北料南麵 (已結業)

自從朋友一兩個月之前，介紹完呢間「北料南麵」俾嗜辣🌶如命既我之後，我一直都記掛住佢係心，但因為唔係個個朋友都食得辣，所以一直未有機會試！今日，終於揾到個肯同我去食辣既人🥺，的起心肝去食😍 見到佢個名甘有心思，話用北方既材料煮成啱南方人食既麵！我就諗起南拳北腿🤣 係咪咁勁先？😏 就等我今日會一會你🤣 見到店入面有簡介話鋪頭既老闆係去左四川食過好多間，先搵到一間好食，然後再自己拜師學藝！淨係呢個心已經好值得一試啦😍.而且餐廳有一個挑戰，如果20分鐘内，可以食完一碗正宗重慶麻辣小麵連湯，就可以免費哦！牆上面有好多成功挑戰既相。我今次就唔試啦，見到碗湯好多油，飲完應該會肥廿磅🤣.餐廳入面既環境光猛企理。食物選擇多。呢道既餐牌，係用膠板同marker, 可以循環再用，非常環保！店入面既麵食，有大同細兩個 Size 可以簡！麵底有三種：小麵、米線、薯粉！仲可以揀辣度，有微辣、小辣、中辣、大辣、超辣，走麻走辣，貼心。.📌麻辣豬潤麵大碗($37) ，小辣，麵底揀小麵! 份量非常多，而且厚切豬潤洗得乾淨，夠彈牙又唔鞋口， 剛好煮熟嘅豬潤口感真係一流！個人認為佢既豬潤比某知名豬潤麵更好食👍🏾👍🏾抵讚！另外

我點左牛腩大腸米線， 因為聽人講小辣唔夠辣所以叫左中辣，成碗米線簡單啲講， 得兩隻味， 就係死鹹同死辣。下午食到夜晚仲有果陣味在口。啲評倫仲讚不絕口， 我被騙了， 美好的一個假日都俾碗米線破壞晒

我同個Sis都唔太食得辣，但係落車就見到呢一間出名嘅四川麵店，所以就膽粗粗入去試下，真係膽搏膽！呢間舖頭好hard sell，好標榜佢哋係用正宗四川煮法，我唔知因為我冇去過四川， so it doesn't really a matter to me, 對我嚟講最重要就係好味。麻辣狂牛麵 (小麻 & 微辣) 餸係牛腩、牛展、牛柏葉、肥牛、菜，飲一啖湯，嘩！都已經辣到好似啲火箭爆發咁， 我叫只係微辣，都咁嘅程度！真係勉強頂落去！ 我覺得個麵好淋，嗰啲牛腩、牛展、牛柏葉、肥牛嘅味道都係好一般，同一般車仔麵店嘅味道差唔多; 個麻味我都ok得，但係啲辣我就真係受唔住。蒜泥白肉，味道好咸，豬肉好乾柴，我唔算喜歡。麻辣土豆絲，味道唔算太過辣，我都頂得住，仲有啲酸酸地，反為喜歡呢一個。黃金皮蛋同，我平時食開嘅皮蛋味道有少少唔同，唔知點解喺金黃色，味道都ok啦。海帶絲，又都係麻麻辣辣咁樣嘅味道，口感唔錯，不過點解乜嘢食物都係麻麻辣辣嘅味道呢？ 搞到好似食乜嘢都一樣咁。菊花蜜，好甜好甜好甜，搞到要自己加水落去，調反淡來飲。四川冰粉，味道好特別，滑滑捋捋又透明，但係個味道係好甜。綜合我食過所有嘢，得出一個

行過元州街，肚餓想食下午茶，見到呢間麻辣湯、重慶食品麵店，呢個時勢，入面仲有7成滿座，感覺吾會錯，一定有好嘢食。因為喜歡食辣，所以餐牌上所有嘢都想食，最後點左個黃金皮蛋、麻辣豬大腸麵。上餐時間都算快，皮蛋顏色好金黃，好爽、甜，配上麻辣汁，好味。豬大腸麵，麵質好彈牙，口感好好，有種手拉蘭州拉麵既感覺。配上麻辣湯係堅好味，而且辣度剛剛好。豬大腸都算好味，但比起啲車仔麵檔嘅大腸，略嫌浸得未夠火候。最後老細見我食到成身汗，送咗碗甜品比我解下辣。臨走見到有個肥佬叫左碗麻辣豬手麵，啲豬手樣貌身材都好吸晴，應該好好味，下次試完再寫。

得唔閒就會想食辣野，依家又正值封關時期冇得上深圳廣州食。上網search下見到有呢間食四川辣覺得幾吸引，又幾高評分，咁同女朋友揸車去食下。入到去見冇乜人，諗住係閒日所以生意差啲，就照坐低叫野食。叫左個麻辣狂牛同麻辣飛豬，我地都算可以食得少少辣所以叫中辣試下，加多杯凍野飲降涼。結果都算幾失望，除左辣味之外其實都食唔出其他味道⋯⋯係啲豬大腸叫好少少，其餘嘅餸同個麵都食唔出咩味。價錢尚可接受，但最多啱做街坊生意，並唔值得專登過去食。或者求其附近食碗譚仔米線會合理好多。食完嘅感覺就係: 冇下次。

深水埗好多特色小食店，而且有唔少係卧虎藏龍，今日我呢隻餓虎就嚟到呢間「北料南麵」尋龍。 我最鍾意呢啲點餐牌，可以循環再用，非常環保！第一次嚟食，一於叫個招牌嘅麻辣狂牛麵，佢有牛腩、牛𦟌、肥牛、牛柏葉，身為一隻又想食辣但又怕辣嘅淆底獸，就揀咗微辣走麻，果然辣度啱啱好，啱晒我口味。牛腩同牛𦟌都用秘製醬汁醃製過，非常入味，而且肉質都淋身，入口有融化嘅感覺，肥牛本身是白灼再加入湯麵底，沾上湯底有食火鍋嘅效果。牛柏葉就非常爽脆，麵質都彈牙，總括而言呢碗麵令我一試愛上🥰

因為疫情的关系，已经快四个月没有离开香港🇭🇰啦，以前周末都会跑去深圳感受一下内地的美食，最近只能在香港拼命的找，类似的美食！之前肉卡丘🦊也分享过一些比如麻辣串串之类的，今次又发现一家宝藏四川小食店，不但味道非常好👍，价格也都很便宜！而且非常亲切服务员💁几乎都是内地的，我看他们都用普通话交流这家店的老板是在重庆学过的，而且还有一个挑战，如果20min内吃完辣的面可以免单哦，墙上有很多挑战成功的！食物点评：🌟🌟🌟🌟🌟手撕鸡：太太太好吃，有点孜然味又有油泼辣子！5🌟猪软骨：味道略淡，可以放入抄手里吃，分量足！4.5🌟红油抄手：中规中矩，解馋不错哟。3.5🌟素皇面：味道好、份量足。4🌟店名：北料南面地址：深水埗元州街137号地铺

其實他們開店不久我已幫襯,第一次食時係小辣大腸麵,驚為天人麵粉味與口感軟硬度合哂我心水.結果一星期去了3次,由於我極喜歡辣,最後連大辣也可以飲哂D湯.其次是他們的小食,價錢超平,10多元也有一款.所以通常2人都2個麵,3個小食.真心希望現在疫情下小店能撐住.

Lunch time嗌外賣，今次試吓呢間食酸辣嘢南料北麵，4個主食，等大概半個鐘就送到。首先包裝得比較一般，雖然湯同麵有分開，但d湯冚唔實，整到所有外盒都油淋淋，其中我哋嗌左兩款餃子，佢又無寫邊盒係咩餃，仲要撈亂左個湯底，搞左一輪先分到邊盒打邊盒。味道方面其實都正常，但因為包裝問題，d麵質到一餅餅，個碗又細，倒左湯都分唔散d麵，而且太油膩，食完個肚都有d唔自在最好食就係個土豆絲，炒得夠爽口，酸辣味夠balance，惟一都係偏油，食到後面1/4就比油浸住晒。堂食可能好d，但外賣就真係唔會再嗌😩

衣間餐廳係小有係香港做到四川風味既餐廳，唔食得麻辣既朋友真係唸清楚先，中意食麻辣既一定要試下！麻辣牛腩麵，衣碗係大既，湯底已經叫左小辣，但都係咁濃就知點解我話衣度岩麻辣控！食麻辣最緊要夠麻，同個香味係重點，衣個湯底我比100分識食四川野既就知點解我揀衣個碗豆炸醬麵，非常地道的四川麵食，完全冇另我失望，好足料小食叫左麻辣海蜇，皮蛋蛋同蓮藕片，醬汁做得好好，好夠麻，三樣都唔錯好好食，唔好睇佢細細碟，份量好多，個人特別推介皮蛋

呢日跟同事去順豐寄嘢，順便喺附近搵嘢食，同樣係深水埗，但近嘉頓嗰邊少人勁多，我自己都比較鍾意喺依頭覓食。之前已經有留意過呢間「北料南麵」，但一直無想去食嘅衝動，直至最近愛上咗試辣🙈。餐廳比想像中大，而且環境都算幾光猛，乾淨企理。食物選擇幾多，如果唔食得辣，其實都可以揀豬骨湯。不過一場嚟到，同事都被我感染咗，一齊食辣，無事嘅，最多一齊喊嘅啫🤣。只要嗌正餐(飯麵)或者大份小食，就可以用優惠價加配飲品，都幾抵。由於只係加幾蚊，眼見大部份客人都有課金😉。我想食辣，但又唔係好食得，於是寫咗微微微辣😅，而店員呀姐係有睬我㗎，我嗰個係「微微辣」；同事維持係「微辣」，哈哈。不過一上菜，我哋都有啲心寒，因為兩樣睇落都好辣咁🌶🌶🌶。主角出場喇，麻辣手撕雞撈麵(細)($34)，微微辣走蔥。本身我誤會咗係涼麵，原來係熱嘅拌麵，又係另一種風味。未食之前，知係熱麵後，即刻驚會再辣啲，而且見到每條麵條都上哂色😰，啲辣撈得好均勻咁。另外，即使呢份撈麵係細份，份量已經好夠我食，啱啱好。不過一食我就發現隻辣仲係可接受範圍，雖然我都曾經一度咽喉過🥵。呢隻麻辣味好好食啊😋，夠麻夠鹹，幾特別，暫時未喺其他餐廳食過。但食到尾段我

好麻好辣嘅麵，絕對值得一試再試，推介！今日同屋企人試咗豬軟骨飯、手撕雞飯豬腸撈麵同豬耳（小食)，鍾意食辣嘅我覺得好好好味，夠晒麻。老人小孩就對手撕雞飯讚不絕口。

依間舖頭我已經唔止食過一次，佢地新開張嗰段期間都有黎食，止係一直都唔記得影相寫食評，今日我終於記得啦！佢地主打嘅就係麻辣麵，之後仲可以配唔同的餸，你們可以參考一下餐牌先對於我黎講，種類都算好多，都有試過不同的餸，而我最鍾意食就係大腸麵啦我都唔算好食得辣，但你知道如果唔食辣又唔好食，所以第一次食都硬住頭皮試下食微辣。但岀乎意料地係我可以接受的辣度，我係鍾意佢地嘅麻度十足。食完一啖又會忍唔住想繼續食嘅感覺。想挑戰食辣嘅朋友，依間餐廳應該唔會令你失望嘅

深水埗好多好野食，但係慘在糧尾所餘不多....今日決定同同事食四川麻辣麵，午飯時段不算太多人，而且環境麵坐得舒服。我地叫左麻辣牛肉麵、重慶酸辣粉同一個小食：黃金皮蛋。牛肉麵幾正，至於重慶酸辣粉就未必人人岩食，如果鐘意食麻辣的人係會幾鐘意的！小食黃金皮蛋，唔記得影相就經已食哂了.....之後再聽同事講，原來鋪頭的老細係去四川食過好多間，然後再搵到一間好食的，再自己拜師學整的！淨係呢點已經值得幫襯了！

而家小店真係賣少見少，所以都偏好去食小店支持一下。呢間麻辣店店鋪細細，主力當然係食辣野，我就叫左一碗麻辣小麵加餸，湯底夠香夠麻夠辣，湯麵如果湯底好味，咁碗麵都唔會差得去邊。可以覆食之選