合利潮洲粉麵

營業中

休息中

🍜四寶丸牛𦟌米💰$45😈今日老遠入到新蒲崗諗住去食窩子🥹真係Sosad原來佢星期二例休🥹所以我唯有去我都想試好耐既合利🍜我就叫左四寶丸牛𦟌米☺️其實佢個Menu都好多款可以拼💛我想講佢個四寶丸幾彈牙幾好食🤔同埋老闆會問你要唔要辣🌶️佢會跟一碟細細地既秘制辣油🤣我覺得佢都惹味幾夠辣⭐️仲想一提呢到好好會有一人份魚皮🤣岩哂我呢啲成日一個人食但係又食唔哂🤣可以過下口癮

碩果僅存的老店 除了有一份穩紥的味道 最重要還是那一份人情味座上客大部分都是老街坊 樓面的女店主 （相信是老闆女）年青又有禮貌是現在新一代集團式經營的食肆所欠缺的招牌四寶丸 其實有五寶 款款都好有份量 只賣三十個大洋 好像時光倒流 實在超值

🐱食左好多年既潮式粉麵食店，係新蒲崗名物😜價錢超抵之餘仲要好好食😋環境仲好乾淨企理😚而且服務唔錯，落單唔洗一分鐘就有得食😛來開新蒲崗一定要試吓😍魚蛋河：$30🌕🌕🌕🌕/5叫左加腩汁🐮每張枱都有任加既自家製辣菜脯，就咁食會有啲鹹，但撈落個湯到食係超正😝另外都一定要試佢個自家製辣椒油，唔好睇小佢細細碟，係好夠辣🌶️鍾意食仲可以買樽返去！河粉係比較幼身，唔會太淋☺️個魚蛋係好彈牙😋每次必點😚😚呢個價錢食到麵係無可挑剔😌

香港餐廳可以食銀針粉既地方唔多就算有 可能都要加錢新蒲崗呢間小店就唔需要啦即刻想起我家鄉⋯⋯⍥ 四寶丸+筋腩 銀針粉 ❙ $45⍥ 四寶丸+牛展 銀針粉 ❙ $45⍥ 香脆魚皮（細份） ❙ $16潮州既銀針粉比較細條 有米香呢到就大條啲 但都好好食 滿足到我加埋小店既辣菜譜 又惹味又有咬口昇華左唔少 好推介！！四寶丸分別為魚片頭 豬肉丸 墨魚丸 魚皮餃魚皮餃最好食！真係見到裡面係肉！唔會肥林林 又夠香牛展 筋腩都好稔 滷水味好出 份量亦幾多魚皮有一人份 亦有分大同細 好細心既選擇叫左細份 兩人都夠晒香脆到咬落係有聲架！！浸落湯到又係另一個新食法

天氣凍嘅時候最適合食啲咩?已經諗起打邊爐啦，但晏就lunch果陣，就咁食碗熱焫焫嘅麵都已經好正 新蒲崗有間傳統小店丸類雙拼都只係$30如果加埋肉類，例如牛腩/牛筋之類就$40對女仔嚟講已經好夠食，如果唔夠加底都好抵 依間我已經食過好多次，差唔多全部都試齊晒今日嗌咗其中一樣最出名，而且係我每次必食嘅墨魚丸好彈牙好有咬口真係有墨魚味，而且一啲都唔腥另外我都好中意食依度啲魚皮餃 依間仲好出名食銀針粉，好特別好少地方有同埋自家製辣油都超出色，堂色外賣都會比一小兜，唔好睇少佢細細兜，都幾辣唔夠仲可以買返屋企食 另外炸魚皮都超級出色，每次必試!!一上枱就忍唔住食，完全唔記得影相…好香口好脆，好似食緊薯片咁而家仲新出埋有一人份量$9就算自己食飯(好似我今日咁)都可以唔洗擔心食唔晒~(但其實我自己一個都可以清晒佢大份果碗) 湯底比較清，中意濃味可以加腩汁但我覺得原味都已經好夠，有時食魚蛋麵就係想清清地啊

Lunch time 就係要me time抖抖冷靜一下個人，諗唔到好食乜，就會嚟合利，一來簡簡單單食個粉麵，二來湯底唔會口渴，佢既辣椒油係不可少雲吞牛𦟌麵雲吞就無乜特別，屬正正常常牛𦟌就好夠味，都好淋身，不會鞋口鞋脷腩汁都唔錯，就算飲咗幾啖都唔會覺得口渴

因為只有短短45分鐘的用餐時間，我們便打算速吃，飽肚便可以了。 所以就揀咗呢間以前讀書吃過兩三次的小店粉麵鋪我哋嗌咗一個魚皮，都係脆身嘅，我覺得好食之後我自己嗌咗一個墨魚鬚魚角銀針粉，令一半就嗌咗牛腩撈麵。佢就覺得個銀針粉好好食(佢平時唔食的),我覺得墨魚鬚就冇乜特別反而個魚角就好食嘅我覺得 反而佢個辣椒油我覺得大家食辣嘅可以一試，另外我都見到佢可以買走。我覺得唔需要抱住好大期望，隨心吃隨心叫反而仲有驚喜

係 Airside 行咗個圈諗唔到食咩 ...碌返出去新蒲崗食銀針粉現在好少地方有銀針粉食啦！呢度仲要轉銀針粉唔洗加錢 ~~選擇困難症嘅我每次嚟都點魚三味銀針粉 +腩汁有哂想食嘅魚蛋、魚角和魚皮餃 ~~個湯清清地，加咗腩汁加啲味又加點色食完唔會好口渴 ~~● 魚三味銀針粉 (+腩汁) HK$30● 魚三味銀針粉 HK$30● 香脆魚皮 HK$16● 腐乳通菜 HK$18● 維他檸檬茶 HK$7● 樽裝可樂 HK$9** 以上分享是以我的口味、體質和情況作出分享及感受，一試 / 合用與否請自行決定

忙完正好是下午茶時段，就過來吃碗魚三味銀針粉($30)。白魚蛋+魚皮餃+魚片就是魚三味的主角，魚肉味不算太濃但有一種粗糙的真實感，不會是一口粉的那種。湯也沒下味精，順利通過我這個人肉味精測試機。配上自家製的辣油，不是死辣但能提香，喜歡的可以買一瓶回家。店內有玻璃樽的可樂($9)供應，遇上了就不要錯過了。不經常來，但每次也能保持水準，難得！店內座位不多，但不論什麼時候來，也總會有客人在。要是你運氣好，也許就能遇上相當健談又風趣的老闆了。

呢間係我由細到大既飯堂，應該屹立係新蒲崗超過30年~🤣四寶丸銀針粉加炸醬：😸😸😸/5 $45四寶丸其實就係魚皮餃+貢丸+墨魚丸+ 魚蛋。丸黎講呢間野不嬲做得好出色👍👍好多人都會買呢到d丸番屋企打邊爐！平時食開豬肉丸，真係好彈牙！d銀針粉又彈牙，個湯清清地對我本身食得清淡黎講係岩岩岩好！如果正係丸加銀針粉黎評分真係5/5， 今次得三分既原因，係因為個肉醬真係麻麻地🥲d豬肉太鞋。份量黎講亦都好足，一個女仔一碗都好飽！牛腩河：😸/5 $32D 肉真係好un! 個湯加左腩汁又太咸！好明顯係倒左好多醬去炆牛腩！食牛腩河真係去番食清湯河個d鋪頭算🥲魚皮（小）：😸😸😸😸😸：5 $16水準保持不變！依然好脆😌😌雖然叫細份，但份量都好多👍👍👍佢重有得加shake shake粉🤣好特別！詳情可以loop落去相後面睇！shake shake 粉有四種味道：咖哩，bbq，土匪同埋麻辣！總括嚟講，行過新蒲崗想食清清地可以黎食碗肉丸銀針粉！🤣

相隔大半年，又回到新蒲崗上課，上課時間剛好落在午飯前，又可以在附近覓食一番，開心上一次來還花了許多時間閱讀菜單，今次發現菜單轉了，更清楚易明，很快就決定好要吃什麼。墨丸米+筋腩 $40喜歡這裡的墨丸，不像現時的花枝丸/滿是肥肉的那些，是小時候的潮式味道，好懷念。四寶米+牛𦟌 $40另一半最喜歡吃雜錦，貪其什麼都有，可以試勻全部款式，每款丸都彈牙美味。油菜 $18芥蘭大大條，烚得軟淋，健康（起碼自己覺得）之選。時間預得太緊逼，下次要點上個炸魚皮慢慢吃。

午餐，與舊隊員相約，12:45 到達，需要稍稍排隊。二人用餐，需要與另外兩位客人共用桌子。儘管店子看起來是舊式潮州粉麵店，但領班的伙記很年輕，服務還算不錯，而且效率高。我點了魚三味銀針粉，特別要求多青蔥，並且加腩汁。湯匙裡還有一點天津冬菜，可以按自己照喜好下。整體分量比較小，就像泰國街頭的麵檔那種。魚三味配料包括了一粒表面粗糙的白魚蛋、一塊卷曲的魚蛋、一塊炸魚角和兩個魚皮餃。魚蛋有彈性，質地厚實，但味道不算濃。反而，魚皮餃味道豐富，且有嚼勁，讓人喜歡。

好耐以前已經食過呢間粉麵館，突然間又好想食牛腩河，經過新蒲崗就決定返嚟！重拾美好回憶！——————牛筋腩河 HKD40（大約）質素同回憶一樣！牛筋腩河果然冇令我失望！牛筋腩分量十足，味道亦都非常香，配上佢哋自家製辣油真係冇得輸！而且湯底亦都非常開心，我差唔多飲晒成個湯底！凍奶茶 HKD18（原價）呢個凍奶茶真係非常開心！要飲到一杯好飲嘅凍奶茶已經唔容易！如果你係凍奶茶愛好者，呢度嘅凍奶茶絕對唔會令你失望！茶味香，唔會俾奶味搶走茶嘅香味！當日我唔記得咗叫少甜，我自己覺得我冇咁甜，會再開心啲！但整體上都非常開心！——————評價：平民小店懷舊特色味道懷舊老店街坊麵店推介指數：❤️❤️❤️❤️❤️

新蒲崗人情味河粉舖💛💛環境有舊DD但唔會痴立立或者污糟，絕對可以坐得舒服同安心食用。第一次黎當然要揀一次過証晒全部嘅四寶丸啦！比起一D新或粉麵舖，合利嘅四寶有5個itemsssss, 好驚喜😍個人最中意貢丸、醃得剛剛好同好彈牙，墨丸同魚皮餃都above average！ 😋埋單30蚊好抵食（不過佢個麵底會偏少，胃口大嘅男同學可能要考慮加底）味道🐙🐙🐙🐙環境🐟🐟🐟服務🥰🥰🥰🥰

今日特登嚟到新蒲崗試下呢間舊式粉麵由於間舖幾細所以等左大概15分鐘左右見到筋腩同魷魚鬚都幾出名，就嗌左筋腩魷魚鬚銀針粉碗野嚟到，先飲一啖湯，湯底濃郁，好濃既腩汁味，但唔重味精味，好真材實料第一舊試下牛筋先，大大條，入口即溶，feel到炆左好耐，好入味好有膠質再試吓個魷魚鬚好有咬口好魷魚味佢嘅份量都好，祝起碼都有成3，4舊銀針粉係偏林唔係太好咬口同埋短身啲美中不足嘅係喺網上見到人哋會有菜脯，但係我呢張枱就冇啦 下次要試吓菜譜配銀針粉呢個配搭，聽人講都好好食另外嗌咗碗跟腩魚皮餃米線，佢嘅魚皮餃都好好食另外不得不提嘅，即係嗰個辣椒油店員order之後就會拎住一盤嘅辣椒油問你需唔需要，你點落去係簡直係畫龍點睛，你係feel到到咗辣椒油係好香好好食🤤魚皮都好脆好有魚味，見到有好多街坊都會特登買一包魚皮拎走