大勝軒丸一 (元朗廣場) (已結業)

🇭🇰元朗食日本正宗沾麵🇯🇵【#大勝軒丸一 】又係日本過江龍～辛沾麵 $78 二辛湯底由日本直送～麵都係即做即整～湯底用上豚骨、雞同魚乾熬製的味道適中濃郁吾會過咸太重口味 用嚟沾麵就岩岩好麵條硬度都適中都幾彈牙 如果有得揀就更好有暖冷可以揀 想加底都可以免費架大食既人都吾怕 食完麵再加湯就可以飲埋湯底辣度都可以揀 1/2/3 我就覺得一般辣正常人都接受到辛拉麵 $80除左沾麵重有好多選擇煎餃子 $30餃子都煎得幾脆 餡料非常足加一服務費📍大勝軒丸一 (元朗)元朗青山公路249-251號元朗廣場2樓260號舖

元朗廣場新開拉麵平日7點幾8點嚟到 都要等位門口睇定menu先沾麵同拉麵 都好多選擇麵量仲可以免費揀增量入到去 感覺好整齊然後自己落單跟住就可以等食嚕仲有期間限定今次係麻婆豆腐 好特別枱面仲有好多唔同嘅調味料拉麵+小食+可樂 = 好滿足嘅晚餐魚介豚骨拉麵 $88原本拉麵得一片叉燒 所以再追加咗：+ 叉燒 (一片) $12 + 味蛋 $12湯底!!!!!望落色水好吸引杰身+濃郁+重味有魚嘅鮮 又有肉肉味好啱我嘅口味🥺超驚喜好耐無試過飲晒啲湯底啦麵底偏粗身中規中矩~還可以啦叉燒：唔算好厚切 但係食落好軟腍肥瘦均勻 唔錯唔錯原本個麵得一片嘅話 真係會唔夠喉味蛋：食拉麵一定要配蛋炸雞骨腸 (2條) $25腸仔with脆卜卜嘅外皮無得輸牙配罐可樂 爽滿足嘅一餐飯

特製沾麵 ($95)🍜 增量upgrade叉燒紫菜味蛋湯底鰹魚粉濃郁味鮮，麵身有勁度且掛湯，每日都回味。貪心嘅我要了特製款式，配菜份量⇡ＵＰ⇡荀也爽脆好吃，又加了一份😆最後著侍應倒入木魚湯，兩種鮮魚甜味都喝光光，好滿足😌大勝軒炒飯併煎餃子定食 ($52)🥟 炒飯份量雖少，但好有驚喜，雞肉碎香口又無味精，飯底粒粒分明。連餃子都好吃，新鮮煎起表皮金黃，豬肉內餡鮮嫩。日式炸雞5件($38)🍗 炸雞份瘦適中，鬆軟啖啖肉。最後飲杯原味乳酸梳打解膩 🍹 微甜勁多泡泡，舒服曬✨

今日黎咗元朗廣埸的大勝軒丸一拉麵食晚餐，我們點了大勝軒拉麵、魚介沾麵及炸魷魚。拉麵標榜日本直送的拉麵湯底，十分鮮甜美味，充滿著木魚的香味，叉燒肥瘦適中，荀也煮得非常入味，拉麵是稍為粗身的那種，十分爽口彈牙。沾麵的麵基本上是拉麵的麵，分別是沾麵湯及麵分開上，把麵條沾湯來吃，店內亦有圖文並茂的説明顯示沾麵的吃法，吃完麵條更可叫待應於沾麵湯底上添加木魚湯，當成一味湯飲用，清甜可口。炸魷魚炸得十分香脆可口美味，但炸既時間有點長，咬下去會有點乾的感覺，如果炸到剛剛呈現金黃色便上碟應會好一點。還有一點值得一讚的是這店的麵可以免費加大麵底，即使較大食的男士也不會吃完一碗麵仍會有唔夠飽的感覺。總體黎講，以這價錢吃到日本直送湯底的拉麵，性較比十分高。

今日做野太忙，lunch只係食個杯麵，所以放工超級肚餓，於是去咗食拉麵。本身諗過食沾麵，但比期間限定既厚切叉燒拉麵吸引咗，於是最後揀咗呢個，兼且追加自己好鍾意食既味蛋，仲有煎餃子同原味乳酸梳打。先嚟既係煎餃子，嚟到仲一直冒煙，熱辣辣好新鮮！一見到叉燒拉麵既份量已經好滿意，叉燒既size比自己想像既大，加上肥瘦分明，肥既部分食落好爽口👍 再試一試湯底，湯底鮮甜濃郁，而且比較黏稠。拉麵比較粗身，咬落好彈牙，掛湯能力亦高，食既時候每一條都沾滿湯汁。至於追加既味蛋，食落甜甜地好味。食完碗麵再飲埋野飲，飽飽~餐廳有日本feel，入面「日本直送湯底」既旗好吸睛。

放工入到元朗食間新開張嘅拉麵店，佢叫「大勝軒丸一」，之前經過已經見過好吸引，所以book marked😋鹽味厚切叉燒拉麵$88首先湯底好濃，好惹味！麵質亦煙煙韌韌🤤大勝軒拉麵$70湯底亦好濃味，兩塊豬腩肉好大塊 兼 係半肥瘦，食落唔會覺得油膩😋日式炸雞$38新鮮滾熱辣，上枱仲係脆卜卜，雞肉亦好嫩滑👍👍餃子🥟+啤酒1杯 Happy Hour組合$48餃子亦係新鮮即煎，皮薄餡靚，入面嘅肉汁好豐富😋

大勝軒沾麵$68人氣推介嘅滷麵，見都幾多人點，於是就試下。湯底真係好濃郁，好香蔥味，口感滑得嚟有啲粘粘哋，味道唔會太鹹。筍嘅份量都幾多，爽口又酸酸哋，好fresh。叉燒好腍，又入味，浸住湯汁好惹味。麵油亮光滑，質地煙煙韌韌有嚼口，蘸湯汁食更順滑又好味。枱面有沾麵小知識，教人食晒啲麵後可以叫店員加木魚湯然後將個湯飲咗佢，不過最後都冇試到。厚切叉燒拉麵$88見佢係期間限定，於是乎就試埋。冇留意到佢同沾麵材料幾乎一樣，只係上枱方式唔一樣，口感味道都差唔多，湯底比沾麵鹹小小，厚切叉燒肥瘦層次分明，味道淡小小，入口即溶，甘香回味。

呢間店開係元朗廣場天橋入口係朗屏站出沿天橋行入商場就可以見到鋪頭麵既種類有拉麵同沾麵當日仲有推廣係元朗新店限定優惠套餐 $88（大勝軒沾麵，煎餃子，飲品）。大勝車沾麵 $68面嘅份量可以揀普通/增量價錢都係一樣另外可以選擇面嘅溫度（暖/微冷）沾麵湯底充滿濃郁魚介豬骨湯味鍾意魚介既朋友可以試下^o^。特製拉麵 $98拉麵有豐富嘅材料有3塊叉燒，肥瘦好勻稱有紫菜，糖心蛋，荀乾，名門卷材料好豐富，面嘅份量都好多都係魚介豬骨湯湯底。店舖環境舒適侍應數量充足隨時都可以搵到佢哋服務而且態度好親切🥰🥰上菜速度亦都好快CP值吾錯👍🏻👍🏻👍🏻

公司今日派左job要入元朗做完野緊係拿拿林食d野先巴士總站格離就有個商場其實我成日都有選擇困難症最後我選左食拉麵，餐廳燈色比較柔和，好有日本拉麵店既感覺，重有少量吧枱位可能是星期日關係，去到都full full地等左一陣就可唔可以入座我係為左沾麵而入來我地都太肚餓，緊係立即叫返碗拉麵麵質有湯底同埋麵既軟硬度選擇大勝軒沾麵 $68麵條可以選冷/暖因為是沾麵，比拉麵湯頭🍜更加湯汁濃厚，味道吾會偏鹹，而入面更有幾塊既肉粒，而且拉麵份量都幾多下。辛沾麵 $78湯汁面層有厚油，但食落竟然不覺油膩嗌咗2仔辣🌶️口感的爽辣刺激吃著散發的辣香佢哋嘅面條煙韌度適中麵條較粗身，乾爽，條條分明。

有事要喺元朗廣場處理，處理完之後肚仔餓，想食個簡單嘅 early dinner, 見到呢間拉麵店，冇乜考慮之下就入咗去開餐😆呢間「大勝軒丸一」，喺日本🇯🇵嘅名字 / 商標係「大勝軒まるいち」（同單叫「大勝軒」係不同公司），有五間分店，喺日本🇯🇵我都未食過，呢日喺元朗 有機會試吓啦😆。呢間店裏面有「山岸一雄」（已逝世6年）嘅題字，有興趣可以上網睇吓「山岸一雄」嘅故事，佢創造咗 沾麵 つけめん，被稱為「拉麵之神」😋叫咗 $85嘅「黑蒜油拉麵」，toppings 加咗 $32嘅「叉燒（3片）」同埋 $18嘅「野菜」，再加 $20嘅「煎餃子🥟（3隻）」，$12嘅「烏龍茶」😆「煎餃子🥟」外皮煎到脆脆哋😋。Toppings 「叉燒（3片）」同埋「野菜」原來全部分開上，我將 3片叉燒同部份野菜 夾落碗拉麵🍜裏邊，睇落豐富啲😆；「炒野菜」真係大碟都唔信，我諗最少有一斤菜，可能斤半😆，裏邊有椰菜、芽菜、紅蘿蔔絲、洋蔥絲、香蔥，炒得幾清淡，感覺好健康，$18有咁大碟炒菜，呢個真係強烈推薦👍「黑蒜油拉麵🍜」有啲黑蒜油香味，問店員湯底係乜，店員問廚房，廚房話係豬骨湯底👍

好難得喺香港都可以食到日本嘅味道因為疫情關係，冇得去旅行！但係元朗廣場新開嘅一間日本拉麵店舖頭嘅裝修已經滿掛住日本嘅風格，佢哋已經係主打食物係拉麵！-一行兩人去食拉麵！我哋叫咗一個沾麵套餐同埋一個特色拉麵！另外加咗個薯餅同埋腸仔！- 食物嚟到嘅時候，成枱都係☺️ 好豐富-沾麵 （餃子套餐）湯底非常香濃，餃子都係即叫即整！好好味，新鮮！面質爽口彈牙！🤜🏼🤛🏼💕- 特色拉麵一嚟到嘅時候，哇一聲。好大碗，而且有我最鍾意食嘅半山熟玉子，叉燒有三塊！厚切😮 好正！（要特別提及，佢哋加唔加底個價錢都係一樣）不過我一個女仔都食唔到咁多😬 唔加了！-整體而言：食得出有日本拉麵店嘅味道，值得一試！好味😋

2021年8月16日(一)晚餐有新店開張試新嘢辛沾麵$78 收加一服務費，埋單$86辣度選擇有1辛、2辛、3辛，我要左3辛唔怕佢辣，最驚佢唔夠辣3辛沾麵好香、味道好、有辣度，辣辣地越食越開胃個人口味可以再辣啲辛沾湯入邊有蔥、筍、叉燒粒，好吃麵條煮得啱啱好，煙韌有彈性每位服務員都好有禮貌及殷勤，解釋又詳細，埋單收現金、VISA、Master。可能呢排太多人想用消費券，職員都好順口咁講沒有八達通、支付寶、WeChatPay⋯⋯OK OK 我比Visa啦

一入門口坐底 一位男店員好好禮貌咁推介套餐。落完單 見到其他枱嘅麵上左 ：哇 好香呀。 湯係唔錯嘅，但係問題係個麵度。寫左要凍嘅面，發現嚟左一碗出曬煙嘅麵。 就同店員講 女店員答：係呀 ，我地都係微凍炸。 （心諗：就算係微凍 都唔會係出曬煙呀？）然後我朋友個碗麵一到 我發現溫度根本唔一樣，朋友個碗係凍嘅，我個碗就熱到出煙。就再立即要求換。 換左之後 個麵非常之濕，影響左個湯，口感太淋。搞到沾起身 一啖夠味 一啖好淡。食一次就夠啦，唔會返食😔

記得響大阪日本橋食過一次大勝軒，真係高度推介😋加上而家疫情下冇得去旅行，唯有在本地止下癮👍🏻$68大勝軒沾麵🍜加$6生蛋🥚麵量可以免費升級至250g🤤好適合大食的我😋麵條十分彈牙👍🏻唔會煮太稔👍🏻☺️湯底係由日本製造再直送香港🤤🤤保持原汁原味😚湯底唔會太咸，夠哂濃郁👍🏻雖然做唔到湯汁掛麵條，做都好味👍🏻比同區好多間沾麵舖出色👍🏻可惜呢個麵係冇乜肉食，只有麵食，唯有加蛋隻蛋黎撈下麵食🤤好有蛋香🤤枱面仲有沾面小知識，食哂沾麵可請店員加木魚湯，但可惜太飽冇試到，有機會再嚟試吓先😋