太興

營業中

休息中

早上外出嘆早茶回家後，等到下午茶時間先再落樓下間太興下午茶，平時都幾多人，今日假期更加多要等位，都等咗成十幾分鐘先有位，望望餐牌有新發現多咗兩三款飯喎，最後選擇咗巨型雞扒飯及食過好多次既大都牛肉麵，侍應話雞扒飯很多人點，所以可能要等15分鐘，我又唔趕時間所以照點，結果唔駛10分鐘就送到啦嘩……雞扒真係好巨型喎，而且顏色炸得唔錯，試吓先……唔會太乾仍有肉汁，有用少少酒醃過，加埋其他醃料醃出黎既味道比我期望有D出入囉（見仁見智啦）唔係唔好味但我個人覺得不合我自己，如果配上其他醬汁可能會好D！至於大都牛肉麵保持一貫水準幾好味，牛肉夠淋而且好入味今次既雞扒飯一般般，下次再試埋豬扒雙蛋飯

OT完10點鐘先番到青衣, 都冇咩邊間餐廳仲有開門, 諗黎諗去都係食太興平時菜單都唔多睇, 都係食開鴨脾飯, 今次手痕望左兩望, 俾我發現到佢個胡椒豬肚煲, 所以就叫點知真係有SURPRISE, 成個煲連爐咁上, KEEP住D湯係熱, 已經覺得好有誠意, 仲要個味都唔錯, D雞滑到呢~最正係佢D胡椒既份量岩岩好, 辣辣地但又唔太辣, 岩晒我呢D想食小小辣但太辣又頂唔順既麻煩友另外加左個豬肺湯, 個湯就都係咁冇咩特別, 仲要貴貴地唔係好底

太興好多時都係我既飯堂，須然價錢未必比一般茶記平，但勝在付出一元就真係比番一元既質素你今日放假瞓死咗，成14:00才起身，之後去屋企樓下既太興tea一tea先，上次食咗唔錯既干炒牛河，今日改食星洲炒米，加杯凍鎮奶茶48元下午茶星洲炒米稍稍比茶記貴，但我覺得合理，因為食落真係有分別，即炒出來送到我已被味道引到口水流，比較濃烈既味道啱我配料又多，中蝦有4-5隻而且並不是平時多用來炒飯嗰D冇味蝦，兩個字……好味冰鎮奶茶一直都保持到應有既水準環境在青衣海旁邊，一個悠閒而滿足既下午茶

在海邊的太興，而且有位泊車。嘆過下午茶，在海濱長廊散步，看看風景，看看釣魚郎。下午茶餐如何？仿佛沒甚要求亦唔記得細味。心目中太興不會太差的。但是，去商場洗手間就好有印象，因為好遙遠哦。

有時候不想在家煮，會很方便地去樓下的太興解決。下午茶算是第一次首先被它的外型吸引，仔細一看，原來是棉花糖，一向不喜歡食甜品的我，被它吸引了。拿起刀叉，切一小塊放進口中，棉花糖的甜配上多士的香，配合的很好，很有層次，平時單食棉花糖會太甜，單食多士又會太乾，這樣一起食，還真不錯呀。算是一個小驚喜。再來一杯冰震奶茶。我比較喜歡重奶味，所以覺得奶味不夠，冰涼的感覺帶給你透心涼的感覺，特別刺激。不是嗎？冬天的飲料放在冰上，喝起來怎麼不刺激呢⋯⋯

星期六放假，知道太興的燒味一向都出名，同埋又想飲佢杯奶茶，決定同屋企人黎屋企附近的太興食午餐。午餐價錢套餐價(連野飲)都要50至60蚊，因為想食燒味，嗌左個乳豬飯加奶茶。乳豬皮脆, 脂肪厚過肉...至於個飯唔夠熱，不過整體係好食既

星期日的晚上，咱們一家通常在外用膳，多數在青衣區覓食，很多時候會在同一食店吃飯，不過今晚卻有點不同。今晚來到太興，同樣地要等位，而且在下已來過好幾次，因此不用多說餐廳環境了。在餐牌中，雖然有燒味和小菜可以選擇的，但是咱們還是點了多款燒味來吃。薰蹄。似乎已經後久沒吃了，今晚點來，可以回憶一下它的味道。薰蹄本身沒甚味道，要靠醬汁提起味兒，薰蹄咬下有鬆化現象，皮有點煙靭，蘸上醬汁，是酸酸微微的，也能帶來醒胃作用。叉燒。一向是在下的至愛吧，每次吃起叉燒，總會有鬆化和軟腍的，而這叉燒也有燶邊位置，吃起來也有點脆口感覺。雖然是差不多全是瘦叉，可是卻又帶又有肥脂在內，因此吃起來不會太過硬和乾。燒鵝。總是吃到的是皮脆，皮下脂妨也有一點。肉質軟腍和有咬口，雖有骨在內，但是卻不成問題，重要的是連骨也都好吃呢。燒肉。這燒肉的皮與肥脂和瘦肉相連著，賣相不錯，吃下時皮夠脆，但有稍微硬了一點，肉質不錯，夠軟腍而且不會太鹹，味道剛剛好吧。油菜。今次點來菜心，菜心都幾甜的，雖有蠔油蘸上，但可以提提菜的鮮味。菜淥得夠腍，稍多爽口的話，就更好。這晚點的全是例牌，而且幾乎把全部的燒味都點了，可謂是一餐燒餐呢！

上次來這間太興，給在下的印象是麻麻，不過今晚也是不多想，不妨再來一次。今次點來一客叉燒飯，沒有像上次般黐黏黏的，不過蜜味都豐富，肉質就有點腍，但未至於鬆化。叉燒是全瘦的，沒有半點油脂，在這情況下叉燒腍的話，都係咁啦。油菜是菜心，今次用上了蠔油，不過蠔油偏少，沒把整碟菜都是蠔油。菜也是淥得腍腍，沒有爽脆的感覺，只是多一碟食吓。柚子蜜都是甜的，喝一杯都是滋潤一下乾燥的天氣。杯底裡有柚子，加上是沖濟，把水和沖濟混和，就是甜甜的一杯柚子蜜了。今次好像是好了一點，叉燒至少不會硬屈屈的。由於時間不早，店舖要收工，因此還未吃完，便收在下的飯錢，有點莫名其妙的感覺。

一個人食晚飯，求求其其便算了，今晚只有一個人，不想想得太多，是但求其去一間食店搞掂便算了吧。今冕來到青衣翠怡，就是求其去了太興燒味，在下去過荃灣及尖沙嘴分店，其實這兩間都是ＯＫ麻麻地，而這間分店也不會寄予厚望。來到太興，想到的只有他們的燒味，其他甚麼小炒，在下不會去試的，原因就是太興以燒味起家，所以亦只有吃燒味好了。來一客叉燒飯，似乎成了在下不二之選，可能就是在下喜歡吃的食物。今趙的叉燒有燶邊，是在下喜愛的，沒有燶邊的，好像少了一樣東西似的。不過看過這碟叉燒飯中的叉燒，似乎顏色暗淡了一些，不是光亮如澤的，而且蜜汁也頗多，令叉燒黐黏黏的，而且有點硬柴柴的。另外腐乳通菜中的通菜只是淥過了，再加上腐乳。然後通菜未見淥得夠淋，有點硬屈，而腐乳卻好像有點怪怪的，有點沙的感覺，不像以往吃過的腐乳一般的味道。冰鎮奶茶可說是太興的名物，奶茶是有茶的味道，但是卻又不夠厚道，回甘味也欠缺了，滑就夠滑但奶就落得多了一點吧。雖然叉燒有燶邊，但整體味道不太如意。

新年團拜，除了打邊爐，其實吃盤菜也不錯，因為洗的東西比較少，收拾方便些，可以大家圍著一起玩遊戲的時間也多了。有朋友說元朗還是屯門那邊的圍村有很好吃的盤菜，可是最後因為時間緊迫，就由屋主自己決定到哪裡去訂，她就選了家裡樓下的太興盤菜，一來不用煩怎樣從新界把盤菜搬回家，而且她說這個盤菜有鮑魚，感覺豪華一些。這個集團今年推出了三款盤菜，我們只有七個人，所以只可選擇其中兩款，一款是$730的鮑魚海味豐盛盆菜，另一款是$1680的極品鮑參花膠至尊盆菜，同樣都是8人用的，但價錢相差一倍以上，我們還是小朋友，不用吃那麼貴的盤菜，最後就買了最平的一款。盤菜裡面的食物本身都已經煮熟了，吃的時候把店家附送的兩盒南乳汁倒進去，再用電磁爐一直熱著。盤菜看起來很豐富，裡面有8隻原隻鮑魚、冬菇、髮菜、花膠、大海蝦、海鰻鱔肚、油雞、燒鵝、蘿蔔、雲耳、枝竹、芋頭、魚蛋、燒腩仔、豬手、吊片、素翅和西蘭花。雖然加了兩盒南乳汁，可是味道仍然有點淡，某些食材本身沒什麼味道，始終加入南乳去滾才十多分鐘就開始吃，但店家應該不會是打算靠這些後期加入的南乳汁調味吧，一開始煮的時候應該就要把食物炆得入味，就算沒有南乳汁也不會覺得淡，可

晚上剛剛還上一場雨,相約幾位老友齊齊開餐, 主要特意來試新菜式 。晚上6:30 P.M., 人客不算太多, 好快點了一個"龍躉頭腩佛跳牆", 但叫之前職員要查有否存貨 ? 6:30 p.m. 已經要查, 究竟一日得幾多個煲 ?等了10分鐘, 送來這碟餸, 一件件龍躉頭腩, 真係唔係好多, 個煲又細, 湯少, 有幾粒杞子及三片淮山, 加一點點菜, 真係唔係好抵食, 五個人真係唔多夠, 2-3個不大食的人就差不多。立即轉了套餐, 叫了三個白飯, 兩杯飲品及一個例湯, 個例湯好似好正, 簡單味濃, 蕃茄薯仔ok 。點了其他兩樣餸, 京都豬扒, 夠酸味, 好開胃, 5個人緊緊夠分, 豬扒夠腍, 小朋友至愛 。粟米斑塊: 斑塊夠脆, 粟米蓉份量都多, 可撈飯 。三個套餐五人吃加支啤酒合共 $319, 一次就夠 。

早餐有10 個set 選擇, 不過只得一個掂, 其如可以用"垃圾"同"呃錢"去形, 也是一個不便宜集團餐廳, 一間普普通通既茶餐廳也會比呢度好味得多!!...因有時"講"時間, 無得選擇先至會幫襯!!試過好多次,,,,,,,,,,,,,order 雪菜肉絲米, 米粉份量係外買碗5份1 都無, 一定少過兒童食既份量, 呢度既價錢同翠華係睇齊, 但質素係xxxxxxxxxxxxxxxxxxxx!!今日當然都係只會order 呢個為一掂既...餐肉蛋治 ~ 的確係好味, 蛋好滑, 餐肉仲好厚!!

同人慶祝生日4 個人去左太興點左 3 個餸 + 飯 + 飲品第一個係八星報喜（燒味拼盤）D 叉燒幾好食，有蜜糖味，少少甜D 鵝皮係脆的整體味道都唔錯的第二個係芥蘭魚鬆芥蘭爽口又唔硬清清淡淡的伴以味道濃郁的魚鬆配搭得蠻不錯最後一道係羊煵煲羊肉近乎冇味入面的伴菜：腐竹、馬蹄等都係得少少羊肉味（冇佢地原來應有的味道）$78 一個煲就個人黎講唔係好抵食食下有人唔夠飽要添飯最後係飲品，冰鎮奶茶的確係好飲不過，就呢間店而言個餸的份量始終係少3 個餸 + 5 碗飯 + 3 杯飲品都已經 $299...抵唔抵食就見人見智啦...

前幾日同左女友去左呢間店到食晚飯,叫左個三拚飯,女友就叫左個义雞飯,三拚有乳豬,燒鵝油雞飯,講真佢d燒味真係一般,唔明點解可以咁貴,一個雙拚要$33,一個三拚餐係$55,跟本就唔值呢個價,唔會再去.

今天, 竟然很多人午餐時候排隊等位.但進店坐下後, 竟然只得2份紅色餐牌, 平日其他的都沒有了.本想隨便叫一個蒜蓉雞扒飯, (冇雞扒喇)家人, 乳豬油雞飯(乳豬賣晒呀)即時想起麥兜故事那麵檔, 甚麼都沒有.最討厭就是這類'以為自己出名的餐店'.自稱年三十也營業, 年初一初二初三無休.卻餐牌收起了不少, 在餐牌上的也沒有.其實沒有人強迫新年要開, 如果沒有食物的話, 可以不開, 或者在門口寫, or在餐牌刪去.難度用紙將沒有的食品'刪'去這麼'難'?我倒是 意興'闌珊'.p.s. 是次的鹹魚雞粒炒飯也很少, $42, 只像是普通茶餐廳 較小的下午茶, 僅售$22.家人的燒肉油雞, $44, 斗膽一句, 街市的$14飯盒, or荼餐廳$26雙併還比它好吧.全屬雞胸. 燒肉也是乾瘦部分.比$44食個咁ge雙併, 唔係家人建議我根本唔會去.集團式餐廳, 如果好的話, 到哪兒也好, 如果差的話, 醜事傳千里.本人寧選不著名地區小餐廳.