅磡或者去返尖沙咀，但係南洋中心地下呢間尚苑，可能會俾到大家一個幾唔錯嘅選擇😃宋嫂魚羹浙江、杭州一帶嘅名菜之一，聞說好多國宴場合都有佢嘅出現，地位可見一班👍魚肉質感鮮嫩，筍絲、香菇絲增添口感層次，斤兩十足😎今次真係大飽口福🤤魚香茄子煲中菜廳考牌菜之一，熱辣辣好香口😋拌飯一流，食到停唔到口🤪鮮菠蘿櫻花蝦炒飯從賣相開始已經好惹人注目嘅一碟炒飯🤩鮮蝦、櫻花蝦、菠蘿、蛋白、菜粒，炒飯處理得粒粒分明，入口夠乾身🥳😜仲有個招牌三寶，下次有機會再過嚟試試佢👻

尖東一帶一向都有唔少餐廳，海邊西餐為主，之前嚟食過幾間烤肉/Cafe，今次放假就決定去酒樓嗌餸食飯😋有驚喜！呢間裝修好雅致，價錢絕對唔貴，但服務質素非常好，而且食物選擇都好多👀個人覺得幾適合同屋企人食✨醃蘿蔔片前菜酸酸地加幾粒辣椒🌶️酸酸辣辣幾開胃🤤✨尚苑小炒皇 $128💯最有驚喜之選💯小炒王超級足料，腰果炒得好香脆而且唔會硬，另外有唔少蝦仁🍤同埋其他海鮮配料，帶子粒份量都超級多✨蔬菜亦好新鮮唔會太老太韌😋真心大排檔價錢但超級足料，下次嚟絕對會再嗌✨紅油抄手八隻 $58望落好多辣油好重口味，食落又唔會覺得好漏👀🤔好惹味，但辣油份量都偏多🥲值得一讚嘅係皮薄肉厚👍🏻✨粟米魚肚羹 $58/位魚肚羹嘅材料非常豐富，切到細細粒啖啖都有料，真心好足料😛有魚肚咬下加上蛋花做點綴，飲落幾有口感同層次✨燻香樟茶鴨半隻 $98份量頗大，不過都唔少骨👀👀又係做緊晚市優惠，半價✨ 平時比較多係食燒鴨，用汁去調味，今次見有優惠就試吓新嘢🤌🏻覺得都有驚喜✨新鮮菠蘿拔絲咕嚕肉 $88晚市做緊優惠👍🏻個人覺得幾抵，長條狀嘅咕嚕肉好腍，外皮唔算炸得好脆但汁嘅份量啱啱好🤪唔會浸到個皮淋晒👀味道方面唔會太酸，個人覺得幾有鑊氣

#fafafoodblog尖沙咀 #fafafoodblog上海菜🍴四喜素鵝78 蚊素鵝好靚 腐皮 蘿蔔 筍絲等等 顏色夠靚🍴新鮮菠蘿拔絲咕嚕肉 148 蚊🐷🍍拉絲整得夠靚 咕嚕肉彈牙 出面帶 d香脆 正 🍴雲腿扒津白 128 蚊津白新鮮 雲腿好香咸 🍴嫩雞煨麵 78 蚊🐥雞肉好彈牙嫩滑 麵夠爽口 有菜粒 雞肉等等 湯底夠香濃 🍴叉子燒餅 48 蚊🍞好香脆既燒餅就甘食又得 點野食又得#素鵝 #上海菜 #叉子燒餅 #雞肉 #煨麵 #津白 #雲腿 #腐皮 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#尚苑京滬川菜尖沙咀麼地道75 號南洋中心 lg樓~~~~~~~~~~~~#fafafoodblog #為食花太郎 #fafafoodblog尖沙咀 ====================

尖東舒適亮麗中式食府 今日放假 沿着尖東海旁散步 喺南洋中心發現咗呢間靚裝修嘅酒樓 已是傍晚時分 喺咁嘅環境坐低嘆杯茶真係好正 😊 本身係俾佢嘅龍蝦酸菜魚套餐吸引 但係入到嚟又想試佢啲小菜🤣😋 ✨酸蘿蔔 好開胃嘅小食🥰 ✨灌湯小籠包$98真係皮薄餡靚 爆曬汁 大滿足👍😋 ✨回鍋肉$98真係色彩繽紛 唔會好油膩 啱晒怕肥嘅我😍 椰菜口感仲係爽脆 送飯一流😋 ✨椒鹽一字排$118都幾大份 炸到好香脆 啖啖肉 正呀😍 ✨花膠紅燒豆腐$108有我鍾意嘅花膠 都厚肉 充滿膠質 花膠都有好多塊 冬菇好入味 豆腐非常鮮嫩滑溜 推介😋😋 整體嚟講 地方寬敞 裝修高檔亮麗 職員殷勤有禮 選擇多 食物有質素 價錢適中 好享受一個晚上🥰 🎈尚苑京滬川菜 (尖沙咀)尖沙咀麼地道75號南洋中心LG樓

今日難得去咗科學館，我哋行返嚟呢邊條食街，睇吓有冇中餐食。條食街遊客非常多，所以我哋行到去商場地牢有一間酒樓，唔使同遊客爭。餐牌有很多選擇，又有套餐叫，又有一般點心紙叫，我見到好多人叫樟茶鴨，不過我們想食雞多啲，所以冇叫。叫咗一個素鵝卷，呢個真係值得叫，配上日式沙律麻醬，成個素鵝冇一般中式酒樓整到咁油膩，呢一個係非常之健康，但又有不同的口感，最主要的是四色有齊，非常漂亮。另外叫咗個得意嘅鹹水角，好大條蘿蔔，非常可愛，鹹水角炸得剛剛好，很煙韌，入面餡料十足。見到菜單上面有一蚊一隻蝦餃，就叫咗嚟試吓，杞子10分大粒，人蔘湯很濃味，飲完之後即刻成身暖晒。砂鍋雲吞雞叫咗半隻，都非常之夠食，又有雲吞，菜，隻雞仲整得非常之嫩滑。飲埋雞湯，不會覺得非常之口渴，證明真材實料，冇落很多味精。

呢間餐廳出名食酸菜魚片皮鴨或者茶鴨！知我鍾意食呢啲！朋友帶我過嚟真係貼心！呢間餐廳有套餐唔使用腦，我哋就叫咗套餐啦☺️☺️仲有推廣優惠添🤟🏻🤟🏻1. 人參湯鮮蝦餃（$1）：這道菜是用鮮蝦做成的餃子，搭配人參湯，餃子鮮嫩多汁，湯汁濃郁，帶有人參的營養價值。2. 燻香樟茶鴨（半隻）：燻製過的樟茶鴨，樟茶的香味與鴨肉的鮮嫩相結合so jeng !3. 酸菜魚：酸菜的酸味與魚的鮮嫩相融合，味道酸爽開胃。4. 灌湯小籠飽(套餐)：灌湯小籠包，包裡注入了美味湯汁，外皮薄軟，內餡鮮美，同埋好大隻唔會皮好厚！5. 蘿蔔絲酥餅(套餐)：這是套餐中的一道蘿蔔絲酥餅，外層酥脆，內部有蘿蔔絲的鮮甜口感！呢間餐廳比起一般嘅酒樓闊落，職員服務態度都幾好，周不時留意需唔需要幫我加水！

日 23 Feb 2024 濕濕笠笠星期日 尖東P2 經 Shangri-La 一路行到去噴水池，南洋中心 靜愔愔真係有D D似遣址咁，南洋中心 Basement 全層都係佢嘅，老牌 大菜館，裝修排場係有佢嘅風格、員工四正、制服光鮮笔挺、招呼大體得宜。不乏老中青一家大細家庭聚會，睇嚟都係上等人。意想不到嘅係佢嘅價錢真係好貼地。最爆嘅就係一蚊一隻人蔘湯蝦餃王，每位客人最多嗌一隻。絕對冇揸流攤。叫咗個點心套餐B $218。桂花海皇炒新竹米。出邊好少食到，真材實料，桂花清香，炒得乾身有鑊氣，薰香樟茶鴨半隻。喜出望外，薰得好香又入味，皮脆肉嫩。好好食，追住食。另外兩個點心都好高質素。市道係冇以前咁差，12:00 去到坐定定，唔使15分鐘已經full house，有啲枱仲可以做2轉。有心去嘅最好都係Book枱先。整體嚟講係好滿意，可以encore。

請咗半日假me time一下，嚟咗紅磡搵咗一間中菜館喺南洋中心地庫睇個樣唔錯，依次去試吓，餐廳唔算非常大座位寬敞，唔會太逼夾坐得非常舒適。坐低後叫咗五個點心，豚肉叉燒包，鴛鴦肚雞扎，甘筍鹹水角和原隻鮮蝦燒賣，宜家餐廳仲做緊優惠，一蚊就可以叫一隻人蔘湯蝦餃非常抵食。點心即叫即整等了15分鐘後就上枱，鹹水角造型似足一隻甘筍，睇得出師傅非常用心製作鹹水角餡料亦非常豐富。鴛鴦圖雞札，估唔到竟然唔係用火腿而係用上黑椒金錢肚取代配上魚肚雞肉腐皮及芋頭，打開雞扎非常有驚喜。 豚肉叉燒包亦唔會非常多肥豬肉，一粒燒賣竟然有兩隻原隻鮮蝦加上半肥瘦豬肉非常爽口。人蔘湯蝦餃甘香味十足，用上新鮮人蔘熬製湯底而成配上蝦餃皇，味道非常配合。餐廳入口非常容易尋找就在男人中心入口落一層，有機會大家要嚟試吓。

下午時間黎到餐廳，唔洗排隊等位直接入去。大堂裝修不錯，桌與桌之間空間充足，就算有輪椅或B B車都有足夠位置擺放。食物方面，今次點左個點心套餐，超抵食，兩人食足夠有餘。呢個套餐主打酸菜魚，十分足料，味道夠，裡面有寬粉，很飽肚。配菜方面有，雪菜肉絲炒年糕及白灼菜心，味道及外觀普通。點心方面，我地揀左小籠包同黑金流沙包。雖然小籠包外貌一般，但內裡餡料多，湯汁濃郁。黑金流沙包，外貌精緻，餡料有流沙，色香味俱全。最後我地加左個1 蚊人參蝦餃，人參杞子湯底，蝦餃上有金箔點綴，值得一試。整體服務欣勤周到，感覺良好。