喀什米爾咖喱屋

營業中

休息中

朋友上週回港，不知何故， 每次都嚷著要吃咖哩，真的懷疑他上輩子是否印巴人?! 雖然他不常在港住， 但他總熟悉全港各區的咖哩店， 今次也不例外， 由他發辦要吃這一家!一般南亞咖哩店只提供雞、羊及魚的選擇，今次出乎意料，餐牌上竟然有咖哩牛， 了解之下，原來老闆是回教徒。我們叫了二客咖哩套餐，分别牛腩和羊肉。 看上面兩圖，大家一定分不清楚那個是哪個，這個只有老闆...或吃第一口時才知道！套餐可配白飯或油酥餅，對於經常吃飯的我們，當然選油酥餅啦！多謝朋友的好介紹，今餐非常滿意！

本身幾喜歡吃印度菜過去8年曾踏足3次印度 有時人在香港 也會回味正宗印度咖哩的味道某天晚上經過這間小店看到2個印度人在店外 問我吃什麼我就點了2個 牛肉咖哩角 價錢為$14外皮好脆 而且好薄身裏面的餡料非常充足牛肉和薯仔的比例是一半一半薯仔煮得非常軟身咖哩有一點點微辣食落好香口而且食兩個就好飽絕比食空氣面包強吧

同男朋友去深水埗買電視，行過餐廳見到門口有小食賣，於是口痕試吓。門口嘅印度人識講純正嘅廣東話，問佢有咩推介就介紹咗薯仔咖哩角，$14兩件。啱啱新鮮炸好，熱辣辣，咬落去外皮好酥脆，餡料好重香料味，而且薯仔係一粒粒，有咬口，我哋仲配埋另外叫嘅咖喱雞汁一齊食，果然香料同咖喱味好夾，點左咖喱更加好食一件份量好大舊(差唔多半個手掌)$14有2件好抵食另外仲叫咗咖喱雞配薄餅$55一打開蓋俾層油嚇親，於是男朋友即刻撈埋啲雞(感覺食左冇咁有罪惡感)，啲雞煮到好軟身，肉質幾嫩滑。主角咖哩食得出係有好多香料煮成，而唔係普通溝咖哩醬開出黎，月桂葉味好香，而且食落帶點辣，好過癮，食到頭皮有少少發麻但略嫌薄餅有點油，食落有點膩，如果做到好似手抓餅嘅效果就好了。

行過幾次已經想試下呢間咖哩店，佢門口有店員係度整薄餅好似好正宗咁樣，今日出開黎深水埗即刻約朋友黎食下先。Aloo Chana（$50）自己叫了咖哩薯仔大豆，用一個碗仔盛裝，份量不算很多，但足夠送兩塊餅的啦。咖哩幾香，但意外地完全不辣的。薯仔切粒，size同大豆相約，每一口都是豆跟薯仔，口感不錯。Plain Paratha隨咖哩附送的原味薄餅，有兩大塊幾抵食喎。烤得香軟煙韌，點咖哩食真係好正，好鍾意呢種口感。Lamb Masala（$75）朋友點了馬薩拉咖哩羊肉，也是不辣的呢。羊有四件左右，但骨為多，只是舐舐味道而已。呢款咖哩香料更多，味道複雜偏酸，但個人喜歡樓上個款多點。Lachcha Paratha（+$5）朋友加錢轉了油酥餅，入口鬆軟多了一份鹹香，但加錢轉得番一塊，感覺唔抵呀。Banana Paratha（$20）之後就係甜品時間，點了香蕉薄餅，因餐牌上有兩款香蕉薄餅，問一問店員有咩分別，店員話打錯字無分別的，即場笑左。香蕉甜美，薄餅包著好幾片香蕉，甜度適中，簡單又好味的甜品。門口有整好的不同口味薄餅，炸雞脾，漢堡包同其他小食，不少人買外賣呢。廚師全是印度人，只有店員會說廣東話，感

今日一條友on居居行深水埗，經過欽州街俾我發現新大陸，原來黃金電腦中心附近有間真正印度人開既咖哩餐廳。間餐廳門口係有個印度人煎薄餅，抬頭望一望佢地掛到頭頂咁高既餐牌，發現五六十蚊一個咖哩連飯/薄餅，當時感覺好似貴左少少，但心諗，反正自己今日對食午餐都咁有要求，把心一橫就洗多比平時二三十蚊去試一試真正印度人親手整既咖哩。間舖唔大，得果十幾個位，待應加埋廚房都係兩個人🤣🤣不過可能因為過左食飯時間，所以我可以好隨意咁行入去搵個卡位坐。餐牌上主要食物除左黃咖哩同埋菠菜咖哩，仲有燒春雞，咖哩角同埋牛肉卷餅等等，我因為今日口淡淡，所以揀左個咖哩羊再加一杯印度凍奶茶。 亦都可能因為過左食飯時間，制作過程非常之快速，我攞起手機㩒左兩分鐘message就有得食，對於一個餓到好似非洲兒童既我實在完全係差唔多喜極而泣。個咖哩羊賣相還可以，只可惜份量少左d，只有屋企食飯碗咁既份量。同埋我係鐘意食羊so味既食家，不過呢個羊一d都唔so，唉，冇so味既羊真係大打折扣呀！ 不過好彩個薄餅都夠熱同香口，加返少少分啦。個奶茶就一般般，同我屋企自己用Lipton 沖既奶茶冇太大分別，如果要我讚就可能唯有讚佢冰夠凍囉！🤣🤣

An easy walk from Sham Shui Po MTR. If you are looking for decoration and ambience, go elsewhere. If you want a rich curry with freshly made, hot bread on the side, then you are in the right place. Serving sizes are generous and the prices are fair. It's not easy to find Indian food with the right masala but you will find it here. Plenty of options for vegetarians and meat eaters alike.

今日倍媽媽去深水埗買野，去到深水埗當然要去埋印度餐廳買芒果啦。呢間餐廳嘅芒果係我舊同事介紹的。原來好出名的，上過報紙我上次來買係七八月時嘅巴基斯坦芒果，仲見到有人揸車黎一箱箱咁買我放入袋時聞一聞勁香芒果味食落好甜好清香，絕不是有D芒果得尾個甜字，所以先記得今次黎要入貨今日黎到就是買了六個以下的印度芒果好掂! 一樣好香切出來係深橙黃色, 未食已經覺得甜當然食落係超超甜啦值得一試! 總結: 芒果係必買的，其實佢仲有芒果汁賣的，但本人就喜歡成個食搵日入去試下印度菜睇下正唔正先

喀什米爾, 位於黃金正對面, 位置好, 但地方細, 所以成日坐滿人呢度係幾位印巴人仕搞既, 門口就見到印度薄餅同果汁裏面只有五, 六張枱, 地方幾窄下因為我自己鐘意食咖哩, 以前食過幾次, 印象中佢地做既咖哩唔錯既今晚再去返尋味, 叫左咖喱羊肉, 點知出左意外咖哩: 自家製印度紅咖喱, 食得出有咖喱香料, 以前食過正常狀態係微辣中帶少少甜但唔知點解今晚食既有苦澀味, 而且唔係帶甜而係帶酸羊肉: 完全無羊羶味, 根本只係一舊肉, 份量上都差D飯: 好大碗, 其實呢, 正路係應該食薄餅既, 佢地D薄餅做得唔錯架, 只係我唔食飯會好快餓芒果汁: 十蚊樽裝, 抵飲, 行入去OK買樽水都七蚊, 八蚊, 快餐店飲杯檸茶都十幾廿蚊, 十蚊果汁仲唔抵?咖哩羊肉, 包飯or薄餅兩塊, $58芒果汁一樽$10

忍唔住要寫食評。之前有食開唔差，今日同老公經過深水埗就諗住食佢。入去餐牌唔同左。叫左個咖哩拼餅同一個鷄卷。再叫左一支芒果汁同一杯lassi.(類似乳酪飲品）食物黎到。味道同之前比，明顯唔同左廚房。都算。支裝芒果汁，無伏可言當杯lassi上枱，老公一飲同平時其他印度餐廳既唔同味。再聞一聞，益左。可能天氣熱。同個店員講，佢話無問題。再同個廚房講（應是老細）都堅持話無問題。當然我地無再飲佢杯變左既野。再叫左罐汽水飲。到埋單時，竟然仲好意思收我杯益左既lassi錢。之後仲同我地解釋話要收番錢。$15蚊我豪俾你，但真係未見過咁厚面皮同咁既服務態度餐廳。簡直垃圾

印度野真係好少食，難得P大人咁有雅興，好!!我請你食咖哩 其實呢間野開左都好耐，每次經過都比門口擺放既芒果汁吸引目光，芒果汁有買過，挺好喝的，但還是一直未有走進去吃一餐。今日經過P大人見到門口餐牌有個綠色既咖哩，佢即刻好想食咁既樣，於是就走進去了。我地要左一個咖哩羊配炒飯、菠菜咖哩牛配薄餅、芒果汁、印度奶茶。菠菜咖哩牛 - 真係好綠呀!!食落唔辣，牛腩同薄餅都好好食。咖哩羊 - 比較辣，羊有d韌，炒飯太乾身，麻麻地。印度奶茶 - 估唔到幾岩我口味，好飲!芒果汁 - ok架都。總括，食物質素中等，一試無妨。

尼間都食唔少次 今次都寫下佢啦雖然環境細細但係都幾多人平均都要50蚊以上 NAAN就12蚊以上啦講返正題佢個咖哩真係幾好食 夠晒香料 今次比左雞脾我係成隻=0=50蚊 我食完真係出晒汗 我自問都叫食得辣佢都真係幾利害但美中不足係冇菜 今次一個人食所以冇叫NAAN同炸牛肉角 下次同女友去先再叫

個人一向偏好食辣野，重香料味的咖哩更是討喜。呢間咖哩屋開左好多年一直想試，偶然一次肚餓經過買了一塊羊肉薄餅($15)，餅大過我塊面，老闆廣東話勁好，又幫我煎返熱塊餅，又香又脆，原本冇期待15蚊嘅餅有幾多肉俾到我，點知成塊充滿住咖哩羊肉同薯仔餡，每一啖都有料，外皮又有麵粉香，食完大滿足。加杯飲品就可當一餐。一般女仔可能食唔晒咁大塊餅。之後經過都會再買其他口味試下

除了豆花米線，也買了印度烤餅喀什米爾咖哩屋就在豆花米線隔離，等豆花米缐的時候，聞到很香的烤餅味，所以忍不住，買了兩塊回家~因為不想食肉，所以點了一塊原味，一塊薯仔的回家後略煎熱就可以啦~兩塊烤餅都酥香十足~我比較喜歡薯仔味的，因為它用了咖哩薯仔做餡，比原味多了一份咖哩香氣及薯仔的粉稔口感~ 單食都很好味~~原味的其實也不錯，不過有咖哩同食會好得多!!

深水埗係我喜歡地方之一，因有朋友住個頭，閒時都喜歡約埋週圍食下野！「喀什米爾咖哩屋」熟深水埗的一定會知道，因舖頭對正大街，去西九龍中心好多時會經過。周不時見d員店係度整薄餅！今次我地叫咗：咖哩魚柳。印度咖哩角。薄餅（上左／中／右）咖哩汁。咖哩雞翼。咖哩雞肉（下左／中／右）另叫了一碟白飯送咖哩，正呀！~~~~~~~~~~~~~~~~~~~~~~~~~~~~~~~~~🍛「咖哩魚柳」好食，魚肉質鮮味！🍛「咖哩角」好夠脆！餡料比較多薯仔、肉碎、硽料等！🍛「咖哩汁」香味濃郁！正！🍛「印度薄餅」可以。面比較油，略嫌比較硬咗少少。一般！🍛「咖哩雞翼」比較乾身，味道一般！🍛「咖哩雞肉」好入味！煮到骨肉分離！雞肉好淋！最好食！總括：雖不是我食過最好食咖哩！但整體味道都不錯！價錢又平！不妨一試！店員都好nice！

India 咖喱！聽人講話幾好食所以黎試下。食物就真係好普通，但服務態度就好好，老闆/待應都識講中文，佢地好多同鄉都黎食，眼見對面個india 人叫左薄餅有個酸醬，我叫薄餅就無酸醬，我眼甘甘望住佢個醬，佢竟然開口同我講“試下啦，個醬好好味架，酸酸地少少辣, 你問個待應攞啦，唔使錢架” 佢地其實真係好有善。講返啲食物：牛腩咖喱拼薄餅 45蚊個咖喱好濃，唔會有椰香個隻咖喱。牛腩好淋，又夠多，但我覺得都唔係好特別。個薄餅好un，啲粉好似未熟哂咁，個薄餅令到今晚餐飯扣左好多分。薯仔薄餅 14蚊佢入面有啲咖喱，好辣，食左一啖完全食唔到，本身我食唔到辣，所以不宜比評價。但我朋友就食哂。咖喱雞翼 15蚊兩隻全翼好大舊粉炸到好大舊，橙紅色既雞翼，個樣好似好惹味，食落無想像中咁惹味，好普通。堂食其間有好多人黎買外賣，相當受歡迎，不過唔太啱我心水。不過值得一試！