四寶食堂

營業中

休息中

周末經過將軍澳中心的【四寶食堂】總是長長人龍，心想只是茶餐廳，唔知道有什麼吸引客人排隊等食。今日平日放假、仲要1 1點已經去到，依然有條人龍，真係要試下有什麼特別。茶餐廳室內設計，勝在清新。菜式選擇同一般茶餐廳分別不太，價錢也差不多，款式就少D。招牌早餐：沙嗲牛肉麵 、炒蛋、丹麥提士酥（$45）。以今時今日的香港標準，價錢算很合理，甚至可以形容為抵食。沙嗲湯底單看顏色就知道不太濃郁，而且沒有花生粒，口感打了折扣；不過勝在麵條煮得爽彈。牛肉份量多、醃得入味，而且嫩滑不嚡口。總括來說是一碗輕量健康版的沙嗲牛肉麵。沙嗲牛肉麵以套餐呈上，早餐包括滑嫩炒蛋及丹麥提子酥。滑蛋炒得夠金黃又夠滑；丹麥提子酥不夠鬆化，不過有甜甜的提子乾提升食欲。因為香港餐廳質素唔好又貴，令不少港人北上深圳搵食。難得【四寶食堂】質素佳、價錢合理，難怪吸引不少客人排隊。

近幾年，對香港的茶餐廳服務要求已經不存任何希望。没想到，這間四寶食堂成為香港差中之差的一間！雖然食物質素，為了就腳和支持下本地飲食行業，都來了十数次，眼見每次都是那位男服務員來招呼，他的招呼態度是那種眼神永遠都只向上望🙄, 問非所答的態度，好似對客人是你下屬般呼喝，大佬，我來光顧並不是要受你氣呀！今日平日，下午4:00零鐘並非煩忙時間，堂內好多空枱，亦沒人在排隊，可能這男服務員太空閒，又眼見我已用餐完畢（其實佢已見我準備攞埋個人財物走緊），居然仲同我講我講我限時60分鐘，叫我馬上離開！當時情况真是令人费解！四寳食堂，這是我最後光顧你了，bye eye👋🏼

晚上9:05pm入場，9:15pm 截單，9:30pm食物到,一杯水都無，食到9:50 都未食完，經理叫你快d 走，佢地要收工喎。原来我哋咗住佢地收工，好似比人趕扯咁样，以後一定一定都唔会再去幫趁，贴钱賣難受完完全全係一間不知所謂的食店，無打算再去食，個经理好克人憎，唔想做就唔好做，唔好人地未食完就趕客扯，唔該晒

又到晚餐時間喺將軍澳附近 見到呢間四寶餐廳好多人排隊就決定一於試吓佢兩個人嘅晚餐嗌咗兩個餐share 首先嗌咗個湯是日靚湯唔記得咗係咩湯一入口估唔到佢咁清甜完全唔係味精溝出嚟嘅味入面仲有大量湯料建議大家嚟食飯一定要叫！呢個套餐叫左沙嗲牛肉粉絲煲一上枱個沙嗲味已經香令人流晒口水佢呢個沙嗲煲嘅沙嗲係偏濃拎嚟送飯真係一流而且牛肉嘅份量一啲都唔少食極都仲有另外叫咗個牛扒配菠蘿油餐一上枱個份量又係好誇張估唔到個牛扒完全唔係嗰啲好平冇味嘅牛扒牛扒超有牛味 而且係五成熟另外菠蘿油就唔使講啦菠蘿包超級香脆 加埋個牛油一流另外佢個餐都有個炒蛋超級滑超級推薦，大家可以試吓呢個

知道佢唔只一個收銀阿姐，可能我唔好彩，開張以嚟，已經第四次俾唔知係咪同一位阿姐既惡劣態度對待，每次都一定係佢冇錯咁，對上一次係我老婆去現場買外賣，同佢講要咩，佢話佢哋冇呢樣嘢，但係睇完餐牌先叫，所以唔會冇，即刻打開餐牌指住俾佢睇，佢先話你早啲講編號呀嘛 ！（全程態度諗到有幾好！） ；到今次打去嗌外賣，咁我叫食咩啦，佢就話我好細聲，我就同佢講次次打嚟都冇問題㗎喎👀（唔知係咪另外啲收銀阿姐聽），ok!!咁我大聲啲啦，嗌完嘢飲都係咁講話我好細聲，跟住覆我叫咗啲咩（細聲你又聽到），我都未確認佢，就即刻cut我線，又係全程態度諗都諗到有幾好😡（事後打俾人試過我電話冇問題冇特別細聲，其實係咪佢餐廳環境太嘈聽唔到就覺得好細聲，都係嗰句永遠唔關佢事，幾次都係咁，真係佢@&$&/!!）我知餐廳生意好好，睇到都未必會理，但如果老闆真係睇到，唔該briefing 下佢!! 佢咁樣真係好趕客！

晚飯經過見到好多人排隊就試吓呢間平民食堂見到個價錢都明白點解咁多人排隊真係幾實惠叫咗個肥牛金菇沙嗲煲套餐連飯同埋老火湯老火湯好清甜 入邊亦都有好多湯渣值得稱讚沙嗲煲就好濃郁 送飯一流另外叫咗個西冷扒配炒蛋配菠蘿油菠蘿油好貼心咁幫你切開一半 俾你放自己塊牛油入去麵包內側都已經烘到好脆好味！另外炒蛋都係咁滑 之前就食開佢滑蛋炒叉燒飯炒蛋水準一樣最驚喜係今次叫西冷扒個牛扒唔會好乾幾有牛味，真係估唔到總結嚟講呢個價錢呢個質素，唔怪得咁多人排隊

呢一晚黎到將軍澳行下之後就搵野食啦係呢邊都有幾個商場連住行都有D餐廳可以揀下, 最終就係揀左呢間食堂,將軍澳都比較少去既, 所以今次就試左呢間, 服務正常食物就不過不失,未至於真係好吸引, 其中一個原因係燉湯用膠碗上,感覺就有點怪,而且有點細碗,料就算是可以.蒜泥白肉算是OK 不過蒜尼味道唔太夠了.粉絲大蝦算是不錯,蝦夠大隻而肉質口感是可以的,粉絲唔林口感算有點彈, 幾好味.整體黎講, 算是不過不失晚餐只係燉湯用膠碗上就有點怪了.

今日工作忙得連午餐都未吃，下午還要趕到將軍澳工作，要搵個地方快快醫肚。醒起之前同事介紹過的四寶食堂，就一個人去了四寶食下午茶。叫左一份T3 大阪照燒鰻魚玉子熱狗+熱鴛鴦（$42）。點餐後上菜來得算快，賣相非常吸引，十級肚餓的我急不及待拿起一條薯條，薯條熱得焫手，焫得要趕快放入口。薯條很熱很脆，明顯是即炸的。熱狗上有滿滿的炒滑蛋配上鰻魚汁和木魚絲，本來以為整個熱狗都是滑蛋加鰻魚汁，咬下去發現原來真的有一塊塊的鰻魚在滑蛋之中，滑蛋下還有脆皮腸，很好吃。熱狗上的滑蛋鰻魚多得滿瀉，吃起來有點狼狽。下次要想想怎樣可以優雅地吃這熱狗呢。今天心血來潮點了熱鴛鴦，老實說已經很多年沒喝過熱鴛鴦，四寶食堂這杯熱鴛鴦味道還不錯，咖啡奶茶比例剛剛好。埋單離開時竟然有食客在排隊等位，平日的下午茶時段算人多吧，證明這間餐廳都受附近的街坊歡迎吧。下次來這裡工作可以再encore。

約咗朋友喺將軍澳食lunch，佢話嗰間四寶飯堂多嘢食同質素唔錯，就去睇吓有乜嘢好食。去到坐低，睇見個餐牌，真係幾多唔同嘢食。見推介嘅水門雞飯賣相好吸引，我就叫呢樣，而朋友就叫咗招牌推介嘅喜哥蔥油豬扒太陽蛋飯。我嗰碟拔道腩水門雞飯，雖然同真正嘅拔道腩仲差小小，不過味道都唔錯，雞肉都好嫩滑，朋友嗰碟豬扒都煎得好香脆。下次有機會可以叫其他唔同嘢試吓。

Oily, Salty, hot milk tea is at room temperature Fry beef noodles at 88 per dish with 5 pieces of beef while two of them are so hard that you even cannot chew.

呢間餐廳晚上長期都好多街坊排隊，見到餐牌都好似幾吸引，款式都幾多，係少少高級版茶餐廳。見到餐牌呢個$98晚市常餐都好似幾抵食，有牛扒，菠蘿油同炒蛋，睇相就好吸引。晚市常餐仲有$78豬扒揀。於是嗌咗各一個豬扒一個牛扒晚市常餐。份量很大份，但牛扒好難食😭好韌，唔知自己食緊咩；菠蘿油同炒蛋都OK， 但成個配搭太油膩，而且奶茶唔好飲，唔夠濃郁。建議唔好揀牛扒同熱奶茶，凍奶茶ok,豬扒都ok d，嫩滑好多，但蔥油唔太夾。但因為個牛扒唔太想再試其他了😅😅

每次經過呢間四寶食堂都會見到長長嘅人龍，因為好奇心，今個星期日朝早起左身就去食早餐。 到達嘅時候已經係九點半，但門口已經排左20人。一路排一路排，30分鐘後終於入到去。  入去之前已經係門口睇好左要食咩。早餐價錢唔算貴，大約$30-$46 有一個set。   Signature Set 招牌早餐 - 香濃沙嗲牛肉通粉，丹麥提子酥，煎雙蛋，熱鴛鴦 ($42) Thai Style Set 泰式餐 - 香葉辣肉碎米粉，丹麥提子酥，煎雙蛋，熱奶茶 ($40) 沙嗲牛肉通粉個沙嗲做得好出色，除左沙嗲味，仲有好濃嘅花生香。另外牛肉都好淋，唔會有根。每一啖通粉連湯食都好正。 香葉辣肉碎米粉，估唔到係茶餐廳都可以食到泰式風味早餐。個粉一黎到已經俾佢鋪滿嘅肉碎嚇親，而個湯有啲似冬陰公湯，米粉吸收晒啲湯嘅精華，食落好好味。 丹麥提子酥整得好鬆化，而煎雙蛋就正常發揮。 熱鴛鴦比例岩岩好，唔會話俾其中一邊搶晒味。熱奶茶好滑，茶味好濃，好飲過好多地方！ 四寶食堂食物同飲品質唔差，下次可以黎試埋午餐，下午茶同晚餐。 

打緊8號風球，將軍澳中心都唔係好多食肆有開門。見到四寶食堂有營業，即刻走去排隊，等咗20分鐘就有得入叫咗碟叉燒滑蛋飯，係佢哋嘅招牌，分量十足好大碟，滑蛋超級滑溜，仲要包埋一杯餐飲，幾抵食！

將軍澳區好食之選🙌🏻呢間係將軍澳中心既餐廳 每次黎食都要排隊!見佢咁受歡迎 一於入去試下先😆餐廳裝修唔錯 好有時尚感同年輕感食物質素都好高 🤩🤩🤩✨瑞士汁炒牛河呢到既瑞士汁好出名 本身想叫瑞士汁豬頸肉炒河但晚市唔見有 牛河一樣好好食!!!🤤瑞士汁好香濃 夠多汁好夠味每舊牛肉都有瑞士汁既甜 好好味😋😋😋✨黑醬胡椒粉絲大蝦🦐🦐🦐一黎就比佢既賣相吸引 果然無令我失望呀粉絲充滿黑醬香同埋胡椒味 好出色 👍🏼👍🏼仲有3隻大蝦好足料! 大蝦肉質爽口彈牙 超級推薦!!🤩仲可以升級套餐送燉湯呢到既燉湯真係一盅盅燉出黎好有心機😋👍🏼

今晚經過將軍澳中心商場，見到四寶食堂門口有拾多人排隊，以為呢度啲嘢好食啦，所以咪排埋一份入到去睇吓餐牌，見有個水門雞飯啲相好似幾吸引，叫咗份試吓，點知上到枱啲雞凍凍地冇味道嘅，啲飯都係凍嘅，係碗湯有少少温度，感覺自己已經中咗伏了。