吽 (已結業)

牛肉豬肉非常薄而且非常鞋 可点的食物種類少得很 睇見都覺得可憐 等火煱個湯 嚟要等半個鍾 其他食物要等成 40 分鍾 等到發mo点左嘅野 要不段追單 侍應嘅回覆永遠都係 “製作中” 帶子 落咗3次單 又追過單 可是 從來冇嚟過……只係會嚟最便宜的食物呢間嘢學咩人搞團購 真係整臭哂個”朵” $168 食d 甘嘅野 真係好貴 不如加多少少$去d shabu shabu火煱連所店食 50蚊 吉 x 家 嘅火煱好食過佢一萬倍 又唔洗勞氣 !!!!!我知唔關d 侍應事 and I feel sad for them….. 唉 @.@

如果不是團購，不會去這間餐廳，但是去過之後，以後也很難會再去了。團購和其他客人吃的沒有分別，都是任點任吃，限時兩小時，我們6:30分去到，已經有好幾樣東西賣磬，包括燒帶子，碗仔翅，加洲卷。於是叫了魚生，壽司，串燒，關東煮等等。鍋底則選了蕃茄湯，自助的有菜和肉丸，及任叫牛肉豬肉。牛肉豬肉像紙般薄，而且各只得一種，絕非甚麼上等牛。蔬菜和肉丸還算可以，但order的各樣竟然催了過半小時還不來，到來了的時後，串燒竟是凍的，要拿回去翻燒。關東煮的竹輪是酸的，刺身的板竟然濕漉漉的，魚片入口不新鮮，吃了一片便不敢吃，放進鍋裡灼熟算了。壽司也是不新鮮。串燒翻燒後還可以，全晚最好的只有汽水任飲和雪糕而已，雪糕是上等的。招呼方面，有個主任級的全程黑面兼說話無禮，但有個長髮的90後小妹妹樣甜兼全程笑容滿面和積極招呼，算是挽回不少分數。

團購買。book 極都話無位。五六日話full. 平日又只可以六半or 9半。去到無人。 d 肉簿吾緊要。最多咪食多幾舊但。我肉鞋到。我咁大個女食過最鞋ge 肉。鞋到我想問佢到底係邊部位可以甘。無論豬肉牛肉都激鞋。刺身還可接受。雪糕好味。其他真係吾好食。其實計落都168 吾算平。但真係好難食

我們團購了七位, 由團購後到約人到就日子就時間, 一路睇OPENRICE食評一路心慌, 以為上了賊船, 約齊人想BOOK了TABLE, 電話經常無人聽是事實, 我是打通第二次先book到, 因為第一次佢話好忙叫第二日打來, 所以最後大家都是抱著食飽就算心態上去, 竟然有意想不到的結果.一上到去就見到傳聞中的黑面姐姐, 不感意外, 但唔知是否人手足夠的關係, 黑面姐姐沒有招呼我們, 所以我聽不到一些令人氣憤的說話. 一睇那張點菜單, 嘩 !!少得可憐的選擇, 和平時放題有幾張紙分好類好唔同, 一張紙唔過30款東東, 扣了一定唔點的蟹柳壽司之流那些東東, 雖然火鍋料是分開叫的,但可以點的食物真的唔多.可能我們走運, 眼見人手真的好夠, 所以上菜上得都幾快和算上足, 沒有吹過單, 只是真的有些食物是供應得好少, 明明叫七但最後得一兩個, 火鍋料就真的好快每叫一次都立即出, 可能只是叫肉, 其他都是自助的. 食物: 串燒----雞肉, 燒得幾好-合格以上 另一種雞肉(唔係我點唔知什麼來的), 燒得幾好-合格以上

一個 order 要成個鐘, 任食120分鐘, 不如叫限食 ......買了團購4位, 好不容易才book到位, 要預早1-2星期book, 因為佢話好爆, 成日 都話 full .... 上到去得幾枱人, 半數吉枱....牛肉, 豬肉薄到被風吹得起, 仲要係好鞋，無咩脂肪又無咩肉味, 其他火鍋料只得菜及平價丸, $30/磅果隻....串燒第一輪成個鐘先黎，唯有快 d order 第二輪 + 第三輪，誰知等了30分鐘以上都不到, 追d 黑面侍應2-3次都說正在製作中. 好啦, 黎到又似燒唔熟, ，又凍冰冰, 好難食, 簡直係趕客 ....叫左d 冷面, 烏冬, 完全無黎過.....6:59到, 食左個半鐘, 8:35有一位侍應姊姊同我們說 : last order, 仲有無嘢要落單我說 : 吓! last order? 我地上幾個order 既嘢都未到。侍應姊姊說 : 咁你地有無食過嘢?我說 : 有!侍應姊姊說 : 咁仲爭你地喲乜嘢?我說 : 咁多無黎, 點記得侍應姊姊說 : 咁我全部單 law 黎比你自己 check我說 : 之前都追過, 但無回應, 成個鐘先黎一次, 點叫任食..

經團購買了午市放題食劵 : $79 + $16.80 = $95.80電話經常無人聽, 以為很忙, 很旺場, 但接通後一訂便有枱, 以為自己很幸運, 誰不知...............當天準一時到達, 場面冷清, 只有三數枱客, 坐下後三人即時點了 :六款魚生各10 片, 4 款串燒, 十餘件壽司。十分鍾後, 魚生到了, 雖是薄切, 但亦算新鮮 :又五分鐘後, 壽司也來了, 味道不錯, 即時再落單encoh 魚生與壽司。又十分鐘後, 來了三粒北海道燒帶子, 三碗蟹子沙律和兩碗黑椒炒什菇, 跟著便停了供應食物。到兩點十分, 有一位侍應姊姊同我們說 : last order, 仲有無嘢要落單我說 : 吓! last order? 我地上一個order 既嘢都未到。侍應姊姊說 : 咁你地有無食過嘢?我說 : 有!侍應姊姊說 : 咁仲爭你地喲乜嘢?我說 : 魚生, 壽司, 串燒侍應姊姊說 : 幫你追追我說 : 之前你地話追過, 但無回應侍應姊姊說 : 壽司要等好耐喎。我說 : 無問題侍應姊姊說 : 而家煮緊飯我說 : 哦..............(而家先兩點十分, 吾通我地食嘥人喲飯)

HOME 係第2次搞團購，第一次好好食，好值得讚。點知…今次真係差咗好多，食物質素大退步。原本想book weekend，但佢就話到6月嘅weekend都full晒，咁唯有平日。點知上到去，人都唔多，得4枱人，侍應多過客。團購，豬同牛任食，仲有蔬菜、刺身、壽司、串燒、卷物、麵。先講刺身，唔新鮮，吞拿魚已發黑…好恐佈串燒不錯，起碼熟，當中以帶子最好食，juicy又加咗甜甜嘅醬。烏冬，淡而無味。湯底亦比上次團購失敗好多，可選鯛魚湯、茶漬湯、高湯、蕃茄湯。揀咗蕃茄湯，較杰又酸得滯。到牛肉同豬肉，薄到識飛，切得比紙還薄。薄都算，仲要係好鞋，無咩脂肪又無咩肉味。丸類任食，係全晚可以飽肚嘅食物，但呢d丸，喺街市$30一大磅。雖然話係團購，加一後都要$160/person, 都唔係平架，但食物質素真係好唔得！下次再搞團購都未必有人幫襯！

今晚同三個朋友食生日飯,三星期前已團購訂位，見到宣傳上除有shabu shabu食，還有很多其他食物，看來很不錯。一入門口先見到幾個黑面侍應，安排坐位後閞始點選食物，先來刺身，包括三文魚，第一次叫8件，厚度大約半厘米，大小尚算適中。後來再encore叫24件，誰知都是來了8件，但今次給我們的都已比第一輪來的薄了和細了，後來向侍應反映想要多些三文魚，第三碟三文魚真是講都無人信，簡直比薄切和牛還要薄，真真的不敢想像如果再來一碟，這班師傅可能就要施展畢身學來的刀法絶技了。隨後叫串燒雞翼，都是分別叫了三輪，第一輪正正常常，第二輪未燒熟就送上，當然不能吃，所以要叫第三輪，誰知等了30分鐘以上都不到，已追黑面侍應2次都說正在製作中，怎料食完雪糕，剛剛夠2小時雞翼還未弄好，我們已沒有耐性等至1小時食一隻雞翼，所以只好無隱離場了。

超差，今日lunch去食..一肚火食物等了40分鐘還不來，打工仔一般只有1小時食飯..等極都唔見有食物..d waiter服務勁差, 我地舉手都未話要cancel單, 位waiter已經大聲叫類似經理的人話我地要void單之後有個同事仲慘.其實我地等左30mins 已經催單, 個類似經理的人話會同我地跟跟住過多廿分鐘，發生以下對話：經理：你叫鯖魚定食，不如我地轉秋刀魚比你同事：我唔轉經理：我地冇鯖魚，得秋刀魚同事們：下，冇你又唔早講經理：我都係岩岩先知冇鯖魚我地聽到呆哂咯，咁廿分鐘前佢話同我地跟單係跟d乜呢? 跟住仲要話岩岩先知冇鯖魚,將個責任推走..離譜以下為三催四講終於黎到既食物，由於太趕時間，所以急住食..食食下先記得要將此經歷放上網睇相都可見，豬扒煎到濃哂,咬落去仲嚇死人... d肉超孩，好似人地煲完湯d瘦肉..仲要有筋..同事平時都食好多野，今次竟然出奇到食剩咁多..可想而知 有幾咁難食!

哇!!佢地俾左個好難忘既紀念日比我!!其實之前同男友去食過覺得好好食所以今次我見到有團購咁抵就即刻買黎食!!雖然我明白一分價錢一分貨,不過其實連埋加一呢餐飯都要$170一個人嫁!!!首先我地一入到去個場唔係full ga!!!但係果個人己經同我地講d串燒同日式食品要等一個鐘!!我地即刻拿拿臨落左單先!!!之後佢就黎左小小打邊爐既配料比我地!! (都係我地成晚唯一一既配料)之後旁邊得d菜同丸比我地夾!!!等左15mins 個湯底終於黎左!!之後我地問佢拎牛肉!!!叫左3-4次先至拎黎!!!不過d牛同我地上次食果d差好遠!! 我地發現要等咁耐之後就即刻再落打邊爐配料 ge order!!!好可惜我地成晚冇再黎過任何配料!!!佢成晚剩係比左兩盒牛肉同一碟黑豚肉比我地!!!至於d串燒同日式食品我地寫既全部冇黎!! 剩係黎左幾串雞軟骨同chicken wing!!不得不提佢地既服務態度!!!佢地完全搞錯曬客人既order!!!有野食就亂咁出!!所以成晚既客人都相當燥!!!!我等左成粒鐘都冇打邊爐配料 我問個waitress 佢竟然叫我比d耐性等下!!!姐姐!! 我等左你成個鐘我叫冇耐性?!仲有其

朋友生日，咁啱見到有團購，食評又OK，就買咗！一行13個大人，加1個小朋友。限時2小時，坐下第一件事選擇湯底﹝番茄濃湯﹞、火鍋料、壽司、加烏冬。等了近半小時，甚麼也沒有 催單之餘，再寫串燒等小食。好不容易，湯底來了，自己去拿蔬菜、丸子、冬菇等，並沒有食評及相片所見如此多選擇黑豚肉、牛肉，湯底都無乜味道，醬料一般，只好放七味粉。平均3分鐘催單一次，黑衣美少女說壽司要慢慢整？！壽司不是好快可以弄好一件嗎？過了大半小時，才出現魚生，只人約分到2件；再過15分鐘，姿整的壽司出現了，一挾就散，唉！慢工出散貨！再拉住一個黑衣美少女追串燒，她說太多人團購做唔切！？？無咁大個頭，點解要帶咁大頂帽？良久，1個烏冬、1個拉麵出現 佢地又話唔駛寫數量，佢地會睇人頭，點解14個人頭只分到兩個麵食？最慘係小朋友肚餓，要先食，我只有個睇字再良久，來了一碟串燒雞軟骨，味道不錯；不久，再來烏冬加拉麵，烏冬不錯，但拉麵味道怪怪。唔知係咪佢地出嘢慢，原本18:30-20:30，過鐘都唔趕我地走。最後問佢地係咪有甜品，伙計話有咖啡味及紅豆味雪糕，我地大半人選紅豆，其餘選咖啡，唔知係咪覺得我地煩，突然伙計話：“唔好選啦，打

又黎....團購!!哈哈, 最近不停試新野, 都係買團購試的....lol呢日要試既係....火鍋!!!之前都睇過 openrice 既食評, 貌似幾貴 & 唔錯, 所以.....就買左!!太心急了, 同男友仔早左去到, 未夠鐘開門....哈哈哈不過, 等左一陣就入得啦 =)坐低左先揀鍋底....我地 2 個都鍾意食辣, 所以要左 "地獄豬骨湯底"湯底等左一陣就黎 lu....然後就有係幾個肉肉 + 雜錦蔬菜盤上枱中途仲有個串燒併盤添呀~貌似....好好味.....嘿嘿 =)等等等.....湯底滾啦!!!!! 開餐~哎喲, 湯底......有 D 失望, 因為...........唔辣既, 反而帶少少甜味 = =?!還好, 肉類同蔬菜都新鮮, 算係挽回失分, 哈!呢個團購, 肉肉可以無限添加, 啱晒大食怪~肉類既肉質好新鮮, 每一種肉都係薄切, 都鮮紅色無瘀黑的 =)而蔬菜同其他食物 (比如: 腸腸, 菇菇...etc) 都可以無限補給....蔬菜夠新鮮又翠綠, 而且已經切到細細件, size 啱啱好 =)可惜我地 2 個都唔係大食之人....所以.....無幾耐就......飽死左了

睇完之前的食評才去的,有受騙感覺,,雖然係食最普通那種牛,但都不致於"鞋'成咁,朋友話d 豬同牛肉口感好似俾砂紙括俐咁,食物選擇少,成餐除了牛,豬只有菜,金菇,幾種丸同粟米選擇,全餐食齋咁.選的地獄湯底,只是加了豆瓣醬而已,除了辣毫無味道可言,又貴又唔好食.點解尖沙咀區會有d 咁差既餐廳

認識我的朋友都知道我呢排忙得要命，已有三幾個月沒有跟一些食友聯絡，ET總是十分好人，每隔一段時間沒見，都會發電郵來問侯下近況，很窩心，也令繁忙的生活注入了動力。近日收到她的Email，索性約出來大家食餐飯，地點她決定。又要開費時失事的會議，累得我遲到，幸而ET有新款智能電話上徹博，才不致等到發霉。甫坐低，聽了解釋這裡的「玩法」，便要決定吃什麼，我知道對方很肚餓了。是放題形式的Shabu Shabu，不同價錢有不同級別的牛肉，我們付最昂貴的，既能吃齊四款牛肉外，甚至可享受海鮮拼盤。落單後，首先奉上小食，是雞串。幾香的，肉質不會韌，味帶甜，感覺有點兒像在吃叉燒，最好的還是夠熱。無辣不歡的ET，選取了地獄豬骨湯作為湯底，紅噹噹的色水，看似是十分的地獄，實際上又沒有預期中咁刺激，之後甚至是加水而不加湯，令辣度不能貫徶到底。牛肉是當晚的主角，但還是先吃點豚肉熱身。豚肉偏瘦，即使不灼太久，也很容易變韌。不過都沒關係，我更期待的，是牛！這晚有四款牛，美國牛也有兩種，分吃係殼飼牛以及極上牛。前者是比較瘦，肉味亦薄弱，只屬填肚貨色；極上牛要好些少，雪花分佈均勻，牛味較重，已經收貨。和牛又是兩款，澳洲的M

團購咗HOME, 遲遲未去食。差唔多到期，係時候去食了！訂咗6:30，大部份人都係團購。上網睇過話甜豉油湯底，侍應會即場起個湯底，於是就點了這個。等咗一陣，侍應就放咗個煲上電磁爐度，配以大量洋蔥、大蔥同一舊牛膏。先放牛脂，溶出牛油，再加入洋蔥、大蔥爆香。然後下湯底。團購優惠包任食豬、牛、羊、雞、蔬菜同丸，仲有小食，汽水任飲。肉類質素佳，切得薄薄的，淥一淥就食物。蔬菜新鮮，洗得乾淨，款式也多。流心蝦籽丸好食，好彈牙，中間又有d就咗嘅蝦籽。小食就一般，好油膩。