勝記酒家 (已結業) 查看

很喜歡跟這位長輩吃飯，因為他過去的遭遇起伏跌盪，人生閱歷豐富，半百年華已逝，至今，似乎都能把世事看透。聽君一席話，勝讀十年書。他算得上是懷舊派，喜歡古事古物，相信傳統中菜就最合其心意了。我們於是來到灣仔勝記酒家，品嚐一頓充滿老香港情懷的午餐，同時好讓小妹學習處世大道理。知道這間酒家主打乳豬，剛好看見推廣餐牌，半隻只售$198，全隻則是$368，如此抵吃，一定要試。另外還有點心、風味小食、炒粉麵飯等，都是普遍的款式。至於午市套餐頗為經濟實惠，適合2至3人享用那款，包括2款點心、1款湯羹、1款小食、1款蔬菜、1款粉麵飯，只需$298。商量過後，我們決定散點幾道小菜。鹵水鵝掌翼($68)率先上場，份量不賴。觀其色澤偏淺，還在懷疑味道是否足夠。放進嘴巴，憂慮全消，因為鵝翼泛著馥郁的鹵水香，並散發醇厚的酒味，連皮下的肉也很入味，而且不會過鹹，空口品嚐也全沒問題。鵝皮爽滑不韌，容易咬開，與長輩分享亦未嘗不可。今餐最期待的菜式終於抵步！半隻懷舊醬烤豬($198)切成一件件，整齊排列，看其均勻的色澤，已知火喉控制得宜。乳豬入口輕脆，皮下脂肪不多，可能是廚師先把多餘的肥膏除去，故此不會覺得太油太膩，反而

外國朋友來香港第一晚，當然要食粵菜。選了灣仔勝記酒家，前身叫兜記，最岀名就是即燒乳豬，一場來到絕不能錯過。懷舊醬乳豬原來懷舊醬乳豬現有大特價，半隻才$198，十分抵食！乳豬外皮香脆，多肉軟腍，秘製懷舊醬鹹甜平衡，蘸少許更加惹味。陳皮煎魚腸($88)第一次食煎魚腸，完全沒有腥味，反而有陳皮更加帶岀魚腸獨有的鮮味。原先擔心外國朋友未必合口味，想不到外國朋友也吃得津津有味，更表示這是全晚她最喜歡的一道菜！其實我也最滿意這道煎魚腸呢！金瑤琵琶豆腐($88)豆腐內釀入蝦膠，煎至兩面金黃色，賣相吸引。每件琵琶豆腐都外軟內彈牙，口感和味道很豐富，加上瑤柱汁，提升鮮味。蛋白薑米蒜香蟹飯（$168)另一道我們都很喜歡的菜式！蟹和飯同蒸，令飯粒盡吸蟹的鮮味，加上薑和蒜蓉，香氣撲鼻。蟹也新鮮多肉，叫人滿足。最後店員送上免費甜品，這晚有桂花糕，甜度適中，淡淡的桂花香味道討好。食物質素很高，而且職員全都服務殷切有禮，笑容滿面，這晚選擇了帶外國朋友來勝記實屬明智之選。

今晚出席參與「香港演藝學院」好友製作的記錄片「一水枯榮」首映！近近地係灣仔搵食！點指兵兵點咗呢間「勝記」！估唔到唔止唔錯、仲非常正添！有鑊氣！符合我一向對食物水準要求及經濟原則、平靚正！服務不過不失！👍🏻😜😜😜***是晚宵夜菜單：拆肉泥鯭粥-泥鯭少咗D、但粥底夠綿！乾炒牛河- 牛肉炒得好靚、有鑊氣！乾撈粉絲煲- 夠乾身！可惜可能唔記得落味、除咗乾身冇味道！上湯浸豆苗- 好耐冇食個炒得咁靚嘅豆苗！👍🏻😋四人埋單$660、值得推介！😋😋😋

預訂到入座都ok。菜式係一般廣東家常菜，味都ok，不過15人就要叫多碟，唔係就啱啱一人一舊。但係可以食多幾樣。啤酒係每次重點，不過冇咗兩支特價，都未飲到廿支asahi。隻豬比想像中冇咁肥，但有啲啲凍，不過都好食。可能我地都冇乜叫海鮮個啲，所以都唔貴，扣埋酒水，超平添！人手唔算好唔夠，但係都一叫就有人既。一大班人既話算好抵又好坐。最緊要枱夠大，14,5人都夠坐。不過埋單佢話openrice得九折，同埋叫咗一隻豬冇送過支酒。

這天晚上約了朋友到灣仔吃晚餐，我們決定吃中菜。朋友曾因出席公司活動而吃過「勝記酒家」，覺得很不錯，所以這次帶我們去試。酒家位於灣仔碼頭附近，很是方便。店面：裡面人山人海：餐單印刷精美，上面有各種食物的圖片：每道菜看起來都很美味，很難選擇。梅子酸薑蒸魚雲$108非常鮮味，醬汁令人胃口大開。魚雲表面有光澤，口感綿滑，入口即溶，完全無腥味。梅子酸薑為味道增添特色。唯一美中不足是太多骨，吃了一點點魚肉，已製造出一大碟骨。是日老火湯 $188 (4-6 位)湯火候足夠，滋味無窮。甜度適中，又能止渴，令我即時放棄茶轉喝湯。乾煸四季豆 $78夠爽脆，軟硬度適中。配菜為整道菜增添鹹味。菜脯蠔仔煎蛋 $98夠乾身，蠔仔和蛋的比例均勻。蠔仔夠新鮮，沒有奇怪味道。我們都很滿意這道菜。乾隆醉雞 $58是冷盤來的。有酒去調味，吃後齒頰留香。雞肉肉質鮮嫩，不會太膩。香煎蓮藕餅 $98很久沒吃過蓮藕餅，所以很是期待。炸得外脆內軟，味道較像豬肉，蓮藕的味道不是太明顯。粟米石斑塊 $148炸得金黃香脆，淋上粟米蓉，變軟後更美味。魚肉嫩滑鮮甜，夠稔身，不錯。懷舊醬烤豬 $198 半隻聽說這是限時優惠，真是非常抵食。烤豬皮

搵到好野食一定要同大家分享， 呢間位於灣仔杜老誌道 60號群策大厦3樓（ 勝記酒家） 面積唔算好大，但感覺舒適， 最緊要係食物水準夠高 ，其實我都係第一次幫襯呢間酒樓， 色香味俱全嘅菜式， 除咗食物要新鮮，當然就係廚師嘅廚藝喇，從每款菜式味道就知道厨師功力高超，總有就系用料十足，但價錢合理，聽時應講今年8月先開始營業紅燒大鮑翅$298勝記乳豬~例~$150薑蔥美國桶蠔煲$168菊花五蛇羹$88西蘭花炒帶子$188

這天想吃乳豬，在朋友介紹下來到這間酒樓吃！位置在灣仔，算是挺方便。先點了個花雕醉雞，花雕味很香很濃，還有有杞子香。到了期待已久的醬燒烤乳豬！點了半隻，乳豬排成長長的一行，非常整齊。乳豬外皮極脆和香口，味道和平常吃到的有點不同。這隻豬肥膏較厚，很美味。鮑魚辣度十足，蒜蓉和辣椒的比例剛好，味道不錯！鮑魚肉有咬口，彈牙鮮甜。泡椒龍等頭腩，非常惹味。頭腩滑溜，魚皮和魚肉間充滿膠質，挺黏口，富有豐富骨膠原。泡椒辣度適中，不會過辣，敵合怕辣的朋友！

又來到周日，上星期同兩隻小鬼去咗登高，然後食放題，今個星期，天氣雖然唔算好好，天陰陰，不過亦無損我和家人外出舒展一下筋骨嘅雅興。行完山後，兒子提議一家人去飲茶。都好，反正已經很久沒和這小伙子坐埋一齊食點心。以前住灣仔嘅時候，經常會去杜老誌道群策大廈覓食，而今次我地就揀咗位於三樓、以即燒乳豬作招徠嘅「勝記酒家」。店內地方不大，一眼望曬，用餐區以圓檯為主，而且椅桌擺放得有點密麻，帶街坊飯店 feel，不過環境唔錯，光猛潔淨，配上一室簡約裝潢，整體感覺亦蠻不俗。先開壺老公至愛的鐵觀音，然後再慢慢剔點心。細看價目表，小點：$17.8、中點：$22.8、大點：$26.8、特點：$31.8、精點：$36.8，而茗茶就每位 $6。點心分為四大類，有蒸點、煲仔飯/腸粉、煎炸點和精美甜點，另外亦有風味小食、即叫即燒乳豬、各式燒味、廚皇粉麵及多款可供兩位至五位享用嘅午市套餐，選擇不少，豐儉由人。由於知道店子最出名就係乳豬，所以決定先來一客懷舊醬烤豬例牌 ($150)。碟乳豬分量不多，只得 7 件，上桌時會跟一籠餅皮和醬料。先挾起一片乳豬試試，皮薄而鬆脆，入口充滿油香，而且師傅在上檯前已事先片去黏著乳豬皮的

今日一行三人喺灣仔好早放 lunch，見時間咁充裕又咁早決定去公司附近嘅酒樓碰一碰運氣，因為通常去到12點半1點嘅時候，如果你冇訂位基本上係冇可能有位，今次好彩，未夠12點可以直接去到坐低其實留意左呢間酒樓嘅特價醬烤豬好耐，因為有其他同事食完都話個皮好脆，而且好抵食，今次一場黎到當然要叫半隻試吓先黎食其他點心，蝦餃嘅皮好薄，而且蝦都好大粒，所以基本上蝦餃嘅size係比出邊大粒嘅，唔錯另一樣飲茶一定叫嘅係沙律海鮮角，感覺唔會油膩，表皮鬆脆，而且一碟有4粒，抵另外腸粉都好香滑主角黎喇，估唔到隻豬唔算太細隻，半隻份量已經好足夠三個人食，肥瘦適中，而且個皮真係好似同事咁講十分香脆，基本上好夠味唔使另外再點乳豬醬，但有心理準備如果食呢個豬就未必可以食到咁多點心，但感覺係值得試，正

Recently heard from a family member that this restaurant is for sure worth going to. Despite living over an hour away, and having to brave the rain, I made my way to Sing Kee for an afternoon lunch. Holding on to high expectations, it didn't disappoint.The menu for lunch includes a variety of Dim Sum, as well as Lunch Sets and other Chinese food.We ordered a few things to share, including a Lunch Set. The one that we ordered was Set D, at $228. It was a really good bargain that consisted of 3 th

生日老婆請食午飯， 原來過海去食懷舊廣東菜，我一向都鍾意食乳豬的，原來依間酒家有兩款可以選擇一種係普通即燒乳豬另一種係懷舊醬烤豬，未食過醬烤豬就揀佢食啦， 乳豬一嚟到職員就叫我趁熱食如果唔係就冇咁好食，原來廚房有燒爐啱啱燒起的，食落香脆帶少少甜味唔肥， 食落唔會覺得好油膩，另外叫了小棠菜及魚腸煎蛋及其他點心，小棠菜食落香脆熱辣辣，咬落去好彈牙，魚腸煎蛋唔係度度都有得食，魚腸好多煎蛋煎到啱啱好唔會太老，不過味道比較淡。

今日有兩個好好好好嘅朋友同我慶祝生日，我朋友㨂左呢間勝記酒家食飯，地點位於銅鑼灣同灣仔地鐵站嘅中間，去到好彩有訂枱，見到全場都爆滿，可想而知這間餐館也算是很有名氣，餐館不論裝修至餐具都頗有特色。其中一位好朋友有咗BB，所以我哋無叫海鮮食，但係講到生日就一定要食乳豬啦，叫咗半隻脆皮乳豬，一個香炒蝦乾粉絲煲，一個啫啫雞煲，一個西蘭花炒帶子，同埋一個胡椒豬肚湯。最先來係胡椒豬肚湯，湯味濃郁，有好重的胡椒味，豬肚爽夾入味，我哋都對呢個湯讚不絕口。然後就黎左半隻乳豬，從來冇諗過原來乳豬嘅皮可以咁脆，乳豬肉質嫩滑，脂肪比例剛剛好，唔太肥又唔太瘦，食到停唔到口。之後就係啫啫雞煲，雞肉很多，調味較到剛剛好，送飯一流，很不錯。再來就是期待已久的香炒蝦乾粉絲煲，係部長推介俾我地既招牌菜，粉絲很乾身，再加埋蝦乾既香味，另外有些肉絲和雞蛋絲，格外野味，這味菜的難度很高，唔可以將粉絲炒得太過乾， 太濕會冇咗干炒嘅野味，看得出大廚既功力。最後就係西蘭花炒帶子，帶子大小適中，亦很鮮甜，也是一道很不錯的餸菜。最後好朋友們仲想叫壽包俾我，點知原來要預先訂的，生日既朋友記得要預早訂啦。本來醉翁之意不在酒，但原來美味的餸菜

香港太多吾同種類既餐廳，真係多姿多彩，反而令我地出街少左揀食中菜，西餐日本野韓式好多選擇！但今次朋友提議食呢間勝記，真係勾起我愛中菜既心，只係平時習以為常出街吾會醒起去食。今次去既係酒樓，上到去發現都幾大，地理位置好近我上班既地方，可能下次都會再去！先叫左佢地招牌既燒豬先，懷舊醬烤豬，半隻份量都夠三人分喎，淺嘗後再點其他小菜食！燒豬外皮好薄脆，中間油脂滿溢，一咬就爆發，肉又有些微咸香，不錯的！但如果吾鐘意肥肉既朋友可能會麻麻地。 食完好吸引既燒豬後就點左椒鹽鮑魚，椒鹽原來同鮑魚都好夾，比係鮮魷我更愛鮑魚既版本呢！調味好惹味，但又吾會蓋過鮑魚既鮮味，入面仲保持到爽彈口感！另外仲叫左個泡椒龍躉頭腩，魚肉好滑，本身以為會好辣，但都ok喎~ 再入味啲就一級棒啦，好愛食辣野啊！

灣仔呢區近年都小去左 以前係到番INTERN日日係到開餐今日朋友仔請食飯 好霸氣咁晏就同我食乳豬餐廳位於灣仔同銅鑼灣之中間 出左地鐡都要行10分鍾到星期六午市時間人山人海 大家都好識食餐單除左有招牌乳豬之外 仲有炒粉麵同點心我地人小但想試既野又好多 所以乳豬叫左例牌份量都己經好夠食 上菜仲有埋個熱辣辣軟冧冧既粉皮包住食一片乳豬 點埋個醬 放上粉皮夾住一齊食一脆一軟 一冷一熱 口感十足之後黎多1/4皇牌燒鵝 成件事好邪惡真係好少可2條友食咁多燒鵝完全忍吾到吾食個皮 皮下油脂連住鵝肉一齊入口成口鵝油香好滿足 留意番係有燒鵝脾咖我覺得食燒鵝個酸梅醬都幾緊要酸酸甜甜好帶到個燒鵝香 完全係畫龍點睛之後我地叫左勁多點心 實在好耐無飲茶樣樣點心都好想食蝦較燒賣MUST點items特別一讚佢蝦較真材實料 我未食過咁大舊蝦係饀 正我幾欣賞佢义燒包d义燒饀吾會一味得肥肉 入口無咁膩馬拉糕熱辣辣好鬆軟 甜度適中我自己都清得晒一籠最後以臘,腸滑雞煲仔飯作結煲仔飯飯量剛好2人份量 飯粒吸收晒臘腸同雞既精華特別中意佢臘腸有種似玫瑰露既香味 甜甜地好惹味食晒d飯真係飽到上頂 成餐勁滿足我地呢到既量其實到夠3-4個

唔知你細個有冇去過一啲舊式嘅酒樓食飯呢，裏面嘅侍應，的確非常之有禮貌，同埋佢哋嗰份人情味，係由心裏面感受到嘅。今日同老媽子去駱克道睇裝修傢俬，潔具同埋瓷磚等等，咁駱克道睇落好似冇乜嘢食，咁佢有要求要飲茶，上咗間酒樓試吓啦。 完全冇諗過香港竟然仲會有一啲咁舊式嘅酒樓存在，另外就係好驚訝一樣野，舊式嘅酒樓有比較別致嘅茶壺同埋碗碟，媽咪好鍾意。今次點左佢哋呢度好出名嘅古法特色乳豬，職員真係讚不絕口。乳豬皮非常之脆，而且佢後面清左啲肥膏，食落都係非常之甘香，同埋唔會覺得好油。 另外，點左海蜇，因為其實依家香港好多地方都係用假嘅，相對地我食得出應該係真嘅，碎上就比較可信。 黑松露餃好食呀，因為佢黑松露味好重，而且嗰個水晶皮亦都係做得好有咬口，另外就叫咗個灌湯餃上湯餃，非常之鮮味的高湯，而且個餃子皮呢非常之薄，一咬出汁，好好味！ 另外食咗醉雞，好入味，紹興酒好清香，不過我覺得雞肉可以做得滑D。 食咗個個斑球腸粉，係唔係好特別呢？！其實我真係去咗咁多間酒樓飲茶都未見過呢一個點心！ 真係非常之鮮味嘅，魚肉搭配埋晶瑩剔透嘅腸粉皮，豉油亦都調味得恰到好處。 豆腐同牛栢葉都做到