富士山55 (拉麵沾麵專門店)

營業中

休息中

今晚去紅館睇側田演唱會，但不想去火車站附近的商場食飯，因人太多，食店出品沒有一間有水準，於是在尖東附近食店找找，老公被這間海膽吸引便入內試試，店員很好服務，我們點了白湯豚骨拉麵和海膽拉麵各一，老公還多加一隻蛋，麵質的質素很好，而湯底也很好，老公喝清整碗的湯,取價也很合理。

滿心期待去食呢間好多人讚既 日本沾面拉面專門店，今次就專誠黎試個沾面個湯係有個火熱住，係唔錯既 唔會食食下變凍櫻花蝦沾面蝦味幾濃，唔錯豚骨沾面豬味都濃，叉燒好食坐bar枱位聽到有個日本師傅講野，都幾有日本的味道啊，而且有提供冰凍的水。店員都會講果幾句招牌日文句子，歡迎顧客& 多謝幫襯。但重點係，個面唔太好食，仲有唔掛汁！唔掛汁啊完全！個湯太稀喇，之前食沾面啲湯好杰架嘛！唉 其實啲料係好食架，就俾個湯同埋個面破壞左！

之前聽人講，富士山55沾麵好食，所以嚟試。叫原味豚骨沾麵。湯有明火熱住，感覺得意。麵量比我平時食開少。湯甜，特別係…有d椰菜碎？椰菜既甜同豚骨未好襯。平時我食沾麵，湯無明火熱住，會慢慢凍。今次有火熱住，啖啖都要等一下，反而有d唔習慣。後來發現，麵係涼。咁就用麵條去整凍d湯？又好似work work地。最後食完，覺，雖然一開始覺麵量少，但食完，都有飽、無想食其他野既感覺。Overall感覺舒服。

兩年半前未對拉麵沾麵產生強烈興趣，對出品亦不甚講究。當時曾經黎過富士山55，只覺得都唔錯呀，但未有留低深刻印象。近年越食越要求高，亦睇到好多食評，先知道原來呢間55係超具人氣。決定今日再訪，證明當時真係有眼不識富士山。今日到來柯打左兩客沾麵。從未驚過重口味，必選一客特濃豚骨湯，再加一客櫻蝦湯。 特濃豚骨沾麵  單睇賣相已經不錯。此處特色係沾麵用鐵碗裝著，正方便用迷你電磁爐加熱，保持沾湯溫度。特濃豚骨湯真係濃得不錯，再加上魚介粉，魚介香比豚骨味更為突出，非常香甜。個人幾欣賞佢嘅麵條，粗身麵非常煙韌，飛水亦唔錯，微凍正好。配料方面有兩片薄叉燒，略為燒過，叉燒雖然薄但味道相當香甜，肥瘦相間，不錯。而溏心蛋顏色淺白，應該無特過滷過，但入口相當甜，溏心程度亦算唔錯。最後加入鰹魚湯，將湯一飲而盡。  櫻蝦沾麵  櫻蝦沾湯係豚骨湯基礎上加多滿滿一層櫻花蝦，豚骨湯濃度略減，更加提升到櫻蝦嘅香甜味，此款會配上細麵。最後，將櫻花湯改造成芝士飯，蝦香味配上芝士香，非常好味。今日再訪的確令我重新愛上，全靠一個小小嘅電磁爐，令沾湯可以長期保持高溫，正係食沾麵一大加分之處。

其實已經係第三次黎食每次都冇令我失望係香港地食野好難唔使排隊架喇，但係今次我都係等左20分鐘左右，畢竟間店唔算好大。食左幾次，我最中意食既都係佢既沾麵，而今次我就試左櫻花蝦沾麵。佢既麵非常掛汁，櫻花蝦真係好香好好味重要係d湯熱辣辣架！如果凍左仲可以同店員要求翻熱，服務態度都算唔錯。呢間拉麵店真係值得你一試再試

As I need to work in tst this afternoon, it is a good time for me to savour the Fujiyama 55 tsukemen once more! I ordered the signature rich pork soup tsukemen without any doubt, and it didn’t disappoint me.The soup is hot and rich, with the hard choice of noodles, they taste as good as it can be. I added an extra soft boiled egg, but the yolk is a bit overcooked and not very runny. Will be back next time but some room for improvement.

多謝富士55在多年前令我認識了日本沾麵，亦令我愛上沾麵。可是，現在我們是時候分手了。如果說在香港，我一生裏品嚐沾麵的歷史，富士55絕對是一間帶我進入沾麵領域的其中一間店舖。還記得多年前的富士55只有尖東總店，當時第一次品嚐的時候，我真係叫咗出嚟：「好好味呀！」 因本人吃面較慢，亦想慢慢品嚐，但是沾麵的一個少少壞處就是，湯底變凍時，沾麵就不太好吃。所以以前的富士55亦很貼心地會有數個電磁爐在枱上，讓客人可即時自行在電磁爐上加熱， 十分貼心。當時自己吃完的湯底可以加$20做芝士飯，當時感覺價錢實惠，芝士條亦很重芝士味。我們亦可以自行製造自己喜愛的芝士飯，不用假手於人。就像一個小廚師在店內，使用電磁爐，煮一頓自己喜愛的午餐或晚餐。不知不覺，銅鑼灣的店舖也開了，當時我也曾到過銅鑼灣店品嚐富士55沾麵，我個人最喜愛豚骨沾麵。最近，經過尖東，我也再一次品嚐富士55。可是，今次的體驗也令我感覺到，我與富士55是時候分手了。以前彈牙麵質已再感受不到，沾麵浸在湯時，湯已不再掛在麵上，好吃程度大不如前。現在唯一的可取之處是他已經換了裝湯的器皿，換成可以保溫。現在慢慢品嚐沾麵時，湯底不在哪麼容易變凍。亦因此

個人係沾麵控，成日周圍去搵好食既沾麵今日決定同朋友去試呢間以海膽沾麵起家既店有椅子留比排隊既客人坐有陣陣日本風🇯🇵等朋友既時候係門口睇下menu先海膽沾面要價就200一碗，係普通豚骨沾麵既一倍，唔係海膽控就不了，睇下荷包做人坐bar店睇師傅煮麵特濃豚骨沾麵:個沾麵汁係用石窩上，真係火熱既火熱咁老實講係幾濃厚因爲湯汁係漿住咁好有膠質但好明顯係偏咸面質都好有彈性條條分明唔會一pak咁糖心蛋熟度岩岩好叉燒肥瘦層層分明，肉汁都夠但略覺火炙燒得唔夠香口差少少賣相係幾靚既食完最後加飯同芝士，可以一試但芝士唔多牽絲效果唔太明顯幾好但未係第一位

這間店我幫襯了很多次，始終愛上特濃豚骨沾麵，暫時未有其他比它好食的沾麵店，哈哈🤣沾麵的麵質比較粗身，我至愛😍湯底很濃郁，粗麵配濃湯底，味道超夾，「d麵索哂d湯」，超好吃。如果嫌湯底不夠熱，還可以在電池爐上翻熱。食完麵之後，可以叫職員幫你加熱湯，湯底會變得較淡，所以整碗喝也很好喝，不會太咸，岩岩好。今次放工去食，都要排15-20分鐘左右，在門口排隊時，職員附上order紙可預先選擇食物。職員很有禮很友善，下次會再去！

實在太耐沒有來富士山55了! 少有的晚餐時間專誠到來回味一下, 大慨是演唱會的關係, 人龍比以往長了, 差不多等了15分鐘才能入座。雙份海膽拉麵$168以往每次來吃的也是沾麵, 而事實上沾麵款式已沒有新意, 今次就決意轉叫拉麵, 而且是最昂貴的雙份海膽拉麵👍😝! 由於知道單份海膽一定到喉唔到肺所以寧願去盡點來一份頂級的💪, 結果是沒有後悔的決定!未入口已有眼神感觀滿足, 湯是濃豚骨湯頭, 加上海膽少許的鮮甜味而不是腥味, 味道絕對是我碗湯👍特濃豚骨沾麵$88我的另一半如常叫了的一款沾麵, 好吃的她總是叫死一款察覺到這比以前有誠意, 由從前的鐵碗變了較易保暖的懷石碗, 這是一份進步, 當然湯涼了還是繼續可以加熱👍雞軟骨棒則是小食必叫之選, 讓整餐昇華到更滿足更美味的因素之一👏

耐唔耐都會掛住喺日本食嘅拉麵，但喺香港要搵到一碗符合我哋口味嘅拉麵一d都唔容易暫時嚟講富士山55可以滿足到我哋要求，想食拉麵多數會諗起佢！要求1）麵條粗身，掛湯力十足，麵質彈牙要求2）湯底味濃，食完唔會覺得口渴要求3）份量十足，正常食量絕對唔需要加底。不過同行朋友比較大食，所以加咗100g細麵底，喺食到一半嘅時候先熱辣辣上枱，夠貼心要求4）半熟蛋真係做到半熟效果，同埋唔駛另外加錢要求5）叉燒有一定厚度，肥瘦適中，表面燒過有焦香要滿足晒以上要求價錢又合理，真係唔係間間做到美中不足…麵底有少少少少鹼水味，有待改善

富士山55食沾麵可以話係香港最出名既之一，幫襯左佢地都幾年，今日再同朋友去都保持到水準！我地仲嗌左個餃子，熱辣辣上枱，皮薄餡新鮮我就叫左辛辣沾麵，唔食得辣既朋友真係唔推薦你食，因為小辣都好辣下架！但我好鍾意食辣，就覺得呢個好正而且上菜個時啲湯仲係滾架，熱辣辣，最岩冬天食。個麵煮得岩岩好（我揀標準硬度)，好彈牙，叉燒又夠大塊我朋友就食最經典既特濃豚骨沾麵（加紫菜），個湯好濃好香豚骨味。最後我地加左芝士雜坎，用左辣湯，可能加左芝士就變得唔辣了。黎食一定要加埋呢個

身邊友人對這間拉麵店有兩極化的反應，要不，覺得這間拉麵店的湯底鹹得要命，不會回頭，要不，覺得這間拉麵店的湯底濃郁，愛得要命，一向重口味的我當然是後者！每次來到富士55，我必點特濃豚骨沾麵，湯底濃郁，喜愛它的鰹魚湯底，而湯麵分開的沾麵當然能夠保持麵本身的彈牙口感，可惜略嫌麵身不夠掛湯。店舖貼心地方是，枱面有電池爐，若沾面湯底涼了，可以使用電池爐翻熱，比起其他用石鍋熱石保暖的沾麵店較好，可惜店舖位置擠迫，要4人共用一個電池爐，這樣一來一回翻熱有點不便男朋友點了海膽拉麵，感覺上它只是比普通拉麵只是多了一小塊海膽而已，但吃了他小小的海膽後，覺得也不錯，海膽鮮甜無比，好有驚喜，它的海膽比起很多香港的日本餐廳質素好，值不值就見仁見智了

原本諗住聖誕節過嚟食拉麵會少啲人，但係估唔到好食嘅拉麵始終都係要排好耐隊，冇分淡季定係旺季之前係聽朋友講話紅磡站行多少少有一間拉麵幾好食，咁啱今次有經過所以先至過嚟睇吓等咗大概半個鐘終於到我哋，鋪頭裝修正正常常，比起一般拉麵店啲位冇咁迫，最欣賞係佢食飯枱上面有個電磁爐，係比人哋食沾面之後加個芝士飯可以熱住個飯我叫咗一個柚子拉麵，原本以為柚子酸酸地會同豬骨湯唔夾，但係估唔到佢又幾好味，食完之後仲冇咁濟

今次同友人黎到尖沙咀搵野食，友人忽然想食沾麵，所以就黎到尖東橋附近既富士山55。去到剛好1430，有下午茶優惠，小食有優惠價錢。我同友人都點左特濃豚骨沾麵，另外蟹肉忌廉薯餅和餃子各一份，埋單$204。先講沾麵，湯底十分濃郁，麵既份量同軟硬度都滿意，叉燒是厚切三片，值得一提是那流心蛋十分香滑。讚完就要講唔好既地方，湯唔夠熱，店內備有電熱爐，建議加熱湯底後再食，會更加好食。小食就做得普普通通，無咩特別推介。