富東閣海鮮酒家

營業中

休息中

星期日一起身就係食brunch 嘅時間🤣 橫掂出開沙田，一於去懲罰下富東閣。去到門口依舊多人，但今次唔洗等好耐，15分鐘左右，可能因為仲係一點lunch time ，上次 tea time 等左好耐。一坐底就有姐姐放低個啲勁熱勁辣手嘅消毒ed 杯碗🤣 可以放心唔洗再洗。 今日星期日，基本上點心紙上面嘅野麵要加2-3蚊，但麵係合理範圍。今次叫左：- 芝士海蝦焗伊面：士味濃但有少少假，不過麵好食嘅，海蝦係新鮮，殼易剝而肉質彈，不錯- 菜苗餃：好味- 皮蛋瘦肉粥：不用試- 生菜魚肉：細碗，唔好食- 燒肉：皮夠翠，十分唔錯- 腸粉：so so la 正所謂十間黃店九間伏，呢間呢，就唔伏嘅🤣 有時間可以去支持支持啦

小菜4送1，抵！片皮鴨仲做緊138一份，外賣加餸一流之選👅咕嚕肉同欖菜肉鬆四季豆是建議點的😋好食，炸漿薄，脆口肉軟。龍躉兩食🐟粟米班腩好送飯，蒸頭腩略嫌骨太多，無咩肉食。小菜份量偏細，但我覺得3人食是剛剛好，人均消費都係$85，所以無投訴，大食者建議再加餸加飯👀

#wetdodo_沙田好多食店都關咗好一段時間～但都陸陸續續開番💛而呢間出名嘅茶樓亦都係上星期六開番lu以前買過片皮鴨外賣 份量都幾足～今次試下佢地既點心🤪原來下午茶1:30就開始🙆‍♀️比一般茶樓早半個鐘！好爽！而且呢到都幾乾淨🤓啲餐具係茶樓中央有個位置統一蒸煮拎上枱時熱辣辣 自己唔洗再額外洗餐具留意番以下價錢係星期六既價錢黎下午茶張點心紙：星期六、日、公眾假期每款點心+$2———————————————————————💛陳皮牛肉球 $20 🌟🌟🌟😋：8.5/10牛肉球質感彈牙好咬夠結實 又大大粒入面有馬蹄粒好爽口 增添口感散發淡淡陳皮味 幾出色💛香煎黃金糕 $19 🌟🌟🌟😋：9/10呢個我會覺得係必叫的～之前食過一啲茶樓既煎黃金糕會好乾身但佢呢個就啱啱好 外脆而入面仲軟軟地身食到黃金糕獨有一絲絲既口感而且聞落已經好香 真係色香味俱全😛💛杞子桂花糕 $16 🌟🌟😋：8/10桂花糕係最早黎到既😂因為佢凍上唔洗等🤣就咁睇都見到入面好多杞子同桂花整體幾清甜 鐘意桂花糕既話要試下～💛鮮蝦菜苗餃 $23 🌟🌟😋：8/10雖然上枱時有一粒散開咗🤣但冇損佢既美味相比蝦餃 其實我就更鐘意菜苗餃～通常都

知道佢重開後，心思思又想食片皮鴨。既然冇晚市堂食，咁咪食中午囉，仲可以食埋下午茶點心，一舉兩得。片皮鴨（$178），鴨保持水準，皮脆冇肥膏又有肉；餅皮轉咗，薄咗細咗（冇得一開二😂，之前又大又厚），而且好衛生，每塊餅皮都用蒸紙隔一隔，方便拎，唔使用手上下兩塊皮搣開，抵讚。二食，七彩炒鴨絲（+$30），大大碟，超抵食。不論鴨肉、蒜芯、韭黃、芽菜、大蔥，都超多。有鑊氣，又夠惹味，啱哂鐘意濃味嘅我。（最後當然食唔哂，+$2要個外賣盒打包）原籠馬拉糕（$21），即蒸的確唔同啲，熱辣辣不在話下，最掂係冇倒汗水，整個都好乾身。搣開即刻聞到椰香味，咬落鬆軟，好耐冇食過咁高質嘅馬拉糕。香煎蔥油餅（$17），同樣即煎，外面微脆，裡面軟淋，淡淡香蔥咸味，好食。蟹籽燒賣皇（$21），又係即蒸，大大粒，味道正常。PS：下午茶茶芥$8@，另收加一。

帶眼鏡嘅收銀呀姐態度超差，幾黃幾好食我都唔會再幫襯。佢當個個都係熟客，熟晒佢啲餐牌，同埋佢個酒樓運作，直情唔俾問，一問即黑面。我第一次去就俾佢咁嘅態度對我，我真係呢世都唔會去，請我都唔食🤬🤬

聽人講富東閣既片皮鴨性價比高，早前因為疫情影響而停業一段日子，依家終於開返啦。片皮鴨一食 星期一至五 $178星期六日 $198堂食外賣同價，堂食加一服務費，外賣免加一我地叫左一食外賣，另外再叫左糖醋排骨($108)，佢都有外賣小菜優惠買三餸送一餸，每款$85，如果只叫一餸就收正價。我地去到個時都有好幾個人等緊外賣，個個都係叫片皮鴨。我打過去問酒樓職員要唔要預訂，佢話有足夠片皮鴨供應，暫時唔需要預訂既，咁我去到都仲有得買，同埋見燒味部職員雙手捧住好幾隻鴨入廚房切片既。等左唔係好耐就拎得，大約十分鐘左右，都算好快👍🏼同埋聞到啲片皮鴨好香🤤超想即刻食！返到屋企啲餸都仲係微溫既。片皮鴨既份量係夠四人食既，每人大約包到2-3舊，佢既片皮鴨係有皮有肉，仲要係厚肉，有啲餐廳係只有皮冇肉的，佢就啖啖肉，冇咩肥膏。餅皮與餅皮之間都有大大張紙隔開👍🏼好容易就撕開，只可惜佢啲餅皮有啲厚，包左一兩塊黎食就唔想再食了。配菜青瓜同蔥絲都比較多，厚切既，可以放多少少包片皮鴨食，去油膩感。而醬汁方面就一般，味道唔夠出，可能要沾多少少黎食。片皮鴨整體黎講都ok啦😐糖醋排骨正常發揮，如果啲排骨再煮耐少少應該會更好食既，

#黃店🇭🇰沙田-富東閣唔知有冇朋友仔食過呢間良心酒樓呢～～小編就大愛佢🥰前排佢地因為疫情停業 最近終於開返啦 小編梗係第一時間衝去買我最愛嘅片皮鴨💛👍🏻估唔到咁多人都同我一樣等咗好耐 嗰日去到排晒大隊 超多人等外賣 仲要聽到好多身邊嘅人都係話跨區嚟買～～⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅片皮鴨(一食)(⭐️9/10) $178一SET包括：片皮鴨、荷葉餅、蔥絲、青瓜條及醬料佢哋嘅片皮鴨係即叫即整，荷葉餅收到既時候熱辣辣，拎到返屋企仲係有暖嘅感覺(我返屋企要成一個鐘)～～而且佢每盒都份得好好，每塊荷葉餅都會用張紙隔住 唔會黐埋晒👍🏻而且佢配料嘅份量都十足 絕對夠食晒啲片皮鴨☺️而片皮鴨佢切得唔算薄，但我覺得有啲肉都好好食～～同埋佢真係大大隻 有成差唔多20塊肉 好抵食😚溫馨提示🫶🏻 片皮鴨星期一至五$178；星期六至日及公眾假期$198⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗🎏地址: 富東閣海鮮酒家 (沙田)1.沙田瀝源街6號瀝源廣場1樓5號舖

一早去掃墓，搞掂都只係九點鐘～搭去沙田試想試好耐嘅富東閣，飲啖茶食個包！早排裝修，呢排先開返！呢間酒樓幾多點心款式，好多樣都想試…不過胃就得一個～今日即管挑戰四碟啦！(真係好想試)奶皇千層糕第一樣上枱嘅食物！熱辣辣，正！千層糕上面有些少鹹蛋黃碎！好耐冇食過呢隻味道！香茜叉燒腸呢個第二樣到嘅～但食落口係凍嘅🤐而且皮比較厚，叉燒麻麻地～睇黎腸粉可以不試😬肉骨茶鮮竹卷賣相幾正咁！食落就唔覺有肉骨茶味，但個湯的確好！鮮竹卷皮又滑又薄，入面嘅材料正正常常～呢個鮮竹卷值得試！鵪鶉蛋燒賣呢個賣相得之餘，味道都好好！豬肉爽口，蝦新鮮我呢個春蛋愛好者要比90分佢！呢度啲侍應姨姨、叔叔好勤快！整體味道OK，重點係有出面好少有嘅點心！下次再黎試埋其他先！

好耐無去茶樓飲啖茶食點心咁嘆了,富東閣依家無開門,好彩我十二月時黎左富東閣攞返飲茶食點心嘅感覺第一次黎,見啲點心都幾抵食,味道都相當之唔錯椒鹽豆腐炸衣夠薄,上面嘅味粉唔會太多,整體做得好好,好惹味海蝦伊麵有好多隻蝦,伊麵份量都幾多,而且好多芝士,味道唔錯呢碟裏面有叉燒腸同蝦腸,蝦肉彈牙,叉燒入味,腸粉唔會太淋太硬,做得唔錯流沙包大大隻,味道中規中矩馬拉糕大大份夠抵食,回彈力高水晶包唔推薦叫,個皮有啲硬同埋啲餡料爆左出來,黃色個粒食落唔似奶黃,但食唔出係咩饀大致上都相當唔錯,價錢都幾平,不過唯獨係水晶包唔推介比大家

雖然飲早茶勁多人勁嘈😂但姐姐啲態度都幾好 不過佢哋真係好忙好似打扙咁🤣🤣呢度有鵪鶉蛋燒賣！好好食又唔貴！一定要試都嗌咗幾多嘢下冇樣嘢係伏！兩個人埋單200幾蚊好似少貴咁 但飽到晏就頂兩餐就打和啦🤣

見到富東閣做緊優惠，又想試佢嘅片皮鴨好耐，多區仲搞過團購tim，我訂左年廿九去拎，超多人😂，排左勁耐隊，btw我覺得佢真係要改善下幫客人落訂嘅方法，我就比完錢20分鐘左右有得拎，但有啲客人叫左小菜嘅好似等左好耐，職員都仲保持到有禮貌🐤片皮鴨 $138 (假期要+$10) (8.9/10)超足料，要讚一讚佢每塊皮都會用紙分開咁放，唔會痴埋一齊，另外佢啲片皮鴨偏厚肉同埋瘦，唔會有肥膏，份量佢寫話20塊，但我夾出嚟放滿到1.5隻碟，應該唔止20塊，屋企人都好鍾意佢啲片皮鴨，4個人食啱啱好🐥🦤鴨殻 +$20 (8.5/10)佢有一食同二食揀，二食係配鴨肉嘅小菜，我揀左一食，加$20拎左個鴨殻返去，發現個鴨殻仲有勁多肉，可能仲多過片皮鴨嘅肉，屋企人將個鴨殻斬件，用嚟炒菜/配湯麵食

位於歷源邨嘅富東閣, 下午茶居然1:30鐘開始, 實在太好👍, 早食早享受, 我哋就叫左以下嘅點心👇🥢豉椒雞球炒面$48👍炒面脆唔算油膩, 醬汁濃度剛剛好, 豉汁味夠, 咸度亦適中, 雞件滑身, 青紅椒配料賣相一流🥢鮮蝦菜苗餃$19👍晶瑩嘅餃皮略淋, 蒸得有少少過火, 不過饀料飽滿, 菠菜香鮮蝦彈牙, 蒜香味濃, 唔油膩, 正🥢虎皮尖椒$15👍賣相一般, 煎得亦比較乾身, 不過魚肉香鯪魚味, 食落其實唔錯🥢蟹籽燒賣$18👍表面有幾粒蟹籽, 面層有啲墨魚膠, 燒賣嘅豬肉餡都幾juicy, 所以成粒燒賣嘅口感好好🥢肉骨茶鮮竹卷$16👍湯底只喺飲到單一當歸嘅味道, 唔似肉骨茶, 鮮竹卷嘅鮮竹無炸過, 所以比較淋身滑溜, 餡料充足, 除左有豬肉之外…仲有西芹, 紅蘿蔔及香菇, 所以都算清新唔油膩 🥣柴魚花生粥$12👍粥底幾綿, 有柴魚香, 料頭充足環境一般般, 因為檯與檯之間嘅距離比較密, 不過以呢個價錢有咁好食嘅點心, 都確實抵嘅👍🤑魚堅總評性價比 4👍(以5👍為滿分)

黑椒金錢肚呢個好好食😋金錢肚唔會太淋 肉質彈牙 黑椒汁好濃味👍🏼蟹籽燒賣皇燒賣大大粒 入面夠juicy 有大大粒蝦👍🏼抵食🥰咸水角呢個味道係唔錯 可惜唔夠熱🥺如果熱辣辣咁食應該會好食鳳爪排骨飯 排骨好滑 鳳爪好夠味 飯都唔會蒸得太爛 粒粒分明紅米米網腸紅色腸粉幾特別 但食落就同普通無乜分別 但腸粉皮又彈又滑 唔會太黏 入面炸得好炸 幾好食⭐️奶皇千層糕聞落幾香奶黃味 食落唔會太甜 夠熱夠鬆軟😝好適合一家大細嚟飲茶🫖 夠抵食呀😛

早2日打電話黎叫兩隻片皮鴨，今日黎到俾錢拎飛等，見好多遲過我俾錢拎飛都走咗，我就問咗經理兩次，都話未有。等咗7個字覺得唔對路，忍唔住再問，最後好似話漏咗單。唉，好差嘅體驗。

終於放大假時間夠梗係去慢慢坐下嘆個靚茶啦！富東閣做咗咁多年都keep到嗰種舊式嘅飲茶感覺，枱同枱之間依然有好闊嘅走廊行，坐得好舒服👍🏻點心即叫即蒸，所以每台客人都會坐好耐，悠閑咁睇吓報紙睇吓電視，呢度播ViuTV嘅，同隔離枱街坊吹吓水。唔似得啲連鎖酒樓一早整好曬極速上菜務求你哋快啲食完快啲走。兩個人來講原來我哋都幾大食，睇吓其他枱都冇嗌咁多哈哈😄點心嗌咗鵪鶉蛋燒賣、牛肉球、蝦餃。鵪鶉蛋燒賣個皮好透薄，食落口係滑嘟嘟嘅，當然入邊唔少得有粒好大嘅肉球，肉質結實。整體調味都幾好。食點心最緊要就係就算食到滯，個口都keep住清爽。所以調味好緊要呀！牛肉球蝦餃腸粉嗰啲都係正常發揮超正，牛肉球餡料充足，係肉質唔係粉質。唔夠飽仲嗌左個蒸飯，同原籠馬拉糕，哈哈我哋真係好大食。本身馬拉糕嚟到咁大籠都驚驚地，但食落其實佢發酵得多唔係實的的嘅糕，食晒都唔會好滯。最後都值得一提，所有餐具都係煲滾緊嘅水入面直接夾出嚟，所以連洗都唔使洗，又非常乾淨，非常貼心啊值得一讚！