富田和食亭 (油麗商場)

營業中

休息中

今日去咗油塘見客，見完客剛好是食Lunch時間，一於係附近食個Lunch先再返公司，最後去咗油麗商場一間日式餐廳「富田和食亭」，見餐廳都幾多人幫襯，又有多款午市套餐可以選擇，我揀了「刺身定食系列 $70」，套餐包括：1️⃣ 三文魚刺身 (3片)、甜蝦刺身 (4片)、八爪魚刺身 (3片)、黃金魷魚 (1份)、希靈魚刺身 3片)2️⃣ 蟹柳蟹子芝麻醬冷烏冬3️⃣ 南瓜薯餅 (1件)4️⃣ 熱菊花蜜整體來講：刺身都算新鮮，食物都唔錯，始終一分錢一分貨，唔可以要求太高總數💰：$70

在油塘地鉄出口的抵食日本餐廳，刺身新鮮，還可請店長安排時令日本飛機魚或食品，這次我們訂了蠔及花咲蟹。食完雪糕必食，種類都算多，最喜歡這裡的柚子雪糕，還有紅豆豆腐芝麻，或雲呢那及朱古力。

依間野簡直係垃圾，服務員態度冷淡，見到人舉手兩分鐘後才來，見到扮睇唔到，個個工作態度都係咁，個個都唔想做，唔休做咁，請拿出飲食業基本的服務態度。食物質素差，可以用難食黎形容，服務態度又差唔好以為做街坊生意就可以有咁既態度

7點57分order deliveroo, 取餐時間9點04。9點21都未送到，打電話落餐廳，佢話啲嘢食放咗好耐但冇車手接order，叫我哋自己落去拎。9點44落到去，點知Deliveroo就送到啲嘢係屋企門口，已經覺得間餐廳好不知所謂。點知，拎晒啲嘢出嚟，壽司已經係室溫，杯嘢飲已經冇咗一半全部都喺晒個膠袋度。再開啲壽司，開開下有隻曱甴爬出嚟!!!!!!!!再發現碟炸芝士波係連埋曱甴腳一齊炸嘅!!!!!再睇吓啲碗邊全部都係蚊之!!!!!如果大家想食曱甴腳放題就叫呢間啦-.-痴線餐廳

用家感受，不是打手！3️⃣0️⃣ CP值，下午茶時段2人$131(已加$4服務費)，平均每人$65.50，咁嘅價錢，應該大把選擇，之前食過無咁樣衰，基本所有嘢都無乜食就埋單，已經食物唔得，服務都唔得。7️⃣0️⃣位置，商場近扶手電梯，易揾。6️⃣0️⃣環境，太耐無去，望落殘舊，但算濶落。3️⃣5️⃣服務，職位細個啲較有禮貌，大個啲就粗聲粗氣，唔想做咁，尤其收錢個位女人，黑口黑面，多謝都無句。3️⃣0️⃣炭燒牛扒餐$48，包一杯凍飲，真心睇見都唔開胃，牛扒韌到呢，食左1啖，薯條又乾又油同雞軟骨一樣嚇死人，食左2條頂唔顺，西多士同炒蛋正常小小。4️⃣0️⃣壽司珍珠餃子烏冬餐$41，包一杯凍飲，壽司正常小小，但比以前差左好多，其他2隻迷你餃子及烏冬，算正常。1️⃣0️⃣烤雞軟骨粒$38，出面油入面乾，好難先做到，用未滾嘅油翻炸雞軟骨，真心難頂。

我加12蚊講明要2條煎腸仔。。出嚟比條滾水淥腸，我話我係要煎。。兩到三分鐘後拎反同一碟腸hi d油一分鐘可能都無其他更加唔洗講多餘到爆，之後午餐都ok，但宜家午餐都唔會再幫襯真係無言

放工趕住去油塘學野，仲有時間就搵左富田日本餐廳試試，我係第一次去依個商場搵野食，位置非常易搵，地鐵站連住商場搭電梯上去就見到～入座後，我點左碟咖喱蛋包飯，等待時間大概20分鐘，期間店員比左碟芝麻醬凍豆腐做前菜👏🏻店員一放低碟咖喱蛋包飯後😂😂我真係笑出聲，點解咁大碟！仲配埋麵豉湯，好抵食🤣咖喱係屬於甜咖喱，如果要帶小朋友去食飯，咖喱蛋包飯好岩大人小朋友食👍🏻👍🏻啲蛋係勁大塊勁厚，入面唔係普通白飯而係炒飯，入面有菇、金荀、薯仔🤤一句講晒大碟夾抵食🤣🤣加埋味道唔錯👍🏻

大約晚上6:00，經過油麗中心，諗住上去買個外賣晚餐，當時見到餐牌上嘅食物都好似唔錯，就選幾個食物試吓，分別有鹽燒牛舌，炸軟殼蟹，天婦羅盛盒，鰻魚卷物，豆乳野菜湯。返到屋企之後，急不及待打開，首先從未食過咁難食嘅天婦羅，啲粉漿厚過女人的粉底，難食到嘔，旺角街邊舖頭嘅天婦羅都好食過呢間多多聲。軟殼蟹稍為好少少，但都炸得超級乾，軟殼蟹冇乜蟹肉而且炸到過火，有啲乾，其次豆乳野菜湯，其實不如唔好叫豆乳湯，根本就係忌廉湯，飲落去係好重忌廉味，完全冇豆乳味，另外咁多樣食物裏面鰻魚卷物叫做正正常常，唔係話好好食但係已經叫做好好，正常味道。戲肉黎啦，最可怕嘅係鹽燒牛舌，真係從未見過咁樣嘅牛舌。如果係堂食嘅話，我好想請個廚師出嚟，問吓佢咁樣你都可以俾得個客人？同埋我想請佢當場食咗佢。牛舌兩串，6塊裏面差不多有5塊係燶，請留意！係燶如炭一樣！係真係好似一舊黑炭一樣咁黑（有相為證）！職員仲要故意將燶的一面放底，以為咁樣就冇事，因為他的外賣蓋子是透明。跟住我打電話落去舖頭，叫佢玩返俾我，個職員全程對話完全冇道歉，重要態度惡劣，話：下我哋唔會得閒有人送返上嚟俾你，你一係落嚟換過，一係影低相退錢，跟住態度好惡劣話

以前曾經去過一次叫外賣，叫左碗九州拉麵。味道係ok既，但個日式叉燒入面有一大束麻蠅，仲要每舊都有。嗰次係外賣，投訴無門，又冇得換一碗新，唯有唔食所有叉燒，完全唔推薦食！到最近再去一次堂食，成間野冇乜客，但上菜等勁耐，員工淨係企，服務唔太掂，野食出到黎又唔上菜。見有人推薦，就叫左唐揚炸雞定食。雖然冇乜油，但啲雞又硬又乾... 同沙律醬略嫌有啲唔夾但尼間冷麵同牛係推薦既，都唔錯。但其他真係仲有好大改善空間。

食過好多次，平平地就可以食到好飽😁活赤貝 💲50今次係第一次叫，放上枱估唔到有驚喜，賣相唔錯味道好鮮甜😋芝士焗蠔 💲19芝士味重，冇咩蠔味枝豆 💲29面頭曬咗小小海鹽，喊喊地雞軟骨💲39味道就一般般，冇乜特別蟹子沙律 (小)💲46每次去食都一定會叫，我地叫細size，佢嘅份量都好多🤩可以預4個人食都ok🥒青瓜絲好爽口，蟹籽份量多又新鮮，仲有蟹柳絲撈埋沙律醬食冇得輸，好好味呀！😋網燒牛扒 💲69肉好鞋，唔好食🥲豬軟骨烏冬 💲55味道不過不失啦！

久不久都因為工作原因會到油塘站， 好多人對油塘都係以大本營認識，但其實另一個出口，都隱藏此一間CP值好高又極多選擇的日式餐廳當日嚟到呢一間舖頭，見到佢地無論早餐、午餐、下午茶都有勁多選擇。真係多個花都眼亂唔知點揀好，而我哋因為夜晚關係就散叫，當中仲有一啲款式係平時日式放題會食到嘅嘢！例如係芝麻雞翼，芝士年糕～ 我對呢幾款嘢都係愛不釋手、而且價錢好均真，可能因為係做屋村生意為主，我哋覺得都好抵。味道都唔錯，不過不失，炸物都係熱辣辣，一定會會再幫襯！

豆腐湯咸到一個點，無辦法飲第二啖，好似落左幾次鹽咁咸，認真無飲過咁咸嘅湯，第一次只飲湯只係飲到一啖。牛油炒菌d菌係苦嘅。七味雞無特別味，同普通煎雞扒無分別，而且雞好乾。

新鮮～今時今日全城盲搶廁紙、搶消毒家品、搶口罩⋯夠擔生食，因為直得信賴食店新鮮飛機空運；章紅魚刺身、 巨型帶子 、牡丹蝦，魚売煲豆腐菜湯鮮甜味美，超正！經驗豐富廚師處理，食得開心又安心！

當時11:45進入富田餐廳，明白到12點才可入單，就算可以提前order，也是12點才開始傳入，到12:15時看到陸續比我遲入的客人也得到他們的餐點，以及跟我同樣的餐點。再催店員及長工，也是客氣回應“整緊，因為要燒”，我以明白的語氣回覆唔該，到12:20時我再催，店員答覆“就整好”，我再12:25，看到比我遲來的客人也食完離開，再催“如果未到，我就取消”結果到12:28, 我第四次叫店員幫我取消，店員說到已整好，我堅持取消。看到店員剛開始從禮貌的語氣到最後把收據dum在桌上的態度，還藐視地說道，“你的飲我地免費請你飲”。實在不明白已等待接近半小時餐點的我是理應因繼續被拖延。這樣不行的

以前去過一次食下午茶 個豬扒超油 原來已經black list左但油塘作為一個美食沙漠 除左超多大型連鎖餐廳外 都別無選擇唯有再次一試 整個體驗非常差 呢次叫左 日式炸雞定食 同 炭燒芝麻雞扒定食炭燒芝麻雞定食大約10分鍾就上左 但日式炸雞定食 要30分鐘後先上等到都凍曬 但問題係餐廳唔多客人 呢點扣分再講下食物 兩款雞肉都係嫩既 有汁 唔錯!但係炭燒芝麻雞扒邊位處理得好差 overcook左 食落又乾又柴 反而炸雞有D意外驚喜 雖然炸得唔脆 但起馬唔油膩 唯一覺得炸雞可以做小小既調味  個人認為個炸雞配沙律醬有D格格不入以上兩個定食 我覺得水平算OK 如果改善左以上問題 絕對會好味好多