位於銅鑼灣的鮨本，可說是性價比高的廚師發板日本餐廳，雖然只有兩款套餐可以選擇，但係得食廚師發板，當然就是要食餐廳中最新鮮的食材和廚師的巧手廚藝！而鮨本就兩樣都十分出色！首先是螢光墨魚茶碗蒸，墨魚仔爽口鮮甜蒸蛋嫩滑，跟着來的十款壽司包括石垣鯛壽司、松葉蟹生菜卷、手釣池魚壽司、北海道甜蝦昆布漬壽司、天然深海池魚壽司、梭子魚壽司、平貝壽司、沙甸魚壽司、BB吞拿魚醬油漬壽司和馬糞海膽壽司。當然最出色就是最後的馬糞海膽壽司，兩層的馬糞海膽厚厚的放在軍艦壽司上！馬糞海膽入口即溶，使口腔充滿海膽的香味，完全沒有任何一啲腥味！加上紫菜香脆令人指甲留香回味無窮！然而最後的魚湯，再加上自家製的玉子燒，簡直天衣無縫！而甜品我選擇麥茶雪糕！淡淡的麥茶味溶入香滑的雪糕中，為這餐畫上完美句號！

U IZAKAYA 食好西88 來到U IZAKAYA銅鑼灣餐廳食午餐，這裏環境十分之幽靜典雅，令人有一種脫離煩擾嘅感覺！最適合完成早上繁忙嘅工作的人，來到這裏享用一個美味嘅午餐；我選配了一個魚生午餐，魚生新鮮美味，擺設也多十分之吸引；食材亦都相當高級如鮮帶子、鮮蝦、吞拿魚拖羅、三文魚等等，更配上特別嘅南瓜湯，這個mix and match令人有一種好清新嘅感覺！原來這個魚生套餐還包括一碗烏冬麵，在天氣寒冷嘅時候食熱騰騰的烏冬，令人胃部回暖這個配搭十分有心思！在這餐廳內進食一邊享用美味嘅午餐，還可以欣賞到週圍銅鑼灣嘅景色；因為當天外面天氣比較冷，沒有坐在露台上進食，否則簡直就有自身外國嘅感覺；而這個美味嘅午餐和優良嘅環境，畀到我一個好大嘅refreshment去都面對下午繁忙嘅工作！

嚟到中環嘅熱門遊客點食午餐，朋友推介tommy yummy正正位於遊客中心點，望見遊客熙來攘往，每位都用手機打卡；連我都感覺到自己變成遊客嘅一份子！坐在餐廳嘅露台上和遊客更加親近，而餐廳嘅裝修十分雅致，坐得相當舒服；朋友推介嘅兩個打卡熱點食品，就是虎蝦海鮮混亂杯麵和泰式蟹肉蛋捲，兩款菜嚟到的時候，賣相都十分吸引，當然打卡就在所難免了！而份量也十分充足；而剛好我們兩點半後入座，更加可以嘗試餐廳的下午茶餐，而於下午茶餐中，我們點了芒果糯米飯配泰式玫瑰紅茶，芒果鮮甜加上椰奶香滑、糯米飯的香味；令人有置身泰國嘅感覺！而玫瑰紅茶就剛剛好幫我們解去之前食落的油脂，令我們身心舒暢，慢慢將心情融入中環的遊客當中。

今晚和朋友專程嚟到諾士佛臺1號8樓的啤啤Bear韓國餐廳食晚飯！𨋢門一開就會見到五光十色嘅招牌十分搶眼 ，進入門口仲見到一隻超過兩米高嘅藍色啤啤熊公仔歡迎我們 ！而望向右邊還以為自己到了冒險樂園一樣！竟然有籃球機 、打鼓機等等嘅電子遊戲機！睇清楚原來全部都只係餐廳嘅裝飾物！而枱櫈就係穿插喺呢啲遊戲機之間！未坐低已經不停拍照影相！真不愧為超多打卡點的韓式餐廳！坐下先點兩款餐廳馳名的菜式，就是大法芝士鐵板泡菜五花肉 和番茄韓式辣海鮮湯配中華麵 ！可能將餐枱唔大，當放下兩個鐵鍋加火爐之後，所淨位置不多！不能再點其他菜式！那麼我們便點了BBB刨冰啤酒水蜜桃味 和back to the childhood 來配中華麵和五花肉！兩杯都好好味，尤其是啤酒加水蜜桃沙冰真係好有特色！而脆脆的五花腩再加上濃濃的芝士吃起來口感豐富，肉汁四射！辣海鮮湯中的中華麵十分彈牙爽口 ，加上海鮮嘅鮮味食落好有特色！食完中華麵後，見湯底十分美味就再加上一個白飯 ，煮成茄汁粥更加徹底地享受到韓式茄汁湯的鮮味 ！最後再加一瓶超值的真露水蜜桃氣泡燒酒為呢個晚餐或上一個完美的句號！

來到U izakaya居酒屋，已經不是第一次來了，然而每次來都感覺係一間好浪漫嘅居酒屋，無論坐於露台上，又或者坐於室內，都有一種令人舒泰的感覺！可能就係這間居酒屋的特色！餐廳亦都好窩心地，為每日每位客人準備一些簡單的開胃菜！餐牌上的雞尾酒只有四款，我和朋友都各點了一杯雞尾酒！用來襯托這居酒屋的氣氛更加感覺溫馨！我們選的生蠔，來自西班牙、加拿大和美國，食落新鮮creamy，有濃烈的海水味和帶有少少的金屬味！由淡至濃味的食法，讓人有一種回味無窮的感覺！隨著而來的銀雪魚白子天婦羅，是季節限定！炸得外脆內軟多汁香滑，處理得剛剛好！點上醬油食起來特別濃郁！至於肉眼牛扒，五成熟處，理得剛剛恰到好處，梅納反應令肉面微脆，肉質淋滑，再加上濃濃的牛肉味！令人有齒頰留香的感覺！每次來這餐廳，都會令我有一種身心舒暢嘅感覺！

今天帶朋友來旺角，專程嚟試試一直想幫襯的神戶日韓放題店，上到兆萬中心8樓一開𨋢門就被四週的海盜王動畫相吸引！ 但見門口細細，入到去用餐地區卻相當闊大 ，全部卡位形式座位，坐得極之舒服！一貫嘅手機點餐，方便快捷！首先服務員已幫我們點了一個超級豐富嘅刺身拼盤 ！我當然自己都點咗四款心儀嘅刺身啦 ！再加上一啲炸物！朋友就急不急不及待地點咗一個壽喜燒 ！再去飲品櫃 選咗唔同嘅飲品同埋啤酒 ！盡興地享用唔同嘅食物，配合埋餐廳播放嘅勁歌，令人食得特別興奮！氣氛也特別開心！最尾就當然不少得各種嘅雪糕甜品！林林總總嘅甜品令我開始發覺自己真係有選擇嘅困難 ！但就真係食得極致盡興！果然係一間食得輕鬆愉快嘅日韓放題店！

喺元朗食過個late lunch，當然要選間坐得舒服食物水準高嘅食店啦！朋友介紹野川拉麵；見門面好吸引，好工業風 ！坐落座位舒適裝修吸引！ 雖然兩點過後，但還有午餐的特選拉麵 ，仲可以追加唔同嘅魚生，飲品等等！我和朋友選咗豬軟骨和叉燒拉麵，再改一個特濃豬骨湯底和佢出名嘅芝士辣湯底，當然要追加四款魚生啦！仲有炸年糕；而飲品方面我哋就揀咗corona加薑和apple cider加芒果沙冰！嘩嘩嘩！真係重要嘅嘢要講三次！所有食品和飲品都超吸睛！食落重超好味！叉燒特濃豬骨湯拉麵的湯底超濃鬱！香香嘅豬骨味實在超吸引，拉麵剛好不軟不硬，正合我嘅胃口，叉燒就做得好有水準 ！簡直好似去咗北海道食拉麵嘅感覺！而四款魚生就件件都超新鮮， 超鮮甜！而三文魚更是厚切， 簡直就係超值！而朋友嘅芝士辣湯豬軟骨烏冬；就連啲骨都煮到淋滑，直情好似豬筋一樣，烏冬就超彈牙 ！水準十分之高！炸年糕有流心芝士 ！超好味！而最吸精嘅就係兩杯飲品！將corona和apple cider倒插於大杯之中！原來corona加薑係超配合！ 變咗超好味！下次飲corona唔再需要加青檸了！而apple cider加芒果沙冰雖然有啲甜，但就好醒胃！而追加嘅網蝦卷和咖哩卷 ，亦都鬆脆爽口要嚟送啤酒真係不義之選！最後甜品方面，我們點了蘋果芝士蛋糕加綠茶雪糕配咖啡和奶茶！估不到咖啡入口香滑 ，隆隆嘅咖啡香味；原來係即磨炭燒咖啡豆！怪不得水準這麼高！而蘋果芝士蛋糕配綠茶雪糕，亦配合得很好 ，真多謝朋友推介嚟到呢間高水準嘅食店！

朋友介紹來到荃灣掌門雞食晚飯，店面裝潢吸引 ，掌門雞三個字亦都好有氣勢 ！進店後餐桌闊落舒適 ，餐牌色彩繽紛相當吸引， 選用手機落單十分方便；我當然點了我至愛嘅無骨海南雞加個油飯，再加上軟殼蟹沙律和青咖哩炸魚塊，飲品方便特別抵，有買一送一嘅corona啤酒！我當然唔會錯過啦 ！而朋友點嘅椰青亦都好清甜，連椰肉都可以挖出嚟食！超正！無骨海南雞除咗雞翼之外真係完全冇骨，咬落香滑，一啲都唔嚡！用嚟送油飯絕對係一絕！ 軟殼蟹有兩大隻，炸得乾爽脆口，冇油淋淋嘅感覺；連沙律一齊食清新得嚟又有濃濃嘅香脆和蟹味！ 青咖哩用咗唔同嘅蕃茄，青檸和矮瓜仔炮制，食落青甜，加上炸得脆脆嘅魚柳， 索滿青咖哩味！食落有不同嘅層次感，鬆脆香軟多汁 ！最後我哋點咗個香芒黑糯米飯和掌門雪糕做甜品！香芒鮮甜，椰汁香濃，再加埋煙韌嘅黑糯米，簡直就係絕配 ！而掌門雪糕嘅擺設實在靚到唔捨得食！紅豆糕表面脆脆入面淋滑再加上冰凍嘅朱古力雪糕同埋滑一滑嘅甜忌廉，令人有一種回味無窮嘅感覺 ！也正好為這個晚餐劃上一個完美嘅句號。

和朋友於元朗食晏，佢介紹十十川菜餐廳，坐落於yoho mall地下；門面幾吸引，有戶外座位亦都有室內座位；裝修所有特色，而午市套餐有十多樣款式可以選擇！我們就選了水煮牛肉米線和小竹筍五花腩套餐，再加豆漿和白桃烏龍茶，還有餐前小菜：麻辣魚皮和土豆絲，魚皮爽脆配麻辣味真係絕配，土豆絲小辣食落都爽口；水煮牛肉米線，份量相當大，牛肉淋滑，米線彈牙，是極佳之選！竹筍五花腩份量亦不少，竹筍爽脆，五花腩肥瘦均勻，兩樣一起吃十分滋味！熱豆漿尚算味道濃沃；白桃烏龍茶，茶香濃，加上白桃嘅香味，十分醒胃！

我和朋友唔嚟到長沙灣晚飯，他介紹長沙灣的葉公館，這餐廳比較特別，餐堂在一樓，地方尚算寬敞，好有舊式酒樓的風味和感覺，但坐落都比較寬敞舒適 ！還有預備好的前菜，麻辣雲耳！相當爽口麻辣很不錯 ！看見有新鮮嘅游水海鮮魚缸， 所以當然要點啲海鮮啦 ！所以我哋就點咗椒鹽瀨尿蝦，薑蔥魚雲煲和通菜牛肉，椒鹽瀨尿蝦來到好大碟，足足有十隻， 再加上魚雲煲亦都好香口惹味！所以我們都加了一支啤酒嚟餸香口嘅瀨尿蝦 ，而至於通菜牛肉亦都相當之淋滑 ；瀨尿蝦都幾大隻，亦都好多肉 ！肉質鮮甜！真係不二之選 ！魚雲煲和出面嘅有一些分別，炸得比較脆如果再腍淋就超正喇 ！最後仲有紅豆沙做甜品，紅豆沙煮得甜度適中而起沙，都有水準之上 ！