和味 (已結業)

我真係未見過串燒叫十串唔使五分鐘就食得，我叫外賣，二串牛肉，二串豬頸肉，一串金菇肥牛，二串雞肶菇，一串雞肉，二串芝士腸，點解我要上黎講因為太過份了，第一，我咁多串唔使五分鐘比到我，我見佢把所有串燒先放一放係個爐下面，再拎上去燒，我開頭已為佢係整啲汁再上去燒，原來我返到去食成口油。。牛肉乾過牛肉乾，有半串焦左，豬頸肉出色，兩塊長度4cm, 闊度1,5cm左右，薄切薄到我直頭著晒燈，打直穿，十蚊一串，得兩塊薄到爆既豬頸肉，雞肶菇吸晒油，食唔到，雞肉又係乾晒，二串芝士腸。。。一邊黑到食唔到，成條炸到乾到爆開晒，點解我無返去同佢嘈，因為我叫拎走，比少少良心出黎做生意好唔好，我唔會再去食同埋我會叫我識既朋友唔好去食

第一個感覺... 好up dup, 行過都唔會望一眼, 舖頭好細好殘舊, 唔方好食但係離遠聞到陣香味, 畀香味吸引之下決定坐低食埋宵夜先返屋企叫左冬菇, 雞腎, 雞脾, 魷魚鬚....etc. 竟然出奇地咁好味, 同舖頭外表絕對成強烈對比, 由其d醬超好味, 店員話係燒烤醬, 但原來係甜甜地有d蜜糖味, 唔係鹹味, 而且好香, 無去錯地方惟一缺點就係要坐街邊

朋友介紹, 今日經過去試下叫左雞脾同茄子, 真係超好食, 雞脾超大隻, D肉好滑好JUICY, D醬汁好好味,  原本以為燒雞脾D肉一定係燒到老晒, 點知估唔到E度燒出奇地咁滑咁好味茄子燒得好林, 好多汁, 仲好鮮甜, 保留到茄子既味道, 原本仲以為得個鹹字, 原來唔鹹仲甜甜地! 真係估唔到!夜晚好多人專登泊架車係度食, 好快就唔夠位坐, 食完買左兩罐藍妹(都係$10咋)都未飲就俾姐姐埋單叫走人... 

最近深水埗開左幾間燒烤,但都係開左最耐既和味最好食今日去黃金買底板, 聽朋友講西九龍中心對面有間燒烤舖好掂於是行過去買左隻招牌大雞脾, 問下店員仲有無其他招牌菜, 佢話茄子都好正, 於是要埋茄子雞脾好入味, 無叫辣, 但有少少麻, 應該用花椒處理過, 咬入口好多汁, 好新鮮, 最緊要係好大隻, 其他舖果啲細兩三個碼都唔止茄子叫左辣, 出奇地香, 同埋好林, 加埋啲汁真係超正, 我朋友無介紹錯, 去黃金一定要去和味先無白去深水埗食完先知道有facebook 打卡買一送一... 店員補送番一隻雞脾俾我, 超nice 雞脾最後返屋企俾左我老媽子食, 佢都話正,佢話呢間舖開左十年都咁旺場,總有道理

最近睇到facebook 好多人post呢間店舖都話好好食,於是今日去開鴨寮街買電話殼 就順便去埋試下放相片唔放食物出黎係因為所有食物即叫即製,難得有串燒店舖堅持食物要新鮮平時都好鐘意食串燒, 見到串燒店就一定衝去食, 亦食過西灣河某著名串燒舖, 但一試呢個真係不得了, 有過之而無不及問左個阿姐有咩招牌野食, 佢話雞脾雞翼最多人食, 於是就叫左雞髀, 雞全翼, 雞中翼, 即叫即製都只係等左一分鐘, 抵讚!一食落去, 就知道佢醃過, 而且醃得好耐下, 非常之入味 其他串燒舖都好少可會醃完再燒, 再之後加既香料, 香之餘, 仲有一陣好"鮮" 好"香" 既味道, 絕非一般溝左好多味精雜質既粉,聽講呢間店舖因為貴租就黎唔做, 希望唔好啦 去鴨寮街買野既不妨順路支持下

今日屋企張櫈坐爛左去左西九龍中心頂樓既實惠買途經和味, 見到門口堆滿晒人, 路都行唔到原來有好多人都攞住張飛仔等緊野食呢間野之前都有食過, 都無咁多人食見仲未食飯, 叫左三樣野食司華力腸塊皮燒得好脆, 幾好食蟹子丸燒過之後再加埋佢D醬同粉非常之特別, 雖然好貴 ($10得3粒), 不過都值得試下墨魚咀好多汁, 一咬開入面既汁好有墨魚鮮味, 而且出面都好難食到墨魚咀

係facebook見到呢間舖好多人食, 好多都話好正,好耐無食過D好好食既串燒, 於是趁今日去深水埗買底板順便行去西九龍果邊試下, 叫左雞脾, 雞翼, 2塊川式薯餅雞脾雞翼都好大隻, 好好味, 唔知道加左咩粉咩醬, D醬好正好好食川式薯餅好creative,  估唔到串燒舖有薯餅食, 叫左2塊黎試下, 薯餅加上佢D粉, 一個字, 好食過麥記D薯餅

年三十晚十一點幾行過,見到好多人等緊野食原來今日全日都做$25蚊三串任揀叫左雞脾雞肉腸墨魚咀再加多碗酸辣粉,總共43蚊,抵到爛,可惜只做新春期間雞脾超入味,塊皮又卜卜脆!雞肉腸我要左大麻大辣, 原來麻辣同腸仔係好match架!墨魚咀師傅燒到表面有少少脆, 食落口入面又好有鮮味!酸辣粉好麻,我叫左少辣但完全唔辣,需要改善....食完離開時買多罐王老吉飲, 51蚊埋單

原本要40蚊,宜家做優惠25蚊搞掂 叫左一隻雞脾一隻雞翼加一串路邊羊肩肉, 三樣都好入味, 應該都有醃過好耐, 再加上最後加既香粉同辣粉,正到痺,雞脾好大隻, 無呃秤, 值得推介

放工行個西九龍廣場, 離遠已經見到有盞好殘眼大太陽燈係黑夜中特別搶眼聽朋友講個間和味烤雞脾好正於是要了一隻再加一串雞腎盛惠廿六蚊雞脾加上燒烤醬, 甜甜地, 不太乾香粉味道同雞脾夾得好好塊皮都燒得好脆雞腎燒得太乾, 不個都爽口, 可接受

同「大細路」（沙冧）先要有嘢喺手才代表有誠意路過有光燦燦大光燈射出超强光, 嘩~ 引領我一路向前......麻辣香味飄...飄..飄入鼻孔, 精神大振我知道要乜啦~~唔該燒茄子、燒司華力腸、燒無骨雞肶, 少辣！原隻燒茄子$14, 師傅邊燒邊塗上蒜泥, 灑下香葱, 後再加幾滴豉油、辣粉, 繼續燒到開始淋、軟便放入膠盒。燒司華力腸$12、燒無骨雞肶$15...已預先燒過吓, 收到order便正式燒多陣及落少少辣粉, 睇到都俾完錢再去隔離7仔買罐大裝冰凍「畢Y灑」趕搭尾班車回家請罪, 呢個沙冧又有邊個可以拒絕‧‧‧Openrice唔批這個食評彈返俾我,咁我寫埋後記啦番到屋企就拿拿林開餐, 一打開膠盒...嘩~ 一陣蒜油香氣湧出來, 雖然坐咗半個鐘巴士路程但係食物還熱, 熱得來令茄子更索晒蒜及葱的味道, 燒得軟軟的茄子肉有如入口即化的棉花糖, 可以輕輕的在齒逢間「齒」開茄子皮。 喝啖冰凍啤酒再咬一口司華力腸, 師傅預早已幫司華力腸界開一間間, 燒開的腸衣縮起令火直接可以燒腸肉, 原來經此一役的司華力腸嘅味道是有分別的, 有點嚡也有點死鹹。 燒無骨雞肶就無食過, 不過聽聞帶辣夠野味。幸好,

很久之前在國內食過重慶酸辣粉及燒茄子, 一直很想再食, 知道深水埗開了一間和味, 有惹味的串燒~燒茄子 - 塗上了辣椒粉、醬汁、灑上蒜泥和葱花, 味道很香很惹味, 辣度隨自己選擇~~重慶酸辣粉 - 一般, 紅薯粉略有d硬, 花生不夠脆, 但湯底又酸又辣很開胃~

$7 一串燒牛肉便是圖中那樣子了，請不要以為我吃了一塊，店主交給我就是這樣了，既然店主覺得沒有問題，那麼讓大家看看吧。味道不過不失吧，味道主要都是來自不同的調味粉，但我第一個感覺是：是不是鋪租貴得如此無利可圖，牛肉的份量控制如此嚴格嗎?

　　友人曾推薦這裡的串燒，特別是燒茄子，一直也很想嚐試，下定決心是夜八時左右到達。雖然天氣酷熱，但眼看烤爐明火，增進食欲，先點一碗中辣的酸辣粉，還有辣羊肉串燒、燒韭菜、燒雞全翼（香草、麻辣）、燒辣雞軟骨。　　先嚐這裡的酸辣粉，芫荽、榨菜、花生而上，紅薯粉軟硬適中，辣度直入中樞神經，不過美味而不單單嚐到硬性的辣，還有適當的酸度，吃得滿足；嚐燒韭菜純粹想增進纖維度，醬汁混合其中，不俗；少許辛辣的羊肉串，散滿孜然粉、香草的肉質是嫩滑，不過醃肉的鹹度較重，減輕少許便更佳；新鮮即燒的雞全翼是令人難以抗拒，燒得剛好而香脆，肉質嫩滑，香草欠缺辣度亦好吃，當然麻辣的那種更甚，真的相當不錯；最後的燒雞軟骨，本以為平平無奇，入口發覺雞軟骨是燒至剛好，軟硬適中，令人想一吃再吃呢。　　吃至此時汗流浹背，不過相當飽足，燒茄子留待下次才吃吧。

一定一定一定要去食...自從愛上食辣o野之後...要晌香港搵地度辣o野真係唔容易...和味開o左都好一段時間...本來只好佢o既酸辣粉...但自從跟朋友晌深圳食過重慶燒烤之後...我就經常忍唔住走o黎買燒雞翼, 茄子同埋九菜...當然仲有佢o既酸辣粉...真係好好味...而且價錢相宜...每次落車都忍唔住要食返碗酸辣粉+雞翼or茄子...完全可以满足我想食正宗酸辣粉同埋重慶燒烤o既慾望...順帶一提...我唔算係食得辣o既...小辣好ok...有時想刺激d...我會食中辣...好味~