影片
以上資料只供參考, 請與餐廳確認詳情
招牌菜
今晚行開葵芳買D嘢... 但又唔想係葵涌廣場覓食. 所以諗住去金潮樓上間酒樓食小菜. 沿路上經過奇香雞間舖. 之前睇Openrice時見大家有好評. 於是我同男友係門口望咗陣佢既奇香雞套餐$98. 但見舖面殘殘舊舊. 個一刻卻步咗. 於是我哋繼續向酒樓方向出發. 去到酒樓時見d餸都唔平... 所以抱住好奇心態. 就去試下食奇香雞喇. 間舖應該有好耐歷史. 入到去D枱枱dun dun都好殘舊. 間舖客人真係唔多. 所以侍應伯伯好熱情招待. 好開心咁對待客人. 我哋兩個共叫咗三樣嘢+兩碗白飯. 但無影相 只好用文字道出真相1) 例牌奇香雞 + 一小碟白灼蝦白灼蝦係第一道上. 蝦係一般SIZE. 細細碟. 每人食六隻左右. 蝦既質地好爽好彈牙. 奇香雞例牌SIZE.仲有雞脾tim. 份量都唔少 我同男友可以由頭段食到尾段真係名符其實. 味道咸咸地 雞肉嫩滑 唔太肥. 雞皮仲好有o趙口...真係堅好味我本身好怕d好大味. 可以隔過夜都停留係口腔揮之不去. 而佢碟薑蔥出奇地好味得黎又唔會好大味唔散.大力推介不得不試既"奇香雞" 2) 鍋貼小棠菜 份量OK 有八舊左右. 呢一道算係功夫菜. 所以價錢都較為貴. 好似$7X 幾蚊入口時好熱辣辣. 脆脆漿比例都算多. 中間包住小小唔知知蝦or墨魚膠之類. 食食吓會食到好大陣菜味.因為男友係炸物FANS. 仲話呢個餸唔係咁多地方有得叫. 於是點呢碟餸試下. 我平時唔好食炸物 都覺得OK. 可以一試3) 蜜汁乳香骨碟骨好香香脆脆. D肉咬落唔會好肥好膩. 表面略帶甜味. 食第一啖feel到有南乳味. 有幾舊仲會連住豬軟骨. 所以整體好有咬口. 值得推介. 我哋都食咗好多舊. 食既途中不斷輪住夾雞/鍋貼小棠菜/乳香骨. 食咗好耐都未食哂既......好似免加一. 埋單$258. 好滿足呀. e家仲飽緊.如果間舖會有新裝修. (當然要有原先班底) 相信客流量一定會大增. 話唔定同金潮有得fight
繼續閱讀
路經葵芳, 個肚餓到打鼓, 又係時候覓食 眼見茶餐廳 & 麵檔林立, 真係唔知道何處落腳.... 哈! 忽然察覺有一間外表老派而平實的飯店於前方~ OK! 就呢間啦!環境: 尤如一般老派的飯店一樣... 大圓檯, 酒家椅, 要搭檯的, 地面非常整潔~ 服務: 服務員大都是上了年紀的男性, 服務態度很好! 客路: 竟然全場都是男人! 不過並沒有出現粗聲粗氣的場面, 可以吃過安樂茶飯!店舖的門面 : 仲有茶飲!! 我一坐下就有服務員問: 「呢位呀生飲乜野茶呀」 感覺真的不錯~睇睇餐牌... 炒粉、麵、飯乜都齊! 仲唔係貴喎! 呢間舖既然叫得 奇香雞飯店 咁我冇理由唔order 人地的撚手菜... OK 就要一碟 "奇香雞飯" 碟飯一到桌面, 頓覺雞味奇香!! 先放匙飯入口, Woo-lala!! 飯粒分明且粒粒軟棉~ 再吃件雞, 嘩! 不得了! 皮薄, 肉嫩無比, 雞味濃郁, 又夠厚肉! 雞係煮得剛好, 夠熟又不帶血, 嫩而不韌! 一碟"奇香雞飯" 才$32 + $2茶錢~ 爽!連雞帶飯, 一啖放入口... 可真是男子漢式的浪漫, 神仙的境界呀!!雞飯, 通街都係... 但係好味嘅, 就真係買少見少~呢間真係好味!! 好嘢... 呢間飯店的廚師真係有料到!!
繼續閱讀
七時到那家飯店, 食客不多環觀店內環境, 加上伙計親切的服務態度, 絕對有小小小時候中菜飯店的感覺, 令人懷念點了先$168半只雞+蒸魚, 新鮮雞配上雞肝雞腎還有幼滑的薑蔥, 不錯; 而蒸魚在水缸即撈, 普通, 問題豉汁不夠吸引, 吃蒸魚除了鮮豉汁都頗重要嘛!蒜香金沙骨($52), 抵吃之作, 份量適中, 蒜真的香, 旁邊的青椒和洋蔥不生不熟, 炒出香甜翠玉瓜炒豬頸肉($50), 這碟比較遜色, 因為太多油, 豬頸肉亦略久口感龍鬚帶子($70), 絕對好吃, 龍鬚香脆不油, 吃完一口又一口的龍鬚都不覺厭膩是用心之作! 不過有點失望, 因為我以為是原隻帶子, 與餐牌的相片有出入, 裡面應該帶子混入蝦雕成膠, 明顯蝦份量比帶子多, 吃不出預期的帶子味道最後會送上比酒樓甜品舖好吃的綠糖水四人飽到震
繼續閱讀
聖誕假期，節目緊湊，但總是離不開食和玩。正日當晚，就去了朋友家耍樂，不亦樂乎，大家玩得咁上下，便到附近的奇香雞先吃晚飯，然後再回去繼續下半場。人生如此，夫復何求！哈哈~大家仍在風花雪月，點菜的工作就由小弟代勞，事前也沒有做好功課，也沒什麼心水，隨便的點了幾味便算。奇香雞當場是必吃的，若然不柯打這味，都不知為什麼要來了。看其色澤是很對辦的，拿一件雞背放入口，肉質幾嫩滑，雞皮爽，皮下沒有什麼脂肪，而且不失鮮味，果然有點水準，難怪店家以此為名。吃家常便飯，很自然的又會點上生炒骨，然而，這裡的出品未目突出，酸甜味平衡還可以，外層雖有微脆口感，但肉質並不鬆化，更加是幾韌的，所以吃了兩件便收手，主攻配角的青椒。濶太朋友唯一指明要喝杏汁豬肺湯，遵命！呢盅街坊豬骨湯，杏香並不濃郁，勝在湯底仍算香甜，豬肺口感不俗，已沒有什麼投訴。另有腰果炒牛柳粒，鑊氣不很足，肉香亦較為淡口，幸而有點黑椒粒提一提味，而我則更愛吃香脆的腰果以及爽甜的青椒，還有爽脆的洋蔥，說起來，是晚不知不覺也吃了蠻多青椒。接著送來的琵琶豆腐，不知是否來錯，大家都沒考究便起筷。豆腐本身尚算滑，沒太大問題，但淋上了沙拉醬，又加插了火腿絲，感覺總是格格不入，反正我個人是不太喜歡。最後的兩味均是香口的東西，其一是椒鹽九肚魚，炸得香脆乾身，惹味非常，是佐酒良物；另一款的窩貼小棠菜就令人大失所望，咬落去滿口是油，墨魚膠又欠缺彈牙口感，大家都沒有意慾再去品嚐。吃飽飽，大家又趕著回去繼續遊戲，好開心呢！
繼續閱讀
葵芳一帶沒可能沒有更多值得嚐試的美食，心心不忿在網上查找，終於找到了奇香雞飯店，原來有不少食評家也曾到訪過奇香雞，實在太好了！猶記得有次晚上經過奇香雞門外，外觀古舊，加上內裡透出昏暗的燈光，單憑那種不著眼的模樣，根本不會打它的主意！來到奇香雞，侍應多是上了年紀的叔叔嬸嬸，似是跟隨老闆多年的老伙計。店的外與內均是陳陳舊舊的，格局與陳設十足小時候的飯店，分別在於奇香雞保留老式裝潢原用至今，似乎沒曾裝修過。奇香雞有數款街坊套餐供應，十分實惠，可惜無論怎樣配撘也不能包含我的心水選擇，於是只好散叫了，由侍應嬸嬸替我們下單。例牌奇香雞送上，一看油潤肥美的黃皮，己教人垂涎！從小到大都習慣不吃雞皮的我，將雞件送入口正準備將雞皮咬出之時，豈料即感到雞皮一股誘惑的味道溢出，原來雞皮每一寸都盡得精華，異常的滋味，竟很自然地將雞皮吞下，及後發現雞皮下沒有多餘的脂肪，肯定是令我較易入喉的原因。記得老爺講過最嫩滑的雞就是雞肉透著絲絲的粉紅血色，當晚正好引証老爺的話是對的。雞肉相當的細緻幼滑，就連雞胸也不感到嚡口，且滲出奇香濃郁的味道，不愧為鎮店之寶。市面的薑蓉大多只有葱，奇香雞的薑蓉是真材實料用生薑磨成的，豐富的薑味非常討好。雖然奇香雞不用添加物已美味無比，若將雞肉沾上薑蓉後再品嚐又是另一番的滋味。想不到雞件下還有新鮮的雞腎與雞膶，平日甚少吃雞與雞內臟，單憑著出色的奇香雞增添了不少嘗試雞內臟的信心。細小的雞腎非常爽口，而雞膶亦很粉潤與香郁，難得內外兼備的奇香雞。當然少不了來一窩獲各食家推崇的杏汁豬肺湯。豬肺湯呈乳白色澤，入口確實清甜無比，杏味雖不及著名食肆的強烈，但仍可感到杏仁粉末順湯水而流，喉嚨頓時得滋潤舒暢，老公不停的讚賞，湯王的我也不停在喝個痛快，最後一滴也不浪費。湯渣中有小塊的豬肺、銀杏、豬肉及一些細小豬內臟，似被老火煲得温純可口，我們也將它一塊消滅！蝦鬆是我欲嘗試奇香雞的特有食材。自家製的蝦鬆煎香後切成片狀，四邊金黃，恰似一塊一塊的魚片，質感軟中帶爽，最重要的是鮮蝦味道絕不遜色，若改為厚切，相信會更有咬口。翠肉瓜有點苦味，大有可能是農藥過盛之故，加上火喉不均、温度不熱，各食材未能達到預期相互融合的效果，棋差一著，白白浪費了蝦鬆的美意。琵琶豆腐明顯的炸過頭了，呈現深啡的顏色，狀甚不飽滿、像極泄氣的皮球一樣。咬開裡頭，組織並不緊密，且沒有放入增添香氣的餡料與香菜，以老店的做功來說絕對馬虎，令我大跌眼鏡。奇香雞的廚功與食味果然是難得之作，曾嚐過不同食肆諸如貴妃雞、葱油雞、鹽焗雞等等，最出色的要算是奇香雞了，葵芳有您坐鎮，增添了一寶。奇香雞與杏汁豬肺湯絕對值得一試，為免失望其他菜式則有嚴選的必要！
繼續閱讀