富東閣海鮮酒家

營業中

休息中

瀝源村抵食酒樓👯‍♂️午市自選2人套餐$168包咗點心兩款+炒粉麵飯一款+時蔬或小食一款🥢蟹籽燒賣皇燒賣大大粒爽口彈牙又juicy🥢鮮蝦菜苗餃餃皮Q彈，餡料實泵泵，蒜蓉味濃郁，不過裡面啲菠菜比較老有渣🥢乾炒牛河河粉豉油色水好靚，質地彈牙有口感；牛肉份量非常之多，不過醃得比較鹹，整體唔算太油膩🥢青瓜海蜇頭海蜇頭爽口帶少少辣，青瓜清爽微酸🍵午市茗茶$12位

#搞串個pantry又係去到要食#片皮鴨 🦆嘅時候啦，香港有好多餐廳可以食到片皮鴨，有啲勁貴💸，有啲好平民價😍，而今次就去到#沙田 嘅一間酒樓，試一試佢一個超抵食嘅片皮鴨二食💕！！我哋叫咗個片皮鴨二食(片皮鴨+七彩炒鴨絲)($233)🎨之外，仲叫咗蒜蓉粉絲蒸帶子($98)、啫啫通菜煲($98)🍲。片皮鴨好大份，大約係外面餐廳嘅半隻多少少。呢度嘅片皮鴨唔係切得太好🧐，會帶肉，同埋唔係每一片嘅外皮都好脆，食落都會有鴨油嘅香味，但又唔算油膩😋。但係呢度嘅餅皮就好厚，雖然食落好有咬口，但太厚真係好快就飽咗😝，同埋會影響鴨、配料同餅皮嘅比例。而個七彩炒鴨絲就…啲鴨肉非常乾身，牙力無咁好嘅朋友可能咬唔到啦🥶。蒜蓉粉絲蒸帶子調味一流，始終蒜蓉粉絲呢個配搭真係冇得輸🤤🤤！帶子亦都蒸得啱啱好，一夾就可以原隻拎起，連埋蒜蓉粉絲一齊食，真係食到停唔到口🫦。而個啫啫通菜煲有啲偏咸，啱用嚟送飯。通菜煮得夠腍，煲入面仲有啲原隻大蝦乾，令到成個煲同埋通菜都有陣蝦嘅味道，非常出色👏🏻😍！整體來講，呢個價錢、呢個份量食到嘅片皮鴨都算係咁😊，不過如果餅皮改薄啲就真係唔錯啦👍🏻！大家得閒入嚟沙田除咗踩單車🚲，都可以嚟試吓呢

自從上一次嚟富東閣晚飯係2月份既事.今次母親節決定再嚟食片皮鴨.阿囡喺早兩日已經打電話嚟book枱.因母親節關係.富東閣把晚飯時段.提前半小時.由早前六點開始.現在五點半已經可以入座.我哋book咗五點半.早食早著數.餸菜嚟到唔使等.新鮮滾熱辣！今次母親節點菜由媽咪來發辦！1.自選三寶 X1 $568元 上湯焗龍蝦伊麵底（一隻） 脆皮蒜香燒雞（一隻） 金銀蛋時蔬2.京式片皮鴨 (一隻）$218元3.糖醋鎮江骨（例牌）$128元🚶🏻‍♂️👉📌富東閣海鮮酒家 (沙田)沙田瀝源街6號瀝源廣場1樓5號舖

富東閣一向都係以片皮鴨聞名，但之前都只係去過飲茶食點心，今日就特登夜晚去🤣叫咗片皮鴨兩食($198 + $35七彩炒鴨絲)，驚唔夠飽再叫咗個椒鹽豆腐小食($55)😛因為好早去食所以全場得3枱客，叔叔姨姨服務都好好👍🏻片皮鴨睇落油光滿滿，而且有一定厚度、即係食到少少肉去平衡下皮下油脂，數量都好足夠包曬咁多塊餅皮🤩配料就有青瓜、蔥絲、同最重要嘅甜醬，見我哋兩個人仲比咗兩碟醬料😋餅皮同餅皮之間有蒸籠紙隔住，所以唔洗驚黐住晒，鴨皮非常之脆卜卜，油脂多得嚟唔會覺得食到成口油，係近期最滿意嘅燒鴨🥰非常推薦各位一家四口去試試，兩個人食曬啲餅皮真係好飽😂有比較就有傷害，七彩炒鴨絲相對上就失色好多，鴨肉非常柴、成碟嘢都比較油膩，不過勝在落咗唔少韮黃、芽菜等等，口感都幾豐富🙈椒鹽豆腐就達到酒樓水準，脆得嚟唔會”皮肉分離”，椒鹽落得幾足、味道就係好典型嗰種🤣

同班frd 喺沙田大圍踩完單車，諗諗吓都好一段時間無去富東閣食飯。二話不說就去決定富東閣食片皮鴨。好好彩一去到就有位，食咩未諗就嗌定個片皮鴨先。睇咗陣就揀咗啲套餐，嗌咗幾個小菜。有薯仔牛柳粒、菜心炒豬頸肉、柚子骨同羅漢上素。等咗唔駛好耐，片皮鴨已經上枱。水準依然，片脆有油香，連帶少少鴨肉有埋嚼頭。另外幾個小菜，雖然係套餐，價錢亦唔貴，但水準算高。上枱熱辣辣，唔會係煮定。柚子骨直頭有驚喜，有淡淡geh柚子香但唔會有酸澀味。希望富東閣會繼續做落去，繼續可以支持佢。

#20230421 💛📍 富東閣海鮮酒家 沙田瀝源街6號瀝源廣場1樓5號舖➖➖➖➖➖➖➖➖➖➖➖➖➖➖➖➖➖➖#京式片皮鴨 #一食 $198💭 要搵到間良心既中式酒樓真係唔易💛好彩沙田有一間，呢間係片皮鴨關注組都好出名，今次🐷尼試下發現有下次🤩片皮鴨連好多肉好重鴨味🦆有啲人唔鐘意但岩🐷胃口，要讀啲麼麼皮好貼心咁逐層有塊膜隔開左，咁就唔會摵開穿左個窿👍🏼京蔥同青瓜絲都有唔少🥒唔使就住就住驚食到尾無晒，加$35仲可以二食，真係抵食.#啫啫通菜煲 $98💭 想食啲煲但二食無煲揀，於是散叫左個啫啫煲，有少少辣🌶️有好多肉碎同蝦乾，撈飯食簡直一流，就算就咁食都唔會好咸👍🏼雖然呢度啲姐姐唔算服務態度唔算好😅不過🐷都覺得係可以encore既舖頭😎.#沙田美食 #沙田黃店 #🐷在沙田 #🐷_食

鍾意飲茶嘅我，試過唔同連鎖店既茶樓，味道始終都唔及呢間質素好！點心種類多，亦都有好多出邊搵唔到點心類型，最出名係佢嘅鯪魚球，藥膳雞腳同埋燒賣都係必下單項目！食物新鮮份量都大，，適合一大班人一齊食，！茶樓面積多大服務亦都好好！

1年前食過片皮鴨，早幾日決定再試多次，但發現皮片鴨冇以前咁好食，反而有幾款唔錯既食物值得一試。-1️⃣片皮鴨二食（$218+$35）將鴨肉小片放係提供既薄餅，再加上蔥、青瓜同甜麵醬，卷起来食用。鴨肉小片對上一次食外皮酥脆，肉質香嫩，覺得好好食。但今次最多係有香味，但冇再咁脆了。七彩絲炒鴨肉將剩餘的鴨肉切成條狀再加埋西芹、銀芽、紅椒絲、黃椒絲、蔥、韮菜，鴨肉好老，但其他菜好食。2️⃣冰鎮咕嚕肉（$138）味道上唔算好特別，但有視覺享受同效果！想特別讚下佢啲菠蘿食得出咕係罐頭菠蘿，而冰鎮後既肉外凍內熱，好正，大家都好似變左小朋友甘係到用冰壓咕嚕肉。3️⃣金沙海皇豆腐煲鹹蛋令到豆腐煲金黃金黃的，好有食慾。雖然主要都係豆腐，但入面都有海鮮，特別中意有大大塊魷魚。4️⃣黑椒牛仔骨雖然份量好多好足料，但真係好咸-

終於有機會親身日常這間茶樓的點心。之前疫情關係，只能外賣點心或小菜，縱然是外賣品質仍然保持得到。今次能親身堂食新鮮出爐的點心，當然是性價比高。特別值得推薦是叉燒包及乾蒸牛肉燒賣。但是今次完美的午餐蒙上污點是其中一位侍應態度極度惡劣。因為最初安排座位是靠近垃圾桶，及不斷有污水傾倒，所以主動要求轉換另一個位置，但是遭到那位侍應極度阻撓及以差劣的態度回應，不准轉換。縱使食物如何性價比高，但是有這樣態度惡劣的員工，仍然是會令食客卻步及不會回頭！！

富東閣一向係我家中長者的飯堂，基本上佢每個星期都會去飲茶。我自己都食過晚飯幾次，今次隔咗一段時間，再嚟陪家人去食晚飯。.我哋一行三人，叫咗個「自選抵食三寶」套餐，先嚟貴妃雞一隻，隻雞好滑，亦堅有雞味，而且份量好足，好食😋另外叫咗「上湯焗波士頓龍蝦🦞伊麵底」，龍蝦開邊，都幾大隻啖啖肉，伊麵底個份量亦係好多，唔錯！蒜蓉炒菜心，炒得色澤幾靚由於老人家想食壽包，呢度最好就係可以一兩件咁叫都得，唔駛夾硬叫半打，所以我哋三個人叫咗兩個。大大個即叫即蒸，入面蓮蓉餡加蛋黃，唔會太甜但熱辣辣好香好食😋咁耐冇嚟，食物水準仍然都keep到，而且抵食，值得繼續支持！🙌

我今晚去咗喺沙田屋邨嘅富東閣食晚餐，真係好好味！呢間茶樓有好多款小菜同埋點心，唔洗擔心唔夠食。我今晚試咗佢地嘅片皮鴨套餐，味道真係好出色！片皮鴨皮脆肉嫩，加埋梅醬同薄脆餅，真係好好味。仲加咗錢叫咗一份片皮鴨二食，好多肉！！肉質鮮美，一啖就中意。最後我仲叫咗一個菜，叫咗個豉汁蒸魚，魚肉鮮嫩，汁醬好味，好適合同白飯一齊食。富東閣嘅服務都好好，店員好有禮貌，仲會主動幫我哋加茶水。整個餐廳嘅環境都好舒適。而且價錢都好實惠，食物質素又高，真係一個好適合同朋友、家人黎嘅地方。

👧🏻之前去富東閣都係飲茶、食點心 第一次係度食晚餐🤭-見佢推出左個優惠 任選5個小菜$420 幾抵食👍🏻😆🍴魚香茄子係唔辣既魚香茄子 一上枱熱辣辣、香噴噴 餸飯一流 但成個煲都比較多油 如果少油d 感覺健康D🤭❤️🍴黑椒牛柳粒✨推薦 牛柳粒煮到剛剛好 唔會好硬身 另外好中意炸薯仔 外皮少少脆 仲有d蜜糖味 ❤️🍴菠蘿咕嚕肉成日都係過時過節先會有得食🤭酸酸甜甜好開胃 但係肉比較飽 咬落有d成口油既感覺 個醬搭救😏🍴菜遠炒豬頸肉個人比較中意食炒得好淋既菜🤩所以呢道小菜幾啱我胃口🤣🍴啫啫滑雞味道中規中矩 都唔錯📍富東閣 @沙田瀝源商場二期一樓5號鋪

富東閣海鮮酒家呢間酒樓嘅片皮鴨一直都好出名，平日去嘅話200蚊以內就可以食到片皮鴨，假日去食都唔算貴，200蚊多啲就有得食~ 見到價錢咁吸引就去咗試下啦~同類型搜尋︰#heyzoeat沙田 片皮鴨 HK$208 +35 (二食)片皮鴨味道唔錯，皮有少少脆，亦都唔會太乾身，油脂唔算多但肉味濃~ 青瓜絲同京蔥嘅份量好足夠，配埋片皮鴨一齊食，好食；我地見佢加多HK$35就可以二食，叫咗七彩炒鴨絲，份量一啲都唔少，入面除咗有好多韮菜同芽菜炒埋一齊之外，估唔到鴨絲嘅份量一啲都唔少，味道好好而且夠鑊氣；呢個價錢仲抵過叫多個菜，食唔曬仲可以打包返屋企~ 冰鎮咕嚕肉 HK$128冰鎮咕嚕肉放咗係啲冰上面，好開心佢啲咕嚕肉冇咩骨，啱曬啲懶人食野唔鍾意食到骨；咕嚕肉食落唔會好實，味道亦都冇因為冰鎮而淡味咗~唔錯~整體感覺一直都好鍾意食片皮鴨，咁啱見到好多人推介，話富東閣有良心之餘，片皮鴨嘅性價比都好高；但我最滿意係佢嘅七彩炒鴨絲，加HK$35亦有咁豐富嘅菜，二食更加抵食~

店名: 富東閣海鮮酒家 地址: 沙田瀝源街6號瀝源廣場1樓5號舖沙田站A1出口，行14分鐘環境: 3/5價錢:4.5/5味道: 4/5一直都知道富東閣嘅片皮鴨好出名，cp值高，又平過出面好多，今次終於有機會食到了京式片皮鴨星期一至五$198 星期六日及公眾假期$218個價錢包幺幺皮，青瓜絲同醬料皮有十二塊，鴨都有好多件，絕對夠4個人食😝不過一分錢一分貨，唔可以要求佢同出面貴價嘅一樣咁好食🤨不過佢呢個價錢黎講，已經好值得一試🤩🥳鮑汁金菇炆伊麵$88個伊面炒完出黎都算濕，唔會話太乾入唔到口，不過就略嫌唔夠多餸，好似淨係食緊面咁🙂😕沙爹金菇粉絲肥牛煲$98個肥牛煲比我想像中好食，肥牛嘅份量都算多，個煲下面有大量粉絲，索哂啲汁，但又唔會話太咸，送飯一流🤩😍可惜我哋太飽，無叫到飯，唯有就咁食🥲🙈晚市茶芥$13 一個人

特登嚟到富東閣食呢度嘅片皮鴨！我哋一行有幾個人，叫咗呢度嘅套餐同片皮鴨片皮鴨真心好抵食！係傳統嘅片皮鴨黎，平日夜晚嚟食，唔係好洗點等位，我哋都冇book到，walk in 的😝😝😝😝😝😝😝😝😝我哋叫咗七款餸菜，飽到差啲落唔到樓，仲要打包拎走添片皮鴨一如以往咁好食，配料充足。另外要推介一下佢個炸豆腐，外鬆內軟！👍🏻👍🏻👍🏻👍🏻👍🏻食得出每款餸菜都係傳統酒家先會做得出來嘅味道推介！👍🏻