城寨風味

營業中

休息中

以前住廣播道成日都會嚟呢度搬左入天水圍後就無點再嚟今日舊地重遊變左好多見呢排無點食中菜裝修又幾霸氣一於試試選擇困難既我最鍾意叫餐😂2人世界龍蝦餐$698加左$100轉澳洲龍蝦餐廳好貼心已經分好一份份一人一碟唔使不嚟不去湯：翅就間唔時食，所以揀金湯濃情燕窩羹飲落好似南瓜湯甜甜地，好多燕窩每一羹都有🦞蒜蓉開邊蒸澳洲龍蝦～底有粉絲龍蝦好厚肉由頭到尾都係肉，鮮甜係基本蒜蓉撈粉絲～絕對係最佳拍檔拔絲咕嚕肉～係我最想試，因為咕嚕肉係我最愛之一夾起真係拉絲，外皮十分脆口，啖啖肉～正呀！配料有紫洋蔥、鳳梨、青椒、紅椒櫻花蝦蒸菜心～海量櫻花蝦，菜心爽脆兼無渣啱晒我口味🐟香煎海斑扒配兩棵西蘭花～海斑果然係扒，厚肉皮好煙un，滿滿骨膠原🤤食完有少少黏口座位有卡位或圓枱，環境舒適唔擠迫，水滾茶靚，店員親切有禮～下次可以帶埋屋企人嚟幫襯

話說前排食左間好特別既中菜今次要為大家介紹既係 - 城寨風味城寨風味係位於九龍城賈炳達道128號九龍城廣場1樓126號舖餐廳主打係食中菜為主成個環境都好闊落佢地有好多唔同既特色小菜 個人大愛佢地個賽磅帶子佢勁多蛋白係到而且個味道好香濃城寨風味Location : Kowloon CityPrice: $150-$200/p.pEnvironment (10 is chill): 7/10Yummy (10 is delicious): 7/10

路過九龍城，見到呢間餐廳店名咁有霸氣，吸引咗我🤣🤣估唔太食物上枱，發覺真係同平時嘅茶餐廳唔同喎，睇得出每個菜都落足心機煮。先來一份香口小食，椒鹽豆腐平淡嘅豆腐，配上師傅嘅精湛廚藝，令炸豆腐好鮮，令人忍唔住食完一粒又一粒。主菜，芒果蝦球外面就炸到卜卜脆，再淋上芒果汁，提升左個層次感同口感，而且令到道菜唔會感覺肥膩。另一主菜，黑椒粉絲肉碎煲🍲好香好惹味，聞到真係流晒口水，每一啖粉絲都掛住左肉碎同黑椒，辣辣地，好醒胃，粉絲份量都唔少

九龍城商場內的鑊氣小炒🍳行過見到小菜吸引，環境設計特別，所以坐低享用晚餐，叫咗3個菜式都份量十足，夠二人食用😋黑椒粉絲肉碎煲：用石鍋上，好香濃嘅黑椒味，熱辣辣出晒煙，彷如街邊大排檔感覺，鑊氣十足👍🏻👍🏻芒果蝦球：8隻大大嘅炸蝦球，🍤🍤外脆內軟，肉質好彈牙同新鮮，芒果酸酸甜甜🥭好好食！椒鹽豆腐：份量好多，每一粒豆腐感覺唔細，個皮都幾薄但係又炸到啱啱好脆卜卜，絕對考驗師傅功夫，值得一試

本身約咗朋友喺九龍城食泰國嘢，點知落大雨，去咗九龍城廣場避一避雨，咁索性睇吓有咩嘢食，點知發現咗一間幾有特色嘅中式餐廳叫城寨風味，一於去試下！餐廳裝修充滿懷舊香港嘅味道，有種好舒服嘅感覺！朋友想食蝦球，但又唔想太過重味道，揀左個芒果蝦球，蝦球幾大隻，配上芒果汁同果肉，味道都好夾！另外仲叫左紅燒豆腐班腩煲，用料好足，原來呢間餐廳啲份量都幾大份！最後無飯不歡既我叫左個招牌既城寨風味炒飯，好大碟又夠多配料，口感豐富！

有時嚟到九龍城唔一定食泰國菜，今次食嘅中式菜幾好食，裝修充滿中國風～位置都好闊落～飲杯茶、食個飯、聊聊天嘅好地方～首先，叫咗一碟芒果蝦球，大大粒又啖啖肉嘅蝦球，酥脆外皮，點上甜絲絲嘅芒果醬汁，有新鮮嘅水果味道，清新得嚟唔會過甜～另一個餸，紅燒豆腐斑腩煲，斑腩同豆腐都好入味，斑腩肉質幾細嫩～城寨風味炒飯，炒得好香口充滿鑊氣，有雞肉做配料，仲有蛋白、雞蛋同菜，好食！每碟餸菜都好大份，兩個人食差啲食唔晒～

九龍城新派懷舊粵菜🔥 話說之前同屋企人喺南角道食過佢哋嘅舊店 對佢哋嘅乳豬有啲念念不忘 今次同女朋友特登過嚟到訪 🌟即燒脆皮香豬（$258）¼隻嘅乳豬份量都好多 而且外皮燒到非常酥脆 而且唔會感覺到好油膩 豬身醃過而且仲風乾令到外皮更酥脆酥脆 乳豬肥膩瘦比例適中果然係店內嘅招牌菜 肉質結實 微微五香粉嘅味道 配搭着乳豬醬 簡直係實力嘅典範🌟啫啫芥蘭煲（$138） 一嚟到香氣撲鼻 簡直成間餐廳都聞到 微微嘅鹹魚好惹味芥蘭唔會過腍 肉碎嘅份量都好多 抵食！🌟日式山葵蝦球 （$228） 上網睇到呢個好多人嗌即刻試一試 大蝦過咗油而且蝦身爽脆 但係山葵味道有點過濃 略為微微蓋過蝦嘅鮮味 味道 8/10環境 8/10推介程度8/10 📍城寨風味 (九龍城)九龍城賈炳達道128號九龍城廣場1樓126號舖

我近排去咗一間叫「城寨風味」嘅餐廳，真係食得好過癮！佢係一間專門搵返傳統粵菜嘅餐廳，食物真係有啲城寨風味，令我好有回憶！首先，我就點咗一份城寨風味雞。佢嘅雞肉好嫩滑，外皮好爽，入口即化。啲城寨風味嘅香料同調味料，真係令味道更加突出，好濃郁好清甜。另外，我都試咗佢哋嘅海鮮雜菜煲。裡面有海鮮同新鮮蔬菜，煮到鮮甜多汁。湯底濃郁，加埋啲中藥材，令味道更加豐富。煲燉得岩岩好，保留咗啲食材嘅原汁原味。最後，我就試咗佢嘅脆皮燒乳鴿。外皮烤得金黃酥脆，肉質鮮嫩多汁。每一口都帶有濃厚嘅鴿肉香氣，好正！除咗食物，呢間餐廳嘅裝潢同氛圍都好有城寨風味。牆上掛滿傳統嘅舊照片同海報，令人感受到返舊時代嘅氛圍。服務員都好親切友善，服務態度一流。總括而言，「城寨風味」係一間值得一試嘅餐廳。佢嘅傳統粵菜真係帶返返舊時代嘅味道，尤其係城寨風味雞同海鮮雜菜煲，味道好正！如果你想試下返古早味，一定要黎呢間餐廳啦！

城寨風味價錢💲: $98/ $198/ $168好味程度😋: 4/5服務🍴: 3.4/5環境🗾: 3.7/5性價比🥢: 3.4/5回頭率😚: 3.7/5-去九龍城唔單止可以食泰國菜！雖然九龍城廣場好似長期做唔起，但入面有間幾高質素的中菜，可以帶屋企人一試！入面裝修小小古色古香，完全係食中菜的環境。餐牌上的選擇唔少，有d要打來book定，價錢唔平，份量都成正比。-✅麻辣鮑魚仔。鮑魚仔一共8隻，都唔會太細。每隻都唔會好韌，容易咬得開。係調味上係鮑汁再加麻辣味，完全無違和感☺️-✅帶子賽螃蟹。要成$200的一道菜，但真材實料，有好多帶子粒🤓 帶子有彈性又鮮甜。賽螃蟹好下飯，炒蛋白撈埋蛋黃好滑溜。本身味道比較淡，加小小醋有提鮮作用😋-✅✅砂鍋鮑汁瑤柱炒飯。呢個好好食🤤砂鍋上確保溫度可以保存得耐d，keep住熱辣辣。同埋底部有d飯焦，幾香口。鮑汁充分包裹住每一粒飯，唔會太濕一patpat，夠晒味😜 入面有鮑魚粒、雞粒、冬菇、菜、蘿蔔等。鮑魚粒食落口有鮮味，辨認到！😌-整體呢三樣嘢都唔差。如果多人來可以試到多d款就好啦！

今日收工又去左九龍城搵野食，今次想食特別啲就搵左呢間城寨風味，係食中式菜。睇到餐牌已經好吸引咁我地兩個人就叫左三個餸，再加左兩個白飯，已經食到好飽首先就叫左佢熱門既拔絲咕嚕肉，佢夾起黎真係可以拉絲，個皮脆脆地，好食，用黎送飯岩岩好再黎就叫左一個紅燒乳鴿，覺得呢個乳鴿好抵食，$58一隻，但都冇馬虎。皮脆肉多汁，又入味，絕對係必試果時見到其他人都有叫下次想再試埋皮片鴨最後都係要叫番個菜，呢個欖菜肉崧四季豆都唔錯，豆唔會老，加埋欖菜同肉崧調味，食落都好送飯，岩晒平時唔鐘意食菜既朋友最後呢餐兩個人食左$500幾，中菜館黎講有咁既質素真係一啲都唔貴，環境都幾好，下次再帶埋屋企人黎試

九龍城唔係淨係得秦國菜好食嘅，今日去咗呢間城寨風味就係係九龍城做咗十幾年嘅老字號中菜。現址係九龍城廣場，裝修到古色古香。由一般小菜到特色菜都有，今晚就試返最正常嘅嘢食睇吓佢乜嘢水平。脆皮燒乳鴿香港其中一樣經典呢度都做到皮脆肉嫩，算係合格有餘。海鮮什菜煲好common嘅蔬菜菜式，但係估唔到佢個份量都幾足，而且用料上乘，有龍躉片、帶子、鮮蝦、魷魚、蝦干，粉絲同什菜吸曬啲海鮮味，我哋食到連湯都飲埋。城寨風味雞佢哋嘅招牌菜，係一款水蒸雞，佢哋做到啲雞肉咁滑真係難得，加上雞皮有一絲絲嘅甜味，認真係幾好食嘅。

城寨風味係一間懷舊小菜館，位於九龍城廣場入面，門面夠晒古色古香香葉風味雞煲有別於平日食既雞煲，食落口雞好滑嫩，而且雞煲醬汁炒香但唔會太濃味掩蓋左雞既香味，一份都算多雞肉，出奇地有菇食，好入味菜甫蠔仔煎蛋菜甫煎蛋賣相精緻而且都算大份，重點係佢好多蠔仔，而且唔會有腥味，食落仲好香，送飯食同就咁食都一樣唔錯城寨風味炒飯中國人傳統要有飯落口，但我唔想食白飯佢叫得呢係名一定係同出面食既炒飯係唔同有蛋，豬肉同蔥炒成，味道比較清淡

平時好少去九龍城，今次約咗朋友就特登搵吓有咩食，唔係次次都食泰國菜咁悶，見到九龍城廣場有間小菜門面好似好唔錯，就同朋友過嚟試吓，入到去佢哋個位都好闊落，坐得都好舒服睇佢哋餐牌都有好多小菜，不過你今次得兩個人，所以就試得唔多嘢，佢哋嘅乳鴿都係$58隻就叫咗一隻試吓，然後叫埋個金沙蝦球同埋魚米龍躉泡飯隻乳鴿真係好顯師傅嘅功架 ，外皮好脆，肉質好嫩非常好食金沙蝦球非常惹味鹹蛋黃唔會好鹹，蝦球好彈牙都好鮮味魚米龍躉泡飯個底係魚湯嚟唔係好濃味，但都好鮮味，配埋啖啖肉嘅龍躉鍾意食泡飯嘅唔可以錯過

去開九龍城探朋友,順便一齊食埋晚飯,本身自己對呢頭都唔熟路,所以就直接由朋友帶路去搵食啦😝🌿香葉風味雞煲一上枱就香氣四溢,而且熱辣辣😍味道唔算好濃,如果怕重口味嘅話呢款就岩哂喇,雞肉肉質嫩滑,加上香葉做配料,特別有風味🌿菜甫蠔仔煎蛋呢款味道調配得好好,菜甫配合蠔仔,令蠔仔句果更突出,煎蛋沒有任何油膩感,若可以更香脆就更完美了🌿城寨風味炒飯呢款炒飯份量真係好足夠,相信如果係一家大細都絕對夠食,內裡配料非常多,炒飯係色澤鮮艷嘅金黃色🤩味道偏向清淡,用黎配合餸菜食用就岩岩好了☺️餐廳位於商場內,真係好彩有朋友帶路搵食😚

佢哋嘅蒜蓉開邊蒸龍蝦🦞，真係好正！龍蝦肉質彈牙鮮甜，同埋蒜蓉嘅香味同佢融合得好好，每一口都飄返佢地獨特嘅蒜香。蒸煮嘅方法亦都保留佐龍蝦嘅原汁原味，每一口都係滋味十足嘅海鮮風味。如果升級到西澳龍蝦，就更加豪華添，口感更加豐潤，味道更加濃郁！紅燒花膠絲生翅，真係一款鮮美到讓人垂涎欲滴嘅菜式！紅燒嘅花膠絲滑嫩得嚟，散發住濃郁嘅海鮮香氣，同佢嘅生翅結合得完美。紅燒醬汁滲透入花膠絲同翅中，令味道更加入味。每一口都能夠品嚐到花膠嘅鮮美同埋生翅嘅爽脆口感，真係令人滿足！油泡斑球，係一款獨特口感嘅菜式！斑球嘅肉質鮮嫩，油泡嘅烹調方式令魚肉保持住佢嘅鮮美，同時帶嚟一種濃郁嘅香氣。油泡嘅調味使得魚肉更加入味，每一口都能夠感受到魚肉嘅鮮嫩同油泡嘅香味，真係好特別嘅口感體驗！砵酒炸日本生蠔，係一道絕對唔可以錯過嘅菜式！生蠔新鮮而滑嫩，帶有微妙嘅海洋味道。砵酒嘅加入令生蠔更加香濃美味。每一口生蠔都能夠帶嚟豐富嘅口感，同時都能夠享受到清新嘅海洋味同砵酒嘅風味。清炒田園菜苗，係一道健康又平衡嘅選擇！新鮮嘅田園菜苗保留佐佢地嘅原汁原味，口感嫩脆同埋清爽。簡單嘅清炒方式令菜苗保持佐自然嘅風味，每一口都能夠品味到菜苗嘅鮮