亞龍咖喱 (已搬遷) 新店位置

行過咁多間咖喱專門店，今次係頭炮試亞龍咖喱。呢間鋪頭，叫你知道咖喱唔單止得辣，還有好多層次感㗎。話你知，佢哋嘅咖喱牛腩真係嘆為觀止。牛腩巨無霸，腍滑得滯，正到爆炸！食落去滿嘴肉香，那個香軟嘅牛肉卜卜脆，同嗰辣得嚟又唔會過火嘅咖喱汁，真係完美搭擋，令人停唔到口👍。另一邊廂，咖喱魚又係另一番風味。啖啖肉，魚肉鮮嫩得嚟帶少少海鮮嘅甜味。咖喱汁包圍住魚肉，係咁滲透進去，每一啖都有令人驚喜嘅味道。整體嚟講，亞龍呢度嘅咖喱菜式簡單但不普通。會令你一試難忘，食完仲會想再嚟㗎。如果你係咖喱愛好者，記得要留啲位試下佢嘅招牌咖喱牛腩同咖喱魚，定必會令你食指大動，誘惑到你再三回味🔥。喺呢度食飯，真係令人開心到彈起！

約好朋友一行三人至此老店, 一去到門外就見隔離"阿龍咖哩" 好多人排隊, 可能剛出完電視推廣, 因平時兩店人流都差不多. 而我哋都照原定計劃去老店 "阿龍" , 店內都座滿客人, 侍應加老闆娘合共四人, 但只得老闆娘有能力打點一切, 因一人只會在門口拉客入店, 其餘兩人都好易送錯order 上台, 令客人有所不知所燥! 我哋order咗 咖哩蟹, 咖哩雞, 咖哩牛脯, 上送都十分快, 大約等咗5-20分鐘就全部上到台, 先後次序如下:1. 咖哩牛腩 (5分鐘)* 侍應比咗另一檯order凡我哋, 我哋食咗無耐就發覺; * 味道十分香口, 因入口便感覺到有多種不同香料, 咖哩味道好平均, 牛脯都十分霖及入味, 我哋order咗少辡, 下次可以加辡 , 正! 2. 咖哩雞 (10分鐘)* 一上檯便知,雞件以原隻雞分切在大煲內炆煮, 所以有骨及大小不一, 入口更加嫩滑人味! 3. 咖哩蟹 (20分鐘)* 好耐無食過咖哩蟹, 隻蟹都十分有肉及大隻, 上檯時部分已拷脆外殼方便食用;* 咖哩都好入味而且蟹 肉好新鮮;4. 烤餅 (30分鐘)* 即叫即做, 所以耐咗d, 用料都正宗!

許久沒吃阿龍咖喱了，今晚特別坐車到那兒吃，上次吃過阿龍個仔那間，得三件雞，洋蔥少。今次就試兩姐妹老店地址那間，點知仲衰。叫了一雞一魚，雞三件魚就兩件，算啦！最緊要汁好味，不過，汁就好似溝水一樣。自問吃不到辣，次次吃也會流汗，但今次全無反應。無法子只好叫加辣，叫了三次，阿姐終於拿到來，服務差到如此都算喇！之後加左辣都無味，雞無味，洋蔥無味，汁加左辣都仍然無味。偷偷地望入廚房，巴基斯坦廚師不見了。只係見到一個香港阿叔、香港廿歲許少女。太兒戲了吧！最後樓面阿姐仲入埋去。三個人近二百元，吃到質素如此差（罐頭咖喱雞都好過佢），阿龍的美味咖喱從此成絕響。以後都唔去喇！

今日大除夕，同老婆去完太子汗蒸，晚餐又無人約，飲酒倒數又未夠鐘。咁我倆就由太子坐車去佐敦諗住食粥，經過亞龍咖哩門口，就被門口店員推薦，話我哋係正宗亞龍咖哩，隔離個間唔係，食咖喱就要入來(我相信好多食客都會有上述情況)。門口見真係好多人食(隔離鋪就小貓三數隻)，我都係第一次去呢間食咖哩(之前食過都係重慶大廈食)，先坐低，坐位好迫，問佢有乜好介紹，佢推介食咖喱蟹，我話OK，另外再叫一份咖喱牛根腩及咖喱牛脷，一個跟飯，一個跟咸餅。牛根腩及牛脷都好快上，咖喱香味已令我流哂口水，先用餅沾些汁來試，發覺其咖喱味與別不同，很重洋蔥及蕃茄味，好好食。再試牛根腩及牛脷，牛根腩好冧OK，但牛脷就麻麻，再用咖喱汁沾上白飯，發覺比咸餅更好味，不足五分鐘，整碟白飯掃清，但牛根腩及牛脷重未食哂。到咖喱蟹上枱，先試試咖哩汁，好重海鮮味，再試試隻蟹，都好食，但我還是喜歡泰國式咖哩炒蟹。唔知呢度有無剩係咖哩汁加白飯賣呢，問心講，佢的咖哩汁先係主角，其它都係配角。而這裡亦坐得不太舒服，二個人好似係飛機上食飛機餐，唔可以隨便郁，由其是食蟹時，更加論盡。埋單$383元，細問下原來隻蟹要$280元，食完就行去尖咀等倒數。

早排見團購有咖喱買,呢間店舖好多年以前食過,D咖喱幾香幾好味,見價錢好似幾平,89元一個2人餐,就團購定幾張,得閒可以去食琴晚太太無買餸,我就話不如出去食咖喱啦,一行3人去左佐敦呢間阿龍咖喱,去到門口見到有2間都叫阿龍咖喱拎張團購影印紙一睇,原來我地訂呢間多左巴基斯坦4個字,入去見有幾檯客人,重有幾張空檯,都唔駛等位,好快就安排我地座好,我見檯面有張紙寫著:團購2人餐,包左2個主食咖喱(6選2),白飯、薄餅(2選1),炒什菜,汽水2罐點左咖喱雞,可能無叫加辣,今次D咖喱唔夠辣,雞肉得3小舊,食得出雪藏雞味,不過D汁就好多,幾香要來送白飯、薄餅一流另一個叫左咖喱鮮魷,得6舊,鮮魷彈牙幾好食,又喺一大碗汁,你話無白飯點得蒜蓉炒什菜,清清地好好食,最衰得嗰細細碟另外自己點左個咖喱牛腩跟薄餅,,唔知點解自己點呢個牛腩超多,起碼有十舊,D汁滿到牛腩又腍又入味,好好食,點解團餐無包呢個嘅團購餐跟左白飯,普普通通一小碟,薄餅又喺細細塊,重有2罐汔水得一小碟白飯點夠我地食,再叫多碟白飯先夠總括來講,團購食物味道ok,不過食物質量太少,分量有少少唔合理,團餐得一小碟白飯或薄餅,2個人邊夠食,我見檯檯都有

九月十三日 (星期二)好的東西真的會引來旁人假冒早前就聽到朋友到了假的真不了的阿龍咖喱是日來到正版的亞龍咖喱作實地考察店內中央放了一張大長枱伙計很客氣有禮,安排我們入座在旁的是一位洋人食客,心想應沒去錯地方了選擇頗多,點了兩款咖喱系列先論咖喱汁,香而不稠有別於普通的咖喱汁,單是眼看到的材料已經很多濃度適中,若不是指定的,會以少辣上枱貪心又想試多幾款餸的必定選牛全膾老實說,除了牛筋較多外,其他都只得約兩片只夠我們淺嘗不打緊,質素搭救尤其是牛脷和牛肉入口除了是豐富的咖喱味,還極富牛味而且肉煙韌.口感十足大家可專攻此兩款餸料雞肉很入味,肉質仍保相當程度的嫩滑,至少不覺嚡口不過份量略少,而且肉較薄而多骨薄餅只是普通,有點韌,宜配白飯,很甘香晶瑩咖喱汁伴飯吃是真的錯不了的!!!

2月10日, 去到佐敦搵野食, 去到有好多餐廳既吳松街, 行經亞龍咖哩, 好出名架wor, 就抱住一試既心態食個晚餐.::: 咖哩牛脷配薄餅 ::: $46其實我地都食過巴基式咖哩, 同印度或者東南亞式好唔同, 係洋蔥同d香料粒比較多. 呢個都唔例外, 應該係好正宗既巴基式. 不過唔太啱我地. 香味同辣味都好夠, 不過冇乜咖哩味. 牛脷係好難入到味, 呢個都係, 咬到肉心淡淡地, 不過肉質黎講算ok, 唔韌. 薄餅就超唔掂!!! 唔知想點, 又細塊又薄, 又唔燶又冇味, 面頭超多粉! 跟飯食都冇咁嬲.::: 鮮茄牛腩飯 ::: $45呢個茄牛飯D茄牛真係非常之大兜! 不過係汁多腩少~ 汁黎講又唔係鮮茄個d, 係落茄膏好似獻汁咁既野… 感覺好佬飯, 但係又比佬飯貴成倍wor! 番茄好爛, 牛腩入味不過太淋… 整體都只屬一般...環境可以用爆堅迫黎形容, 真係食完要即走, 咁既價錢其他餐廳一定可以坐得舒服d.

今天午飯時間經過呢頭.聞到一陣陣咖喱香味.所以入去呢間幫趁都不用睇餐牌.order左咖喱牛腩:可跟飯或者油薄餅.我選擇跟飯.因為本人不太食得辣.要求小辣等左大約5分鐘.咖喱牛腩黎到.咖喱味真係香.熱辣辣聞到要流口水了.最欣賞D牛腩厚厚幾舊.食落去燜得好淋好味.d飯一粒粒好夠熱.個咖喱汁好惹味.又係送飯一流.幾開胃.而是價錢真的太貴.$45.可是沒餐飲.不過對我來說都不重要.可以飲水免費的服務態度我沒有成見.環境就麻麻地.下次有機會都會再去

對比於東南亞咖哩的重椰汁,杰身,印式的重香料,這兒標榜巴基斯坦的咖哩最合我意,已經幫襯多年,次次經過Jordan都想起,今晚上完興趣班,買左外賣,咖哩牛利$45跟飯,外賣的飯好似比較多,汁比起其他國家的咖哩是較稀的,但加左大量洋蔥用黎撈飯好正!通常食咖哩魚,今次試下牛利,牛利都幾多同大件,其實我至鍾意係個汁,食晒成碗,連汁都撈晒!可以食到自己鍾意食既野,好滿足!

我和內子沿上海街向佐敦直行, 來到亞龍咖喱店. 記起兩年前聽聞這店咖喱甚好, 誰知就試 過(正)亞龍咖喱, 最後才到了佐敦喫到這才是正牌的亞龍咖喱.是次和內子到佐敦的亞龍咖喱. 點喫咖喱魚及咖喱牛腩.咖喱魚因聞到微微魚腥味, 慷慨地讓給內子獨亨; 咖喱牛腩就歸我.這店咖喱說是正巴基斯坦式, 沒有香料, 只有洋蔥粒. 雖然味辣卻不剌喉, 牛腩腍又不難咬 從友人口中得知, 這店先後把腩與咖喱煮好, 落單時才把腩與咖喱煮熱送上. 這樣, 為何 牛腩仍如此入味? 內子試過效果真不如. 我想這就是廚藝分高下, 經驗定輸贏!亞龍咖喱並非創新, 卻是另有風味.

** 此 食 肆 的 第 十 八 個 喊 **尋晚(5-12-2008Fri)叫埋男友o黎我屋企食飯,返屋企途中,佢問我有咩想佢買上o黎,我諗起大哥大嫂食得辣,而天氣又開始涼,就亞龍咖哩啦.我同爸爸唔係好食得辣,咁要中辣(上次食過小辣冇味)同大辣啦,爸爸唔係好食得牛,咁就中辣咖哩雞,大辣牛兩樣啦.佢o黎到一陣,我已經臭到好香咖哩味,好想食呀!好彩等o左一陣都開飯,一打開佢好滿呀…………啲咖哩汁.男友先用筷子攪攪睇吓邊個係咖哩雞先,我睇睇,嘩!得三件雞,一件大,另外兩件細,我問男友兩樣加埋幾錢?佢答八十幾啦.嘩!真係矜貴.其實我好想食牛,但驚好辣同因為有粒’啡滋’o係口,好痛.所以同爸爸食咖哩雞,我接受到中辣,而雞肉’鞋’兼入味,好唔得啊.我爸爸就要o黎蘸唔夠鹹o既豬肉(自己炒)同有味o既油雞食.男友買o既咖哩牛係牛腩,見牛腩都OK多,佢同我大哥兩夫婦食到唔停口兼清晒,只留o左咖哩汁(因太多)畀遲啲返o黎食飯o既二哥.

今晚第一次到亞龍咖喱吃晚飯.點了一個中辣的咖喱牛肉飯,咖喱初初吃下去時感到頗有辣氣, 可辣氣入口一會即消散,遺下的只有不濃不淡恰如其份的咖喱味.那些瘦牛肉入口滑溜, 如不細看, 還以為自己在吃肥膏.回到家後, 肚子沒有異樣, 感覺良好.沒有那種腹痛及肚瀉的現像.環境方面,鋪位細小, 座位間隔狹窄,沒有大枱人流量卻異常地高.不是一個聚會聊天的好地方,卻是一個快吃快走的好地方.價錢真的太貴, 其中咖喱蟹飯要 $150 一個,最普通的咖喱牛肉飯也要 $40 一個, 還要是吃不飽的.有獨特的咖喱新體驗, 辣而不燥, 辣味入口即散,咖喱味卻縈繞口腔, 值得一試.

亞龍咖哩我細個老豆有時會帶我黎食, 兒時的記憶係好好食~~所以而家自己如果經過呢頭一條友都會入黎食(如果沒有排長龍的話)今次叫了咖哩蝦~~呢度d咖哩味道真係好特別, 同好多其他地方唔同, 可以講係只此一家. 咖哩汁雖然比較稀, 不過味道絕對濃烈, 特色是加入大量洋蔥! 好惹味!不過我覺得有多少咸左d~~蝦是用原隻大蝦~~蝦頭仲有好多蝦膏tim~~咖哩汁有大辣/ 中辣/ 少辣任君選擇~~相片既係少辣~~正!

其實我是亞龍咖喱忠實Friends，唔知點解以下食評會咁差… 其實亞龍咖喱食物好好味，我就好喜歡佢地個咖喱汁，通常我都係食咖喱牛肉或咖喱蟹，我已經幫襯超過十年以上，我每月最少都去一次以上，有時就外賣回家， 其實我好喜歡食咖喱，但我不是什麼咖喱都吃，我會選擇好味的才吃，所以亞龍咖喱是我的首選， 不過佢地都有缺點：咖喱蟹就貴左D，最平都要成二佰幾一隻，而且佢地間鋪座位就好窄，座得好唔舒服，應該改善一下，同裝修下囉！

18/10 貓爸今日放工後返黎接左我就出左旺角...周圍行左陣就揸車去搵食~都唔知食咩好...去左佐敦周圍搵~最終就係 "亞龍咖哩" 度買左 咖哩雞 & 咖哩牛脷返屋企...貓爸配飯, 我就配薄餅...咖哩雞, $42...唔太多...得3件雞~一般大件...不過3件唔夠食law咖哩牛脷~好"林"...都有十塊左右薄餅得一塊仔...都唔夠填肚~碗飯都算幾大碗, 貓爸都食唔晒~最後我都係覺得唔夠食law...同埋感覺上重慶咖哩好食d!!