十十四川料理 (已結業)

和朋友於元朗食晏，佢介紹十十川菜餐廳，坐落於yoho mall地下；門面幾吸引，有戶外座位亦都有室內座位；裝修所有特色，而午市套餐有十多樣款式可以選擇！我們就選了水煮牛肉米線和小竹筍五花腩套餐，再加豆漿和白桃烏龍茶，還有餐前小菜：麻辣魚皮和土豆絲，魚皮爽脆配麻辣味真係絕配，土豆絲小辣食落都爽口；水煮牛肉米線，份量相當大，牛肉淋滑，米線彈牙，是極佳之選！竹筍五花腩份量亦不少，竹筍爽脆，五花腩肥瘦均勻，兩樣一起吃十分滋味！熱豆漿尚算味道濃沃；白桃烏龍茶，茶香濃，加上白桃嘅香味，十分醒胃！