勝記酒家 (已結業) 查看

好友聚會，又要食，又要不限時，又預大家要飲番幾杯的話，去粵菜館食晚飯就是最佳的選擇。這一天，會合了幾位以前灣仔的 lunch 飯腳晚飯，聚舊的活動當然是飲下食下，唔想有時間限制。舊同事推介過，酒肉朋友推介過，以前叫《兜記》的《勝記》，是一個又食又可以摸杯底的好選擇。位於羣策大廈，是一間比較有 private 感的上樓中菜廳。地方不太，又有少少 private，所以好受商家歡迎。當日其實失策了的，因為我們都不太好酒，所以半支酒也沒有帶上，所以，我們只有臨場叫啤酒飲。此餐廳沒有提供啤酒杯，一人一來個戰鬥碗，令大家飲得更加之盡情。前身的《兜記》，馳名的是即場燒的乳豬。我們沒有預訂也可以叫一個例牌份量來品嚐。豬皮香脆，夾著軟包同醬一起吃，味道更佳。只是我們都嫌例牌的份量太少。另一個例牌燒味雙併，一份叉燒加一份燒鵝。燒鵝味道香濃，燒到化皮，而叉燒是又腍又香的梅頭肉。這一刻，大家都想到飯，而結果就是，每人叫了一碗白飯。胡椒豬肚湯，是一個出外飲食才會叫的湯。這兒可以說是做得很出色。咸菜帶出了一定的咸酸香，豬肚夠腍，很易亦很好咀嚼，湯有咸香，有酸香，也有辣辣地的胡椒香，整個感覺很美妙。砵酒焗蠔，原隻的

食咁多餐都未見過服務咁差。有個肥中女穿黑色西裝的 問兩問菜單已經語氣唔耐煩態度差。咁問完同一班朋友商量想食乜再點.話轉頭落單 之後揮手勁耐 條身形寵大又化濃妝架中年女MANAGER行過都扮睇唔到走左去。 個中年女MANAGER女人應該係經理部長。POOR ATTUTUTE ANd MANNER不單止 仲聽到佢對班細架呼喝同鬧人添。影衰餐廳 我係食客絕對因呢個女人絕對唔會再來 除非炒左呢個女人。同埋要對單。點套餐會不停水你轉貴野 。要問清楚價錢。亂來的。真想駡返個經理 寫呢編野睇返其他人評價 態度差 亂收錢 食物油膩 希望店老闆睇到咁多劣評 改善 唔係一定無生意

灣仔幫襯開酒樓，執左2間了。所以要另尋揾食地了。呢坐嘢有2間酒樓，之前幫襯過，不過太耐了。今日試左其中一間先。上到去，人真的不多，半間酒樓都唔夠。坐低見到set餐具，係吸引嘅，胃口都好D。呢個炸兩好正，真係即整，因為個油炸鬼仲脆嫁。個腸粉亦夠滑，仲好長添，咁到低佢係一條過定係幾條，再切左頭尾變左一頭過呢？仲叫左叉燒包，一間酒樓最基本 一定要試過嘅叉燒包，所以必試。可以喎，唔太甜，個包身唔濕唔乾，適中。整體個叉燒包係令你想再幫襯嘅。另外粉果都係酒樓基本，睇得出師父功夫好，個皮薄得黎，夾唔爛嘅，餡料亦都足。價錢唔太清楚，大約中價，都可接受嘅，想食中菜又唸唔到食乜，可以黎。

朋友近來搬了office到灣仔，約埋一起到附近晚飯，發現這間勝記酒家就試下先，這間酒家較為舊式但乾淨企， 為慶祝喬遷之喜梗係要大魚大肉囉，先呢一隻紅燒乳豬這裏的乳豬非常了得，皮脆肉嫩， 脂肪有不會太肥， 這裏還很細心安排熱辣辣蒸好的薄包片連夾乳豬醬一起食用， 還可以減少油膩， 非常滋味。大家都非常讚賞。其餘小菜都好出色， 佛手瓜煲豬踭湯，菠蘿生炒骨，梅菜蒸菜心， 椒鹽鮮魷，這些都是大眾化小菜但這裏煮得非常唔錯， 還有一啲傳統冷盤小食子薑皮蛋。這間酒家給人感覺比較傳統老式，侍應都有些上年紀的，但非常用心招待有禮， 食材又有質素，整體非常唔錯值得支持這些老店。

星期日茶樓飲茶一般都有人滿之患，如果沒有預早訂檯， 就要逐間去碰下運氣。誤打誤撞上左灣仔群策大廈 三樓 “勝記”，經理話已經執緊枱等五分鐘就可以就坐。原隻鮮蝦腸粉 是特點 $31.80，蝦腸的蝦相當新鮮，大隻爽口 ，但腸粉就太削易爛；鮮蝦菜苗餃 的皮也是同一個問題，唔夠煙韌，一夾落去就漏曬啲餡料出嚟，但勝在餡料充足好味，爽口彈牙，菜苗餃應該多點菜就更好；蟹子燒賣味道一般 豬肉太多 好死實!沙律鮮蝦角 就唔係好掂 ，個皮可能炸起放得太耐，好韌皮，一啲都唔脆口!另外我們開了一壺壽眉，但茶葉有一陣好舊的味道，建議下次最好自己帶茶葉 。總括來說，“勝記” 地方清潔，服務合格，食物水平一般，勝在價錢合理。

是日為加班日。在灣仔勝記晚飯填飽個胃，返公司繼續打拼。星期五晚上夜晚才打電話留位，竟然可以有一間房安排俾我地，安排很好👍🏻乳豬全體來勝記，夠人數就必試乳豬前後試過兩次，水準一樣乳豬皮不帶肥，薄，香，脆！而且跟乳豬有薄薄的包片，一齊食就不會膩乳豬脆皮下有很多乳豬肉！煎蠔餅食落勁似菜莆煎蛋🍳不出色的蠔餅炸鮮魷鮮魷非常厚肉炸醬略厚啫啫生菜🥬好惹味！啫啫芥蘭食得多原來生菜都好好味入晒味！脆梅骨排骨好靚，半肥瘦甜的外皮包圍著炸排骨香脆可口，美味！值得一試

同長老團年，梗係搵間唔使等位+唔使食得趕頭趕命既。睇左食評，知呢間野食物ok 但出名服務差既，所以一早同長老打左底，有定心理準備，長老當然識做😅所以無中伏。見佢都係多做熟客生意。野食中規中舉，乳豬係最好食既，其他例如蝦子柚皮，生炒骨，大班兩味（份量比較少），豆士零魚油麥菜呢d野食味道尚可，一般小菜館既質素，甜品有紅豆沙係好食既。價錢方面略高於一般小菜館，好彩open rice 訂位有八折，折後價錢合理😅好唔久來一次係可以既

覓食在灣仔，本來也不抱太大期望，但仍然失望。先說贊的:乳豬⇒皮脆、啖啖肉，，最重要沒肥膏，吃不停，算有驚喜。咕嚕肉⇒鬆軟、甜酸度剛好，豉油皇鵝腸⇒ 鵝腸頗爽口，但這個吃法不上味，沒火喉，都是平時豉椒炒的方式較惹味。其他的都只得其名，功夫未到:泥鯭粥: 沒有魚鮮味，吃不出個泥蜢味道;杏汁豬肺湯: 過咸陳皮煎魚腸:完全食不出陳皮、魚腸，因為太乾簡直認不出是魚腸蒜香肉蚧蒸飯，飯中沒有蚧鮮味冇特色，食其中一件還有點點腥腥的、沒什麼蚧肉。乳鴿不過不失囉再回頭嘅機會低。

即燒全隻乳豬不是即燒，肉是凍的，味道嘗算可以。咖哩炆牛腩超難食，只是冇味牛腩淋上咖哩汁。大魚兩味的頭腩不新鮮兼味道差，食過最差的頭腩。絕不會再幫襯！覺得十分失望。

公司食晚餐 要左間房 食物就一般般啦 個經理好識攞錢 但係食物質素又麻麻地啲侍應唔係咁識做 老細講嘢大家都停晒手咁聽冇得食飯 侍應見到咁樣仲要將啲餸一個一個咁樣上。。。我我哋個個眼白白睇住個餸熱辣辣香噴噴咁上 再放到凍哂都冇得食 好無奈 老細仲未講完我又唔出得聲侍應叔叔見到我哋冇得食應該放埋一邊用個蓋蓋住 等佢冇咁快凍啊嘛當日14度 仲要食冷飯 真心陰公 平時我食飯都會影幾張相寫食評嘅 嗰日真係冇心機。。買單嗰陣個經理仲開口要貼士救命呀你咁嘅服務咁唔識做仲想要錢 你想要貼士唔係咁樣㗎嘛

勝記之前叫兜記，之前都有食過，咁岩依家訂枱有8折，所以決定一試。上到去唔係好多人，有6/7成滿。我地叫左3餸1湯，當晚例湯係沙參玉竹煲龍骨，都幾好飲，夠味，分到6大碗，唔錯。之後上枱嘅係紅酒牛尾煲，香噴噴，不過牛尾煮得唔夠腍，有d乾同硬，但就幾大舊同埋都幾多肥膏，鐘意食肥膏嘅朋友岩哂跟住就到啫啫芥蘭，一開蓋就聞到好香嘅蝦米同咸魚味，不過都係略嫌d芥蘭煮得唔夠腍，好有咬口之後食嘅係蒸沙巴龍躉，d肉都係硬左d最後要反映嘅係服務態度有待改善，當我地仲食緊餸扒緊飯嘅時候，服務員問都冇問已經上埋糖水😅

都唔係食第一次，次次啲服務態度都好好，而且都好好味! 所以每次有聚會都會想訂枱食飯! 點知琴日同班朋友食飯，有位女仕serve我地，好惡，問好似爭個餸未有check完大大聲話都無落到咁，其實都係想知有無姐，做咩要自己受咗氣發落顧客度呢... 之後幫我地執枱，推倒杯茶倒咗落個朋友部電話倒，對唔住都無，扮睇唔倒即刻行開咗，啲野執淨喺度... 其他男部長全部都好好人，係第一次遇到尼住女仕真係怕怕了。食物依舊好味，乳豬秒速消滅👍🏻👍🏻

別以為嘢食好味，就要客人就看女主任面色。客人上來晩飯除咗享受美食，也要尊重客人的感受！生意好人客多忙碌，就可將怨氣發洩在客人身上。看你女主任面色，呼喝色招待。有冇搞錯，我們要俾錢食飯呀！你熟悉的客人就是客人。看open rice 上來就係不用理會好客人。例湯咁簡單要等20 分鐘。仲覺得客人吹單是有問題🤨！嘩真係叫「勝記」連女主任職級都可以咁工作態度！我都想同佢老闆講，老員工老油條要教育。要與時並進學習工作良好態度好重要。

味道好一般 乳豬算係唔錯 小炒皇炒得唔好食 沒乜嘢風味 桶蠔煲都麻麻 關鍵服務質素唔掂 特別係負責寫單嘅阿叔服務態度可以話係惡劣 服務質素一般 特別係寫單個位阿叔啲態度可以話係惡劣 ～～～～～～～～～～～～～～～～～～～～～～～～～～～～～～

我好鐘意飲茶，因為勝記係我哋公司附近，所以佢已經成為咗每星期必去飲茶地方，我地鐘意佢哋嘅服務態度好，環境寬敞，最重要嘅就係價錢係灣仔區嚟講佢算係比較相宜嘅一間酒家，講到食物佢哋嘅泥鯭粥係必選菜，佢哋嘅點心都做得好好，各位如果有機會係灣仔區附近想飲茶嘅話，呢間一定係推介！