尚苑京滬川菜

營業中

休息中

朋友在尖沙咀東返工，我倆約咗係附近食晚飯吹吹水。發現東邊幾多美食，除咗小食店外，有很多茶餐廳、酒家、燒肉等…放工時間仲好多人係嗰邊食飯，又多個筧食地方🤪今次舒服啲揀咗酒家食飯，邊食飯邊吹水，冷氣夠涼，酒家主要係地下層，環境都幾大，坐得好舒服。落到去，已經見到魚缸，入面有好多生猛海鮮游嚟游去，朋友已經點名要食海鮮。除咗鑊氣小菜/生猛海鮮外，都有川菜。可惜我哋喉嚨不適，無幸試川菜🥲茶水（位）$18小食$20晚飯海鮮孖寶C$288清蒸沙巴龍躉班（一斤）+燻香樟茶鴨（半）龍躉班肥美，啱好兩條女食。魚肉滑，鮮甜👍🏻係自己唔會煮到嘅味道🤭燒鴨食得多，燻鴨就是沒吃過。鴨子帶點脂肪睇落好乾。食落都有肉汁，重點要講燻味好濃烈，調味夠。外皮都脆卜卜，愛皮人士要叫了🫶🏻菜心炒牛肉$128清清哋叫碟菜，清腸胃🤭牛肉份量比相像中多，牛肉滑滑，菜心有口感剛好宋嫂魚羮（位）$58宋嫂是誰？原來是魚肉羹，真材實料，見到好多魚肉、蛋白、木耳、荀絲…味道偏清淡，但食到十分鮮味😋啱食鐘意食魚/懶人（me)

呢度既裝修幾華麗，光線充足，環境乾淨，服務態度好！👍🏻👍🏻1. 生煎包：底部酥脆的和餡料多汁。不錯！👍🏻2.順德乾焗魚頭煲：一送上枱已經聞到好香！魚肉新鮮，調味濃郁！烹調既火候足夠！好滿意！🫶🏻3. 新鮮菠蘿櫻花蝦肉碎炒飯：係好似櫻花咁既粉紅色既！👍🏻結合左新鮮菠蘿、櫻花蝦和炒飯，有一種甜酸口感和海鮮既香味。炒飯粒粒分明，不油膩！食材之間既味道相互襯托！🫶🏻下次會同屋企人再黎！😀

今日同屋企人去咗呢間中菜廳食飯。佢嘅位置喺南洋商業中心入邊嘅地庫，有少少唔顯眼。五香燻魚 ($108)咸鮮嘅口味好啱做餸，炸到外面香脆，裏面唔太硬。太白醉翁乳鴿 ($98)原本想叫普通乳鴿，但竟然賣晒，就叫咗依個嚟replace，點知好有驚喜。個乳鴿酒味濃郁，啖啖肉，肉質嫩滑多汁，皮薄又唔肥。尚宛擔擔麵 ($68)同平時食開嘅擔擔麵唔同，佢有一浸辣油喺面，唔係好似花生湯底嘅感覺。不過啲麵條煮到軟硬適中，都還好嘅。蘿蔔絲酥餅 ($48)好好食而且有睇頭。黑色嘅蘿蔔絲酥餅配上少少金箔，成個菜即刻高級咗。個酥皮唔會好厚粉，入面嘅蘿蔔絲熱辣辣，好正！花素蒸餃 ($38)貪佢健康唔肥膩，點埋醋食提味，不過不失啦。

酒家位於大廈地下一層，沒有窗戶，有個問題就是體感上會比較潮悶。可能因為地理位置較偏，加上新開業，我們早上11點到店時幾乎無人，離開時只新增一桌。但出品還是稱得上酒家水準的。蝦餃皇。一口咬下去，新鮮嫩滑的飽滿的蝦肉在唇齒間蹦出，好評！灌湯小籠包。無功無過的出品，整體不會失望。招牌雪山叉燒包。不是很喜歡這款點心的顏色，有些工業風。味道無功無過。蘿蔔絲酥餅。好評的一款點心，不管是外層酥皮，還是內里蘿蔔絲料，都可圈可點，好味😋椒鹽九肚魚，一口黃金脆豆腐。都做到了外酥里嫩，出品正常穩定。金銀蒜豉汁蒸排骨。豉汁濃郁，排骨肉新鮮彈牙，好吃。

唔知大家有冇發現，尖沙咀南洋中心有個好奇怪嘅位，當妳撘完扶手電梯落去LG，會發現去入咗間酒樓入面，即時係冇路可以上返去，你要穿過間酒樓，先至可以由酒樓正門行樓梯上返去地面...不過既然一場到，咁就順便試下啦。酒樓地方好大，坐得好舒服，仲可以包房唱K。前菜 $20醃青瓜，青瓜切成一節節比較大件，醃得好入味，口感爽脆，味道酸酸甜甜十分醒胃。燻香樟茶鴨(半隻) $98晚市招牌三寶之一，份量估唔到都幾多，鴨皮及肉都充滿煙燻香氣，口感柔嫩，肥而不膩，味道醇香。回鍋肉 $98材料有半肥瘦的五花腩肉片、椰菜及青紅椒，炒得乾身香口，味道微辣有陣陣的醬油香味。生煎飽(3件) $58飽皮軟熟，餡料飽滿，菜肉比啱啱好，肉味香。紅油抄手(8隻) $58一口一粒皮薄餡料飽滿，菜肉剛好又多汁，紅油醬汁醬味濃郁，香而不辣，非常好食。蔥油餅(2件) $48外層炸得乾身香口，內層鬆軟又充滿蔥油香味。

屋企人生日話想食中菜 夜晚係尖沙咀行完街就嚟咗呢間酒樓一入門就見到巨型嘅水晶吊燈同雲石樓梯 呢個位好啱打卡 而且環境好光猛好靚 裝修金碧輝煌 座位之間亦都好闊落尚苑黑松露鮮牛炒河牛肉大片得嚟份量非常之多 連埋芽菜 白芝麻等等嘅配料 食落好有鑊氣 不過黑松露味唔算太出燻香樟茶鴨(半隻)呢個係職員強烈推薦 估唔到半隻已經有咁多 一入口係好香煙燻味 鴨肉油香嫩滑 難怪係晚市嘅招牌三寶之一新鮮波蘿拔絲咕嚕肉上枱擺盤好精緻 咕嚕肉嘅外皮好酥脆 配上洋蔥 紅椒同黃椒 隔離嘅菠蘿唔係普通罐頭菠蘿 係新鮮菠蘿切粒再連殼咁上枱 菠蘿食落非常之甜 呢道菜已經成為咗屋企人嘅摯愛生煎包(3隻)呢個一定要趁熱食 熱辣辣一咬開就爆汁 豬肉餡都幾多川式蒜泥白肉卷將豬肉片捲住青瓜 再係面頭放上蒜泥 再配上辣椒油食落惹味十足

最近放假同屋企人去尖沙咀尚苑飲茶。 餐廳嘅地方都幾方便，就喺尖東嘅位置 。而餐廳入面環境舒適，侍應嘅服務都幾周到，而且佢嘅點心都幾抵讚！ 1. 上海生煎包：生煎包好好味啊！外皮金黃酥脆，一口咬下去，裡面嘅湯汁就會流出來，好滋味！2. 鍋貼：鍋貼係我最愛嘅小吃之一！呢款鍋貼皮薄餡多，煎到底部金黃酥脆，好香好脆！入口之後，可以食到裡面嘅肉餡嘅鮮美，真係令人停唔到口3. 紅油抄手：抄手皮薄餡多，餡料入口即化，加上香辣嘅紅油同特製醬汁，味道好濃郁好開胃。4. $1人蔘湯鮮蝦餃：$1咁平，真係超值！鮮蝦餃好鮮甜好多汁，配上滋補嘅人蔘湯，味道清爽又開胃。5. 黑金流沙奶皇包：一咬落去，裡面有濃郁嘅流沙奶黃就會流出嚟，鍾意食奶皇包嘅人一定要試6. 田園甘筍鹹水角：呢款鹹水角外表打扮成甘筍咁嘅樣，真係幾得意。鹹水角嘅外皮酥脆，內裡嘅餡料鮮美多汁，每一口都好滿足！7. 小籠包：皮薄肉嫩，入口即化。每一個小籠包都有濃郁嘅肉汁，加上特製嘅醬料，更加美味。如果去尖沙咀飲茶，真係一定要試下！

放假同屋企人留港消費，其實香港都好多CP值高既中菜店，唔洗舟車勞頓最重要！呢間位於尖東既酒樓真係大推🫶🏻野食款色多味道唔錯、環境乾淨、staff親切服務好😌特別推介嗌點心套餐，可以簡<燻香樟茶鴨>/酸菜魚>，另加粉面、菜心、2款點心。今次叫左有半隻<燻香樟茶鴨>既點心套餐B，只係$218，勁抵食！下次會再試片皮鴨，好似都係$248，喺出面完全食唔到！樟茶鴨幾乎每枱都嗌，原來係川菜黎，但唔麻唔辣，食落有啲似煙燻鴨胸，肉質結實，鴨皮亦燻得香口。桂花海王炒新竹米同平時酒樓食既炒米唔同，新竹米粉比較有彈性，炒得亦夠火候。點心亦都好正♥️黑金流沙奶黃包一mit開即刻流心，奶黃味香濃，質感棉滑♥️蔗糖馬拉糕My fav dimsum🥰欣賞佢冇用黑糖整～蔗糖先係最正宗傳統既！鬆軟香甜♥️店員大推既$1人參湯蝦餃雖然$1，但一啲都唔渣流灘！隻蝦餃勁大粒，蝦仁勁多，亦有擺盤，人參湯亦唔錯👍🏼

下午茶想搵啲嘢食，朋友話想搵地方飲茶，喺尖東附近揀咗呢一間商場入邊嘅酒樓朋友想去個廁所先，但知客要齊人先入得，都要擾攘左一陣先入到去主力想食點心，就揀咗幾款點心同埋一個麵貝貝鮮蝦豆苗餃（$36），上枱夠熱，皮薄餡多👍豉汁醬王蒸鳳爪（$36），表現OK，大份嫩雞煨麵（$78）紅油抄手8隻（$58）川味蒜泥白肉卷（$68），蒜泥白肉入邊夾咗塊青瓜，未試過咁嘅配搭，都係鍾意直接用返青瓜絲好啲人蔘湯鮮蝦餃（$19.6），呢個午市特價幾抵食，蝦餃大隻，人蔘湯好香👍

人越大真係越嚟越識得欣賞中菜近排都愛上咗中菜今晚喺尖沙咀做完嘢經過見到呢間裝修得咁靚嘅中菜，決定入去試吓呢度裝修好精緻超大嘅水晶燈聽職員講入邊可以包房唱K打麻雀等等而且每一位價錢都唔算好貴餐牌每一樣嘢都好似好吸引可惜今日得兩個人就叫咗兩樣嘢嚟試吓首先，叫咗菠蘿咕嚕肉上枱嘅擺盤已經非常精緻好睇咕嚕肉每一嚿夾起都可以完美拉絲加埋配菜 又唔會太膩最驚喜嘅係佢每一個咕嚕肉都係即整炸得非常香脆唔單只係咁 佢側邊嘅菠蘿唔係擺盤咁簡單係新鮮菠蘿嚟嘅，而且非常甜，一啲都唔酸而家做緊特價，$88 價錢仲平過普通茶餐廳另外我哋就叫咗半隻片皮鴨試吓留意番佢呢度嘅片皮鴨係即叫即整，所以需要預返啲時間首先，佢哋將片皮鴨嘅餅皮先上枱餅皮用一個熱爐仔熱住，確保每一塊食嘅時候都係暖嘅主角片皮鴨終於上場啦切得非常靚皮同肉嘅分布非常平均皮非常之脆 配有青瓜夾埋一齊食就冇咁膩最後真係要讚吓佢嘅廁所好少中菜廳廁所可以乾淨到咁下次叫多啲人嚟，希望可以試多啲菜式

位於尖東南洋中心內的尚苑，來到酒樓門口有被驚艷到😂水晶大吊燈行大樓梯，環境光猛，座位寬闊，仲有間舞廳💃🏻 想這也𠄘傳了一代的歷史意義食物的質素也非常之好，全手工即日制造的點心，接近零味精，最正是週末也有午市套餐，性價比很高，若果我是在這頭上班的話，這大概會是我的飯堂！菜遠蝦球窩伊麵 燻香樟茶鴨套餐只是$208伊面份量大概是3人份量，爽滑大隻嘅蝦，大概也有6隻左右，菜心菇類也多，務求每碗也各有足夠的餸！ 鴨肉燻香入味又嫩滑，很喜歡梓茶的香味，真係食到停唔到口！+$1有大隻"蝦餃皇"最離譜是還有金薄在蝦餃面，人參湯足料堅有人參味同人參在內，冇欺場！咁有誠意，抵我會再來encore!

朋友介紹呢間酒樓嘅樟茶鴨同酸菜魚都好出名，所以慕名黎試試一入去就見到一條大型雲石樓梯，酒樓裝修華麗堂皇，好多打卡位，環境又新又乾淨，帶長輩黎一定氹得佢哋好開心😆點心套餐B $218呢個套餐有樟茶鴨 (半隻)，桂花海皇炒新竹米，白灼菜心一碟同兩款自選點心，真係好抵食～🦆樟茶鴨係燻鴨嘅一種，色澤啡紅，鴨肉非常嫩又入味，係連啲鴨骨都有味，如果有酒真係送酒一流另外炒米粉份量好多，有海鮮例如大蝦、帶子、象拔蚌等，米粉口感滑身，炒得夠乾身🦐鮮蝦燒賣皇巨型蝦仁爽口彈牙，豬肉冬菇餡料都好夠味，食得出好新鮮，唔霉🦐萵筍蝦餃皇鋪滿金箔嘅蝦餃令人食慾大增，一樣皮薄餡靚 我哋假日下午茶時段去，點心仲有八折添‼️🐥雞絲粉皮 $58作為雞絲粉皮控，次次去飲茶都會食，呢碟粉皮好大碟，雞絲都好多，麻醬夠晒鹹香櫻花蝦煎蘿蔔糕 $24同朋友一致認為呢個係最好食嘅點心🤤外面有好多櫻花蝦，所以好香，裡面又超級多臘味，好夠味，如果新年有得賣都會想買來食💯🥕甘筍鹹水角 $30甘筍外型嘅鹹水角非常之啱打卡，外皮非常煙韌🥟灌湯小籠包 $44皮薄餡靚，一咬開就爆汁上海生煎包 $44外皮煎得好香，包體鬆軟，豬肉餡都幾多🧡💚四喜素鵝卷 $5

朋友推薦要去尖沙咀海洋中心“尚苑”京滬川菜，飲茶食 “燻香樟茶鴨”去到酒樓給豪華裝修嚇一跳，水晶大吊燈行大樓梯，全是豪華級享受，環境光猛好新座位寬闊，還有好多間廳房,中午有好多款套餐選擇，簡直是超值價👍👍點心套餐 B $218桂花海皇炒竹米白灼菜心燻香樟茶鴨還可選 2 款點心原隻蝦燒賣灌湯小籠包還有每人頭 + $1 有人蔘湯蝦餃皇酒樓不會因價錢平，食物質素就差，睇相已知道有幾高質，不用多介紹👍最出色真係要講隻“香燻樟茶鴨”除了鴨肉已入味嫩滑香，連鴨骨都好香，用來飲酒簡直正到無朋友😋雖然只是+$1基本上就是大隻“蝦餃皇”最離譜是還有金薄是金薄，蝦新鮮爽口好味，真係無得挑剔😳正體是超值超正環境新裝修靚，又高級又乾淨，真心多謝朋友推薦👍

平時假日最鍾意同屋企人發掘啲新茶樓飲茶，支持一下本地消費💪🏻見呢間酒樓嘅樟茶鴨餐都幾抵食，就入去試吓😆點心套餐B $218🔸樟茶鴨 (半隻)🦆🔸桂花海皇炒新竹米🔸白灼菜心一碟🥬🔸自選兩款點心樟茶鴨色澤好金紅🦆上碟都知好對板，成隻鴨每個部位都有好濃郁嘅嘅樟木同茶葉香味，連啲頭、頸、尾位都好入味，外皮都幾酥，肉幾嫩，我見佢平時晚市優惠半隻都係$98，都真係好抵食👍🏻 炒米粉非常足料，有大蝦、帶子、象拔蚌等，炒得乾身又爽口，配埋大蔥絲更添香氣🔸萵筍蝦餃皇🥟大大隻蝦餃外皮佈滿金箔，影相夠靚✨大蝦爽口又彈牙🔸鮮蝦燒賣皇🦐呢度啲蝦點心都幾唔錯，蝦仁都係好大隻，豬肉冬菇餡料都好新鮮除咗套餐，我哋仲散叫咗幾款點心，話明呢度係食京滬川菜，所以都叫咗啲生煎包、小籠包🌟以下價錢下午茶係有八折，所以抵食好多🌟櫻花蝦煎蘿蔔糕 $24最推薦嘅點心‼️ XO醬超惹味，入面有超級多臘味，又大大粒，好食過好多酒樓🤤上海生煎包 $44熱辣辣生煎包，一咬開爆晒湯汁，豬肉餡都幾多，小心燙口灌湯小籠包 $44一樣都係充滿湯汁，皮薄餡靚甘筍鹹水角🥕 $30完全被外型吸引，所以叫黎食，個皮都幾煙靭，入面就係平時鹹水角嘅餡料黑金流沙包

突然想飲茶,自己去左飲茶。加一蚊就有人蔘蝦餃,我當然叫左加,大大粒蝦餃,飲埋個人蔘湯汁,正!叫左九菜餃,大件又多餡,抵食。櫻花蝦羅白糕都特別,同埋煎到好香,食到羅白絲,每一塊都好大塊。叫左一碟鳳爪,新鮮即蒸,個醬汁味道唔錯。燒賣上面有蝦,仲要有4粒,好正!食左咁多野,埋單都唔洗二百蚊,真係好抵食呀!下次如果同朋友來就更好,因佢午市好多餐都好抵食,但連粉麵飯,我驚自己一人食唔晒就冇叫到。同埋想食片皮鴨呀!