大力齋廚 (已結業)

平時好多食素,但有人咁近咩都唔食得,所以就破例食一次,去到要等三個字位,素菜太多,花多眼亂,經過侍婢的核實批准 ,終於選好了,要了蘿蔔糕,幾熱,又多料,味道都唔錯,蕃茄茄子炆米,有d似廈門炒米,好多蕃茄汁,配個豆腐皮甜甜酸酸,都幾好味腰果西芹三菇雞柳,腰果香脆,但整體清淡冇咩味炸鮮奶,呢個超級好味,又甜又香口又滑齋滷味,有三款,雞粒夠甜,酸齋夠味,豪油齋就麻麻地湯加5元有一大大碗,我飲左一小碗,幾清甜,有d南北杏,紅青蘿蔔,友人就話唔錯,差唔多佢飲晒 總結又平又大碟,但找位難,聽聞過埋呢個月搬去水邊圍 ,老實就,其實我都會食素,係有d人成日話我係食肉獸

係元朗既齋舖唔算好多…難得食肉獸朋友可以清清地食下齋菜…就黎左比較大間既<大力齋廚>…諗住易d搵位…點知係人人1點開飯既時間都係要等…>，<…食肉獸當然少食齋菜…所以無咩心水…又或者係因為餐牌都係d茶餐廳式既炒粉麵飯…食肉獸興趣不大…結果好勉為其難咁叫左小小小食…例湯～例牌材料>>>紅蘿蔔冬菇南北杏蜜棗等…湯要趁熱飲…味道唔錯…夠哂健康…蘿蔔糕係新鮮煎出黎…配料唔多…蘿蔔絲清晰可見…粉唔會過多…軟硬適中…煎得脆脆地又唔燶…ok…齋滷味一般都係凍既…叫碟細既…只得3味…酸度ok...义燒亦唔會過硬…蕃茄茄子枝竹炒米～好多蕃茄汁包圍哂d米粉…比較濕…米粉唔夠散…有d會痴埋一小綴…味道唔會好酸…都好有蕃茄味…腰果西芹三菇雞～味道ok...唯西芹有渣…食得唔暢快…要扣咁d分…呢炸鮮奶～炸皮脆而唔厚…奶味ok...相信係食肉獸朋友唯一既安慰…

新年一月一号在大力订台庆祝，七个人点了一个八人套餐，有素翅，素鲍鱼，叉烧等等。值得一提就是那素叉烧，几何乱真，真的好像真的叉烧一样。素鲍鱼又是，那质感很像罐头鲍鱼，很好吃。还有素咖喱鱼蛋萝卜和素0古0鲁肉，口感真的像肉，几何乱真的样子。素鱿鱼也很好吃，很有鱼味。整体上整个套餐也很不错，价格也很便宜。素翅又是几何乱真，很像婚宴的翅，很好吃，完全不像素；像大群翅。会继续讲经常去，早茶的素点心最抢手，晚饭也很出色。七个人合共吃了一千大元，很抵!

元朗的素食店其實都有好幾間，Eatharder所知的全都試過了，認為最好食的這一間，價錢方面，這間亦算是最高的，儘管如此，基本上每月都會光顧約五次，一來真心覺得食物味道不錯，二來位置就近，三來感覺上較健康。餐牌上有幾款包，價錢都一加，記得大約一年多前食只是$15，然後加到$18，現在加至$20，而Earharder每次必點的芝士雞扒包亦沒有了，取而代之的是芝士吉列魚柳包，其實整法大致上一樣，只是雞扒換成吉列魚柳。面包有烘過，上枱時熱辣辣即食有少少軟身裡面夾住生蕃茄、芝士和菜，伴隨一些醬汁，這就是精髓，味道有點wasabi，少許酸，少許辣，非常開胃。但此醬汁則是母后最不喜歡這個包的地方，但她還是會陪我吃的乾炒三絲河選用的是較幼身的河粉，很軟熟，雖叫三絲但可找五絲，有蘿蔔絲、芽菜、冬菇絲、火腿絲和椰菜絲，不過火腿絲略嫌過少但每次叫這個都可吃到到那陣鑊氣，水準是能夠保持的。下次再介紹其他菜式吧。

集5月、8月、9月、10月、11月之星於一身的生日飯局, 現今的家長都很繁忙, 想和他們吃一頓安樂茶飯, 排期居然要排半年以上... 選址元朗區, 菜色要素菜, 位置要近朋友新居, 非大力齋廚莫屬...食店位於商場內, 入口燈火通明... 茶具很雅致, 高傲的梅花圖案...店內環境不錯, 整潔衛生, 富中國味道...由於8時正便要還枱, 所以未齊人便要落單... 沒有什麼心水, 都是隨便亂點...秘制椒鹽脆豆腐 $55-- 椒鹽味不重, 皮炸得不太脆, 豆腐滑溜, 蘸點醋吃會好味一點...欖角蜜糖烤叉燒 $60-- 有朋友稱讚它比真叉燒還好吃, 外皮烤得焦香, 叉燒汁香甜惹味, 口感軟中帶韌, 接近7成肥肉的口感...南瓜魚翅羹 (蛋) $68-- 很甜美的南瓜呀, 湯底很稠, 我喝了3大碗!!! 魚翅方面, 倒是沒有留意到... 含蛋, 若要走蛋, 可在落單時說明...欖菜肉鬆四季豆 $55-- 質數平平, 欖菜肉鬆很鹹, 四季豆偏硬...鮮百合炒什菜 $50-- 清淡之最, 健康之選, 倒是油好像多了少許... 西蘭花和百合都是很有益的...南乳蓮藕羅漢齋煲 $58-- 南乳味濃,

時常往返元朗的我, 早年已認識此傳統齋店, 未夠7:00pm 經已坐無虛席 ! 欣賞其實惠而真誠的服務,沒有欺場林林種種菜餚中我點選了咕嚕雞球;鮮百合炒什菜 和 枝竹羅白羊腩煲 ; 白粥($10! )和壽桃飽 ($36)最後到場 ; 殷勤招待的當下實在有賓至如歸之感!

大除夕，晚上不打算安排活動了，我倆就改為日頭的康樂遊，來元朗錦田玩返半日。而第一站，就是到元朗市中心，蜻蜓點水的只為了一樣野，食午飯。要食素食，要好似飲茶咁食點心。相信全香港冇乜邊幾間素食館子會有咁既服務，而元朗同屯門既大力齋廚，就是少數中的表表者。一開車，太太就叫嚷著，要黎食點心，而且要早，因為中午不會添加新的點心。我們來到時，已差不多一點，的而且確，點心的種類，已少之又少，揀得落手既就真的只有素排骨同素豬肚，我愛吃的素春蛋燒賣同素牛肉球已經一早沽清。素排骨，是平日食到的豉汁排骨既素食版本，再者，我可以叫這個東西做黑椒排骨，因為其黑椒味係重過豉味的。可能因為只是素食的關係，需要用上大量的黑椒來增強味道，令到佢更加似"肉"，椒味係重了少少但味道的確是似足平日食到的排骨。素豬肚，是蒟蒻的製成品，所以可以做得出爽同滑，不過蒟蒻也是一樣無味之物，除了製作過程中當中加入了味道之外，其他就要靠那些外來的味道才能成為一道菜色，而這素豬肚，最著重的，同真正的豬肚一樣，是胡椒。而這個，除一口咬落就知道是素食外，味道上，賣相上，就是胡椒豬肚一客。 食兩個點心

今日十五，家人說晚上外出食素，其實之前一直都是在元朗的另一間素食館食的，但因為那間的質素的確每況愈下，唯有另覓素食館。媽媽的朋友推介這裡，所以就來一試。我們點了個四人套餐，分別有六道菜：素湯翅（唔記得左名）1窩、葡汁焗薯仔琵琶鴨、脆皮乳豬（例）、蟹肉芙蓉蛋時菜、炒飯（唔記得左名）、腰果西芹炒花枝片。先講服務態度，一入去就有人主動招呼我地，一坐底睇MENU果陣就決定要點套餐，因為真係抵食。當我地等緊上菜的期間，隔離檯的兩位客人因為唔知點咩好而煩惱，侍應都好好禮貌咁為佢地講解推介最合適的食物，而沒有因價錢而去Sale，呢樣野真係好值得讃!!! 而環境，店內的裝潢以中國古代做主題，我本人超like呢種感覺，就連檯上的所有餐具都有梅花的裝飾，感覺真係好靚!!! 講返食物，我逐樣講啦： 素湯翅（唔記得左名）1窩 --- 其實呢窩翅感覺平平無奇，可能對食肉獸嚟講味道偏淡，但我同家人就覺得味道剛剛好，不過不失啦! 葡汁焗薯仔琵琶鴨 ---- 呢味菜係我「飛佛」之一!! 佢D薯仔先走油，再將所有材料放埋一齊再拎去焗，咁樣做薯仔焗完之後就唔會冧晒，夾都夾唔起，睇得出大廚有用心研究過，而「琵琶鴨」就用厚

現在專門吃齋的店不多，雖然已比過去十年倍增，不過想找一間花款多並味道佳的仍很難，但大力齋廚卻能夠做到這兩點。自從大力齋廚搬了鋪位後已比以前少幫襯，幸好水準沒變，而且內部環境更勝從前，有中國古代的感覺，個人來說很喜歡，唯一不足是鋪位不太方便到達。等位需要時間，因此應像飲茶般預早「攞位」，免得白白浪費時間。對於少齋的人士來說可能會擔心味道清淡，但事實上現在齋的款式和味道的像真度已直逼「真正」的菜式，很難想像廚師是如何把非肉類的材料煮成肉的質感和味道，未試過的朋友真的不防嚐嚐。我今次嚐試了波蘿咕嚕肉，咬口算是不錯，軟硬適中，味道拍得上真正的咕嚕肉，而較正貨佳的一點是可整舊吃下，不用吐骨。

齋老味：上菜時係涼的，又凍又硬； 三杯雞：太咸；炸腐皮（綠xxx):無味，伴醬汁也唔掂！；可能點唔中評價好的菜，本次感覺太差，一向都喜歡食素，希望令不喜歡素食的老公愛上素食，所以帶佢試下呢間…點知…連自己也吃唔落！

近排食肉獸唔知咩事食多咗齋，咁岩D姊妹入黎，就帶埋媽咪一齊去食齋。見大力咁多好評，夜咗Ｄ去，八點幾成九點仲係好多人。老火湯已經賣哂（嗚）。打開MENU，多野食到呢....根本係一張普通茶餐廳既MENU，有京都骨，咕嚕肉.....當然全部其實係齋.....我們還見到有沙嗲豬串，不過又係賣完了（下次要早點來！）花枝炒西蘭花質感和真正的花枝相去甚遠，似魚片多Ｄ。不過此餸都幾清淡，唔錯。芋頭魚喜愛芋頭的媽媽說OK啦，但沒有驚喜。但站在健康的角度看，它也炸得不錯，只是略炸了外表，油沒有滲進芋頭裡，不會太膩啊。加上酸甜汁，外鬆內軟的口感其實我還挺喜歡的。白汁芝士焗薯仔薯仔先炸過，再加白汁芝士一起烤，所以有與別不同的風味，証明大力主廚的用心；不過這個份量真的很多，連好薯仔的D姊妹也大呼吃不完。紫菜海鮮羹媽咪話鹹，我同D姊妹也不大覺得。後來我們在猜羹裡的料扮的是什麼東西，最難猜的是帶子，因為吃下去像小丸子多過有絲絲口感的帶子！雑菜雀巢大概這裡和我媽一樣喜歡芋頭，難得連雀巢是用芋頭而非麵粉做了。炸得非常漂亮也很脆口，但餡料裡有我最討厭的西芹.....吃剩了好多，阿隬陀佛。付錢的時候，媽媽千叮萬囑個侍應只

今日係農曆三月初一,又係齋期既時候,孝順既我當然要陪媽媽食齋. 來到元朗想搵好食既齋鋪? 俾我地搵到一間,不過因為星期日+初一關係 所以冇定到位就真係認真失策, 7 點鐘到達時門口已經好多人排隊, 拿飛等位只係例行公事...好彩10分鐘到就有位,入到去發現地方唔算太大但卻人山人海 而且不乏出家之人正在用餐, 安排了在出菜區附近,但一坐底時就出現不幸的事..今日只有套餐食既同時 好多東西都賣光..包括我最愛的齋鹵味 別無選擇下唯有叫了套餐~.~黃耳鮑魚雞絲翅: 就咁睇落又真係幾似街邊d碗仔翅,我地連食法都跟足落醋食,夠晒風味@_@麵醬鮑魚海參生菜:茨汁在面配了一片片麵粉做的假鮑魚 咬落都有幾分口感,生菜配了茨汁送飯一流南乳扣肉煲:上台時南乳味超香而且煲係滾熱的,蓮藕爽口配上南乳汁 簡直一絕,扣肉都做得好似,有點半肥的效果似模似樣欖角蜜糖叉燒: 上台驟眼睇真係以為叉燒,食落口感雖然落差較大,但蜜糖味+香口度補償了一切金牌砂薑鹽焗雞: 外表似以前其他齋鋪食過的香烤鴨,味道咬感都唔似雞 但外型就幾似,而且配埋薑蓉+沙薑醬,真係呃到人另外加了一個羅漢齋伊麵: 伊麵脆身+香口,配料都很多,只是汁有

大力齋廚，是我家必去的地方，就算是叫外買，都必定選大力。原因是，食物有水準，好吃 說到大力齋廚，最常 + 最多幫襯的都是屯門的分店。這家，都是一次。晚上八時多到，要等位。等了大概十分鐘已經有位。今次三人點了很多。由於不太喜歡吃素肉，因為好滯，所以選擇了其他小菜。紅燒三絲翅。例湯售罄，只好叫翅。料足，好吃。(另因為忘記拍照的關係，所以沒有圖片)鮮百合炒雜菜。西蘭花夠軟身，不過種類不多，總括而言算不錯。即炸春捲三條。餡料有芋頭，跟一般的春捲味道不同，驚喜之作。猴頭菇燒汁茄子。因為想吃茄子，本來想叫魚香茄子豆腐煲，但想試其他配搭，所以點猴頭菇。燒汁雖然不多，但足夠蓋住食物的表面，吃起來像日本的燒汁，茄子不會太軟身；而猴頭菇充滿燒汁味，好吃！還有草菇、馬蒂、蘿蔔片，不會太寡。南乳蓮藕扣肉煲。蓮藕好吃，味道夠濃而不鹹。扣肉是素肉和蒟蒻做成的，不難入口。上湯淨水餃八粒。比起屯門分店，這家的水餃較遜色 這家餡料沒有分店的多，切的不夠細心，吃起來好像沒有雪菜。可能是分店的餡料調味好，加上有雪菜，味道比較豐富。乾炒牛河。吃過分店的，這家都一樣好吃，不膩。素牛肉是本人至愛。飯後沒有糖水，有橙。這家服務很

上一次同朋友嚟食, 一直念念不忘不望佢嘅欖角蜜汁烤义燒, 呢閱特登要老公揸車入去食多一次. 我地六點半已經去到, 未有好多人, 不過我地都係嚟之前訂咗位. 我都係叫番我鍾意嘅欖角蜜汁烤义燒同上次試過嘅葡汁海鮮焗飯, 再試一個新嘢"鼓汁南瓜鰻魚煲". 原來order 炒粉飯可以加$3要一個例湯, 我地要咗一個再另加一個 extra 嘅, 額外嘅要$8一碗. 個湯嚟咗就後悔, 原來都幾大碗, 早知要一碗.... 呢度嘅例湯標榜沒有味精, 我都相信係無嘅, 但無肉嘅湯, 都可以咁好飲, 真係意想不到. 欖角蜜汁烤义燒同葡汁海鮮焗飯都同我上一次食嘅一樣咁好味, 义燒好重蜜汁味、又香又硊. 葡汁海鮮焗飯, 好重榔香味, 多汁又多料, 停唔到口. 不過鼓汁南瓜鰻魚煲就比較平平無奇, 同上次食嘅素鰻魚唔同, 今次食嘅係鰻魚變成紫菜卷, 無咩鼓汁香味. 下次再試另一個. 呀, 仲有... 原來屯門都有分店, 早知唔駛專登入去喇, 因為好難搵到咪錶位泊車.

今日放假, 早上做孝順女陪媽咪去食齋, 我係第一次去"大力齋廚", 裡面的格局似中式酒樓, 食物就中西式都有, 選擇算多!首先點了些中式點心 ( 燒賣, 小籠包, 鮮竹卷), 不但形似, 連味道都好似, specially小籠包加埋醋簡直與出面的沒兩樣! 最後媽咪強烈推介---公司三文治, though已經飽, 都試試, 結果不負眾望, 不錯!! 裡面用料十足, 有cheese, "豬柳", 生菜, 蕃茄, 煎蛋.... 一層一層的, 無論味道或是口感, 與茶餐廳比有過之而無不及!!總括, 用料新鮮, 味道不俗, 選擇夠多, 值得一試