八王子居酒屋 (已結業)

今次已經係第二次黎、覺得呢度食物質素唔錯、又坐得幾舒服今次被帶到餐廳下一層…哇！真係唔知原來呢度有三層、仲有一層天台！地牢地方都好大、本來意外發現此地都有點驚喜可惜這份驚喜唔夠十分鐘煙燒雲散！因為隔離張大枱坐左八九個人、都算！可能地牢關係、更應聲！嘈到我聽唔到對面個朋友講乜！唔通叫隔離枱收聲咩？我們之後轉左位！好好多今次同個朋友黎、兩個女仔叫左三樣野1. 厚燒饅魚玉子誠意推介！今次試下隻饅魚玉子燒、我覺得叫番普通玉子會更好、因為饅魚有點咸、加埋玉子食一般般2. 明太子吞拿魚腩蓉壽司吞拿魚腩蓉壽司  上次黎我都有食3. 露筍鵝肝炒飯呢個飯我覺得有點乾、而且無乜味！都係上次個饅魚飯好味點酒品方面、叫左巨鋒提子酒同白桃酒哇！d冰多到乜甘、飲落去勁淡味！張單個銀碼起勁！ $444

星期日又係番工既日子,當然要搵少少好野食當獎勵下自己,本來諗住想去食韓國野,不過經過八王子居酒屋就比佢吸引左入去,睇一睇出面放個個Lunch Menu,就已經好想食喇,而且入面又冇咩人,係機會入去試下喇!裹面既佈置感覺好有居酒屋既Feel, 牆上又有好多特色舊漫畫Poster,另外又有玩具擺設, 都幾靚,成個感覺都幾舒服。依到既Lunch Set唔算平又唔算貴, 今次就我叫左牛肉稻庭烏冬,朋友就叫左滑蛋豚肉飯先來前菜, 我係唔食既,不過都試左少少, 普普通通,正常咁喇。至於牛肉稻庭烏冬,湯底就有一陣甜甜地既味道, 好香; 而且牛肉都不錯, 最緊要係佢好有牛味同唔肥膩,烏冬就比較軟身,不過都幾有咬口, 整體算幾好食。朋友既滑蛋豚肉飯,豚肉好有肉汁同滑蛋一齊食好好味,又有洋蔥做配菜,都算好香嫁。

 成 Team 人為左個 Project OT 左三日，今日終於有得休息下。成班人過左對面街間八王子。最鐘意食就係佢個露筍鵝肝炒飯，飯炒得剛剛好，再將鵝肝打勻係飯入面，個種濃香味真係超一流。小食推介鮟鱇魚肝，魚肝的腥味藉由醬料來緩和，配上清爽的醬汁調味，一個人兩碟都食得晒！我主要鐘意食熟或半熟，所以最後只係食多左個火炙壽司併盤，D 材料燒得剛好，配埋清酒邊飲邊食，真係可以忘記已經連續幾日不停做既辛勞。因為同事主力叫刺身，所以埋單位位 $250 左右，以食物水準來講物有所值。

男友突然興起想吃日本菜，就挑了附近一家看來頗道地的居酒屋。拿起餐牌，有點意外除了基本的刺身、壽司和炸物，還有“和風煎鵝肝”。提及鵝肝，一般最先聯想到法國菜，不過近年多了日本菜以鵝肝入饌，之前就曾在灣仔一家餐廳嚐到美味的鵝肝鍋飯，印象深刻，於是二話不說點了這道“和風煎鵝肝”($98)來嚐嚐。幸而這次也沒教我倆失望，鵝肝外層煎得恰到好處，內裡香濃軟腴、口感細緻，男友連吸油的吐司也不放過呢！

今晚難得自由，同十年難得一見嘅家姐食飯，就去咗呢間八王子，兩個人點咗：火炙壽司盛合($108)、芝士明太子燒帆立貝($68)、櫻花蝦炸豆腐($58)、荔枝煙肉卷($28)同薑蕙碎池魚(按重計$145)。最有驚喜係個荔枝煙肉卷，荔枝嘅清甜滲晒落煙肉度，一咬落去即刻滿口荔枝清香，平衡番煙肉本身嘅油膩感，有烤肉香得嚟又清新，好得！另外個燒帆立貝都唔錯，肉質都算幾爽口，係芝士味搶咗少少，可能我本身唔好芝士啦，家姐就覺得好味。火炙壽司盛合唔十分突出，但可以一次試齊四款火炙都OK。所以我決定下一次同我老婆黎食

約左個老死新年前食個晏，佢最鐘意日本野，所以搵左間特別既懷舊日本料理食。不過可能因為我地接近 80 後，好似好多野都唔關我地事，無咩回憶，但會播卡通歌幾得意。環境舒適，伙記反應夠快，如果你鐘意食環境呢度一定合格。雖然係中午但我地都叫左唔少野食，感覺中規中矩。壽司：吞拿魚劍魚腩, 油甘魚　甜蝦　三文魚，新鮮好食。串燒：鳥串物拚盤，雞翼絕對係水準之上，荔枝煙肉卷，清甜加上煙肉，意外又幾夾，好食。牛舌亦是水準之作，配啤酒最適合。燒廣島蠔：$30 一隻，我選擇咗香草牛油，超香牛油味，露筍鵝肝炒飯：鵝肝原塊上，打散混入飯中食，一流！不過露筍不夠多，算是少少遺憾。

池魚雖然不算冬天時令，但薑蔥可以辟腥，有助吊出池魚的鮮味。夏天吃池魚偏好刺身薄片，不過天嘛，則傾向口感濃一點的，薑蔥碎切正中下懷。這一尾肉質比想像中鮮嫩，口感豐腴帶爽，淡淡油脂香在口中縈繞，回味不已。尤其魚腩部位，油脂更重，口感更豐潤些，混少少蘿蔔蓉和醬汁，魚味的清新會更突出。突然想起常去的酒樓早已滿約，開年飯還未有着落，靈機一觸向店員打聽，果然年初一、二、三照常營業，mission accomplished!

星期日又係我要去教琴既日子, 今日教完琴之後打算去尖沙咀吃午餐,走到Ashley Road本來想食Hungry Korean,不過每次經過八王子居酒屋都心思思想試下,今次見出面放左個Lunch Menu入面又冇咩人,所以終於有機會一試了!店內佈置的感覺很有居酒屋Feel, 牆上有很多特色的舊日本漫畫Poster, 又有玩具擺設, 整個感覺都幾playful同幾舒服。 這邊的Lunch Set大約$70-100不等, 我叫了牛肉稻庭烏冬、飯伴叫了滑蛋豚肉飯。先來前菜, 我一向不好這個, 就全都交給飯伴解決, 我試了一點, 普普通通。 我叫烏冬跟餐的壽司, 味道也算新鮮, 當然不應要求非常好吃啦...牛肉稻庭烏冬::湯底有甜甜的味道, 很香; 牛肉的質素也不錯, 很有牛味和不肥膩; 稻庭烏冬偏軟身, 不過也不會太易斷, 整體算幾好吃。滑蛋豚肉飯::上檯的時候才知道是吉列的製作方式, 如果知道就不會叫了...豚肉有肉汁, 和滑蛋一起伴飯很不錯, 飯中也有洋蔥作配菜也很好吃, 整體來說也算"值回票價"的。

很多年前已開始光顧八王子居酒屋，因為店子裝修很有特別，食物質素有一定水準，綜合味道、環境及價錢，收費算合理。不過，近年幫襯的次數已愈來愈少，一來附近選擇很多，亦不時有新店，二來，是因為對上幾次去，都覺得質素下降了。　　這日下午，要到港島開會，打算吃一個簡單的午餐，忽然想到八王子。點了一個雜錦角切魚生飯。看到這碗魚生飯，心下對它打了折扣，因為賣相十分求其，吃下去，刺身也不太新鮮，為健康著想，吃了幾口便匆匆結帳。說實在，這店子晚上的水準算是合格，但第一次試午餐，卻非常失望。現今食肆競爭很大，想要繼續生存下去，真的需要加把勁。

因為有朋友係台灣黎香港佢又想食日本野問同事就話八王子幾好又有特色就試下點知就中左招 個台灣朋友一黎一睇個menu已經話貴！不過我諗都唔緊要只要野食好味就唔緊要我地叫左明太子薯皮，鐵板雜菌同燒靖魚！但係個侍應(我估係老闆)佢就話唔夠推薦我地食sashimi 係咁講有咩有咩！咁佢係咁sell我地就要左個北寄貝sashimi...一開始就黎個北寄貝！我地奇怪點解唔係平時個d紅白色嘅 問佢係咩佢話係北寄貝咁我地照食！佢個味道係好似象but螃爽爽地其他個3樣都係好普通！我只可以話佢貴在個環境都合理但係結賬個價錢係$541 我地問個北寄貝要$299 4塊?!?!唔係$55?!?!佢(侍應)話$55係雪藏你地食個個係日本"活"北寄貝 ！因為趕時間所以無同佢理論就走左台灣朋友都嚇親因為一個併盤都係2百幾3百衣家睇番其他人嘅評語原來好多人都中左招d推薦食品都係唔貴唔推薦！

This is an unforgettable dinner for me in Hachiouji. I am the person who would like to try any new things. I didn’t do any research; I feel like then just walk in with my friends. But they had two parties on that night actually. Lucky that they still had some tables available for the normal guess. There are two floors in this restaurant; the ground floor was full, so we sat in the basement. Both are really nice with the old stylish decoration. And there is a patio for the toilet and smoking area

今次返香港同朋友飯叙偶爾之下發現呢間裝修咁有特色嘅日本居酒屋呢間居酒屋嘢食都唔錯同好有特色老闆好熱情咁介紹咗幾道招牌菜果然冇介紹錯成條魚咁叫有壽司有刺身又有鍋個刺身拼盤超豐富我哋仲叫咗幾樣熱食佢哋超細心等我同D friend食完D生嘢先上老闆仲坐低同我哋吹水仲有甜品送個雪芭真係成個菠蘿嚟係一間富人情味嘅居酒屋不過有D奇怪一間咁好嘅餐廳點解咁多負評我見好多Comment都話貴不過我覺得真係淨食環境都抵用膳期間我看到有客人清光枱面上所叫的餸菜後於結帳時耍賴指味道不佳要求半價結帳還留難侍應最後老闆跟他們講道理在香港經營飲食真困難太多人搵著數 

由於女朋友生日,而佢又好鍾意食日本野,咁當然就緊係要帶佢去食日本野啦!o係朋友ga推介之下就黎左呢一間-八王子居酒屋-一入到去見到好舊式ga裝潢,覺得好特別,睇返openrice人地話係昭和時代風格,不過我都唔知咩黎!廢話講完就入正題啦!!當晚話曬第一次黎,緊係問侍應有乜好推介啦~之後有個男人過黎,佢就介紹我食時令活魚,之後叫我跟佢去睇下,見到有條金目鯛.目測最少都有1KG以上,我就問佢幾錢,佢答我899,不過有3吃,至於係邊3吃呢?1.刺身 2.壽司 3.魚頭鍋 之後我打比我做日本食品批發的朋友問,呢個價錢抵唔抵食?!我朋友話金目鯛來貨價1KG都530-560!聽到之後我就連唔該都冇講就收線,叫返果個男人黎落ORDER!~等左一陣,刺身同埋壽司都分別到左,刺身薄切,帶微甜及魚油香味~壽司就連皮一齊燒,D魚油多到滴曬落隻碟度WOW~正丫!!最後開左隻sake飲...當然要請埋頭先幫我落單個男人飲啦

朋友訂左位，所以唔洗等！仲早左廿分鐘到、因為收工太累、唔想行住街等、所以自己入去坐住等！weekday七半入到去都無乜人喎！我就自己睇住餐牌先！食品款式都好多！係刺身價格貴點飲品放面都有好多選擇：燒酒、果酒、啤酒、清酒、梳打。。。。。每隻酒都有多款口味、任君選擇！侍應姐姐主動sell下我叫我叫杯飲邊飲邊等喎！其實我本來都想叫野飲、好啦！我就先叫杯水蜜桃梳打飲住先啦！  杯野少少淡！四個人叫左五樣野首先講下個饅魚飯！okay無乜特別、不過不失、旨在有個飯飽肚點！ 個人覺得個吞拿鱼壽司比三文鱼壽司好味！！！    薯皮正！！！勁多芝士！！ 玉子燒一向鐘情玉子呢度既玉子燒同monster sushi既一樣甘正點！！我覺得我可以食晒成碟 其實我食親日本野都只係吃刺身壽司、好少去居酒居食下其他野、便當定食都好少今次體驗後、日後可以試多點呢度service非常好、唔好食到成肚氣、早點訂個位黎試下啦！

坐低後，我地6個人選擇好想食既野後，就舉手落單，有個貌似老闆既男人走黎寫單，跟住我朋友就喺佢身旁指佢想叫既食物，老闆就好不禮貌地話：讀岀黎啦！跟住朋友叫左兩三樣野後，老闆就話：黎呢度當然要食八王子刺身料理啦！由於我地經已大概諗好左食咩，所以就話唔洗住。（佢立刻黑面）跟住再點多幾樣野食後，問佢啲串燒有幾多舊，又好似嫌我地叫得少咁，話咩：你地夠食咪得囉！老闆之後行開左。我地經已唔係咁滿意佢態度，跟住就到戲肉喇。黎左其中一碟野食，因為味道還好，我地想叫多碟，就同佢講我地要多碟，佢直行直過，跟住再經過，我朋友問：我地要多碟咩咩卷，你聽到嗎？跟住佢好似發瘋了咁話：我有耳朵嫁！我聽到！跟住我忍唔住話：我朋友都係想確定你係咪聽到，你如果聽到可以答佢。跟住佢就連珠爆瘋子上身咁：我就係咁串！！我喺度7年就係咁串！！你可以報警，你可以搵黑社會。。。跟住我地都冇謂同呢位老闆嘈了。跟住我朋友就話：其他野唔要喇！老闆大叫：你地單都要埋嫁！我地廢事再同佢嘈，就快啲食完快啲走。Ps:由於俾老闆咁樣招呼，我地根本冇真正品嚐食物，因此不作評論。