富田和食亭 (油麗商場)

營業中

休息中

之前都食過幾次，覺得富田雖然比較殘，不過附近根本冇好啲嘅早餐餐廳，記得佢上次早餐嗰塊炭燒扒還是不錯，就入去食個早。食個40幾蚊早餐原本冇咩要求，正正常常就好。叫咗B5 炭燒豬扒，火腿腸仔改煎蛋。一上枱已經覺得唔係幾對路，同上次塊扒差好遠，完全冇炭燒。原本想食湯米線，不過湯米線係香煎豬扒，就係因為想食炭燒豬扒先至食呢個餐，點知都係煎。成碟都係一陣劣質嘅油味，勁油，蛋勁熟，但竟然是凍的。但係都冇諗住寫食評，直到嗰條腸仔，我原本都覺得佢好似冇煎過，以為係烚熟，點知切咗一嚿放入口，竟然係凍嘅。唔係室溫嗰種，喺雪櫃嗰種凍。好驚肚痛，唔敢再食。覺得好離譜，就算趕住收早餐都冇理由俾凍腸仔客人食，腸仔已經係劣質肉，仲要生食？同職員講反映，佢叫我下次講明要大火，（我唔係想要燶，我只係想要熟同熱），佢都冇打算即時處理，竟然覺得仲有下次。飲品正常。一間餐廳由排晒隊變到小猫三兩隻總有原因…

公司距離餐廳非常非常遙遠，油麗商場嚟講，除咗連鎖店之外，稍為入得口嘅真係得呢間，一個星期總有一日會喺呢度食，平時都係叫開雞扒撈烏冬或者炸雞，今日原本都想嗌同一樣嘢嘅時候，見到幾碗炸豬扒飯喺我旁邊飄過，發現原來個炸豬扒都幾大塊，於是就嗌嚟試吓一嚟到，其中一樣令到我幾滿意嘅係，個滑蛋係喺炸豬扒下面，唔會搞到個炸豬扒腍晒個豬扒仲要都有15 mm厚，喺油麗商場嚟講，呢個質素真係冇投訴㗎啦，下個禮拜再去食過先

今日嚟到油塘富田和食亭同細姪女慶祝生日。我地預先訂咗來自北海道嘅白海膽同赤馬糞海膽慶祝。另外，order咗一大盤刺身，有帆立貝、三文魚、蝦、生蠔、鮑魚、雞翼、炸紫芋薯餅、榴槤炸彈、羊架、拖羅、河豚于🐡🐡北海道白海膽口感細膩，入口即化，味道較順滑；赤馬糞質感較厚實，味道較濃郁。刺身拼盤真係無得輸啦，蝦最吸引眼球，勁大隻，帆立貝肉質肥大肉厚，口感爽口甜美，三文魚都係厚切，所有食材都好新鮮。炸物都係新鮮炸起，熱辣辣口感，母親大人最喜歡紫芋薯餅，見到兩婆孫食得津津有味，大家見到都好開心。富田和食亭 (油麗商場) (油塘)油塘油麗邨油麗商場1樓102-103號舖

剛剛係附近做野，有人介紹話呢間「富田」食日式餐，而且抵食☝🏻好，去試吓先嘩，睇餐牌好勁喎💪🏻好多選擇，而且除了定食，仲有手卷壽司等等，價錢都係大眾化。咁就要睇埋實際啦🤣第一個到嘅食物，😅😅好似細份左啲，可能因為鰻魚貴呀！石頭鍋豚肉就正常啦，而且好味👍🏻炭燒七味雞扒配麻醬烏冬，呢個都唔錯喎！👏🏻👏🏻燒牛扒🤩最驚喜，唔怪之得眼見咁多人order 呢個啦😂整體都真係幾抵食，只要識得叫😂😂😂

朋友飯聚，喜歡富田和食亭有獨立房間及預早幾天可安排飛機貨，這次我們安排兩款日本蠔，毛蟹，秋刀魚，炸白蝦及白子兩食，當然也有餐廳的食品，價錢比旺區便宜抵食，大家大滿足。

今日3號風球，所以諗住係附近餐廳食就算，然後路過呢一間日式鋪頭，就入咗去，入到個環境好暗，同埋無乜staff，心諗已經有啲出事了，不過入到去就試下喇。最尾叫埋單嘅時候，朋友以為收銀嗰個係職員，行咗出去同佢講埋單，點知原來佢都係等埋單嘅客人黎，現場氣氛有啲尷尬然後個客人就大叫埋單，先有職員出黎，呢樣嘢真係要改善下。總共叫咗9樣嘢連飲品，總數312蚊。作為一間日或餐廳黎講就唔達標，不過作為普通食一餐晚飯黎講就合格嘅。

巳前來過吃的芝士肉醬飯，是十份美味的!現在和巳前的芝士肉醬奄列飯相比，求其得可憐!完全吾想做咁!事原我上星期下午去吃下午茶，叫左個芝士肉酱奄列飯，等二十分鐘，一上枱我一看，嘩!個大廚師轉左咩，咁都可上枱完全冇心做，同餐牌個樣相差好遠，小得可憐，而且冇咩肉醬又冇沙律菜，我吃完又要再叫多個餐又要再等，吃完兩個餐先感覺到飽，價錢巳加價到$43!你加價合理，個個都加架啦，但起碼食物出品要保持到先得架!你周圍都有大把選擇，你甘食物質量，叫人點再敢幫襯你呀!熟客都你咁話丫!

富田和食亭喺油麗商場，是一間食日本刺身、壽司、燒物……嘅日本餐廳，如果你想食好嘢，其實可以同老闆講，或者預先訂時令嘅日本新鮮食物，好似蝦、蟹、生蠔🦪平時一般嘅壽司、卷物都有好多選擇，好似吞拿魚、三文魚日式煎餃子、天婦羅等等豐儉由人。

平時冇乜食過呢間餐廳，不過最近發覺去夜晚做緊外賣優惠，一個晚餐都係40 上下，所以就決定試下。🧐🧐今次叫咗豬軟骨拉麵，叫咗個港式啲嘅口味，有地獄湯，即係嗰啲辣辣地，幾香口嘅湯底，外賣都幾有心機，有分湯，令到啲面唔會浸到林晒。值得一讚。😋😋肉有三舊，軟骨部份其實唔算好多，不過肉質都算幾鬆軟啦，呢個價錢嚟講，夜晚又唔想煮嘅話，其實真係可以一戰再戰。👍🏼👍🏼下次試吓牛肉拉麵先，可能仲好食😋

今晚好難得有舊同學飯聚，其中一位女同學建議去油塘一間日本餐廳「富田和食亭」食晚飯，因為另一位男同學認識餐廳負責人，可以經餐廳代訂一些優質日本食物；不過，預訂時間最少要預早一星期，最終我們食了：《預訂食物》1️⃣ 日本生蠔🦪🦪 生蠔好大隻，非常新鮮，估唔到可以訂到這些又大又肥美的生蠔，大家都非常滿足2️⃣ 海膽第二個預訂嘅食物是海膽，足足有一板海膽，同樣地，海膽都是非常新鮮3️⃣ 池魚刺身 池魚 非常之大條，做刺身一流；另外，魚頭及魚骨等材料則可以用嚟炮製魚湯《餐廳食物》4️⃣ 小食5️⃣ 沙律6️⃣ 清酒🍶

油塘區餐廳看似很多 但其實可以揀既真係唔多🥹🥹今次試食左呢間 下午茶選擇都算多 😁😁價錢唔貴 $4x 座位算是寬闊 👍 點左吉列豬扒 配 炒蛋 再配一碗米粉上台算係有驚喜 炒蛋真的不錯 可惜唔夠熱 🥲 米粉無特別 豬扒炸炒太厚 其實似炸肉片😂😂😂😂不過呢個價錢算係咁

想食平民日本嘢的話好多時都會揀任食放題餐廳，但由於任食一不小心就會食太多。近來搵到間可以散叫到日本放題都成日會叫嘅餐廳！價格相對低好多， 一大班人叫好多都非常抵食。除咗放題必叫嘅1) 芝麻雞翼 2)芝士年糕 3)青瓜沙律 之外，佢哋仲有炸蝦餅，牛油果壽司，九州拉麵等等... 仲要好抵都係$35蚊起，CP值極高之外！原來想食好嘢仲可以問老闆，佢會報返價睇下時令有咩日本新鮮貨，而當日我哋叫北海道海膽，令和之怪物，同埋池魚慶生；老闆仲好好幫我哋擺 到好靚同襯返啱嘅味道，就好似生蠔配上紫蘇葉食，真係好令人回味～再散叫啲小食，夾返錢同平時食放題差唔多(約$400/位)，但質素就保證新鮮！唔講真係唔知屋村style居酒屋都可以尋到寶！如果住得唔遠的話，又鍾意食日本嘢一定要嚟試試！

上次試過係到吃過下午茶，今次就試下午餐set, 其實都幾多選擇，我比較喜歡吃牛，所以order了一個定食網燒牛扒定食唔知點解，燒牛扒要等好耐才送到給我，好彩燒得唔錯，不會太硬，加上燒汁，幾好味，飯夠大碗，夠頂一個下午所以我每次來到油麗邨工作都會選擇這裡吃，不過早餐就不會了，因為上次試過要等好…耐才有得食，搞到我遲到呢！

笫一次係油塘返工，同事帶我去食日式餐廳，佢話下午茶便宜D，即管去試下我order了大和牛肉飯, 估唔到份量ok, 牛肉唔錯, 加埋隻蛋, 實在好吃抵食同事就order了五香肉丁炒飯，佢話炒得油不是太多，味道還可以，不過不失。如果下次再係油塘返工，都會來食

適合同行一班朋友一齊食假期等位唔算耐Set lunch抵食又好味個人鐘意食迷你鰻魚飯有飯焦香同配雞肉串燒小食同蘿蔔岩哂唔想食太多飯既我海鮮烏冬辣辣地又足料冬天食完個人暖粒粒