影片
港鐵深水埗站 D2 出口, 步行約6分鐘
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
自從朋友一兩個月之前，介紹完呢間「北料南麵」俾嗜辣🌶如命既我之後，我一直都記掛住佢係心，但因為唔係個個朋友都食得辣，所以一直未有機會試！今日，終於揾到個肯同我去食辣既人🥺，的起心肝去食😍 見到佢個名甘有心思，話用北方既材料煮成啱南方人食既麵！我就諗起南拳北腿🤣 係咪咁勁先？😏 就等我今日會一會你🤣 見到店入面有簡介話鋪頭既老闆係去左四川食過好多間，先搵到一間好食，然後再自己拜師學藝！淨係呢個心已經好值得一試啦😍.而且餐廳有一個挑戰，如果20分鐘内，可以食完一碗正宗重慶麻辣小麵連湯，就可以免費哦！牆上面有好多成功挑戰既相。我今次就唔試啦，見到碗湯好多油，飲完應該會肥廿磅🤣.餐廳入面既環境光猛企理。食物選擇多。呢道既餐牌，係用膠板同marker, 可以循環再用，非常環保！店入面既麵食，有大同細兩個 Size 可以簡！麵底有三種：小麵、米線、薯粉！仲可以揀辣度，有微辣、小辣、中辣、大辣、超辣，走麻走辣，貼心。.📌麻辣豬潤麵大碗($37) ，小辣，麵底揀小麵! 份量非常多，而且厚切豬潤洗得乾淨，夠彈牙又唔鞋口， 剛好煮熟嘅豬潤口感真係一流！個人認為佢既豬潤比某知名豬潤麵更好食👍🏾👍🏾抵讚！另外跟餐加$6要左杯豆漿！.📌麻辣牛腩麵細碗($29)，中辣，轉米線! 一上菜，睇落好似好辣咁。顏色同小辣已經完全唔同,深色左好多, 聞落幾香，先淺嚐一啖湯底，唔算太辣！唔好俾碗麵既紅油呃左，湯底唔夠濃味唔夠麻辣味唔夠香！但可以接受的！層紅油唯一既作用只係keep住碗麵食到最後都係熱嘅👍🏾 米線麵身夠爽, 爽得黎夠煙靭！細size麵既份量已經好夠一個女仔食！秘製牛腩, 味道還可以! 份量夠多，有六至七舊腩位，肥瘦比例剛好, 肉質炆得夠淋身帶咬勁! 呢碗麵食完唔會覺好好口渴，可見佢唔會好重味精！另外跟餐加$6要左罐Zero！(利申:譚仔食開二小，覺得呢度既中辣可以辣多少少，下次試大辣).另外，我地叫左兩個小食:麻辣黃金皮蛋同麻辣鹵味豬耳！.📌麻辣黃金皮蛋(小份) $15我地平時食開既黑色皮蛋係廣東醃法，用石灰/化學鹼醃製! 會有比較重的鹼味。而金色皮蛋係四川醃法! 用天然草木灰醃製！黃金皮蛋顏色金黃，表面晶凝通透，質地似硬身既啫喱！蛋黃帶溏心 ,有蛋黃香！外脆內軟，味道比黑皮蛋易入口！配上蒜，蔥，芝麻同微辣既麻辣汁。有層次！好食！.📌麻辣鹵味豬耳(小份) $23豬耳口感爽脆有嚼勁！唔辣！帶點鹵味既味道！.總體嚟講，抵食！性價比高！難怪位置咁偏僻唔方便，都算多人食！有機會會再去試下佢既大辣同撈麵！😉
繼續閱讀
我點左牛腩大腸米線， 因為聽人講小辣唔夠辣所以叫左中辣，成碗米線簡單啲講， 得兩隻味， 就係死鹹同死辣。下午食到夜晚仲有果陣味在口。啲評倫仲讚不絕口， 我被騙了， 美好的一個假日都俾碗米線破壞晒
繼續閱讀
我同個Sis都唔太食得辣，但係落車就見到呢一間出名嘅四川麵店，所以就膽粗粗入去試下，真係膽搏膽！呢間舖頭好hard sell，好標榜佢哋係用正宗四川煮法，我唔知因為我冇去過四川， so it doesn't really a matter to me, 對我嚟講最重要就係好味。麻辣狂牛麵 (小麻 & 微辣) 餸係牛腩、牛展、牛柏葉、肥牛、菜，飲一啖湯，嘩！都已經辣到好似啲火箭爆發咁， 我叫只係微辣，都咁嘅程度！真係勉強頂落去！ 我覺得個麵好淋，嗰啲牛腩、牛展、牛柏葉、肥牛嘅味道都係好一般，同一般車仔麵店嘅味道差唔多; 個麻味我都ok得，但係啲辣我就真係受唔住。蒜泥白肉，味道好咸，豬肉好乾柴，我唔算喜歡。麻辣土豆絲，味道唔算太過辣，我都頂得住，仲有啲酸酸地，反為喜歡呢一個。黃金皮蛋同，我平時食開嘅皮蛋味道有少少唔同，唔知點解喺金黃色，味道都ok啦。海帶絲，又都係麻麻辣辣咁樣嘅味道，口感唔錯，不過點解乜嘢食物都係麻麻辣辣嘅味道呢？ 搞到好似食乜嘢都一樣咁。菊花蜜，好甜好甜好甜，搞到要自己加水落去，調反淡來飲。四川冰粉，味道好特別，滑滑捋捋又透明，但係個味道係好甜。綜合我食過所有嘢，得出一個結論，就係我唔太鍾意食。 食完呢一餐之後，我成晚飲咗好多水。 睇嚟唔太適合我。
繼續閱讀
行過元州街，肚餓想食下午茶，見到呢間麻辣湯、重慶食品麵店，呢個時勢，入面仲有7成滿座，感覺吾會錯，一定有好嘢食。因為喜歡食辣，所以餐牌上所有嘢都想食，最後點左個黃金皮蛋、麻辣豬大腸麵。上餐時間都算快，皮蛋顏色好金黃，好爽、甜，配上麻辣汁，好味。豬大腸麵，麵質好彈牙，口感好好，有種手拉蘭州拉麵既感覺。配上麻辣湯係堅好味，而且辣度剛剛好。豬大腸都算好味，但比起啲車仔麵檔嘅大腸，略嫌浸得未夠火候。最後老細見我食到成身汗，送咗碗甜品比我解下辣。臨走見到有個肥佬叫左碗麻辣豬手麵，啲豬手樣貌身材都好吸晴，應該好好味，下次試完再寫。
繼續閱讀
得唔閒就會想食辣野，依家又正值封關時期冇得上深圳廣州食。上網search下見到有呢間食四川辣覺得幾吸引，又幾高評分，咁同女朋友揸車去食下。入到去見冇乜人，諗住係閒日所以生意差啲，就照坐低叫野食。叫左個麻辣狂牛同麻辣飛豬，我地都算可以食得少少辣所以叫中辣試下，加多杯凍野飲降涼。結果都算幾失望，除左辣味之外其實都食唔出其他味道⋯⋯係啲豬大腸叫好少少，其餘嘅餸同個麵都食唔出咩味。價錢尚可接受，但最多啱做街坊生意，並唔值得專登過去食。或者求其附近食碗譚仔米線會合理好多。食完嘅感覺就係: 冇下次。
繼續閱讀