二鍋頭 (福苑)

營業中

休息中

📍二鍋頭#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-嚴選安格斯牛 -$268 首先可以選擇要雞煲/ 黑椒豬手 都可以叫半份/全份 相入面係半份 食完豬手煲 會再轉火鍋 出面有兩個大雪櫃拎野食 雖然種類唔多 但係基本想食嘅都會有 另外可以QR code 落單 牛肉方面都唔錯 厚度唔算好厚 但食落都幾好食飲品同甜品都有唔同選擇

二鍋頭嘅價錢公道，性價比都算高。除咗雞煲，仲有鴨煲、豬手煲、酸菜魚，選擇多多。我哋揀咗二鍋頭惹味雞煲+嚴選安格斯牛火鍋放題，120分鐘內無限添飲添食，一定吃到飽😋🐥二鍋頭惹味雞煲揀咗小辣，唔算太辣。落足料做鍋底，味道豐富。雞件都幾多下，雞肉唔算肥，好香口又麻又辣，真係好惹味。🥘火鍋湯底叫咗川辣麻辣鍋+正宗豬骨鍋，豬骨湯底濃郁，麻辣鍋好晒辣，唔同嘅鍋底用嚟煮唔同嘅配料，提升食物味道。🥩B餐嚴選安格斯牛配料唔使食到最貴，B 餐已經可以食到好多部位。美國牛胸腱、本地鮮滑牛、安格斯牛板腱、安格斯封門柳等等，色澤鮮艷肉質不錯，牛味香濃。🥬其他配料配料好多樣性，有羊肉、豬肉、海產、肉丸、鴨血、水餃、雲吞、脆鯇魚腩、花枝片、新鮮蔬菜等等，照顧晒各人口味。好岩成班人黎打邊爐呀！

週末朋友想食火鍋，帶佢嚟旺角搵食😚 上次試過沙田分店好唔錯👍🏻 旺角分店位置好方便，就喺旺角中心對面，地鐵站落車好快就行到～晚市都好多人食，要提早預約🙆🏻‍♀️ 氣氛熱鬧，好適合一班朋友聚會🍻 食物質素不錯，款式豐富，自取區整齊衛生🥰我哋揀咗B餐120分鐘火鍋放題（嚴選安格斯牛） ($268/位 週末+$10) 二人晚市消費💰 $612 🌟設有加一服務費🌟入座會先送上醬料盤讓客人調配，方便又衛生🥰首先上咗個招牌「二鍋頭惹味雞煲」，好高質，雞件嫩滑多汁，醬汁鹹香入味，小辣剛剛好然後打邊爐，有多款湯底，我哋揀咗懷舊沙爹鍋沙爹味好香濃🔥 套餐包括兩款高質牛肉：安格斯牛板腱、安格斯封門柳，口感一流！另有本地鮮滑牛、豬肉、羊肉等等，質素都很不錯，肉質鮮嫩🤤 超過100款火鍋配料、蔬菜、飲品及雪糕雪條無限量供應，食到捧住個肚走😆

二鍋頭出名性價比高，今日一行四人黎放題任食，我地我揀左set B（安格斯牛套餐）。雞煲/豬手煲任食，近來仲有新野 - 火焰牛尾煲任食添（係全港首間！）梗係要試下。牛尾大大舊啖啖肉，加上玫瑰露酒再點火，酒香吸引，而且炆得好腍好入味，要左中辣，超級惹味🙌🏻食完牛尾鍋，想再食雞煲同豬手煲都得，但我就揀打邊爐。十款湯底選揀，仲有養生滋補嘅鷓鴣湯底（又係全港首間！），可以飲完再打邊爐🙌🏻 每日限量20鍋架咋。我地夜去，賣哂喇🥲揀左胡椒豬肚雞鍋，一樣好正喎。湯底雞味好濃郁，有胡椒香但唔會好辣。任食配料私心推介：✅安格斯牛板腱✅安格斯封門柳✅美國牛胸腹✅白鱔片✅脆鯇魚腩✅海蝦✅帆立貝

可以先食牛尾煲，🐮以優質牛尾為主要原料，搭配豐富的香料和蔬菜，🔥經過燉煮而成。它的獨特之處在於🍖牛尾肉質韌勁十足，燉煮後能散髮出濃郁的牛肉香氣，🥰食落濃郁醇厚，非常適合在想滋補的朋友品嘗享用。😚安格斯封門柳都唔錯，🥩夠新鮮，而且唔會太瘦，食落有油脂的香氣，口感嫩滑。🥢手打滑類、🥟包製餃子，皮薄餡靚。最後當然要留肚食ice-cream，🍫脆皮朱古力雪條都唔錯。#buffet #mongkok

大半年無食過二鍋頭，終於再訪，喜歡呢度嘅性價比。除咗可以任食雞煲、豬手煲外（之前冬天仲有羊腩煲），近來仲可以任食新產品火焰牛尾煲，係全港第一間推出任食呢款菜式。牛尾炆得非常入味，中辣對我黎講剛好，麻麻辣辣，惹味非常。每件都啖啖肉，份量絕不欺場。食完一鍋唔夠仲可以無限添食火鍋湯底十選一，揀左胡椒豬肚雞鍋，鮮味十足，亦有濃郁胡椒香。如果想更養生滋補，仲有鷓鴣湯底可以揀，但每日只限20鍋，手快有手慢無。三款任食套餐，揀左中間價錢個款「安格斯牛套」，每位$268加一，唔算貴，選擇都算多，整體性價比幾高。下次多啲人黎可以試埋雞煲同豬手煲💪🏻

📍#二鍋頭 (福苑) (旺角)旺角西洋菜南街138號福苑2樓♡人均消費: $590 @ 2▪️▪️▪️▪️▪️▪️▪️▪️▪️▪️▪️▪️▪️▪️朋友介紹吓認識咗#二鍋頭 火鍋放題，就位於旺角中心對面，地理位置非常有優勢，當日夜晚見到店舖都好好生意👍🏻 店員有禮貌，而且會主動加湯、收碟，整體用餐體驗很不錯💯120分鐘火鍋放題總共有三個套餐可選，提供QR code落單，亦可以去自助區挑選唔同種類嘅食物，例如：萵筍、炸芋頭、蟹柳、山根、蔬菜類等等。最最最值得一讚係 呢間舖頭感覺俾人幾乾淨，無論自助區同醬料都好整潔，非常企理👍🏻。✨#二鍋頭惹味雞煲 配上爆香了的芫莤、洋蔥等伴菜，加上濃味既醬汁，雞件好入味。雞既份量好足夠，部分雞件多肉夠滑，不過不失。✨#秘製火焰牛尾煲 牛尾煲上枱個陣，店員好好細心咁幫我地將芫莤、京蔥、洋蔥等伴菜撈勻，再加入少量酒再點火，增加視覺效果之餘，即時聞到牛尾煲濃郁既香味。牛尾口感嫩滑，骨肉分離，大大件又好腍😋😋😋。✨#嚴選安格斯牛 (火鍋放題B)套餐方面，我哋揀咗B餐嚴選安格斯牛🥩，成人$268一位，可選美國牛胸腹、本地鮮滑牛、安格斯牛板鍵、安格斯封門柳、白鱔片等等，安格斯牛肉上枱質素不錯，

本身諗住打邊爐，來到俾我發現竟然有牛尾食，仲要係任食！仲可以食匀雞煲和豬手煲，一於豬牛羊都試匀！最正係可以潻食㗎，食完覺得好味可以再encore！真係豐富到一個點😍雞煲夠香辣惹味，尤其中式凰爪真係有特色，而牛尾煲就先來個火show，將酒香和牛尾來個火併😂減低咗牛羶味令肉質食落肉特別香，也夠軟，食得岀好入味👍 原來呢度係全港首間火焰牛尾煲任食！仲有鷓鴣湯飲，飲完先再打邊爐‼️打邊爐當然唔少得靚靚安格斯牛肉啦！雪花睇落唔係好多不過食落肉質都係軟綿綿㗎，好味之餘，感覺更加健康👍食多多都冇負擔呀！呢度仲有好多海鮮👉🏻大蝦、鱔片，夠新鮮夠彈牙！自助區亦有各款新鮮蔬菜🥬金菇、雞髀菇、唐生菜、豆腐……仲有好多不同款的丸丸，有我最鍾意嘅墨魚丸、八爪魚丸同埋黑色墨魚丸添😍食到頂我就可以去飲品區自助飲品，除咗有大佬嘅烏龍茶同可樂汽水之外，超推介清新嘅香橙紅茶，配牛肉一流！

旺角周圍都有好多火鍋店 但要搵到一間有牛尾煲 仲要係任食嘅真係好難🫣 而二鍋頭正正就係全港首間提供任食火焰牛尾煲嘅火鍋店😍🍀牛尾煲牛尾煲上枱嘅時候 仲會係我地面前加入少量嘅酒再點火 視覺效果好好🤩 牛尾嘅份量好多 如果兩個人食嘅話都好足夠😛 大食嘅朋友可以繼續添加😎 牛尾肉質好軟嫩 部分位置骨膠原充足😉 味道好濃郁 吸晒啲醬汁好入味好好食🤤🍀任點火鍋食材安格斯封門柳 大細厚薄恰到好處 口感有嚼勁 牛肉味好濃郁🐮 安格斯牛板腱有咬口 肉質軟嫩☺️ 鳳城水餃好新鮮 餃子皮又厚薄適中🥟 帶子 鵝腸 牛柏葉 豬頸肉都好新鮮 夠晒爽口彈牙😋

喺朗豪坊睇完戲同朋友超級肚餓 介紹咗佢嚟食呢間打邊爐任食 之前同朋友嚟過覺得好正👍🏻又可以任食雞煲豬手同埋打邊爐 嘢食質素唔錯加上店員服務好好 有陣時唔知食咩好又好肚餓都會諗起呢間🤩上到嚟員工推介新推出嘅牛尾煲 之前冇嘅新推出梗係要試吓啦 不過我哋驚太大煲會食唔晒，所以我哋叫咗半份嘅份量 上到枱店員會幫你煮一煮之後加少少玫瑰露酒令到佢有火🔥勁香好重胡椒味 每件都大大嚿亦都好淋😙之後我哋仲嗌咗雞煲 一下唔醒起叫半份可以食其他唔同嘅嘢 嚟到好大份我哋都驚食完會好飽 但雞煲嘅醬汁好惹味😋而且雞肉好嫩滑 唔覺唔覺好快食晒😂食完雞煲叫咗豬手煲 嗌咗半份嘅份量 豬手好好食味道好濃啱晒我呢啲重口味人士 大大啖食晒所有骨膠原落肚🤣我哋兩個都費事再嗌個打邊爐湯底 所以就直接喺個煲裏面打邊爐啦我哋叫咗啲牛肉 全部都好有牛味 又叫咗啲海鮮同之前一樣咁新鮮 個櫃仲有好多唔同選擇有蔬菜或者丸類或者麵類食咗大量嘅生菜同埋芝士丸 已經飽到飛起😆

天氣一日熱過一日🔥😅，但係某啲朋友👷🏻‍♀️對食火鍋🔥嘅熱情從未減退過🤣，呢日同佢👷🏻‍♀️一齊喺旺角，佢👷🏻‍♀️問我去邊度食火鍋好😜，我諗一諗，就帶咗朋友👷🏻‍♀️嚟呢度開餐🤣；嘩！真係好多人夏天打邊爐😆$268 一位嘅「嚴選安格斯牛 成人120分鐘 火鍋放題」😋先食「二鍋頭惹味雞煲」，上邊加有大量芫荽🌿，雞肉味道濃郁之餘 又有芫荽🌿嘅清香🤩；「雞煲」都係任食，另外仲有「鴨煲」同埋「豬手煲」，不過我哋食唔到咁多嘢，所以只係要咗「雞煲」，唔好浪費🤩湯底有8-9款可以揀，揀咗「豬骨湯底」，奶白色，裏邊已經有好多材料，當然包括豬骨，另外仲有蕃茄、粟米🌽、芫荽、香茅 等😋牛肉有：安格斯牛板腱、美國🇺🇸牛胸腹、安格斯封門柳、本地鮮滑牛👍仲食咗 豬頸肉、鳳城水餃、海蜆、活海蝦🦐、鮮蝦雲吞、脆鯇魚腩、墨魚仔、脆鯇魚片、白鱔片、西班牙豬梅肉 等另外，依家大熱天時都有西洋菜食👍

個friend叫左我好耐要黎試下呢間全港首間有牛尾煲任食，打邊爐有鷓鴣湯做湯底既‘二鍋頭’🥰🥰雖然細細間，但坐位坐得舒服，一d都唔迫，啱晒我地傾計😊一坐低，就有醬料同醬油放係枱上面，任我地調配，之後就揀要食雞煲、豬手定食牛尾煲，見個friend推介，我梗係揀牛尾煲啦！我哋揀好牛尾煲就再揀埋個鷓鴣湯做湯底打邊爐，之後就行去自助區拎飲品，飲品雪櫃有好多款罐裝同樽裝飲品任飲 另一個自助區有各種肉丸，蔬菜，公仔麵任揀火焰牛尾煲牛尾大大嚿好多肉，好淋夠嫩又入味，醬汁配搭得好好，夠晒嘢未👍🏻養生滋鷓鴣湯底（每日限定20鍋）竟然有半隻鷓鴣做湯底真係估唔到，配料有淮山，蟲草花，紅棗•••飲完個湯先至打邊爐，夠晒滋潤🥰安格斯封門柳口感嫩滑，牛味濃郁，油花較少安格斯牛板腱鮮嫩口感，油花均勻，肉味濃郁活海蝦、活海蜆、花枝片，雞公子、沙爆豬皮海鮮好新鮮，海蜆脹卜卜大大隻，雞公子大大粒超好食仲有其他好選擇，有紐西蘭羊卷肉，西班牙豬梅肉，豬頸肉，雞片，鴨件，牛胸腹，本地鮮滑牛，青口，帆立貝，吊桶仔，雲吞，水餃，魚皮餃，墨魚滑，黃沙豬膶······等最後梗係要食返杯雪糕雪條做甜品啦

早兩日諗住出旺角買野，順便食餐好，同朋友又想食雞煲又想打邊爐，於是就搵到位於旺角嘅二鍋頭☺️一次過滿足我兩個願望佢首先有三個煲俾你揀，分別係雞煲、豬手煲同埋火焰牛尾煲。本身見到佢個火焰牛尾煲都覺得好吸引，好似香港好少有得食☺️不過一心諗住過嚟食雞煲，下次先試雞煲我哋揀咗小辣，好惹味，我哋嗌咗半隻雞，雞味都幾鮮，同埋醬料再加配菜好夾好味，食到最後仲想加多半隻雞😁我哋轉邊爐店員推介鷓鴣鍋，可以先飲湯後打邊爐，不過我地鐘意辣，就簡左麻辣鴨血鍋，會有張QR code落單，我哋揀咗安格斯牛任食嗰個餐☺️安格斯封門柳好食🤤鵝腸都好肥美☺️出面仲有個公眾拎嘢食嘅地方，有菜有豆腐丸等等依個價錢性價比都好高，大推薦

餐廳位於旺角，除咗主打雞煲、豬手煲同鴨煲加火鍋任食放題之外，最近仲推咗個全新嘅火焰牛尾煲同鷓鴣火鍋湯，食完再飲，飲完再打邊爐，真係好期待😚 整體價錢合理，地點方便，非常值得到訪，記得要book位🤣一場嚟到當然唔少得叫返個牛尾煲啦～ 牛尾炆得夠腍，肉骨分離，大大件，啖啖肉，入口即化，肥瘦適中，醬汁濃郁，超級惹味，好適合配飯呀😂 encore咗好多次～ 另外食咗豬手煲，黑椒味幾出，豬手清潔得幾乾淨，唔會見到有豬毛🥹食完煲就可以打邊爐，要咗養生滋補鷓鴣鍋，成隻上，吸引🤩 先飲湯，清甜可口，好暖胃～ 配料以QR code落單，鮮吊桶仔、墨魚仔、帆立貝活海蝦、墨魚滑等都唔錯，菜同丸就要去自助區攞，會不斷refill，唔怕無嘢食，最後以雪糕作結，完美ending，捧住個food baby走😋

我間唔時都要打下邊爐先安樂🤭今次又去返上次食得好開心嘅邊爐+雞煲，我地就揀左個嚴選安格斯牛成人餐，人頭💰$268，星期五六日同假期前加$10，價錢都好貼地👍🏻🐔首先就揀個雞煲先啦，咁我地就嗌左小辣，雞煲可以揀走芫茜同走鳳爪，咁啱我地唔食就可以走哂，我覺得呢間店都好貼心🫡🌪旋風式吸入咁食哂個雞煲之後，就即刻開始打邊爐，我地揀左個豬骨湯底，諗住清淡啲，咁佢都幾香嘅，又唔會味精，幾啱我地🤪除左不停食牛之外，我都有喺出面夾野食，都好多野揀下，另外野飲同雪糕都好多款，好滿足！☺️