7
6
3
食評 (16)
近在子尺 焦點食評
殿堂食家 2016-07-06
312 瀏覽
因為茶記「太子小廚餐廳」就晌老婆所返嘅教會附近,可謂近在咫尺,所以,晌嗰區算喺幾經常幫襯嘅餐廳。不過,食物質素又唔喺話非常突出,勝在碟頭大,故食嘅次數多,但點嘅都喺常見嘅碟頭飯呀、午餐呀之類,值得寫嘅真喺無乜 。之前嘅食評都交待咗好多餐廳嘅資訊,所以,今回就唔多提,環境無變,嘢食嘅款式都無變,變嘅都喺價錢漲咗啲。兩年前嗰篇食評寫快餐賣嘅價錢為$37 / $40,依家都只喺變為$40 / $44,同樣共有5款選擇,仲附送埋例湯或啡茶。不過,今次個蒸魚真喺幾得,所以,先手痕痕寫番一篇 。 豉汁蒸魚飯 $40 都話過依度碟頭大,可真唔講得笑,碟飯差唔多有3碗飯咁滯,所以,點一個快餐,加多碟灼菜已夠我哋兩公婆一餐午飯 。而快餐甚少見有蒸魚,多數喺散點嘅碟頭先有,而蒸魚喺原條上,底下仲墊有唔少豆腐,個豉汁落足料,好惹味,條魚又蒸得恰到好處,肉質嫩滑,同埋以豉汁蒸魚豉油撈飯,一流啦 ! 奶茶 跟餐棄例湯而揀奶茶,因為茶記嘅奶茶真喺寧捨好飲,茶底既芳香馥郁,質感又幼滑如絲! 腐乳通菜 $15 灼菜都喺啲大路嘅選擇,如菜芯、生菜等等,揀通菜,配腐乳相對好哋啲。而已,啲通菜喺啲水通,幼細啲,爽身啲。兩個人平均唔使30蚊食一餐,而且,又要好食兼健康嘅,晌依個時勢,唔喺度度都可以搵到 。 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-07-30
105 瀏覽
一直知道有呢間餐廳外賣紙見到香茅雞亦粉只需28,雙拼都係34好多越南泰國餐廳雙拼粉面最少都要5、60蚊好少見到有甘平的就來試試豬扒有六件,抵食杏霜好飲羅白ok雞亦一般總體黎講,續金滿都,小越南雖然貴,但貴得值得論好味,小越南金滿都好味d呢間只係抵食同近屋企 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-03-02
253 瀏覽
太子小廚一向出品不俗,但日前吃的晚餐,臘腸雲耳蒸雞真的令人失望。蒸雞配雲耳本是很好的組合,因為雞皮有油份,雲耳冇味,可取平衡,但加埋臘腸明顯過油了,最要命還把雲耳墊底,變相盡吸雞件同臘腸的油份,讓整碟小菜失分不少。 繼續閱讀
(以上食評乃用戶個人意見 , 並不代表OpenRice之觀點。)