影片
港鐵深水埗站 A2 出口, 步行約2分鐘
繼續閱讀
營業時間
星期一至日
07:00 - 00:00
以上資料只供參考, 請與餐廳確認詳情
食家推介
烤魚黎講個價錢真係好抵食好平又好食。雞煲都唔錯!另外要食既係豬大腸串燒!好食但都試過lunch..碟頭飯黎講唔好食！我都想知係埋唔同師傅!服務方面 姐姐好有禮貌環境方面 啲位有小小逼！
繼續閱讀
自從九月一日轉左麻辣雞煲烤魚串燒！嘗試過後大鑊好評！夜市六點開始仲要去到凌晨二點以上！是一個宵夜晚飯好去處！約埋三五知已一嘗地道麻辣雞煲烤魚串燒既滋味！正！正正！
繼續閱讀
是咁的，上星期恰巧到西九龍中心攞野俾朋友，於是就過左深水埗，順便吔野。我地都唔太熟深水埗，見西九有條天橋過對面馬路就行左先算。行下行下，條街又黑都唔知行左去邊，直到喺漆黑路上見到一個明亮既燈箱，寫著「馳名撚手水煮魚、重慶雞煲」。反正朋友食茶餐廳都無所謂，我又好辣菜，咁就即刻跳入去啦！呢間茶記雖處位暗街，但裡面都燈火通明，感覺企理。有電視播放，有幾枱街坊客，標準街坊茶記setting。食乜我地都懶得去諗，反正唔貴，就整兩個明燈菜來吃吃吧——水煮魚和雞煲。客人唔算多，好快就上菜。先說水煮魚，可能點左小辣，個色唔太澎湃，看上去似冬蔭公多啲。食落都唔錯，朋友唔受辣已經噴火，我就ok，湯底辣度夠味，係稍嫌啲魚塊碎左啲啫，總括而言係適合港人口味既水煮味道。然後就到重慶雞煲，買相幾好，份量唔少幾足料咁，仲俾埋個gas爐慶著食，功夫都算做足。吃上去唔錯，味道濃厚，雞件夠滑，而且唔辣，認真老少咸宜。2個招牌菜有飯有野飲，埋單都唔貴。其實我話價錢都唔係重要，好味先係最值得，機緣巧合遇到呢間茶餐廳，下次行開呢邊既話都會再去試下其實菜式，講完。
繼續閱讀
屬街坊小店, 菜式唔係啲咩驚天動地嘅大搞作, 我地叫嘅係野菌炒牛柳, 味道唔錯, 唔會好似一般茶餐廳咁太油或太鹹, 牛柳同菇嘅份量都唔少, 夠鮮夠嫰; 另一味蒜蓉矮瓜蒸粉絲, 呢個餸先係平常中見不平凡, 原本矮瓜同粉絲都冇味, 但加咗蒜蓉同豉油蒸出嚟之後係好好食, 下次再去一定會叫! 兩個套餐包飯, 湯同汽水, $120香港喺貴租之下, 小店已經好難生存, 如果唔想浄係得大X樂同大X活, 或者太X同翠X, 就要支持吓呢啲小店。(後話: 過咗兩日, 阿媽自行去食咗乾燒伊麪, $42包嘢飲, 個伊麪夠佢食2餐)
繼續閱讀