味千拉麵 (已結業)

同阿妹去荃灣行街，見咁耐無食過味千就入去打個躉。下午茶依舊好抵食，四十蚊一個拉麵連野飲，係市區算係咁。一般品牌餐廳向來都乾淨企理，呢樣都係我樂於幫襯大企業既主因。等餐時間都還好，唔知點解點同樣既叉燒拉麵，阿妹個個黎得快過我，但湯色同材料就明顯淡及放涼左，可能係咁岩撞換湯底／廚房交更時間？我飲食習慣係留最好味既，係最後先食，遲黎通常有個好處，啲野熱啲新鮮啲，今次仲厚啲。食咁多次味千，都係呢個料比得最重，真係物超所值拉麵食過咁多間，味千真係平得黎又幾好食。埋單都唔洗一百蚊，用埋coupon同信用卡仲送左個餃子同打九折，值得再黎 

繼上次因為有信用卡推廣所贈嘅現金券嚟食咗餐晏仔之後，今次再幫襯荃灣味千已事隔大半年嘞。老婆話想食吓拉麵，原本打算去拉麵台風，不過唔知點解好多人，無打算食嘅時候經過見佢就唔多人，依家想試佢嘅時候就人咁多，我哋一向食嘢都隨而遇安，亦唔想等位嘥時間，所以就去咗近近哋味千，反正佢都無乜要求，都喺一餐晏仔啫 雖然拉麵熱晌香港熱過不停，一間又一間有名氣嘅拉麵店在香港插旗，不過，荃灣始終唔喺拉麵嘅真正戰場，再者，味千紮根香港多年，都薄有名氣，有一定嘅捧場客。今趟食評打算食得hea啲，所以，環境、服務，其他嘢就唔多講，一於入直路講碗拉麵 。 豬軟骨拉麵 $64老婆揀嘅喺豬軟骨拉麵，你估點解？全因有海帶喎 ，通常拉麵配紫菜，不過依碗拉麵就配海帶，仲喺有唔少添，認真啱晒佢，此外，除豬軟骨，仲有好多銀芽，亦都好啱佢。個豬骨湯底著實唔錯，味道幾濃鮮，又唔會太漿口 ，睇番餐牌對個骨湯嘅介紹，似乎都幾認真，由「骨湯之源」、「熬湯之藝」、「取湯之髓」到「成麵之魂」，真喺唔打得都睇的啦。麵條方面，水準都保持到喎，有幾分彈牙，而且份量好足；豬軟骨意外地鹵得入味鬆化，足足有3大舊，帶少少肥膏，油香啲 。 全

自江戶時代（1603-1867年）已被廣泛用來醃漬魚類和蔬菜的鹽麴, 是平民百姓家居常備的調味料。簡單地說, 它是由米麴、鹽和水混合, 再經時間發酵而成之產物, 有魔法調味料的美譽。鹽麴的鹹度是較鹽為低, 味道也較溫潤醇厚, 可以提升食物的鮮味及令肉質變得鬆軟, 更神奇的是凡是經時間發酵的食物, 例如黃豆變納豆、蔬菜變泡菜都會有益菌生長及存在, 能有效調理腸胃甚至抑制皮膚老化的美容健體功效, 也難怪那些日本人對鹽麴為之著迷呢！鹽麴拉麵...豬骨湯底拉麵, 加上角型叉燒、半熟蛋、木耳絲白潤的九州豬骨湯底味道特濃, 配上味千特調醬油, 口感豐富更有層次。麵條一開始已經是煮得偏腍, 之後隨著時間流逝, 麵條只會越吃越腍下去。滷水半熟蛋的蛋黃味濃郁, 油潤帶甜, 蛋白軟嫩入味, 最讚!最初望見角型叉燒, 見它們四邊有燒過的痕跡, 瘦肉與脂肪行行相間, 連脂肪望落都是晶瑩剔透, 想必是入口甘香軟嫩, 即入化境；事實上, 叉燒煮得未腍, 而且脂肪食落黏口也帶有肥膩感, 連浸過熱湯也無補於事。把湯喝盡便可以見到主角鹽麴的分身(米麴)分佈碗底；但究竟有落鹽麴的豬骨湯底與普通的豬骨湯底, 有啥不同!?

味千拉麵呢個名多,但同友人都會笑佢地味精拉麵,加上本人一向唔太喜歡連鎖店,所以好少幫襯但今晚咁岩行過又想食,所以就黎左荃灣城市廣場呢間味千啦我地夜晚十點先去到以都唔使點等位一入到去見到經理埋緊數,但都好熱情咁招呼我地同攞茶俾我地一向喜歡食豬軟骨,同女友一人嗌一碗我驚唔夠飽,所以叫埋加大($10)另外嗌左客手造餃子等左無耐頭盤小食餃子就上左啦味道其實好一般最差係個皮煎一d都唔脆咬落無口感下次唔會再叫呢個小食!主菜一本豚軟骨拉麵可能因為加大既關係,份量都比一般大碗,食完好夠飽豬軟骨如圖所示都好大份,咬落淋得黎又有口感,好濃味可惜當日傷風,個鼻唔多聞到個湯底有幾香但食落係幾夠味唯一美中不足係隻蛋望落好細隻,似3分1隻左右如果可以改善呢樣就好埋單$193,算抵,下次會再幫襯!

同太太偶然會食吓拉麵，不過就唔會太刻意去「搵食」，隨而遇安啦，就好似今次咁，碰上信用卡推廣，簽滿某個金額，就送你現金券，晌無乜選擇下小弟就揀咗味千拉麵嘅現金券，原因都想食吓拉麵，其次荃灣有味千，返完佢教會可以一齊去食晏。雖然話拉麵熱停不了，唔少有份量嘅新店不斷出現，滿足一眾拉麵痴，但形成嘅競爭可想而知有幾大。味千拉麵話雖唔喺咩受追捧名店，但紮根香港咁多年，算喺薄有名氣，支持度亦有一定，睇睇佢依刻個午市有近十乘滿就知啦，有時經過仲見佢門口有人等位添。小弟唔喺味千擁躉，評論唔到佢往積，但印象中佢經常推陳出新，每季都搞啲新嘢出嚟，老實講吖，香港人就最鍾意貪新鮮，出新嘢可以喺市場策略上較易吸引食客幫襯。有時食過覺得麻麻哋，話明下次唔再嚟，但見佢有新款又再心思思，加上依家啲拍攝、執相功夫何其厲害，海報上嘅食物就算一舊蕃薯都可以變為極品。北海道帶子拉麵 $58老婆屬老派啲，新嘢唔太啱佢，所以從固有餐牌著手。打開餐牌，內裡基本上有成17款拉麵，定價範圍晌$44-$58，比出面動輒賣$80、$90一碗拉麵，對某啲人嚟講確喺另一個重要考慮因素。後幾頁，仲有啲定食（$51-$63）、石窩飯（$58-$59

都有年多無幫襯味千拉麵~最尾食果次..因為覺得水準下跌同埋個湯底好鹹~所以無再幫襯!! 依日係因為好想食拉麵所以再去試下呢! 今次既水準..真係喜出望外11點多去到..坐到卡檯~其後已經見好多客人入黎好快已經半FULL~服務有禮貌雖然拉麵要等10-15分鐘..反正唔趕時間~亦代表新鮮即整仲好味呢"北海道帶子拉麵"叉燒好好味~肉質濃香..外層仲烤得夠乾身~入面既肉質又唔鞋..好夠味帶子味道都好鮮~煮既時間剛好..嫩口唔韌身"九州辣麵"叉燒既味道同上~肉醬料唔算辣但夠味..肉質都唔鞋口鹵蛋都OK..有彈性入口唔硬(新鮮)伴上銀芽,蔥..整個麵都好提味又有清爽感~湯底夠濃但唔會過鹹煮麵既時間剛好~麵質有咬口冇過腍整體食物好味~坐位舒適

聽聞這間味千拉麵得到某飲食雜誌頒的美食獎項一人盛宴連加一都要$80買單一人盛宴之阿蘇火山义燒拉麵$75...阿蘇火山乃活火山, 不時由火山口噴出濃煙來, 是否因為這麽的震撼, 所以製作這道拉麵是用上多麽猛的辣油膏, 味道直情是乾辣 雖然麵條爽滑, 富有彈性, 义燒厚件並且是肥膏包住瘦肉, 以秘方日本醬油鹵製, 味道份外獨特....但辣的黑影始終都能cover一切一人盛宴之北海道帶子拉麵$78...上碗就辣, 今碗就淡, 有冇攪錯 幸好义燒美味, 不過淡不只是湯底, 還有帶子... 細細粒但無鮮味以下兩款小食都是用共通材料但以不用形態推出, 材料是: 青瓜絲、蟹柳絲及蟹籽, 最大鑊的是青瓜絲是完全乾巴巴, 沒有瓜汁的青芥辣煙三文魚冷烏冬$58...青芥辣沙律汁撈烏冬, 面頭有煙三文魚片(色水唔靚兼無乜魚油味)、青瓜絲及洋葱絲等, 烏冬是有點咬口但本身帶酸, 青芥辣沙律汁(是汁不是醬, 因為頗稀)不會太嗆鼻, 可放心大啖地吃。

突然間想食拉麵.. 荃灣附近又冇咩日本餐廳.. 所以去左味千~唉! 而家出街食野真係貴, 我記得味千以前3X都有個拉麵, 而家..打開個menu, lunch set 閒閒地都要5X~6X, 好貴啊~!!仲要冇左我最最最鍾意食的「雜菜薯餅」而且我覺得d食物以前好似好味D~~例牌會叫的豬軟骨拉麵, 以前d豬軟骨大舊好多, 而家縮水了>_<, 但味道依舊不錯的~跟餐加$10的餃子, 味道真的十分普通新出食物：芝士雞肉丸子$28(4粒)滿心期待, 賣相OK, 點知味道好怪!! d雞肉仲好似"益益地", 後悔叫左!!

老婆身在外地, 得知最近新聞太多拐子佬拐騙兒童消息, 不停發短信問我倆父子行蹤: “你們在忙什麼呢?” 這句一天內起碼問上十次! 對我獨自帶公子出街總是不放心! 今晚倆父子選了味千拉面果腹!我點的是<北海道帶子拉麵 + 日式炸豆腐> $72賣相都算合格, 起碼湯不會太多而蓋沒配料, 上菜的時候還可以看到叉燒和元貝! 以往鹽味湯作主打的拉麵, 到今日今時風頭完全被豚骨湯底拉麵掩蓋了! 這個湯非常濃郁, 據說味千是有用味精的, 經報導後, 現在食的這個到底有沒有呢?? 晤…真不懂得去分辨! 麵質感彎曲粗身彈牙, 但卻有少許鹼水味! 叉燒可能選了腩肉的關係, 非常肥啊! 夾帶厚身肥肉! 帶子整碗一共有四隻, 撈起才知原來一點也不細隻, 算是鮮甜! 其他配料有芽菜、海帶、木耳和蔥! 份量相當充足! 另日式炸豆腐外皮不夠脆, 豆腐質感也不算是十分滑!公子又選<兒童餐> $35有蟹籽蟹柳卷, 蝦天婦羅, 牛油粟米, 迷你味千拉面橙汁. 公子食後的評價是, 拉面湯很燙熱但就是夠熱湯底才算好味哦! 公子是這樣說的!! 蟹籽蟹柳卷應該有沙津醬才會好味些, 蝦天婦羅香脆,

對上一次光顧味千拉麵已經有1年多,想不到這間荃灣分店的水準很差,怪不得已沒有人等位的人龍出現.我和丈夫都很喜愛吃日本菜,拉麵.這間分店亦光顧過幾次,感覺不錯.但昨晚,我倆於7時多光顧,坐了約5份1客人而已.我們選了二人套餐約$145,粟米叉燒拉麵,豬軟骨拉麵,小食是炸雞,煎餃子,配飲品2杯.首先是小食,炸雞 - 味道普通,唔算特別.煎餃子 - 餡好差,吃了一口便不想再吃.粟米叉燒拉麵 - 湯底很失色,沒有以往吃過的水準.連麵質都很差,吃到3份1已不想再吃下去.豬軟骨拉麵 - 湯底沒有豬骨味,麵質似是車仔麵貨式,豬軟骨肉質好韌,完全退步.因為這次經驗,我們都再沒有興趣去光顧其他分店了.

好耐無食過味千,今日特意同太太來再食,試試keep唔keep到水準,太太叫咗個咖哩炸雞飯定食,自己叫咗個麻辣豚肉拉麵,講下服務,店員動作應真慢,就好似我地叫既野食,已經要等20分鐘當時亦唔係全店坐滿,有枱人叫咗個兒童餐,催咗幾次,原來已經等咗45分鐘,其他野都已經食完, 講番食物.......麻辣豚肉拉麵>>一D麻辣都無,好似個普通豚肉拉麵,豚肉味道比較淡,麵質OK,湯味道麻麻!咖哩炸雞飯定食>>炸雞岩岩炸起,所以熱辣辣,不過炸得過咗火,有D硬,飯就凍,若夏天食,還可以,不過冬天就唔得啦!凍冰冰!前菜青瓜仔味道不錯,麵豉湯味道就普通,同一般即沖的分別不大

星期六和媽咪到荃灣行街,差不多二時半,行經味千拉麵,醒起自己一年多前成為會員後店方所贈送的優惠卷仍未使用,立刻提議進內用餐.進店後立刻選食物,一邊心想放在銀包內超過一年的Coupon終於有機會用了!!突然,我們發現它的夏祭優惠,二時半開始味千拉麵只售$18!幾天後優惠便完了,但不可再用Coupon,經過一會兒,還是決定每人一碗味千拉麵加一碟小食,蒜香牛柳粒!因為拉麵要兩點半才落單,所以等一會,牛柳粒先上,蒜味極香濃,乾蒜片數量很多,喜歡蒜味食物的我和媽咪看到很開心,牛柳粒用鐵板盛着,給人新鮮熱辣的感覺,一口吃下牛柳粒,肉汁豐富,肉質夠稔,蒜味充足.可惜,牛柳粒很快變冷和韌,還是亁身的,看來那鐵板的功用不大呢.$18的味千拉麵大大碗,又足料,期望不大,所以不會失望,但亦未見驚喜.湯底方面,豬骨湯底未夠濃,但也可以.拉麵質感普通,但煮得軟硬度適中.半隻蛋味道欠奉,但可作飽肚用途.叉燒也是大大片,但一咬便知怎樣一回事!質感很嚡,沒有鮮肉味,而且也過瘦,沒有一點脂肪在內,口感也自然差一點.$18最抵之處,還是足料,連芽菜等的配菜也下很多,未吃完整碗都已經很飽!最終還是用不了Coupon,但會員

抵食之選是日，我和男友在荃灣逛著，正猶豫午餐該於何處覓食，給我們發現了 - 味千拉麵。以往經驗，味千拉麵真的感覺有點'老千' ，一碗拉麵索價五十多元，在美食天堂「香港」，大家會覺得開飯有更好的選擇。加上早前日本發生災難和污染事件，大家不免對日本食物有戒心。我進店光顧不抱很大期望，只求飽足，卻發現味千有驚喜給我們!荃灣的這間味千，人流不多，故坐得舒適。我在門外發現他們只需惠顧滿一百元，即送小食一款或以半價享用指定人氣拉麵，抵食啊!我們要了兩個午餐，包一碗拉麵, 小食和一罐汽水。待者服務有禮，令人滿意。等了不久，小食和拉麵來了 。我叫的是辣味牛軟骨拉麵，拉麵熱騰騰，看見碗拉麵滿滿的，好開心！拉麵軟韌適中，辣味牛軟骨不算很辣，對愛少辣的我很不錯噢，值得一讚是很足料，牛軟骨有大大的三件，軟骨有咬口，配以昆布,芽菜和紫菜，湯底味道香濃。男友要的是豬軟骨拉麵，他也說味道不錯，豬軟骨肥瘦均勻。北海道雜菜薯餅賣相漂亮，金黃外表配以奶白色的薯蓉和雜菜，吃著的感覺是香脆可口，共四小件，二人吃剛好，我和男友都覺得這個小食不錯，大家可以一試。蕃茄青瓜沙律配以蟹籽, 小小粒的蕃茄,生菜和青瓜，簡單健康，沙拉汁也

我同阿麗行左5間餐廳,--大家樂menu麻麻地,毫無特別,至於pokka lunch set一個都要75元.. A1 cafe lunch set款式唔係太岩食,另外大作迴轉sushi店有陣公廁味...又走返出來.........才決定黎呢道食lunch,哈哈,因為十五十六,唔知去邊間價錢又理又好味..keke....環境幾好,唔太多人,lunch set選擇多,全部女員工的服務態度幾好,有禮~見到menu有新款food,個menu都幾靚,我見個menu話如果飲柯華田要加8蚊,.又好似很過份的貴,可能始終係日本餐廳,.無可能有柯華田存在就真呀 加上無乜特色飲品tim... 九州拉麵 $34d 食物幾快就上菜,但係個湯底實在太多麻油..食完仲好口乾tim...,絕對稱唔上好似份menu封面寫住的「健康第一」,完全係背道而馳.......但食落口呢碗麵根本唔係麵,好似烏冬黎ge...... 算啦.......我都食緊喇......口感還可以,硬返少少更好....有好多料,有木耳絲,2片鳴門卷~口感佳,而且很美~蔥粒,母燒3-4片,半肥半瘦,醃得夠味~大大碗,見到waiter在遠處跌左隻杯

當天午飯時間去到此拉麵店，見無乜人，便走入去。坐下即點了「味千拉麵」，然後靜心等待午餐的來臨。因先前試過在大埔中心店出品其慢的「大粟拉麵」，所以不以為意的坐了二＋多分鐘，但突見鄰座的客人坐了五分鐘就有麵上，不其然大怒，起身走人。 白白的浪費了我的午飯時間。