富東閣海鮮酒家

營業中

休息中

朋友仔到沙田瀝源邨食晚飯。茶樓位於平台位置，可以經商場到達。自選百搭餐好抵食，有燒味/湯/海鮮/肉食/小炒/菜,好多選擇。燒味當然係片皮鴨，套餐係一份上，一大碟，連埋大大塊餅皮，夾埋青瓜，甜醬等一齊食，隻鴨唔算太肥，雖然唔係脆皮，但整體都唔錯是日例湯係蓮藕湯，大大煲，好抵海鮮揀咗白灼蝦，好新鮮，好大隻，蝦肉結實亦多羔小炒點咗七彩炒鴨絲...原本以為係燈籠椒，結果係韮菜炒韮黃芽菜之類，真係估你唔到😆糖醋鎮江骨，酸酸甜甜好入味，亦都好貼合主題，好多骨蒜蓉炒菜心，正正常常總括而言，呢個價錢呢個份量，幾抵又好味😃👍，好多街坊幫襯

今日經過富東閣 試下呢間系瀝源嘅酒樓，入到去全部都系做老街坊生意，我叫左黑椒牛柳粒，菠蘿咕嚕肉，欖菜肉鬆四季豆，XO醬翡翠蚌片，椒鹽豆腐粒，味道好，相比其他酒樓更平更有味道。先講黑椒牛柳粒，牛肉入味，薯仔更入味，識落同出面既相比，呢度嘅薯仔更係MVP。菠蘿咕嚕肉，個咕嚕肉唔會淋。欖菜肉鬆四季豆，食落鹹鹹地送飯一流。XO醬翡翠蚌片一般，同出面差唔多其中最值得讚賞嘅係佢嘅服務態度，一叫就嚟，相比而家香港嘅其他酒樓，有啲直程當睇唔到。

疫情之下.已經無往返內地深圳吃片皮鴨好耐.囡囡同我一樣喜歡食片皮鴨.今日便雙約去沙田食一間以食片皮鴨出名嘅屋邨酒樓食片皮鴨.🚶🏻‍♂️👉📌富東閣海鮮酒家 (沙田)沙田瀝源街6號瀝源廣場1樓5號舖我哋係預訂咗四位枱.五點半晚飯.我哋係五點十五分鐘到達.係個舊屋邨商場行咗一陣間.準時入座.入去嗰陣.待應問有無訂枱.今晚唔做火鍋.亦都唔接受Walk in .好彩我哋有預訂.被安排座係個四人圓枱.過多一陣啲顧客陸陸續續入座了.眨眼間.間酒樓已經座咗九乘客了。我哋今晚點餐如下：1. 京式片皮鴨X1 $218元2. 京式片皮鴨兩食要咗七彩炒鴨絲 X1 $35元3. 自選三寶 X1 $598元 上湯焗波士頓龍蝦🦞伊麵底（一隻） 玫瑰露豉油雞（一隻） 金銀蛋時蔬

📍 富東閣海鮮酒家 (沙田)之前一路聽過沙田有間黃店酒樓 今次專程嚟試下💛而家多咗去點心店 都好耐冇嚟過傳統酒樓了😂沙田mtr行過嚟都要10分鐘 不過有天橋接駁👌🏻1:30pm開始下午茶時段 當天週末等咗10分鐘左右就有得入座～酒樓亦有小菜同片皮鴨可以食 我地今次就試左點心先點心係即叫即蒸 所以起碼都要等20mins起跳～.#鮮蝦菜苗餃 $23大大隻實揼揼的 每隻起碼有三粒蝦🦐外皮夠薄 蝦球爽脆～.#蟹子燒賣皇 $23都幾大粒同埋足料 啖啖都食到蝦/豬肉🤤.#陳皮牛肉球 $20唔會咬到陳皮但都食到陳皮香肉味濃郁 食落彈牙～.#香荽叉燒腸 $31腸粉夠滑而且好足料 每口都食到叉燒粒😍不過腸粉類唔喺下午茶入面 定價就偏高.#椰汁蒸饅頭 $19上菜時真係聞到椰汁的香氣不過入口就同普通嘅饅頭冇分別較為普通 試其他點心好過😂.♥️回頭度：8.3/ 10未去到山長水遠入嚟食嘅地步不過如果喺附近想舒服飲茶食點心嘅話都好推介🫶🏻

住了沙田區二十多年,但一直只在新成市覓食.因家人對街坊店冇大信心. 縱觀所有食评,好坏參半,今晚第一次做主,決定前往一试,.1900到達,又係星期六但小貓幾只,莫非中伏？点菜前訪問鄰近的食客,傳說中的片皮鴨是否及格？對方話ok,正想下單,忽然見到另一張小菜單均价只係$90一碟,大吃一驚,因平日在新城市酒樓均价要$170,豈不是打5折！二話不說,即点3味一試,十分鐘后第一味已上枱,先唔講質素,份量係大xx快捷食店外賣小菜2倍,未食計份量已完勝.再試味,當然距離酒店質素一段,但如與美心集團相比,有80%.總結係性价比绝對K out新城市裡的食店,再補充一開始的担心,1930時已全場爆滿,人氣已說明一切

星期日同朋友聚餐又想試中菜, 就試左呢間酒樓既中菜京式片皮鴨係傳統既京式片皮鴨(´∀｀), 泥既時候賣相唔錯, 只係口感有點硬(*´◒`*)糖醋鎮江骨平時覺得中菜點個酸酸的餸菜挺開胃, 果然這碟糖醋鎮江骨沒有令人失望(≧∀≦), 糖醋比例得宜, 鎮江骨不只是只有骨肉的比例也佔多, 入口醬料與肉交融,食落口好令人開胃(*´ω`*)七彩炒鴨絲光是賣相, 可能時蘿蔔的顏色出眾, 切絲的菜夾埋都顯得顏色豐富, 鴨肉絲唔會炒得太硬, 食碟食落口唔會覺好大份同時食到唔同口感既菜上湯野菌浸時菜叫左一堆肉都要d菜平衡翻(´∀｀*), 泥到既時候唔係得埋菜, 係菜堆果度都塭到d菇食(´∀｀), ; d菜好爽口,上湯既鹹度適中, 同菜食落口都清甜整體泥講, 呢個套餐除左片皮鴨有d失望, 其他菜式都唔錯

今日同一班朋友去飲茶，點咗好多點心。另外叫咗一碟芝士焗蝦伊麵，個賣相好靚。焗成金黃色嘅厚厚芝士冚喺伊麵上邊，加上鮮紅色嘅蝦，賣相好靚！味道其實不錯，好有芝士味，蝦仲好有肉汁，價錢又唔貴，值得食

又是一家如非必要都無用專程去的酒家。香港太多有片皮鴨的餐廳或是酒家都是集團式經營。今次特別選擇這家都是因為非集團式經營，誰料都是普普通通。一心一意點了兩食片皮鴨，另都道菜便是苦瓜炆鴨件，接着想不到吃什麼，便點了羊腩煲。一來便是片皮鴨的鴨皮和配菜(青瓜和京蔥絲)，鴨皮本來已經不是熱辣辣的，還等了5分鐘有多才上包皮！不過包皮就真的熱辣辣，又軟熟，很好吃，可惜的是餡料的片皮鴨皮，肉又老能沒味道。接着上羊腩煲的雜菜配料，十分有驚喜，一大盆很足料！還附上一盒現成的響鈴卷！😉到了最不容易失敗的苦瓜炆鴨件，都預了鴨肉是沒有味的，只有醬汁的味道，還有苦瓜只有下圖的看得到的數量（大約4件)。最後便是羊腩煲，羊肉都有很多，但很細件。肉質腍，沒有羊騷味，而湯汁亦不夠濃味。究竟好不好吃？我另外叫多一碟腐乳醬，直接加入湯底才足夠。結論是，我不是住附近的，又不是難吃的，只是普普通通，所以如非必要，都不用專程來吃。

總分，3.3/5食物方面，6.5/10片皮鴨皮太厚，雖然係蒸爐拎出嚟熱辣辣，鴨都幾好食，但係皮太厚，如果一塊皮嘅份量減半會更加好，覺得佢已經進步咗，但係咁樣我可能會比5.7/10分，喺片皮鴨方面。但係老實講佢一百幾蚊就有呢個質素其實真係好好食，我覺得唔貴。醬料好食，但係如果青瓜可以批埋皮，會更加有質感。其次係小炒，真係幾好食。叫咗豆腐好好食。牛柳粒炒薯仔都唔差，呢排出現龍躉嘅配搭，覺得有彈性又有膠質整得唔錯。呢個位置我可能會比到7.8/10所以其實又唔貴呢樣食物質素黎計係非常之好。但係可惜佢係賣片皮鴨，呢個唔夠分係好可惜。環境方面，6.5/10普通酒樓環境乾乾淨淨，幾舒服，感覺唔污糟。雖然要去嘅路徑要搵吓，但係你住開沙田嘅話就一定識路。服務方面，7.5/10唔使切餅費，呢個非常之好。同埋佢哋都會好細心好快收走你嘅嘢。雖然星期日去但係唔多人，為佢哋可惜。以呢個質素來講其實係一定會再食嘅但係唔會好密。

啫啫滑雞煲好味指數：7/10豬潤好大件而且係厚切🔪，雞件好入味，係略嫌雞🐔比較碎一啲同埋細件少少🤏🏽，仲有個煲再燒熱啲更加好食，用啲汁嚟撈飯可以食多兩碗添。😆蒜蓉粉絲蒸澳洲龍蝦好味指數：9/10呢個真係好好味，而且好鮮甜，用蒜蓉粉絲蒸更加食到嗰隻龍蝦🦞係唔係新鮮，龍蝦肉爽口彈牙100分，豉油汁亦都唔少，粉絲點埋啲豉油汁絕配。孖寶套餐價：$388 呢個套餐二人份量啱啱好，而且經濟實惠，下次真係要試吓其他孖寶選擇。

聽左好耐 富東閣片皮鴨今日終於有機會一試 一試難忘先講鴨 鴨皮唔脆 冇哂鴨油味鴨肉太實 好厚 好粗糙就咁食落去唔太好味摩摩皮即叫即蒸 而且一張紙一塊皮係有心機但係皮太厚 包完塊肉加埋好難咬 配料青瓜係黃既 一睇就知擺咗好耐咬落冇咩水份 好彩都仲脆 未係軟哂醬汁係最好既 因為係現成倒出黎既醬總括然而 唔會再食順帶一提食埋酸菜龍躉 唔會再叫金菇菜 酸菜一食好辣 浸左好耐但魚就冇味 唔酸 唔辣 係另外再放上去 最好味竟然係楊州炒飯 飯冇鑊氣 炒飯軟硬適中

$188片皮鴨其實唔算平，好多酒樓都做緊$88/$98/$108，幫襯呢度純粹支持黃色經濟圈，老實講，比之後退步咗，片皮鴨個皮唔脆，片到好厚肉，麼麼皮之前有少少咸味，宜家無味。但抵讚既係配料一啲都唔孤寒，一推京蔥一推青瓜咁比你，抵唔抵食就見人見智。另外叫了，黃金脆苦瓜，蛋黃包到每一舊苦瓜，苦瓜爽口、唔甘。本人本身唔食苦瓜都接受到。現場依舊有一班後生顧客支持，希望老闆多啲落場試下菜，唔進步都唔好退步。題外話：疫情其間叫過外賣小菜，部分出品麻麻，由其有雞既餸，雞件走油走到乾晒。

難得做好事,同d 朋友幫手去狗場做義工,又行樓梯,又行山路,又搬狗糧,餓到人都癲.難為年老義工住係深山,出入行山路,d 狗有咩事仲要帶佢地去診所,真係好辛苦.未落山已經打去富東閣訂枱,其實一直想試馳名片皮鴨.坐低,十幾張點餐紙,搵到片皮鴨果張.首先到係海皇冬瓜盅.大大舊冬瓜.冬瓜盅有蟹柳,蝦仔,貝柱,瑤柱絲,火腿茸,豬肉粒,瓜粒,草菇,湯幾清,幾消暑.咁當然唔夠asahi 消暑啦.片皮鴨到.跟青瓜同蔥.]春卷皮一層一張,一係成塊隊,一係自己搣.皮脆肉滑係正既.]蒜香骨,味道ok,但有少少乾.涼瓜炆鴨件,第一次見涼瓜少過鴨.清蒸沙巴仔,蒸耐左少少.上湯野菌時蔬,清清地,幾好,靠佢同大人交代.見其他枱都係食餐, d 師傅真係片皮片到手都軟,成個餐先九百零蚊.ok 啦.

今次要介紹呢排好hit既良心酒家出名片皮鴨估唔到另一樣餸更好食！！🤤同我推爆佢！🤩富東閣海鮮酒家🤩 冰鎮咕嚕肉 - 必食🧊🐖第一次食，勁好食！外皮比一般既咕嚕肉更酥脆由第一舊到最後一舊都keep住酥脆啲肉都好鬆軟 唔會死實酸酸甜甜 勁開胃💰$128片皮鴨🦆皮厚薄適中 幾大塊下偏煙韌(同出面既皮唔同)鴨既份量都幾多 唔會好肥夾住啲青瓜同蔥一齊食 無咁易膩加$30 可以兩食💰$178 (平日) $198 (閑日)👍🏻總括 cp值好高 食物高質回頭率 : 🐥🐥🐥🐥🐥/5

突然想食片皮鴨，就衝動地出左沙田，就淨係食佢又好似單調左d，所以再叫左幾款點心，真係好正，片皮鴨份量都多，都啖啖肉，而且餅皮亦係熱辣辣！再加埋幾款點心，簡直超滿足！食到好飽~