古早味澎湖台灣 (已結業)

太耐無去台灣laa!!黎左呢間餐廳食dinner回味一下台灣風味🤗台式涼麵拌麻醬涼麵配上青瓜絲 蘿蔔絲 芽菜 同牛肉絲份量唔少 加上味道濃郁嘅麻醬 好開胃!!👍🏼滿滿都是台灣的風味😍😍like it 😋酥炸鹽酥雞外皮炸得香脆同我喺台灣食到嘅一模一樣！yummy!!鹽酥豆腐個人覺得外皮炸得唔夠香脆 不過友人大讚好香口!!😝台式小雲吞可以配搭醬油食 味道不過不失 芋香鮮奶加仙草芋頭味出眾！黑糖珍珠鮮奶鮮奶味濃郁！最後叫咗個甜品綜合芋圓芋圓好大粒😍份量多到要滿瀉 好抵食

今晚放工約了朋友在紅磡吃個簡單的晚飯，來到了這間台式餐廳。先上菜的是古早味牛肉麵，牛肉是牛𦟌部分，非常厚切，但肉質出奇地鮮嫩，而且帶有香濃的牛肉香味。麵條選用了我喜愛的闊條麵，湯底混和了鮮味的牛肉汁，可以説是我在香港吃過數一數二美味的牛肉麵。酥炸雞扒湯麵，雞扒另上，炸得非常金黃香脆，炸粉薄，雞扒肉質嫩，份量十足，足夠二人食用。麵條也是闊條麵，配以清湯。炸紅糟肉，是非常地道的台式小菜，我只有在以前去台灣旅行時吃過，想不到香港餐廳也會有。選半肥瘦的五花肉，以紅糟醬醃好然後去炸。果然充滿古早味，酥脆又不油膩。珍珠茉香奶綠，平時大多都是喝紅茶底奶茶，想不到奶綠，味道清香馥郁，帶有茉莉香氣，非常有驚喜。

今日約舊同學晚飯，由於他的腳扭傷了還未痊癒，只好選擇在他家附近用餐。這家台式食店他經常光顧，反而我自己是首次到來，感覺也不錯。店內環境舒服，我喜歡可供6人坐的小圓枱，下次可以約多幾個同學仔一齊來。今晚只有我們二人，簡簡單單點了幾款：涼拌木耳：我最喜愛小食之一，口感爽脆，帶微酸夠開胃。海鮮粉絲煲：熱騰騰送到，香氣撲鼻，粉絲帶小小辣好惹味，海鮮算多，蝦同魷魚都很新鮮有口感。麻辣拼盤：豬肚、豬耳、腎片3款都好吃，尤其豬耳口感最好，如果再辣些更滋味。

兩個女仔約咗食野，行嚟行去最後入咗呢間安排左四人卡左俾我哋，環境都幾舒服，唔會好嘈餐牌上面有好多嘢食都想試，奈何得兩個女仔只可以叫少少試吓雞絲飯，淡淡油香 只係$48嘅軟殼蟹，有1.5隻，份量好多。入面啲肉都好飽滿，外面有一啲椒鹽味仲叫咗呢個豆腐煲，原先以為係飲得嘅羹 有蝦有魷魚有帶子 嚟到枱面嘅時候仲係滾兩塊勁大嘅魚食到口都累 但好好食 肉質好好！又唔會好熱氣唔會好油坐左差唔多個幾兩個鐘，中間都不斷有人為我地加水 服務很好唯一覺得豆腐煲略嫌價錢比其他高了一點 下次會來試吓台灣麵

星期六放工約咗大佬去黃埔搵食，係萬無目的嘅情況下，行過望吓門口個餐牌，見餐廳又有位，咁就試一試啦！入到去9成滿，安排咗卡位，餐廳內有播放啲台灣歌曲，如果再細聲啲就好啦。當日點咗2個午餐：1. 鹵肉飯，跟餐凍紅茶，鹵肉唔係肉碎，係好細嘅肉粒，口感比肉未好，咬口十足，豬肉味濃，而且醬汁冇平時食嗰啲咁咸同油淋淋，仲跟咗幾片日式醃黃蘿蔔。另有配菜3款，分別係醃苦瓜，食落酸酸哋嘅開胃前菜，少少苦甘。梅乾一粒（我同大佬不嬲都唔好，所以冇食）。肉粒（應該係雞肉因為見到有啲雞皮）食落味道似豬肉乾，肉身較乾，味道唔突出。2. 台灣牛肉麵，跟餐凍桂花烏龍茶，牛𦟌肉1cm厚三大塊，入口即溶得嚟都有咬口，牛肉味就唔太重。麵身比較粗厚，食落煙煙韌韌，湯清甜，不過我就略嫌有啲淡。跟餐配菜都係一樣。凍紅茶就好一般，淡口，勝在唔苦澀。凍桂花烏龍茶都係淡，帶咗啲清淡桂花香。兩杯凍飲都係無糖。其實可以加錢要啲芝士奶蓋或珍珠奶茶等台式飲品，不過我同大佬怕呢啲奶精飲品類頂肚，所以叫咗無糖茶。午餐有一款炒新竹米粉，見到好多人叫，我下次有機會試試。總括如果餐廳唔係爆晒，唔洗搭枱都坐得幾舒服，當日食嗰兩款食品就一般！

雙十節食台灣節都算係一個節日怪魔的小確幸， 但因為唔係假日，返工又預左ot，所以都係去咗附近食, 果然喺附近食唔需要點排隊。古早味其實即係傳統野， 咁我哋都係叫番大路台式菜。 花枝蝦排， 古早味牛肉麵， 香酥一口蟹, 櫻花蝦乾貝荷葉飯， 四季豆炒肥腸( 我都知呢個唔係台式菜， 但突然之間想食)花枝蝦排有啲似泰式炸蝦餅，但冇咁熱氣同埋多咗花枝。香酥一口蟹， 細螃蟹原隻酥炸，口感酥脆、蟹味鮮美， 再加上的鹹味辣味， 佐酒一流。櫻花蝦乾貝荷葉飯用嘅係糯米飯，滿滿一層櫻花蝦， 內有足料嘅干貝，香氣十足，又暖胃。古早味牛肉麵，大大塊牛展，入味，夠腍又有咬口，扁拉麵非常煙韌， 最重要係湯頭濃，美味。四季豆炒肥腸沒有川菜的辛辣， 鹹香的，配飯一流。總括黎講，價錢合理，多選擇，坐得舒服，可再來。

今日同同事喺紅磡食晏，搵到間食台灣嘢叫古早味既餐廳，喺黃埔站步行過去都係大約5分鐘，入到餐廳每人叫左個set lunch , 五十幾蚊有埋珍珠奶茶，價錢十分相宜，我點左個滷肉飯，跟埋開胃小菜，滷肉肥瘦適中不會太油膩，醬汁撈埋飯一齊啱啱好，我同事就叫左個雞腿飯，肉質鮮嫩，有淡淡既豉油香味，另外再叫個鹽酥雞軟骨，外皮香脆，軟骨爽口，跟餐仲有珍珠奶茶附送，餐廳地方寬敞舒適，雖然係食晏但唔會比你有趕急食完既感覺，職員服務友善，一定會再去

黃埔多美食，最後選了呢間台灣美食， 暫不去台灣旅行，選間台灣餐廳食止癮都好🤣🤣預早留座及7點來都有位，之後就要排隊。間餐廳望落約千五呎，裝修佈置以木為主及魚網，有漁村特色。睇了Openrice食評，最後點了九層手抓餅，酥炸軟殼蟹，牛肉麵，綜合芋園及台灣啤酒。最有驚喜好食的是酥炸軟殼蟹，香脆外層入面柔軟好味，失望的是綜合芋圓，大粒咀嚼較需時，冇乜特別，另外底下有好大嚿冰😥食完逛逛民泰街及德民街美食街， 會特別留意有人等位的餐廳及吉鋪🏬期待下次再食😄 #MagicCherry攻美食 🍒

每個星期日都煩惱中午去邊度食飯，估唔到亞仔會建議嚟呢度，之前都嚟過一兩次，可能佢覺得都係台式食物啱胃口。我都特登同佢商量之前試過邊啲菜式今次可以試吓其他唔同嘅菜式，睇下佢哋邊一款做得比較好啲。啊仔揀咗滷肉飯，佢哋嘅滷肉飯係半肥瘦嘅豬肉切細條，食落去唔會太肥膩；我幾鍾意前菜嘅酸梅，食完之後零舍開胃想食多啲嘢！我今次點了古早味滷排骨麵，佢哋嘅炸排骨嘢炸唔錯，同炸雞扒嘅方法一樣，而可能係湯麵嘅原因，有一陣好香嘅花椒八角滷水味，但係又唔會好搶，面底係粗面算淋亦有咬口。黑糖珍珠奶茶少甜之後嘅甜度就啱啱好，但珍珠就普普通通。仙草奶茶即係涼粉加奶茶，水準中上。我見其他分店係用堂食杯，唔知點解呢間嚟食幾次都係用外賣膠杯上飲品。

自從在台灣食過鹽水雞之後就想再食 但香港不多在黃埔逛街時看到有 所以決定去食試試素質如何店鋪剛剛開門 環境挻特別 像漁民小村落的環境我們也很快地下單 上單速度挻快的很快就上齊·台式鹽水雞飯 HKD$58 這個是鹽水雞𩨨 肉質挻滑不會感到太韌🤔另外還有配菜用來伴飯 味道酸酸甜甜挻開胃的·古早味牛肉牛筋麵 HKD$68 牛肉麵也是台灣名菜 湯底不太咸 肉質不韌挻入味份量不過不失 麵質不會太腍 快快食光再嘆飲品🤤這家店好像在其他區也有分店 剛好看到就試試🤣下次再試試其他菜式才行 素質不錯價錢不太貴

去左黃埔揾fd,我話想食台灣菜，佢就帶我黎呢間試下😂叫左個雞排湯麵，個雞排炸得好酥脆，佢上面灑左d粉，食落其實好似鹽酥雞咁，可能因為個雞排咁重味，佢配個碗麵係清湯麵黎，有d菜咁，食落比較清淡可以中和翻配左杯珍珠奶茶，呢個真係有種古早味，唔係平時出面飲開既奶茶味黎😂呢度午餐都會有三個配菜，居然仲有台灣腸😝另外叫左個嘉義雞肉飯，店員好貼心提我d汁係底要撈勻佢黎食💕撈勻個飯食落都係比較健康淡味既，而d雞就係手撕雞黎，方便食用最後叫左個花枝蝦排，呢個好特別，第一次見，炸到好酥脆，好好食，佢配左個醬，但我就覺得就咁食仲好d🤗呢度座位闊落舒適，lunch set配小菜同飲品都係五六十蚊，總括而言都幾抵食😊

明知TVB節目有伏但家母想食，只好帶佢去啦～～.7:30嚟到已經有人等緊位，我地等左15分鐘左右，唔算好耐，入面都幾多位，安排我地坐最入既卡位，廚房同廁所都喺隔離。.3個人叫左6款食物,1個甜品,1杯飲品 (5分滿分)1. 鹽酥豆腐 $38 呢個有驚喜 炸到剛剛好 唔會乾身 (其實係食左鹽酥雞之下有比較有傷害)2. 九層塔手抓餅 $28 食得出有九層塔既味道 但個餅冇咩特別 當主食都可以 小食就不了3. 炸紅槽肉 $45 呢個有D油膩 但其實醃得幾入味 我會再比機會佢 (如果我再嚟食)4. 酥炸鹽酥雞 $38 好乾而且好鞋口 豪大大都好過佢5. 干貝櫻花蝦荷葉飯 $88 糯米飯底 入面有蠟腸蝦米等配料 媽媽話D糯米有小小唔熟 但又煮又蒸我諗唔會掛?6. 三杯雞 $88 媽媽都讚阿呢個  話返屋企要學煮個人覺得咸左少少 但雞都幾多 推薦7. 綜合芋圓 $45食完上面D野 再3個人share就剛剛好 但都係普通質素 芋圓都幾大粒 同埋都有13粒45蚊值唔值就見仁見智啦8. 黑糖珍珠奶茶 $22媽媽話珍珠硬左D 但幾好飲.媽媽話要食既餐廳 點都要帶佢去明知有機會中伏都要去(好彩呢間都唔算中伏

睇演唱會前，到紅磡搵食，被餐廳內食客的銅火鍋吸引進內。大白菜醃製得好好味，湯底少少酸，少少辣，好惹味，成個鍋好多菜，啱晒花師奶口味。可惜夏天無火鍋料供應，經理話冬天才供應火鍋料。牛肉麵略嫌湯底唔夠濃，可能在台灣習慣濃厚的牛肉湯底，但香港食到如此水準，都相當唔錯。冬天要再黎食火鍋

之前有一日去完黃埔睇戲行完街就揾下夜晚有咩食係open rice 見到呢間台灣野見d comments 都ok 又唔算好貴所以就入去試下夜晚7點零唔洗等位就入得我地叫咗幾樣野食1. 炸蝦餅蝦餅好脆🤤但又唔會炸得好乾咬開都有蝦味 唔會話一pat粉咁 點埋甜酸醬好開胃😆2. 五味茄子係👦🏽話要食嘅 辣辣地加埋d蒜蓉都幾重口味可惜太油啦 食完之後成嘴都係油 同埋重口味到一定要撈飯食! 3. 台灣牛肉麵 牛肉麵係正常味 不過有d咸值得一提嘅係佢舊牛肉好厚切!!!!!而且都幾淋 麵都算彈牙整體幾好食4. 乾扁四季豆呢個豆! 勁咸!!!!!! 係有辣招酸菜肉碎mix埋幾惹味但真係好咸😭😭要撈飯同埋味精應該都幾重🤦🏻‍♀️抵讚嘅係佢個白飯有糙米ga 唔係普通白飯幾啱追求健康嘅人😄總括嚟講野食同服務都唔錯但我叫嗰d野食比較重口味同重味精🙈食完要飲多d 水!!!!!!

今日與朋友到紅磡食飯聚舊，遠處見到招牌十分搶眼，朋友對台灣食品很有興趣，我們便決定到這間古早味澎湖台灣啦！早前在旺角也吃過一次！今次是回味之旅😉店舖光線很充足，店舖裝潢運用大量既木材令人感覺好似置身於漁船一樣。😆既然來到主打古早味既店舖，當然試試佢地既牛肉麵同滷肉飯吧，我們還選了一款小食，其實餐牌還有很多不同的台灣特色食品，我和朋友還沒看畢整份餐牌，已經有菜上檯了。飯一上檯便留意到滷肉跟一般的不同，滷肉的肥瘦分佈是很明顯的一半半，這跟在台灣吃的滷肉飯十分相似，在入口咀嚼的時侯若然瘦肉過多，會容易感到肉乾及不夠香，反之，會容易感到很油膩。這碗滷肉飯做得十分平衡，絕對合格以上！🤤🤤湯底不過不失，不是很重藥材味的那種，微辣及帶有穩穩的牛肉味。個人很喜歡他使用了較粗的面條，每口都能掛上足夠的湯汁。牛肉處理得十分好，厚度足夠而軟腍，是一大亮點。😋😋在香港的台式餐廳也甚少找到的一道菜🤭紅槽及米酒作為醃料使這肉帶有微微的酒香跟帶有淡淡的苦澀，配上甜醬會帶出一種獨特的味道，會使人一口接一口地品嚐，真的建議大家到來也要一試這菜式！最後在珍珠奶茶的陪伴下度過滿足的一晚😚😚炸紅槽肉和滷肉飯十分出色，朋友也對