大快活 (已結業)

今日下午到大快活享用茶餐，當時都幾多人下，一開始都相安無事，買完餐後，張張票交去水吧負責職員，然後等待，當日點了兩個餐，一個餐要凍咖啡一個要熱咖啡，都係一個餐完成後，我先將第一個餐取回枱面，然後準備再取第二個餐，係一個餐我拿的是一杯凍咖啡，咁好正常第二個餐會係熱，但遲遲等左15分鐘第二個餐杯熱咖啡都未有，我就麻煩負責你飲品的男職員跟進，話欠一杯熱咖啡，男職員求其放一杯凍咖啡就算數，原先杯熱咖啡就俾咗最後一個客，我同佢講話杯咖啡錯咗係要熱，佢就很晦氣地話我跟單嘅咋，咁我都已經同佢講話錯咗要熱咖啡啦，是否應該轉返就可以啦，為什麼要那樣晦晦氣氣地對你們的客人這樣呢，事情其實很簡單，是否幫襯100幾十蚊茶餐你哋不放在眼內呢，當時隔離已經有個女主任上前協助，我了解情況作出致歉，但我覺得事情唔係因女主任而起，是否啲細做錯都要個主任負任，定還是你們是快餐，就可以向客人晦晦氣氣呢，主任話男職員是兼職，兼職又是否可以想點就點，是否你們啲同事心情唔好就可以攞客人出氣，咁是否我們客人入內又可以一樣咁做呢，麻煩你好好管教你們的同事，我今日已經打上顧客服務，請麻煩你跟進跟進！

平日lunch 成日食大快活，貪在夠快夠方便。今次一早要出去探朋友，就試下個早餐。早餐36蚊都唔算好平，但夠快夠飽。加5蚊有個雪菜肉絲米，味道不錯但米粉好軟身，浸左好耐煮過頭。吉烈魚柳好正，唔會好油，但好脆！仲有塊多士，唔會煎到好焦，剛剛好！最後2隻太陽蛋都唔會話太熟，整體黎講算對得起依個價錢。食完再嘆番杯熱奶茶，完美既早餐！重點係唔多人，可以慢慢嘆，可以一邊睇報紙一邊食，食完再坐好耐都得，唔似其他小店咁會比人趕走。

快活早餐成日都食，這間位於葵涌廣場既大快活每朝都有好多人。這個餐並不貴，我買左個俾媽媽同我自己兩份只需要大約＄50 ，飛起外面其他很多餐廳都要便宜。質素好好通通勝在不用自己煮自己洗，首先是沒咩味道的白烚蛋，表面比較油膩用手開之後要洗手。冇咩特別亦冇咩味道，但是吃得出裏面既蛋黃過熟，煮左好耐先拿出來，完全不是滑。火腿、多士最好一齊食，可惜多士不是我喜歡的，又乾又硬。反而口感不脆。火腿通粉質素普通，不夠滑。有時火腿配通粉，這個配搭真的很悶。熱Horlick本身已經有少少甜，加不加糖都無所謂不過加左糖就比較好飲。

今日放工同姐姐去大快活食dinner,環境比大家樂闊落,又幾like全間店以橙色格調做主題~我還是點左1款我愛吃的鮮茄焗豬扒飯(鮮茄增量30%) $34鮮茄果然好足料!!濃郁的番茄切粒,表面仲有芝士呢~芝味極了!!整齊來說,質素真的很好,棒極了!!! 用報紙coupon,免費附送1杯紅豆冰我試下向職員要求少冰多豆…我諗多豆的要求未必得…但記得上次職員俾d紅豆實在太少.. 所以博一博試試!!幸好出菜的職員仲好好禮貌話 知道,that’s right!我見負責弄紅豆冰的職員,真的「不」左份量很多的紅豆粒 即時笑晒~~ 

中秋節前的星期五，提早與婆婆、舅父等親戚吃過節飯，為了方便婆婆，我們多數會到安蔭商場的屋邨酒樓吃飯! 但每次吃飯都至少8點過外才齊人，所以為防餓到胃痛，這次我到了大快活吃下午茶!到達時已過了17:30，但仍有少量下午茶套餐供應，我選擇了迷李餐肉蛋公仔麵配熱檸水($18).沒想過$18 可以吃到餐蛋麵，還要配上餐飲，茶餐廳也沒有那樣便宜.由於我要熟蛋，所以要等數分鐘; 蛋是即煎的，熱辣而且邊位香脆，餐肉也有煎過，配上福字麵，份量不多，但夠我頂到8時左右就ok!熱檸水，居然有4片那麼多，真的很大方，有些餐廳只有2片罷了. 檸檬新鮮沒苦澀味，不錯!$18 又平又好食，雖然不太健康，但一次半次沒所謂la!!  

昨晚和男友到安蔭大快活開飯我叫了台式大波豬扒肉燥飯 $35晚餐豬扒炸得不錯而且都厚的四, 五塊排在碗中厚厚的豬扒沒被炸得硬梆梆實在令我感動不過白飯和肉燥份量不多而男友則點了[b鹽酥雞扒飯配滷味拼盤+肉燥A菜 $43我偷吃了一件雞扒嗯 .... 感覺比豬扒更好味因為入面還保持到肉汁不過滷味牛肚非常韌, 需要改善一下其他都OK

星期五上安蔭大快活dinner6:30pm晚餐黎講都尚算早但係已經坐滿七成位我地一行4人叫4個唔同既餐可以share厚切吉列豬扒定食定食包括 : 厚切吉列豬扒 冇剛推出時咁厚了, 豬扒冇拍鬆, 食落好un雜菜一碟, 冇味白洽麵豉大根, 大根煮得好軟, 質感好好但麵豉味道太咸我地每人share 1/4都覺得咸味over定食跟一碗珍珠米, 唔錯另外叫左3個"點都唔落味精系列"套餐跟餐有一個小菜一碗湯合掌瓜煲豬爭, 好濃好多料奉送一杯鐵觀音菠蘿咕嚕肉咕嚕肉頗大件, 一碟有五, 六塊醬汁酸度都調得唔錯, 剛合唯配菜洋蔥切得太小, 好難夾沙薑雞半隻唔點醬都偏咸左些少醬油香葉炒雞球賣相唔錯, 用鐵板出場有四季豆, 翠玉瓜, 洋蔥炒走左油既雞球味道亦都唔錯係油量比較多, 師傅可以輕手d更好八達通同大快活推出優惠惠顧滿$85用八達通付款送菠蘿麵包布甸個甜品其實最先到但我地食哂d送最後食佢淨食左一啖麵包布甸, 涼左小小蛋味淡, 面頭既麵包脆脆加埋菠蘿同食, 味道就岩岩好

Yeung chau fried riceFried rice is dry enough and 一粒粒, not too wet which is good, there’ s lots of food inside: green bean, carrot, corns, chicken cubes, ham…….the whole dish is not too oily as I won’t c lots of oil remain on the dish when I finished it…well, it’s not salty enough, I had too add some soya sauce to enhance the flavorHorlicHot enough but add too much milk…just like milk water =.=

由於今晚有賽車直播, 作為賽車迷的我就選擇留在家裡, 直播大過天! 其實近幾晚都懶得整晚餐, 所以有時間會落去大快活食晚飯. 平民價錢就可以食到差一點的高級餐廳的享受, 實在無話可說. 今晚試的這個吉列炸雞晚餐, 我個人就有以下的評價:1, 圖中的雞扒旁有條雞骨, 好有KFC Feel 2, 雞肉可以, 但有點兒過熟. 這亦可接受的, 因為大快活不是擅長日式食物. 3, 隨餐附送日式豬扒汁及椰菜絲. 但個人對於炸雞的喜好仍希望可以提供沙律醬.自從推出新的餐牌後, 這系列已不再即叫即做. 我個人覺得, 在晚市時段亦可以考慮即叫即做, 由於用家在晚市時段有更多閒餘時間, 故此若考慮在晚市將其系列列為即叫即製, 味道和新鮮感亦可提升, 客人亦能感到該食品滿意.餘評: 自選雙拼鐵板餐本週中, 個人亦品嚐此餐. 其餐的評價如下:1, 牛扒偏向Rare至Medium Done, 個人認為可以把牛扒再烤多20 - 30秒, 以防有血水滲出, 亦不失牛扒的嫩滑. 唯一缺少的是喼汁, 如可安排喼汁則會方便食牛扒的朋友.2, 個人大讚燒春雞及豬扒, 既保留到嫩滑的質感, 又與配汁互相配合. 3, 配餐可+

因為自己太懶, 唔想整野食, 再加上要趕大學的功課, 所以近來每晚都落去大快活食晚餐. 在裝修之前我都係成日買黑豚扒餐來食, 因為自己鐘意食日本餐, 而且仲做過一年日本餐廳, 所以我通常食都會叫一餐日式食品. 由於食開有感情, 所以近來推出的黑豚扒餐自自然成為目標. 要知我對呢個餐幾瘋狂, 可以找經理問一問, 經理一定會答到你.裝修後的第一日, 因為繼續忙住我的工作, 所以都係大快活一餐搞掂. 出奇地今晚呢餐真係進步左好多, 唔會感覺到好多油, 而且碟底的油都唔係積聚左好多, 可見師傅有隔油. 外層脆而中間鬆軟多汁, 可以話呢個餐唔單止賣$35咁平. 不過我呢間大快活只係做街坊生意, 做到呢個水平可以話超班. 要我俾一個價錢去評呢個餐, 我覺得最少都應該賣$500. 但在呢間大快活食到咁高水準的食物, 對我地呢班街坊來講, 可謂是有食神相吧!

2010年2月7日 ( 1-1 ) 葵涌 ( 大快活 =1 ) 早餐金山晨運後，來到大快活嘆個早餐。熱好立克：一般連鎖快餐店都是比茶記落足料，好飲。炒滑蛋：不全熟，很夠滑，是對辦炒蛋。鮮奶麥皮：使用淡奶，麥皮杰度適中，煮得好。牛油豬仔：包身微暖，牛油足夠，不遜於( 翠華 )。餐後總結味道：這個早餐幾好。環境：一般舒服。服務：一般快餐水準。衛生：普普通通，看不到有特別之處。抵食：價錢一般。

平常大快活時不時推出日式料理，令人驚喜。今期推出家庭料理，想評一評呢個餐。今日評的是黑豚肉料理。除了料理以外還有天婦羅、魚湯大根、味增湯及甜品一個。天婦羅：三片南瓜配三件一口豚肉，奉上時配檸檬半角及沙律醬。廚師上菜時頗花心思盛碟。不過略嫌一口豚肉的大小參差不一，而且天婦羅粉漿略厚。如能配合天婦羅汁趁吃更佳。魚湯大根：蘿蔔反而在魚湯裡浸得太耐而變得較腥，可嘗試配合Dashi改善。賣相一般，畢竟是中式餐廳，值得原諒。味增湯：值得讚的是湯入面有一隻蜆，豐富整碗湯的味道。可惜的是海帶已被浸軟，不及爽口。黑豚肉料理：配上紅白蘿蔔及薯仔，味道較為清淡。不過筆者覺得這道菜正與這系列菜式的名稱配合得天衣無縫。甜品：奶凍配合紅豆，在寒冬享用時還是有點兒那個....服務員明顯對日式料理一無所知，忘記奉上味增湯，但這是可以原諒，畢竟大快活不是日式快餐。總結除了魚湯大根外，其他的可說是成功。尚有改進空間。

上次約左班舊同學出黎食飯...咁就搵返近大家的...就去左大快活去到就叫野食....羅時新出左個.."鍋仔牛肉/豬肉飯"咁就叫左個鍋仔豬黎試下..原來有2隻汁..選...我選左薑汁...之後等左一陣先有.....當叫號碼時..一見到碟野....嘩....好少...d豬肉..得3-4舊....之後加d菜...仲有一碗飯30蚊...只係得幾舊豬肉仔.....真好唔直要食就要食其他....鍋仔好少咋

這間大快活都來過很多次 , 當然我會首選食燒味 ...... 因為燒味部那個男人 (得一個) 會幾重手 , 通常都會幾多叉燒 ( 而且幾濃 ) ...... 小弟最愛 ! 總括而然 , 個四寶飯次次都足料 , 加埋 D 薑蔥 , 仲有加埋一包 (自取) 甜鼓油 ..... 嘩 ~ 無論幾大碗次次都食得晒 , 有時老婆會給我佢個份有多的飯 ..... 　當然個飯都幾油 , 最合的飲品就當然係 cold lemon tea 啦 ! 至於下午茶推介一定是燒雞翼 + 豬扒包餐 啦 ! 大快活的豬扒包比佢兄弟大 X 樂 好好多 ..... D 包睇住佢親手入爐 , 豬扒都幾大塊 , 最好買票時叫多醬就 delicious 啦 ! 雞翼很入味 , 甜甜地燒得很好 ..... 都是最飽最好味的餐來架 la !!! 你唔好睇屋村食市無得做 , 這兒一年三百六十五日 ( 連星期六日 ) 都一定有番甘上下多人 , D阿公阿婆都轉晒口味 , 鍾意食快餐店的下午茶了 .... 呵呵 !

今朝番學校開完會見仲有大把時間先上堂就去大快活食野,我個同學食早餐,佢話個包又硬又凍,d牛油係上面熔唔到.我同另外2個同學等食lunch,我窮,所以食學生餐,食栗米肉粒加吉列豬排肉寶飯配紅豆冰,吉列豬排炸得好脆,好味.栗米肉粒d肉都幾硬,又汁又夠食晒所有飯,肉寶都麻麻,好喊,食唔到.但杯紅豆冰幾好飲的我另外兩個同學都係食魚香茄子加蟹柳蒸蛋飯,睇上去好味好多.